الأحد، 17 مايو، 2015

اخر عبد يدخل الجنة - قصص واقعية

لمتابعة القصص الجديدة يوميا اضغط اعجبني ( like )


من الـ قصص اسلامية الرائعة وهي طبعا من ال قصص واقعية واكيدة ان شاء الله
آخر عبد هيدخل الجنة .. كان هيكون أصلًا في النار
من الموحدين بالله .. لكن أحاطت به خطيئته وسيئاته فكان من أهل النار
وهو في النار يدعو ربه مستغيثًا ويقول: "يارب، اخرجني من النار"
فيرد عليه الله، "أتسأل شيئًا يا ابن آدم بعدها؟"
يعني لو طلعتك من النار هتطلب حاجة تاني؟
فيقول العبد: "لا والله يارب، فيعطي ربه المواثيق فيخرجه"
يعني يعاهد ربنا إنه مش هيطلب حاجة تاني خالص
بعد ما يطلع من النار . يفضل يتفرج على أبواب الجنة
فيقول: "يارب، قربني من أبواب الجنة!"
يعني يارب مش عايز ادخلها بس قربني منها بس من جمالها

فيقول عز وجل: "أتسأل غيرها؟" يعني لو حققتلك طلبك مش هتطلب حاجة تاني؟"
فيقول العبد: "لا والله يارب، فيعطيه ربه المواثيق فيقربه"
فلما يبقى قدام ابواب الجنة .. يقعد يتفرج على نعيم الجنة
فيقول: "يارب، أدخلني الجنة"
فيقول الله عز وجل: "ويلك يا ابن آدم! ما أغدرك! أما أعطيتني العهود والمواثيق بأن لا تسالني شيئًا؟"
فيقول: "يارب، لا تجعلني أشقى خلقك"
فيدخله الله الجنة

فيقول له عز وجل: "تمنّ" .. يعني إتمنى
ويفضل العبد يتمنى .. وربنا يذكره بأمنياته .. حتى تنقطع به الأماني
يعني ميبقاش عنده أمنيات تاني عايز يحقها، فيعطيه الله عز وجل عشرة أمثال ما تمنى!
في الموقف ده النعيم الحقيقي لآخر عبد هيدخل الجنة ده .. إنه هيتكلم مع ربنا
وهيسمع ردود ربنا في أكتر من شيء.. ويعاهد ويخلف .. يعاهد ويخلف .. يعاهد ويخلف
وربنا يعديله ويغفرله ويسامحه .. بل ويحققله كمان اللي هو عايزه في الآخر
متعة الحديث اللي هيدور بينه وبين ربنا ورحمة ربنا بيه .. أعظم من دخول الجنة
اللهم اجعلنا من أهلك وخاصتك .. واجعلنا من اهل الجنة .. واكرمنا برؤية وجهك الكريم ..
  • Blogger Comments
  • Facebook Comments

0 التعليقات:

إرسال تعليق

تعليقك يحمسنا على استمرار نشر القصص

Item Reviewed: اخر عبد يدخل الجنة - قصص واقعية Rating: 5 Reviewed By: AHMED Channel