الثلاثاء، 19 يناير، 2016

قصة قدري اني احبك من قصص العبر الجميلة

لمتابعة القصص الجديدة يوميا اضغط اعجبني ( like )
قصة قدري اني احبك من قصص العبر الجميلة


(1)

القدر : سهم انضرب موجهه صعب يغير اتجاه وصعب يرجع تانى عن طريقه
حياتنا قدر .. مستقبلنا قدر ... ماضينا وحاضرنا قدر ... الحب قدر
قدر الحب لما بيصيب مش بتعرف تهرب منه ولا تتجاهله لانه بيواجههك بحبك مهما انكرت .. و هتقبله بكل حالاته سواء سعاده او الالم ..
قصتنا القدر هو المتحكم فى الاحداث فى بنوته نفسها تعيش قصه حب زى باباها فياترى هتعيش قصه حب زى باباها ولا قدرها هنا هيبقى غير قدر باباها
هنعرف
__________________________________
طبعآ زى مآ متعودين
اول حلقتين بيبقوا تعريف للقصة والشخصيآت اللى فيه
ورائيكم يهمنى سواء نقد او تشجيع
__________________________________

ابو فريده : ديدا اصحى بقى يلا الفطار جاهز
فريده مفيش صوت ومش ردت ع باباها فدخلها الاوضه
ابو فريده : يا ديدا اصحى بقى ..
وانتى عماله تزنى عليا انى اصحيكى بدرى علشان تنزلى الكليه تجيبى النتيجه شكلك كده شايله السنادى
قامت فريده منتوره من ع السرير : بابا متقولش كده انا نايمه وعماله احلم
بناس عمالين يقولولى انتى ساقطه يا ديدا ساقطه يا ديدا
باباها بيضحك: بيقولولك ف الحلم يا ديدا
فريده : ايون ماهما اصحابى وع طول بندلع بعض
باباها : صباح الفل يلا الفطار جاهز
فريده بتتمطع ع السرير : 5 دقايق وهكون معاك

خرج بابا فريده من الاوضه وفريده عماله تتمطع بصت ع موابيلها لقت رنات وماسج من رامى بصت لموبيل باابتسامه : صباح الفل يا روميو
قامت فريده واخدت دش ولبست وخرجت لباباها مجهز الفطار ع السفره
باباها: ايه يا ديدا كل دا الساعه قربت ع 10
فريده: ماانا هقابل اصحابى ع 11 كده قدامى وقت والكليه مش بعيد
باباها: يلا انا مجهزلك مكان الشهاده اختارى ف الصالون ولا تحت المرتبه
فريده : اظن احنا ف شتا فتحت المرتبه ادفى
ضحك باباها : ربنا يوفقك يا حبيببتى ويوفقك ف شغل مناسب ليكى
فريده : ماتكمل الدعوه ياعم الحج ولا عامل عليا تخفيض
باباها: لا يا حبيبتى الشغل اهم دلواقتى ف الزمن دا
وان شاء الله هتلاقى الانسان ال تحبيه ويحبك
فريده : يارب يا عمر افندى
باباها: يلا يابنت عمر افندى علشان مش تتاخرى
واعملى حسابك انا بكره واخد اجازه من الشغل علشان نزور مامتك
فريده تليفونها رن بصت عليه : اشطه اشوفك ليلا ومتتاخرش بره
يا عمر افندى لبنات يعاكسوك كده ولا كده ماما سايباك امانه فاهمنى
باباها: متقلقيش انتى الوحيده المتربعه جوه القلب
حضنت فريده باباها : ربنا يخليك ليا يا احلى اب ف الدنيا
لااله الاالله
ابو فريده: سيدنا محمد رسول الله
________________________________

نزلت فريده وراحت الكليه قعدت مع اصحابها وهى قاعده رامى وصل
فريده: صباح الفل يا روميو مالسه بدرى
رامى: صباح الورد يا ديدا ..والله انا لابس من بدرى
بس مقولكيش ع ال حصل نزلت لاقيت اربع كوتشات مريحين .. ابن البواب التيت ال عملهم انا عارف
فريده بتضحك: احسن احسن من اعمالك واخد العربيه تتمنظر بيها طول الوقت ع البنات
رامى بسهوكه: وهو انا ليا غيرك انا عينى مش شايفه غيرك
فريده : اها يبقى شكلك طالع بمواد مش صافى
رامى: متفوليش بقى انا بقالى سنتين ماشى كويس
فريده: طبعا من بعد ماعرفتنى ..داانت كنت جى متحول وانت اكبر واحد ف الدفعه يابنى ال ادك زمانهم خلصوا واتجوزوا وخلفوا
رامى: يا صباح التشريد يابنتى خلاص ال فات فات انا رامى بتاع انهارده
وبعدين كبرتينى اوى ليه كده دا الفرق 3 او 4 سنين
فريده بتضحك: ابقى قابلنى لو اتغيرت ..يلا هما قالوا النتيجه كمان ساعه يادوب نلحق
رامى : خليكى جدعه روحى شوفيها وتعالى قوليلى
فريده: يا حسره ع الرجاله .. وانا رجلك وسندك يا ديدا وبتاع
رامى: خلالالالاص انا رايح اهو الواحد ما بيتعقش من لسانك
ديدا لاحظت انه بيبص ع بنت معديه : والله ماانت نافع وهتتعلق
رامى ضحك: هتعلق تانى يا دايدا ماانا متعلق فى هواكى اهو
فريده: يحنن يا روميو روح اخر الممر بيع الكلام دا
رامى بيضحك: مصاحب واحد صاحبى فين الانوثه يا بت
فريده : الانوثه دى تلاقيها مع امينه شلبايه
رامى ضحك: يخرب عقلك انا رايح اهو استنى
فريده : هو انا هستناك داانت ممكن لو قطه معديه هتروح وراها
انا جايه اشوفها معاك علشان اطمن اكتر واشردلك صح
رامى : متتحوليش كده علشان فرصتك معايا هبيعك
فريده بتضحك: روميو يبع اى حد الا ديدا ولا ايه
رامى: يابت الايه ثبتينى صح يلا بينا

مشيت فريده مع رامى وشافوا النتيجه وهما الاتنين نجحوا صافى
رامى بفرحه: واخيرررررررررررا اتخرجت
فريده بتضحك: انت اخدت افراج مش اتخرجت
رامى : مش هحكيلك لانك عارفه ال بسمعه من بابا وماما
كل ما اسافرلهم والتسيحح ال بيحصل ومعايرتهم ليا انى حولت
من تجاره انجليش ل سياحه وفنادق
فريده : وليه يعنى هما سياحه وفنادق مش بنادمين ولا ايه
وبعدين مامتك وباباك اتكلموا ع المجمل يا روميو ال هو انت فاشل يا بيبى
رامى مخضوض: وجالك قلب تقوليها ف وشى كده هونت عليكى
فريده : احم احم خلاص كل ال بينا انتهى بيتك بيتك هنرش مايه
رامى : بيتك بيتك ... انا روميو اتهش زى الفراخ
فريده : ماهو دا مستواك تعشق عشش الفراخ
رامى : لو مربربين معنديش مانع
خبطته فريده : متلم نفسك والله ماانت نافع
اه وهتنفع ليه مدام ربنا مظبطتك بعيله مش محتاجه اى جهد
رامى: يخربيت قرك ال جايبنى ورا يابت ماهو انا هاخدك معايا
فريده: نعم ودا من ايه عاوز تقنعنى انى هشتغل فى الفندق ع طول
وانت قايلى ان انت نفسك هتشتغل بواسطه ابن خالتك مش لمميزاتك يعنى
رامى بيميل ع فريده : وانا وسطتك يا معلم وهتشوفى
فريده : هاهاهاا ان شاء الله
المهم سيبك من الرغى دا ال ف العلم الغيب خلينا نستمتع باللحظه المشرقه دى وانهاء الدراسه من حياتنا
رامى : صح دانا هزوط الزراويط
فريده باصتله جامد: هتعمل ايه
رامى : هنطلق انطلاقه كنت اتمناها من 3 سنين من ساعه ما جيت هنا
فريده بتضحك: فكرتنى بيوم ماجيت ومش فى حد كان طايقك
رامى: بجد مش كنت اعرف ليه كده
فريده : من تناكتك يا روميو كنت داخل الجامعه قرفان
رامى: ماهو انا قلتلتك دا كان عقاب بسبب سقوطى الكتير
بابا وجوز خالتى اتفقوا يرمونى هنا كعقاب بس بعد فتره اتظبطت
فريده : ودا لوحدك يعنى
رامى بيبتسم: هو انا كنت اقدر اعمل حاجه من غيرك يا بيبى
فريده : تيرارا رارا بلاش قلتلك
رامى بيضحك: لا بجد جدعنتك ووقوفك معايا ومساعدتك ليا انى اتأقلم
فرقت معايا كتير لدرجه هما اتغيروا انى يوميا بنزل الجامعه
فريده بتضحك: لو كانوا يعرفوا بتنزل ليه كانوا حطوك ف معتقل
كنت بتنزل تظبط ف البنات يا روميو
رامى : ماهو انتى ال قفلتى ف وشى الباب حتى اتعورت ف وشى اهو
فريده : انت عاوز قلم صح عاوزه جامد ولا سوفت
رامى : لا عاوز امشى اروح علشان اكلمهم وانطلق بليل
فريده : وانا يا دوب عندى انترفيو ف مكانين وهروح
رامى: انترفيو ايه شغل ؟
فريده: لا بفكر اعمل برنامج ف التليفزيون ..اه شغل انا مش عاوزه اقعد كده
رامى بينفخ: يا فريده اصبرى بس ااقل من شهر وهكلمك هكون ظبطتلك مكان معايا
فريده بتضحك: لما بقى هبقى اشوف وبعدين اى شغل محتاج خبره
وانا علشان الاقى فرصه كويسه لازم اكون اخدت خبره
وهجرب علشان اعرف مش هعتمد ع وسطات وانا ف بيتنا
عرفت تلاقيلى مكان معاك اشطه ملقتش يبقى عادى .. يلا سلام يا روميو
رامى: طيب استنى اوصلك
فريده: لا المكانين مش بعاد وبعدين صح متنساش ف عزومه اخر الاسبوع عمر افندى ال طابخ بنفسه داانتم امكم دعتلكم ف ليله القدر انكم هتاكلوا من ايد عمر افندى
رامى بيضحك: هو عمر افندى ال مصبرنى عليكى بجد .. واكيد راشق
فريده: ع تليفون بقى ومبروك يا روميو ع الافراج
رامى افتكر النتيجه ونجح : ايوه ايوووووه نجحت وخرجت وافررررراج

فريده بتضحك سابته ومشيت وهى ماشيه عملت كام مكالمه لصاحبها علشان العزومه
وراحت الانترفيو كان واحد فى مطعم وواحد فى كافيه قالولها هيبقوا يكلموها
وهى ماشيه تليفونها رن وكان باباها
فريده بسعاده: حبيب قلبى كنت لسه هكلمك
باباها: من صوتك عرفت انك نجحتى
فريده: عيب يا عمر افندى كنت شاكك
باباها: لا كنت متاكد انك مريحه يا قلب عمر افندى
فريده بتضحك: لينا بيت يلمنا ياعمر افندى
باباها: مبروك يا ديدا هديتك هتلاقيها اول ماتروحى البيت
فريده : عارفه ع المكتب جنب صورتنا مع ماما
باباها بيضحك: فكرتى اصحابك ع العزومه
فريده اها طبعا وفرحوا جدا وراشقين دول عالم جعانه
باباها: ينورونا .
فريده : عمر افندى انا ف الشارع وهركب ومروحه البيت
نستكمل حديثنا ورغينا لما ارجع ماهو انا فضيتلك
باباها: خلى بالك ع نفسك ..لااله الا الله
فريده: سيدنا محمد رسول الله

_________________________
قفلت فريده مع باباها وركبت وروحت البيت اول ما دخلت
..دخلت ع اوضتها علشان تشوف الهديه لاقتها فعلا ع مكتبها جنب صورتها مع باباها ومامتها وهى بيبى بسعاده مسكت فريده العلبه الملفوفه وفتحتها لاقت جواها سلسله من الدهب الابيض مطبوع عليها صوره مامتها
والناحيه التانيه هى وباباها ... فرحت بيها جدا ولاقت كارت مكتوب فيه
(مبروك ع النجاح والتخرج يا ديدا )
عمر افندى
حضنت الكارت فريده والسلسله وفرحانه جدا بيهم راحت دورت ع موابيلها اتصلت ع باباها
فريده : عمر افندى
باباها: عيون عمر افندى
فريده: بحبك بحبك بحببببببك يا احلى اب ف الدنيا
ياعمر فريده وروح فريده
باباها : يبقى عجبتك الهديه حبيتيها
فريده: انا بعشق ال جاب الهديه ربنا يخليك يا بابا ليا
باباها بنبره سعاده: ويخليكى ليا يا حبيبه بابا
فريده بسعاده: بمناسبه تخرجى دا وفرحتى بالهديه دى
العشا انهارده ع حسابى يعنى انا هعمله ونتعشى سوا وهستناك
باباها : امممممم يعنى الشيف ديدا هتعشينا اتفقنا
فريده : متتاخرش يا عمر افندى لتنام من غير عشا
باباها بيضحك: ان شاء الله ساعتين بالكتير اخلص ال فى ايدى واجيلك
فريده: تيجى بالسلامه ..لااله الا الله
باباها: سيدنا محمد رسول الله
قفلت فريده بسعاده من السلسله وحطيتها ف العلبه وسابتها ع المكتب
ومسكت الصوره وباستها وغيرت هدومها بسرعه وراحت ع المطبخ
تحضر العشا ... وف المعاد حست ب باباها لما رجع
فريده: عمر افندى انت جيت
باباها: ايوه يا ديدا
دخل باباها المطبخ : ايه الروايح دى
فريده بتناكه: دى ااقل حاجه عندى اعملها انت مشفتش الكبيره
باباها بيضحك: لا خلينا ف الصغيره الكبيره ف بيتك
فريده: عقبال ما تغير هدومها هيكون الاكل ع السفره لانى جعانه مووت
باباها : مش هتاخر
خرج باباها من المطبخ وبسرعه حضرت فريده الاكل ع السفره وقعدوا يتعشوا
فريده: ها ايه رائيك يا عمر افندى
باباها: اممممم مفيش كلام يتقال ع الاكل الجميل دا
دا كفايه ان ديدا ال عملااه
فريده بتضحك: يا رافع من معنوياتى يا عمر افندى
باباها : عجبتك الهديه
فريده بسعاده: اوى اوى اووووووى يا بابا
باباها: انا بقالى فتره كنت بفكر اجبلك ايه هديه لاقيت ان السلسله
انسب حاجه لفتره الجايه
فريده: مش فاهمه
باباها: يعنى يا دايدا هتشتغلى وهتنشغلى فحبيت انا ومامتك نكون معاكى دايما تحسى اننا معاكى ومش لوحدك ..مش عاوزك تخافى ولا تقلقى وانتى بعيده
فريده : فى ايه ياعمر افندى بعيده ايه دول هيبقى ساعتين الصبح وبليل والسهره معاك
باباها مسك ايديها: حتى لو نص ساعه مش عاوزك تحسى بالوحده
فريده: طول ماانت معايا استحاله احسها
باباها: حافظى عليها بقى
فريده باابتسامه: دى فى عينيا يا نور عنيا استنى ثوانى
قامت فريده تجيب السلسله من الاوضه ورجعت لباباها
فريده: لبسهالى يا عمر افندى انا مرضتش البسها الا بيك
باباها بيضحك: يعنى لو كنت طفشت ومش رجعت مش كنتى هتلبيسيها
فريده : ولا هقربلها وهى تحلى الا بيك
باباها فتح العلبه ومسك السلسله ولابسهالها
فريده: ها ايه رائيك
باباها : جميله عليكى يا ديدا مش تقعليها حافظى عليها
فريده : متقلقش فى اماااااااان
باباها وهى بياكل : عملتى ايه انهارده
فريده : روحت الانترفيو قالولى الاتنين هيبقوا يكلمونى
باباها: ان شاء الله خير واعسى ياعبد وانا اعسى معاك
ان شاء الله ربنا هيرزقك بالحاجه الحلوه الكويسه
فريده بتضحك: عارف رامى قفش عليا انى بدور ع شغل
وعاوزانى استنى لما يشتغل ف فندق جوز خالته ويشغلنى
باباها: ودا مش غلط يا ديدا رامى بيعزك اووى ومش عاوز تتبهدلى
فريده: اذا هو داخل بواسطه وبالعافيه علشان قريبهم
هيشغلونى انا يعنى .. لو ليا نصيب ف حاجه هاخدها
باباها : خير ان شاء الله ..الحمد الله
فريده: انت اكلت خلاص
باباها: لما بشوفك سعيده كده بشبع ع طول انا عندى مين غير ديدا
فريده باابتسامه: ياااااه يا عمر افندى انا عاوززه منك نسخه مصغره اتجوزه واجيب نسخه اصغر اربيه
واعمل سلسله عمر افندى لااحلى واجمل المشاعر
باباها: وينافس عمر افندى التجارى
فريده: تجارى مين الاحساس يكسب لانه شاحح
باباها : فقر يا فريده ربنا يسعدك يا حبيببتى
فريده: طول ماانت جنبى يا بابا
باباها: يلا نشيل الحاجه علشان تنامى وتصحى بدرى علشان مشورانا
فريده: بسرعه كده هشيلهم ادخل ارتاح ماهو انا فضيت لما اشتغل هنقسم الشغل تانى
باباها: ياااه هرتاح شويا
فريده: كوبايه الشاى بالنعناع هتكون ف اوضتك خلال 10 دقايق

قام باباها وكانت فريده بتلم الاكل وخلصت ال وراها ودخلت تنام لاقت رساله من رامى
فريده: يوووووه نسيتك خالص
مسكت الموبيل واتصلت ع رامى
فريده: مساء الورد يا روميو
رامى وقافش عليها: لا يا شيخه وفاكره دلواقتى
فريده: والله انشغلت بكذا حاجه
رامى: هى عادتك ولا تشتريها بتنفضيلى
فريده: انفضلك عيب يا روميو داانت روميو برضه
رامى: ثبتينى .. عملتى ايه انهارده
فريده اخدت نفس : عادى المتوقع هنبقى نتصل بيكى
ودا لان مفيش خبره مفيش لغه مفيش اى حاجه غير شهاده ولسه ممسكتهاش
رامى : احسن علشان قلتلك فكك وانا هظبطتك معايا
فريده بتضحك: رامى وحد الله ظبط نفسك وبعدين كلمنى
انت اصلا مش ضامن هتشتغل ولا لا
رامى بيضحك: لا ان شاء الله ورايح المقابله بعد بكره تيجى معايا تشوفى
فريده : اشوفك لايف يعنى
رامى : ايون علشان كمان تعرفى المكان ال هتجيى فيه تعملى المقابله ان شاء الله كمان اسبوعين
فريده: ايه الثقه دى
رامى: بصراحه هستنى لما شخص معين يسافر علشان بيسد كل حاجه
فريده بتضحك: يا خططك يا روميو
رامى : قولتى ايه
فريده: انا رايحه مع بابا نزور ماما بكره لو رجعت وحسيت انى تمام
هروح معاك واصلا فى مطعم جديد عاوز ناس هروح اشوف
رامى : خلاص هكلمك بليل
فريده: قولى صح طنط وعمو عملو ايه
رامى بيضحك: مقولكيش دول كانوا هينطوا ف التليفون ويجوا
مش مصدقين انى نجحت وخلصت
فريده بتضحك: والله عذراهم يابنى
رامى: حتى انتى يا بروتس
فريده: سلام يا ريتشارد عاوزه انام
رامى: احلمى بيا ها انا اخر حد هكلمك
فريده: لا عمر افندى بينادى هو هيبقى اخر صوت
رامى: لا عمر افندى دا مش يجوزلك انا اجوزلك واجوز لاااهلك بس توفقى
فريده بتضحك: وكنا مع الفاصل اليلى لتهييس امشى يا واد
رامى بيضحك: بكره تندم يا جميل
فريده : لا بكره مش فاضيه يلا سلام
رامى: تصبحى ع خير
فريده: وانت من اهله
_________________________
قفلت فريده ولسه هتخرج لاقت باب اوضتها بيخبط
فريده: ادخل ياعمر افندى انا صاحيه
باباها: انا كنت داخل اتوضى واصلى ركعتين ليل لاقت النور فقلت تلاقيكى نمتى كالعاده وهو شغال
فريده بتضحك : وتتاكد انا متغطيه كويس وقافله الشباك كويس ودفيانه ولا لا
باباها بيضحك: انتى بتسمعى شطوره
فريده: انا كنت بكلم روميو وهنام اهو
باباها: يلا تصبحى ع خير
فريده وانتى من اهله
نامت فريده وهى ماسكه السلسله ال فيها الصور بايدها وحضناها ونامت وابتسامه ع وشها
_____________________________
تانى يوم الصبح صحيت بدرى لابست وجهزت وخرجت لاقت باباها صاحى ومستنيها
فريده: صباح الفل يا عمر افندى
باباها: صبا الورد المشوار الوحيد ال بتصحيله بدرى
فريده: والله مش عارفه من غير ظبط تليفونات بصحى وببقى فايقه
بصراحه وحشتنى اووووى بقالى شهرين مروحتش وحاسه انها زعلانه
باباها :طيب يلا بينا
نزلت فريده مع باباها وركبت العربيه معاه ووصلوا لمقابر عيلتهم
دخلت فريده وباباها قروا الفاتحه ووقفت فريده تتكلم مع مامتها
وخرج باباها علشان تبقى براحتها وقف بره
فريده : ماما وحشتينى اوى ..انا جيت اقولك انى خلاص اتخرجت
وبدور ع شغل وان شاء الله هلاقى حاجه كويسه ..انا كويسه الحمد الله
طول ما عمر افندى معايا مش ناقصنى غير وجودك وانا عارفه انك مطمنه علشان هو معايا
مسكت فريده السلسله ف رقبتها : عاوزه اوريكى السلسله ال بابا جبهالى هديه تخرجى حلوه مش كده .. عجبتنى اوى حاطط صورتك وصورتى معاه بيقولى علشان مش احس بالوحده لو بعدت عنه وعنك ... ماما وصى عمر افندى عليا بلاش يقلقنى عليه ..لالا هو كويس متقلقيش بس بيسهر كتير ..مش هسيبه وهخلى بالى منه..انا عارفه انتى اد ايه حبيتى بابا وعملتى فراغ كبير فى البيت اتمنى يا ماما اقابل شخص زى عمر افندى كده ...
انا حبيت اطمنك عليا ..وهبقى اجيلك تانى قريب ابشرك بالشغل الجديد
سلام يا ماما هتوحشينى
خرجت فريده وبتمسح دموعها لباباها
فريده: دورك يا عمر افندى
دخل باباها : ازيك يا امل وحشتينى انا الحمد الله كويس .. منتظم ع العلاج والحمد الله .. شوفتى ديدا بقت عروسه ازاى اتخرجت ومش ناقص ان ربنا يرزقها بابن الحلال ال يستاهلها ..... لالالا متقلقيش يا امل انا مش هجوز فريده لااى حد ..هتاكد انها بتحبه وهو بيحبها اكتر
مش هكرر ال حصل تانى وعد وعدتهولك وعايش علشانه
خلص باباها كلام وخرج وبص لفريده : انهارده الغدا بره يلا خلى الميزانيه تشحور
فريده باابتسامه: وعد عليا اول مرتب اعزمك بره بس تيجى الوظيفه ياعمر افندى
باباها: هتيجى وهتبقى فتحه خير عليكى
ومشيوا فريده وباباها راحوا اتغدوا ف مطعم وبعدين رجعوا البيت فريده دخلت اوضتها تنام شويا
وباباها دخل اوضته يرتاح شويا
______________________________
نامت فريده شويا وقلقت من تليفون رامى
فريده بقريفه: يابنى اعتقنى فى يوم بتطلعى زى العفريت ليه كده
رامى: الساعه 10 وانتى ولا اتصلتى ولا بعتى اى حاجه هنجم انا
فريده: بالعقل كده يا نايمه يا نايمه من مشوار السفر الصبح دا
رامى بخجل: سورى يا ديدا اصلك بتوحشينى اعمل ايه انا
|فريده: رامى مش وقتك خالص
رامى : انا قلقت بصراحه وكنت عاوز ااكد عليكى مشوار بكره
فريده تايهه: مشوار ايه
رامى: لا صحصحى وكلمينى يا حاجه
فريده : ادينى ربع ولا اقولك نص ولا اقولك هفوق واكلمك اشطه
رامى: اشطه هستناكى يا ديدا وغلاوه عمر افندى ما تنفضى
فريده: لا متقلقش يلا سلام
قفلت فريده وحست ان البيت هادى جدااا خرجت من اوضتها داخله الحمام
اخدت دش تفوق وعلشان تصلى بصت ع اوضه باباها شافت النور فيه خبطت ودخلت لاقت باباها قاعد وقدامه صندوق هى مسمياه صندوق الذكريات
ومشغل اغانى قديمه لااام كلثوم
فريده: يا عينى ع الانسجام والروقان
باباها بصلها باابتسامه: صحيتى يا ديدا عاوزه تتعشى نحضر العشا
فريده: لا مليش نفس لو جعت هعملى اى سندوتش
باباها: انا لاقيتك اتاخرتى ف النوم عملت سندوتشين علشان العلاج
فريده : الف هنا يبقى نضرب كوبايتين شاى بنعناع مع بعض
باباها : تمام
فريده: خليك زى ماانت المرادى هنجيب الشاى ونشربه ف الصومعه الذكريات دى
باباها: مستنيكى
خرجت فريده عملت الشاى ورجعت قعدت جنب باباها
فريده: يا ذكرياتك يا عمر افندى
باباها: الواحد من غير ماضى ملوش مستقبل
فريده: لما روحت لماما افتكرتها
باباها: وانا من امتى نسيتها
فريده: بتحبها
باباها: معملتش حاجه تخلينى اكرهها
فريده مسكت صوره ابيض واسود لباباها مع واحده : بس حبيتها
بصراحه تستاهل كانت زى القمر
باباها : كانت اجمل واحده فى منطقتنا شباب الحى بيتخانق عليها
فريده باابتسامه: ماهو الجميل مش بيختار غير الجميل زيه ياعمر افندى
انا هاخد الصوره دى معايا ممكن
باباها بيضحك: ليه يعنى
فريده: بحس لما اشوفها بالاطمئنان كده بشوفها بشوف سعادتك
ونظرتك لصوره ... بحس نقاء الحب بينكم
باباها: وهتحافظى عليها
فريده : فى عينى ياعمر افندى فريده هتحافظ ع صوره فريده
بس من شككم اختياركم لبعض متوافق اوى تحس انكم لبعض
باباها اتنهد :وياريت الاختيار كان لصالحنا الا انه قلب علينا
فريده : انت حكتلى ان باباها ال رفض
باباها بيحكلها: باباها واخوها رفضوا علشان انا لسه كنت متخرج
ومفيش مستقبل والسكن ف شقه مع امى كان مرفوض وامكانياتى مش كانت سامحه هى كانت موافقه لكن رفضهم هو ال بعدنا عن بعض
اختيارنا كان غير اختيار القدر والقدر فرق بينا
فريده مركزه وببابتسامه: لكن كل واحد عاش حياته بعيد عن التانى
باباها بتنهيده: مش كل ال بيتنفس بيبقى عايش فى ارواح فارقه جسد عايش
فريده: بالرغم كده معرفتش تحب تانى
باباها اتنهد : العشره عودتنى والعشره نوع من انواع الحب
فريده بصه لباباها اوى : انت مش كنت سعيد
باباها : بجد يا فريده مش عارف غلطتى ولا تعويض ربنا لل حصلى
غلطتى انى اتجوزت انسانه مفهاش ولا غلطه ولا عيب وبتحبنى وتقدرنى وانا اهم مافى حياتها وبالرغم من كده معرفتش ابادلها احساسى دا وكنت حاسس انى ظالمها بالرغم انى مش كنت مقصر وراضيها ولما القدر رصالحنى بيكى حسيت بانه بيصالحنى
فريده: بس ماما عمرها ما اشتكت مسمعتش من حد انها كانت حزينه ولا زعلانه
باباها: بالعكس ودا ال كان بيضايقنى انها بتيجى ع سعادتها وحياتها علشانى
وافقت تعيش مع شخص مش يبادلها احساسه وانه بيحب واحده تانيه ..بالرغم من انى وقت ما اتقفل باب عليا وع امل ال فات كله اتقفل عليه بقفل ورميت مفتاحه وعشت ... ال فى قلبى خليته ليا وعشت مع مامتك وفعلا ولا اشتكت ولا حسستنى بحاجه ودايما تقولى مهم عندى اشوفك مرتاح
فريده: وقدرت تعيش وتنسى
باباها: قدرت اعيش واتأقلم ..سهم قدرى انضرب ولازم ارضى
فريده : وماما
باباها: اجمل هديه ليا ولااسف مش كنت عارف اقدرها صح
لغايه ما جبتلى اجمل هديه ديدا حبيبه قلبى
فريده: بجد يا بابا هى مش اعترضت ع الاسم بتاعى لما اتولدت
انا عارفه ان ماما اتوفت بعد ما ولدتنى ب5 شهور
باباها: هى ال صممت ع الاسم مش انا بالعكس انا كنت هختار اى اسم
هى ال لاقتها بتقول يوم ما ولدتك وروحت المستشفى بتقولى شيل بنتنا فريده يا عمر انا استغربت وف نفس الوقت كنت فرحان
فريده : ماما كانت انسانه عظيمه مراعيه لشعور غيرها عن نفسها
باباها: بكتير اكتر ما تتخيلى مامتك اثبتتلى ان ال بيحب حد بيضحى بنفسه علشان سعاده التانى وبيظلم نفسه ودا اسوء مافى الحب من طرف واحد ..
بالرغم انه كان خطر انها تحمل لكن صممت وكملت الحمل علشان تسعدنى وربنا رزقنى بيكى
فريده بتحاول تمسح دموعها وتغير مود الحزن ال ساد المكان:
قطعتلك وصله الذكريات يا عمر افندى
باباها بيشاور ع قلبه : عمر الذكريات ما بتتقطع طول ماهى عايشه هنا
فريده : هسيبك مع ذكرياتك وهقوم اشوف الحاضر ال خانقنى رنات ومش عارفه اقعد
خرجت فريده وقفلت الباب ومسحت دموعها وبصت ع الاوضه وانها اد ايه فخوره ب باباها ومامتها وانها عايشه ف نعمه كبيره تليفونها رن وكان رامى
رامى: الساعه 1 بعد نص اليل هتكلمينى امتى ان شاء الله
فريده: كنت قاعده مع عمر افندى ونسيت نفسى
رامى: لا كده هتخانق معاه كل ما تقعدى معاه تنسى نفسك
فريده: عمر افندى ياخد ال هو عاوزه ونديله كماله كمان
رامى : يا بختك يا عمر افندى ..بس صوتك ماله انتى بتعيطى
فريده: لا ابدا
رامى: مالك يا ديدا
فريده: فى حد يحب حد لدرجه انه يضحى بنفسه علشانه وعارف انه مش بيحبه نفس الحب وال بيحبه عايش بحب شخص تانى مش موجود
رامى : لا اشرحى
فريده: لا متركزش معايا ..عارفاك هتتريق
رامى: عيب عليكى
فريده: لا عيب عليك انت الوقت متاخر هنحب ف بعض ولا ايه
رامى بيضحك: وماله مش عيب مش عدت الساعه 12
هذا وقت الحبيببه
فريده: عندك نجوم اف ام حب فيها يلا عاوزه انام
رامى: متزقيش... نتقابل بكره الساعه 10 ف الميدان هاجى اخدك
فريده: لا قولى فين وانا هجيلك
رامى : هبعتلك رساله بالعنوان تمام وع تليفون بكره
فريده : ان شاء الله تصبح ع خير
رامى: تصبحى وانتى
فريده بقفش: وانا ايه
رامى: من اهل الجيران
فريده بتضحك: يا خفه يلا سلام
قفلت فريده وهى بتضحك وف نفس الوقت سرحت ف كلامها مع باباها ونامت
_____________________
تانى يوم الصبح صحيت فريده اخدت دش ولبست ونزلت ع المعاد وكانت مستنيه رامى بره الفندق فى المعادى ال هيحصل فيه الانترفيو وهى واقفه وسانده ع عربيه حاطه الهاند فرى ف ودنها مستنياه مره واحده العربيه اتحرك من غير انذار ووقعت فريده ع الارض .....
فريده: اىى
بصت فريده لعربيه لاقتها واقفه وال فيها منزلش فقامت تعدل نفسها
فريده : مش تنبه يا استاذ انت ولا واقف تتفرج عليا
صحيح عالم معندهاش دم وقعنى وواقف يتفرج
بعد ما وقفت فريده وباين انها كويسه العربيه اتحركت ومشيت فى اللحظه دى رامى خرج وشاف فريده كف ايدها اتعور من الوقعه ووشها متغير
رامى مخضوض: ايه دا يا ديدا ايه حصل
فريده بعصبيه: واحد معندوش دم كنت سانده ع عربيته من غير انذار اتحرك ووقعت اناوكانت الاغانى صوتها عالى مسمعتش صوت العربيه لاقيت نفسى ع الارض
رامى : فين الحيوان دا
فريده بعصبيه: مشى وقف يتفرج عليا شويا ومشى جته القرف قفلنى ع اول اليوم
رامى: طيب بس متضايقيش نفسك انتى ف حاجه وجعاكى طيب
فريده : لا الحمد الله
رامى شاف ايدها المتعوره : ايه دا تعالى نروح الصيداليه يشوفلك الجرح دا
فريده باصه اتجاه العربيه ال مشيت : يارب كوتش العربيه الاربعه يريحوا منه فى منطقه مش فيها حد يعملهاش
رامى ضحك : يخرب عقلك ليه الاذى دا
فريده: علشان واضح انه مستهتر وتنك مهنش عليه ينزل يبص يطمن عليا حتى يعنى لو دراعى اتكسر ولا ركبتى كان هسبنى ويجرى حب يطمن بس
رامى: الحمد الله انها جت ع كده تعالى بس نروح الصيداليه ونقعد نشرب اى حاجه ف كافيه
فريده : بس ابن الايه فصلنى كان فى واحد حاطط برفان جاامد عدى من جنبى اول مره اشمه ..فصلنى يلا
رامى بيضحك: انتى زعلانه علشان فصلك من البرفان يلا يا فقر
راحوا الصيداليه وكان الجرح بسيط عباره عن خدش وراحو ع كافيه
رامى: حاسه بحاجه بتوجعك قوليلى عاشان لو محتاجه دكتور
فريده: لا متقلقش انا كويسه بس متغاظه من البنادمين ال زى الاخ ال عمل كده قادرين يعيشوا ازاى بين الناس
رامى بيضحك: يا بينتى احمدى ربنا ان دا شخص غريب مش قريبك كنت هتولعى ف نفسك زى ماانا عاوز اعمل ومش عارف
فريده: ليه مش عارف مش معاك حق البنزين ولا الكبريت اسلفهوملك
رامى: يا رخمتك وهتقدرى تعيشى من غيرى يا بيبى
فريده بتضحك: ع اساس انك اول معرفتك مش كنت عايشه وبموت
رامى : يخربيت برود يا بنتى حسسينى برقه وانوثه كده محسسانى انى قاعد مع صاحبى
فريده: دلواقتى مش بقت عاجبه داانا من شويا كنت بتقولى يا بيبى
رامى : لا انتى غريبه اوى ف لبس وتصرفات ولد ع بنت بس بصراحه كده احسن بكتير
فريده بسهوكه: اصل يا بيبى مليش ف السهوكه
رامى تنح: اموت انا فى بيبى ال طالعه منك دى
فريده رجعت لطبيعتها: عيل تافه صحيح
قولى هتسافر لااهلك زى كل سنه ولا هتعمل ايه
رامى: ماهو انا مسافر بكره الصبح هروح ادى تمام لسيد الوالد وارجع استلم الشغل
فريده: هتوحشنى يا روميو
رامى: مش هتاخر يا بيبى ااقل من اسبوع لان اصلا العيله دى مستحملها بالعافيه..ماانتى عارفه
فريده بتضحك: يخرب عقلك بس ايه شغل ع طول دا مش هتشوف الجيش ولا ايه
رامى: اشوف ليه وانا عندى واسطه متدخلنيش اصلا الجيش
فريده: اه ياعم الوسايط عايش حياتك بالواسطه
رامى : لا ماهظبطك معايا متقلقيش بس فى واحد عاوزه يختفى ويرجع
فريده : انت بتكلم نفسك ولا ايه
رامى: لا يابنتى حظى المنيل هشتغل مع ابن خالتى او معنى اصح هشتغل عنده وهو شخصيه لا تطاق برود وعجرفه عملى ذياده ع اللزوم .. نسى يعنى ايه ضحك او متهيالى ميعرفوش اصلا .. ولحظى الجميل انه ماسك شغل ال ف مصر نيابه عن والده والاتنين تحسى كاربون
فريده بتضحك: مالك يا روميو حساك عاوز ترجع وانت بتتكلم من كميه الارف ال فى وشك
رامى بيضحك: يابنتى دى عيله غريبه انا مش عارفه انا ابنهم ازاى
المهم انا لما هرجع واستلم شغلى هظبتلك سكه واجيبك معايا
فريده: وابن خالتك
رامى : ولا هيعرف حاجه داانا روميو
ضحكت فريده وهى بتعدل هدومها لامست السلسله
رامى: ايه السلسه الجامده دى اول مره اشوفها
فريده باابتسامه ع وشها : دا عمر افندى جبهالى هديه تخرجى ونجاحى
استنى بص حوا دى ماما ودى ..
رامى: عمر افندى طبعا ومزته ...
باباكى ف شبه من حد شفته قبل كده بس مش متذكر فين
ضحكت فريده : يخرب عقلك .. هتشوفه فين
طبعا عندى ف البيت ..ومفيش شبه هو عمر افندى واحد
بس يا رامى انا مبسوطه بالسلسله دى جداا
رامى: يا بختك ب ابوكى يا فريده مفيش ابهات كده
فريده: دا مش ابويا دا صاحبى واخويا ومامتى وحبيبى
بجد مالى حياتى لدرجه انى ف صلاتى بدعى ربنا يخلهولى ومش عاوزه حاجه تانيه
رامى: يعنى انتى مش هتتجوزى وتسبيه
فريده بسرعه: اسيبه ليه وانا اساسا محبتش فى عمرهم غيره وشرطى ان ال هتجوزه يكون نسخه من عمر افندى ف حنيته وطيبه ودفئه واحتواءه
رامى باابتسامه: يا بخته بيكى ويا بختك بيه بجد يا حظه ال تحبيه
انا عاوز دروس عند عمر افندى علشان احجز اول صف العرسان
فريده : هتسقط يافاشل لان مفيش وسايط
رامى : دايما كبسانى كده
فريده بصت ع الساعه : لقد حان وقت المغادره .. بس كده العزومه هاخرها اسبوع علشانك
رامى: مش مهم انا عاوز اجى لوحدى
فريده بتضحك: ايه هتخطبنى
رامى: ولسه هخطب هجيب مأذون ع طول
ضحك فريده: لا هظبط العزومه لما ترجع العيال عاوزين يشوفك ونتلم كلنا
دا عمايل عمر افندى تليفونات بقى لما تسافر وترجع
رامى : اشطه يلا هوصلك واروح البيت
ورجعت فريده البيت ودخلت تنام وباباها رجع لاقاها نايمه مرضاش يقلقها
____________________

تانى يوم فريده فضلت نايمه وباباها صحى بدرى ونزل وهى قامت براحتها من النوم ووفى وسط اليوم رامى بعتلها رساله ع الواتس انه وصل
فريده قعدت تتفرج ع التليفون بعد ما خلصت شغل البيت
وكل ما تتخبط ف التعويره تفتكر ال حصلها امبارح وتتغاظ وباباها كان رجع من بره
فريده : حمد الله ع السلامه ياعمر افندى
باباها: الله يسلمك يا حبيببتى
قامت فريده لاحظ باباها البلاستر ال فى ايديها
باباها وهو مخضوض: ايه دا يا فريده ايه حصل
فريده : لالا متقلقش دا خدش بسيط كده انت عارف بينتك ابنه الحوادث
باباها: يعنى ملحقتيش تنزلى شغل من مشاوير كده
فريده افتكرت الموقف وكانت متغاظه : نصيبى بقى وكل واحد هياخد ع اد نيته
باباها:انا امبارح دخلت اطمن عليكى لاقيتك نايمه مرضتش اقلقك
مكنتش اعرف انك متعوره كده طيب انتى كويسه مفيش حاجه بتوجعك
فريده باابتسامه: لا متقلقش انا كويسه اهو
باباها: طيب 10 دقايق والغدا هيتحضر
فريده: ودا يصح انت عقبال ما تغير هتلاقيه ع السفره
دخلت فريده المطبخ تحضر الغدا موابيلها رن من رقم غريب
فريده : الو
المتصل: انسه فريده عمر
فريده: ايوه انا
المتصل: حضرتك معاكى مكتب الاستعلام من مطعم اللوتس
حضرتك كنتى جيتى انترفيو لوظيفه ويتر واحنا بنكلمك نعرفك انك تجهزى ورقك وتيجى علشان تستلمى الشغل هنستاكى يوم الاربع
فريده من بعد ما كانت مضايقه من ال حصل طارت من السعاده: ان شاء الله يافندم هكون جهزت كل حاجه
قفلت فريده ومن سعادتها: عمر افندى ياعمر افندى
باباها خرج مخضوض من الصوت: فى ايه يا ديدا
فريده: بنتك هتبقى موظفه خلاص وهشتغل وهقبض مرتب وهنطلق ف الحياه العمليه
باباها بيضحك: خضيتينى يا شيخه بس ايه السعاده دى علشان الشغل يعنى
فريده: لا يابابا الفكره انى هشتغل بجد من غير واسطه ولا بتاع
يعنى هتبث نفسى بنفسى وفرحانه بجد انى اتقبلت بسرعه كده
باباها: علشان يا ديدا انتى بنت كويسه تستهلى كل خير
فريده بسعاده: وعلشان الخبر الجامد دا انا مش هغديك من البيت هطلب الاكل من بره ع حسابى
باباها: ايه البذخ دا طيب خلى الواجب دا عليا
فريده : لولا انك حلفت خلاص الغدا عليك والشاى والحلويات عليا
باباها : اتفقنا
راحت فريده اتصلت وطلبت غدا من بره وحلويات من بره
واتغدت هى وباباها وخلصوا غدا وقعدوا يتفرجوا ع التليفزيون مع بعض
ودايما منتعودين يتفرجوا ع افلام ابيض واسود كنوع من كلاسيكيات والفن الراقى النضيف
فريده: ياسلام ياعمر افندى افلام زمان دى ميتزهقش منها
باباها: فعلا قصص تحفه واداء ممثلين كمان
فريده: لا واحساسهم بالحب والمشاعر تصدقهم بجد ..حب زمان دا مفيش زيه
باباها بيضحك: حب زمان ايه.. الحب ملوش زمن ..الحب محتاج توقيت صح واشخاص صح علشان يبقى صح ..زمان الاختيار مش كان عشوائى وارضاء رغبه وشهوه كان ارضاء احساس واحتياج ..طول ماانتى حاسه بااحتياجك لطرف التانى وهو كمان حاسس بكده هتلاقوا الحب جامعكم
فريده: مش كان فى انانيه زى ال موجوده دلواقتى الواحد لما يرتبط بالواحد او العكس بيتقل ويبقى بارد كده والعلاقه بتموت بسرعه اسرع من بدءت وغير ال بيتسلى وال بيقضى وقت فراغ
باباها: دا علشان ال بتحكى عليهم مش عارفين معنى الحب ايه او معنى اصح الحب يتعاش ازاى مش فكره انى اعجب بفلان يبقى خلاص اموت لو مش معايا او انا ارتبطت بفلان خلاص الحب خلص ....لا الحب بيتعاش بلحظاته ودقايقه ..الحب حياه لل عاوز يعيش وموت لل مش عارف يعيشه وبيخسره ...الحب اكتشاف مش وصفه
فريده موابيلها رن بصت لاقتها رساله من رامى
(وحشتينى )
____________________________________


(2)

فريده موابيلها رن بصت لاقتها رساله من رامى
(وحشتينى )
بصت فريده لرساله باابتسامه وقالت مش وقتك يا رامى
وكملت كلامها مع باباها
فريده: وانت ياعمر افندى عشت ولا موت
باباها: الاتنين بس عشت اكتر
فريده : لا ازاى يعنى
باباها: عشت مع اول احساس ودقه قلب ومشاعرى لما اتوجهت لااانسانه اتاكدت ان قلبى معاها وموت لما مامتك سابتنا وراحت ولا قدرت اعوضها جزء من حبها ليا بس ربنا كريم رزقى بااحلى بنوته لاقيت فيها الماضى ومستقبلى
فريده: متكسفنيش بقى ياعمر افندى
باباها: ديدا انتى اكتر من بنتى بجد الحياه ال عايشها من غيرك صعبه
فريده: وانت ياعمر افندى حبى الاول وابويا واخويا وصاحبى ودنيتى ربنا يخليك ليا
باباها: انتى امانه عندى ومش هسلمها لااى حد غير لما اتاكد انه بيحبك اكتر وانتى كمان بتحبيه
فريده: صعب اوى يحصل
باباها: ليه
فريده: علشان عمر افندى مفيش منه اتنين انا شايفه واحد ال موجود
باباها بيضحك: يا ديدا لما يدق قلبك هو ال هيقول وهتلاقى ال يسعدك وتحبيه ويحبك ويحافظ عليكى وانا عارف انك مش هتتسرعى ف اختيارك
فريده: اتسرع وانت موجود ياعمر افندى دا قبل ما اقول حرف التقرير يكون عندك بس لما يجى وقتها
باباها: كل شئ ليه اوان وكله مقدر ومكتوب وان شاء الله تعيشى احسن من ال عيشنا يا فريده
لاحظت دموع ف عين باباها : ايه ياعمر افندى قلبتها دراما ليه مكنا رومانسيين من شويا
بقولك بقى هتاكل العيال الجعانه ايه
ولسه بتكمل كلام لاقت موبيلها رن وكان رامى من رقمه الدولى
فريده بسعاده:روميو
رامى: وحشتينى
فريده بتضحك : يا واد بطل بكش دا لسه مش عدى 24 ساعه
رامى: لا والله يا ديدا لما جيت حاسس انى لوحدى ومفتقدك اوى
زى الطفل ال بيبعد عن امه ويروح لاابوه ومرات ابوه وبعدين ابعتلك وحشتينى تنفضيلى
فريده بتضحك : ماهو انت بتدخل ف اوقات غلط .. وبعدين يخرب عقلك ايه التشبهات دى يعنى انا مامتك
رامى: انتى ماما انتى بابا انتى انور وجدى
فريده : نأسف ع هذا المشهد الغير لائق اقفل يلا
رامى : خلاص اسف ياستى متاسفين يا جمهور احنا اسفين يا صلاح
فريده : وصلت امتى
رامى: لسه من ساعتين رجعت البيت لاقيت ماما وقلت الحمد الله
حضرتلى الاكل واكلت وعرفت ان الحج زمانه جى فقلتلها انا هخلع انام ولما اصحى ابقى اقعد معاه
فريده: يارب يقفشك
رامى: لا ميعملهاش هو ابويا ورخم بس حنين ال بيلاقيه نايم مش بيصحيه
وانتى عملتى ايه من غيرى الككام ساعه دول وايدك لسه بتوجعك
فريده بتبص ع باباها : كنت قاعده مع عمر افندى قاعده رومانسيه وعاملين دماغ عاليه جيت انت فصلتنا
رامى : ياسيدى يا سيدى عاجى معاكو ..ما تخلى عمر افندى يتبنانى فتره وجودى ف مصر وياخد ثواب
فريده: ثواب مين دا ال يعرفك بيبقى تكفير ذنوب
نسيت اقولك صح خبر جامددددد جدااا
رامى لاحظ من صوتها فرحانه : اشجينى يا بيبى
فريده : روميو ..انا اتقبلت ف مطعم اللوتس وهنزل الاسبوع الجى
هبقى ويتر اد الدنيا
رامى : ايه السعاده ال فيكى دى محسسانى انك هتنزلى مديره
فريده : خريجه سياحه وفنادق ولا خبره ولا شهاده لغات تشتغل ايه صاحب محلات ماكدوزنلز
رامى: والله ما كتير عليكى
فريده: بس بجد انا مبسوطه جداااا يا روميو
رامى: برضه استعجلتى وهتنزلى ماشى لما انزل مصر هتشوفى
دخلت مامت رامى الاوضه لما سمعت صوت رامى
مامته: رامى انت لسه منمتش
رامى: لا لسه بعمل مكالمه وهنام ع طول
مامته: لا باباك رجع من بره اخرج اقعد معاه شويا وبعدين نام براحتك
رامى: قوليله نايم وخلاص
مامته بصتله اووى : اقوله نايم وهو سامع صوتك ايه صاحى بتتكلم مع نفسه بقى عندك خاصيه جديده احنا منعرفهاش
رامى : خلاص خلاص يا منوله هخرج وراكى
مامته: رامى متتاخرش
رامى: امااااااان
رجع لتليفون كان معلق فريده وهو بيكلم مامته
رامى: سورى يا ديدا ع الفاصل
فريده: لا ولا يهمك اخرج انت يلا وابقى طمنى وكلمنى ع الواتس مش لازم تكلف نفسك دولى
انت لسه مشتغلتش ولا كله ع حساب بابا
رامى : كله من تعبى وشقيا وسمسرتى ف الفلوس ههههههه
فريده : طيب يلا اقفل وابقى طمنى عليك
رامى: ان شاء الله
رامى: فريده متنسيش تخلى بالك ع نفسك ومن حوادثك
فريده: سيبها ع الله
وقفلت فريده مع رامى وباباها شايف ابتسامه ع وش فريده
باباها: بتعزى رامى اوى اكتر واحد من زمايلك
فريده: جداا يا بابا لاقيت فيه الاخ والصديق ال بجد وبصراحه احنا معوضين بعض ع النواقص ال موجوده يعنى هو مش ليه اصحاب مقربين غيرى وانا نفس الفكره وهو انسان كويس اوى من جوه ربنا يوفقه ويكرمه
باباها بيغمز ليها: يعنى كده بس
فريده لاحظت تلميح باباها: ياعمر افندى انا مش محتاجه غمز علشان اقولك حاجه ولو ف حاجه مش هستناك تسئلنى او تلمحلى هتلاقينى جيت قدامك وقريت وغير كده رامى اصلا مرتبط بواحده قريبته عايشه بره
وموضوعه ليه ظروفه الخاصه يعنى ..انما علاقتى معاه صداقه واخوه جداا
باباها: اتمنى الايام متفرقش بينكم يا ديدا لان الاصدقاء سهل تفريقهم
فريده: الا رامى انا لو فكرت اخلع منه صعب هو يخلع منى دا لسه بيقولى انتى ماما وانتى بابا
ضحك باباها: واضح انه فقر
فريده: ماهو دا ال قالى هشغلك بواسطه معاه لما يرجع ..عموما هتشوفه يوم العزومه لان من حكايتى عليك عاوز يشوفك
باباها: يااهلا بيه
تليفون باباها رن وكانت على صاحبه رد عليه وقفل
باباها: فريده اونكل على جى يقعد معايا شويا
هو كان عاوز يقابلنى ع القهوه بس انا مش قادر انزل
فريده: ينور هقوم انا الم الحاجه دى واجهزله حاجه حلوه
قامت فريده وظبت الحاجه ال هتقدمها لصاحب باباها ومرت نص ساعه وجرس الباب رن راح باباها يفتح الباب وكان صاحبه ودخلوا الصالون وبعدها ب 5 دقايق فريده كانت غيرت لابسها
وخرجت علشان تسلم عليه
دخلت ومعاها صينيه فيها حلويات وعصير
فريده باابتسامه: السلام عليكم
باباها وعلى صاحبه: وعليكم السلام
على: ازيك يا ديدا ماشاء الله البنت كبرتك اوى يا عمر
فريده: كبرت مين يا اونكل.. عمر افندى لسه مكملش ال 18
ضحك باباها وصاحبه
على: طول عمرك بنوته عسوله يا ديدا انا لو عندى ولد كنت مش هستنى ابوكى كنت كتبت عليكم حالا
فريدا: ربنا يخليلك ابله صفاء ورغوده ربنا معاها ثانويه عامه وطحنه
على: ان شاء الله خير كله بيباخد ال مقدرله ومكتوبله
فريده: طيب استاذن انا هبقى فى اوضتى لو احتاجتوا حاجه اندهونى
اها مش تقولى مبروك يا اونكل
على: مبروك على ايه هتخطبى
فريده : يسمع منك ربنا ههههههههه لا هشتغل ان شاء الله
ودى حلويات بالمناسبه دى ومش كترت علشان عارفه السكر وحواراته
على: الف مبروك يا حبيببتى ربنا يوفقك
خرجت فريده وسابت باباها وصاحبه مع بعض
على: فريده بقت عروسه يا عمر ربنا يحرسها
عمر: يارب ..فريده دى حياتى ال عايشها
على: ايه ..بتفكرك بزمان ولا ايه
عمر: هو انا نسيت زمان ولا فريده
على: احلى مافيك يا عمر انك عايش بس ال جواك اكتر بكتير من ال بتقوله
بس انت لسه مقولتش لفريده ع موضوع تعبك
عمر: لالالا مش وقته محتاج وقت مناسب بس ومجتش فرصه
على: بس لازم فريده تعرف علشان متبقاش لوحدك
عمر: انا مش لوحدى فريده دايما معايا
بس انا الحمد الله بقيت احسن والدكتور طمنى ان المرحله الصعبه عدت
وفريده لو سمعت بس هتسيب كل حاجه وهتفضل قاعده جنبى وانا مش عاوز كدهعاوز تشوف حياتها وتعيش سنها من غير ما تربط نفسها وبعدين اناالدكتور متابع والحاله مستقره
على: ربنا يطمنك عليها وتتطمن انت كمان
عمر : يارب
__________________________________
رجع رامى من السفر وراح العزومه ف بيت فريده هو واصحاب ليهم
وبليل رامى كلم فريده
فريده: نام يابنى يخربيت كده
رامى: مش عارف اصلى مش واخد ع الصحيان بدرى
فريده : ولا من كتر الاكل
رامى : بجد الاكل كان تحفه .. مش عارف ليه حاسس انى شوفت باباكى بس مش عارف فين
فريده : انت تانى .. روح نام
رامى: مش عارف انام بجد
فريده: ماهى شركتكم بقى تتاخر براحتك
رامى: مين ال يتاخر دا لو اتاخرت هتعلق متعرفيش دراكولا ال عندى
ضحكت فريده: يخرب عقلك لدرجه دى انت مغصوب
رامى: ديدا انا ال مصبرنى ع الشغل دا 3
فريده: امك وابوك و
قاطعها رامى : لالالالا ال مصبرنى ع الشغل دا امى وانتى وهنا
فريده: ومدخلنى ليه بلاش احس بذنبك دا
رامى: امى علشان عاوزانى ابقى جنب ابن اختها دراكولا
وانتى علشان اظبطلك فرصه وتبقى معايا
وهنا علشان اعرف اتنيل ارضى ابوها واخوها وامها وال جابوها واتجوزها
ضحكت فريده : انكم حقا عيله نكديه امشى عاوزه انام
رامى: رنيلى الصبح اول ما تنزلى انا هكون صاحى معادى هناك 8 الصبح
فريده: اوك يلا تصبح ع خير BEST OF LUCK روميو
رامى: الله يعافيكى يااختى
___________________________________________
تانى يوم الصبح صحى رامى مقريف من النوم وكانت فريده عماله ترن عليه تصحيه رد عليها:
رامى: يا صباح القلق الساعه 7 متنامى يا بنتى
فريده : لا ماقلت فرصه اصحى بابا افطره واجهز براحتى وكده من فرحتى اول يوم شغل مش عارفه انام
رامى بصوت مقريف: وانا من قرفتى مش عاوز اقوم من السرير
فريده: كنت عارفه انك هتتاخر اصحى وصحصح وابعتلى لما توصل يلا سلام
قفل الموبيل وبص لتليفون صباحك فل يا ديدا
صحى رامى ولبس ونزل راح الشركه دخل مكتبه وقعد ع الكرسى ولفه وكان هينام وف اللحظه دى فى شخص دخل المكتب سمع صوت حد بيكلمه
صباح الخير يا مستر رامى
فتح عينه رامى واتنفض ولف الكرسى وبص لاقاها عمر ابن خالته
رامى بتهته: ص صباااح الخير يا عمر اقصد يا مستر عمر
عمر باابتسامه بارده : انا قلت اجى اهنيك ع مكتبك واشوف نشاطك
رامى حس بتلقيح الكلام : اهلا بيك الشركه شركتك
عمر:لما تصحصح كده ابقى تعالى مكتبى
مشى عمر ورامى مش عارف ينطق وبعد ساعه راح رامى مكتب عمر
خبط رامى ع الباب ودخل
عمر ماسك ملف ف ايده ومن غير ما يبص : اتفضل اقعد يا رامى
رامى قعد وهو ساكت
خلص عمر ال ف ايده وبيص ل رامى باابتسامه : صحصحت
رامى تنح: ها
عمر بشده : صحصحت
رامى: اها الحمد الله ..خير كنت عاوزنى ف ايه انا لسه
قاطعه عمر : انا طلبتك هنا علشان اوضحكلك حاجات مهمه
قام عمر من مكانه وقعدت قدام رامى
عمر: انا هنا المدير التنفيذى مستر عمر ..انما ابن خالتى وخالتك ف البيت
ونفس الشئ معاك انت مستر رامى مدير مكتب العملاء المواعيد مظبوطه مفيش محسوبيه ... مش علشان انت جيت بتوصيه من رافت بيه
ومدحت بيه يبقى خلاص تتدلع
لاحظ رامى نبره عمر بقت خشنه: انا فاهم كل دا وال شفته من شويا مش هيتكرر
عمر باابتسامه بارده:ال السبب الوحيد ال هيخليك تستمر فى الشركه شغلك وشغلك وشغلك واجتهادك غير كده هتبقى بره
...... واجتهاد هيبن تستحق هنا ولا لا .. هنا مينفعش جوزها او خطيبها يبقى فاشل كفايه انه ابن خاللتها
رامى اضايق : ان شاء الله مش هخيب امل حد من ال دعمونى
عمر قام : اتمنى كده ..اتفضل ع مكتبك لان فى شغل ومعاك اتنين موظفين يعرفوك اى حاجه تايه منك
خرج رامى وهو مش عارف هيشتغل ازاى ومعاه شخصيه زى دى ومغصوب انه يتعامل معاها دخل رامى مكتبه وبعت ل هنا وفريده ف نفس الوقت
ايموشن بيعيط وكاتب دراكولا
فالاتنين فريده بعتتله ايموشن بيطلع لسانه
وهنا بعتتله ايموشن قلب
____________________________
مرت فتره وفريده فى شغلها وروحها المرحه
خلت الكل ال شغال معاها حبها واتاقلمت ف الشغل
وكانت ايام كويسه وايام لا وساعات كانت بتتعرض لمضايقات من الزباين
لكن كانت بتعرف نوعا ما تعديها الا زبون واحد كان دايما بيضايقها
وكانت بتحاول تتجنبه فى يوم فريده ف المطعم فى الشفت بتاعها لاقت سميه زميلتها ف الشغل بتنادى عليها
سميه: فريده
فريده: ايوه يا سمسم خير
سميه: الرجل المتصابى ال فاكر نفسه ف سن ال 20 دا موجود وعمال يدور عليكى عمال يبصما تستغليه يا ديدا وهتلاقى منه منافع كتير ويمكن يلاقيك شغل فى مكان احسن من كده
فريده بضيقه: ايه ال بتتكلمى فيه دا يا سميه ..
دخل ف الكلام احمد زميلهم : متضايقيش نفسك يا ديدا انا هتعامل معاه
وراح فعلا احمد اتجاه التربيزه : طلباتك يا فندم
الزبون: لا شويا مش دلواقتى
احمد: تحت امرك
ومشى احمد واول ما ظهرت فريده قدامك راح نده عليها
الزبون: لو سمحت يا مودمزيل
فريده بصت حواليها وغصبت ع نفسها لان اولا صوته عالى ثانيا علشان الاحراج وراحتله
فريده: طلباتك يا فندم
الزبون بيغمز : هو ال يشوفك يعرف يطلب حاجه تانى الجميل تقيل علينا ليه كده
فريده تنحتله : طلباتك يا فندم ايه انا عندى شغل
الزبون: خلاص متزويقيش انا بحب النوع التقيل اوى دا
واحد اسكلوب مستوى اوى اووى وبطاطس محمره اووى اووى وعصير فرش اوى اوى اوووى
فريده لاحظت استظرافه : ربع ساعه وطلباتك هتكون عند حضرتك
وسابته وهى قرفانه منه وعلشان مش ينفع تتكلم لان مدير المطعم فهمهم انه دايما الزبون ع حق راحت قدمت طلبه لاا احمد زميلها وراحت اخدت طلبات ترابيزه تانيه وفى اللحظه دى وهى واقفه عمر دخل المطعم معاه اتنين ومروا من جنبها وقفت فريده تنحت
فريده : البرفان دا شميته قبل كده
لفت تبص ع الشخص دا كان خلاص قعد ومش عارفه مين رجعت تانى لزباين
فريده: انا اسفه جدا طلباتكم
اخدت فريده الطلبات وفضلت تبص ع الزباين جالها احساس الفضول
سميه: مالك يا ديدا بتدورى ع مين
فريده : انا من شهرين شميت برفان من ع شخص ومشفتش وشه وانهارده شمتها تانى وهو هنا
سميه بتضحك: انتى كده علشان برفان
فريده : عاوزه اعرف اسمه ايه عاوزه اجيبه ل عمر افندى
سميه: يخربيت فضولك
فريده : سميه روحى شوفى شغلك روحى شوفى ترابيزه 5 وانا هشوف ترابيزه 9 واحمد اخد منى طلب ترابيزه الهى تولعى بالى فيها رقم 7
فريده وهى عماله تبص حواليها لاحظت الزبون الرخم باصصلها وبيغمز
عملت نفسها مش شايفه فى الوقت دا عمر كانت قاعد مع اتنين من العملاء كان غداء عمل ع ترابيزه 5
وشاف بالصدفه الراجل الكبير ال عمال يغمز بص ككفضول بيغمز لمين لاقاها لبنت واقفه بصت بقرف ضحك وبعدين رجع بص تانى افتكر انه شاف الوش دا قبل كده بس مش متذكر محاولش يفتكر لكن الموقف ال شافه خلااه يضحك وبان عليه وهو قاعد فكلمه سكرتيره محمود
محمود: مستر عمر خير بتضحك ع ايه
عمر: مفيش مفيش يلا نكمل كلامنا
وهما قاعدين الزبون الرخم طلب الحساب واحمد كان مسئول ع ترابيزه 7 ومش كان موجود وكانت فريده ال فاضيه فاضطرت تروحله
راحت وهى مش طايقه نفسها : الحساب يا فندم
الزبون طلع الفيزا وبين من المحفظه فلوس
الزبون: تحبى تاخدى الحساب باابه فيزا ولا كاس
فريده وراسمه ابتسامه بارده: ال تدفعه حضرتك
الزبون: لا ال انتى عاوزه هتلاقيه وهتلاقى اكتر بكتير
حست فريده بقله ادابه فمددت ايديها واخدت الفيزا: ثوانى وهرجعلك الفيزا
مشيت فريده وكان عمر مراقب الراجل المتصابى وكان بالنسباله موقف مضحك رجعت فريده وفتحت علبه فى ايديها كنظام لمحل بيتحط فيها فاتوره الحساب وكده فتحتها وفيها الفيزا ياخدها لاقته حط كارت واخد الفيزا
فريده: ايه دا حضرتك
الزبون: انا عارف انك هتخلصى شغلك الساعه 8 هستناكى ف العنوان دا الساعه 8 ونص انهارده هو مش بعيد عن هنا ..هشوفلك شغل تانى بدل البهدله دى
اخدت فريده الكارت ورمته ع الترابيزه ومشيت
وعمرمش شاف الموقف دا وبالنسباله موقف كوميدى بيتفرج عليه
خلص عمر وال معاه الاكل وطلبوا الحساب وراحت سميه
دفعوا الحساب قبل ما يمشوا بص عمر ع الراجل ولاقاه بيبص ع فريده برضه
لاحظت سميه انه بيبص ع الراجل : هو حضرتك تعرفه
عمر: لا خالص ليه
سميه: اصل لو حضرتك تعرفه كنت هقولك اى خدمه يعنى......عموما نورتوتنا واتنمى ترجعوا تانى
عمر بص ع الراجل وضحك ومشى وكانت فريده جوه ..كان عمر نسى ع الترابيزه موبيله وووقع وسميه مسكته طفته واخدته لاحظت فريده ان سميه بتشيل حاجه راحتلها
فريده: سميه انتى بتعملى ايه
سميه اتوترت: انا لا مفيش ايه يا ديدا
فريده بعصبيه : سميه ايه ال معاكى
شدتها فريده ع جنب محدش واخد باله : اخدتى ايه يا سميه
سميه: ايه يا فريده هتقطعى رزق الواحد ليه كده
فريده بعصبيه : دى سرقه وانتى عارفه لو حصل حاجه انا وانتى هيمشونا لاننا دولابنا واحد
سميه: متقلقيش محدش اخد باله
فريده: الموبيل دا لازم يرجع لصاحبه
سميه: متعمليش اوى كده صاحبه مشى واكيد هيجيب احسن منه
فريده بعصبيه : هاتى الموبيل دا
سميه بصت بضيقه ل فريده: ماشى يافريده خدى الموبيل
خرجت فريده علشان تلحق صاحب الموبيل معرفتش اصلا هو شكله ايه فضلت واقفه شويا لاقت عربيه وقفت ونزل واحد بيكلمها :لو سمحتى يا انسه فى موبيل نسيناه جوه
فريده بسرعه : هو دا
السواق: ايوه
فريده: انا لاقيته ع الترابيزه وخرجت بس مش كنت اعرف حضرتك
السواق: شكرا جدا ليكى
بصت فريده لاقت ان فى واحد قاعد جوه العربيه : لا ولا يهمك
مشيت العربيه لكن قبل ما تمشى العربيه افتكرت انها شبه العربيه ال خليتها تقع فبصت بسرعه ع الارقام لانها كانت فاكرها كويس لاقتها هى
ولسه هتنادى كانت العربيه مشيت
فريده: ايه الحظ دا .. بس مستحيل يكون ال اخد الموبيل هو ال وقعنى من العربيه دا زوق والبرفان مختلف
راحت بصت ع الساعه لاقت نفسها هتتاخر ع العشا مع باباها دخلت سلمت شغلها ولبست روحت ع البيت
______________________________
رجعت فريده البيت اتعشت مع باباها وقعدت شويا وبعدين دخلت اوضتها
وراجعت ال حصل ف اليوم تليفونها رن وكان رامى
فريده: روميو
رامى: وحشتك ها
فريده : وحشك عفريت
رامى: كده ديدا حبيببتى عامله ايه والمزاج عامل ايه
فريده بقريفه: زفت الزفت والحمد الله
رامى: ليه كده حصل ايه داانتى اهون انتى مش عندك دراكولا
فريده: ياريت دراكولا داانا قاعده وسط زومبى
رامى بيضحك: ايه حصل طيب
حكت فريده ع موقف الراجل دا ةقاطعها رامى
رامى بعصبيه : ومش ادتيدلوا بالصينيه ع دماغه ليه
فريده: علشان اترفد انا وبسمعه كمان وملحقتش دا تانى شهر
رامى بعصبيه: وانتى بتتساهلى ليه يحرق الشغل ال يجيب كده فكك يا فريده وسبيه وانا هشوفلك شغل
فريده: اهدى يا رامى انا بعرف اتصرف متقلقش
رامى بعصبيه: فريده
فريده حست ان ه اتعصب: يعنى انا محكتش لبابا ع ال حصل وقولت احكيلك
يبقى كان غلط ان احكى ومش هحكى تانى
رامى بعصبيه اكتر : كنتى اعملى يا فريده كده وكانت ليلتك سوده معايا
فريده بتحاول تغير الموضوع: ايه يواد الحمشنه دى تعالى نضرب عقدين عرفى يلا
رامى: انت فايقه لهزار اوى
فريده: اسكت صحيح مش شفت العربيه ال وقعتى ع الارض من شهرين
رامى : فريد الموقف دا مش هيتعدى بالساهل وبعدين يااااااااااه يا فريده انتى لسه فاكره
فريده: لا كمان ونفس البرفان نفسك ..ممكن يكون هو نفس الشخص
رامى: احتمال كبير ..كلمتيه
فريده: بس الشخص ال كلمته كان برفان مختلف وغير كده كان مؤدب اوى مش حقير زى ال وقعنى
رامى بيضحك : كنتى حجزتيه وتقرريه
فريده: اضحك اضحك
يلا علشان عاوزه انام عندى شفت نهارى يلا
رامى: طيب تمام يلا سلام
قفلت فريده مع رامى ونامت
_______________________________
تانى يوم صحيت فريده بدرى ونزلت راحت الشغل وكانت سميه بتبصلها بصات مش اد كده عملت فريده مش واخده بالها سلمت ع احمد والباقيين
وع الساعه 6 وفريده خارجه من الشغل بصت قدام المطعم الراجل الرخم مستنيها عملت نفسها مش شايفاه ومشيت راح شدها من دراعهها
فريده مخضوضه وبنرفزه: ايه ال انت بتعمله دا
الراجل: استنيتك امبارح مجتيش ليه
فريده بعصبيه: مش عيب عليك انت اد ابويا
ولا غلط انى اشبه ابويا بيك لانك متسواش ضفره
ايه ال انت بتعمله ف نفسك دا مستصغر نفسك وشغل مراهقه متاخره .. مش مشكلتى انك كده مشكلتك انك مبتعرفش تميز ودا مشكلتك ..هو انا اديتك ريق وعدتك ..الكارت انا سبتهولك مبصتش فيه
هاجى ازاى انا
الراجل: زميلتك اخدته وقالتلى هتديهولك واخدت منى 1000 جنيه
واكدتلى انك جايه ماهو انا مش اول زبون ولا انتى عاوزه فلوس اكتر .. عموما حصل خير تعالى معايا دلواقتى و .......
زقت فريده دراعه بعد ما اتصدمت من ال سمعته وعرفت ان سميه ال اخدت الفلوس
بمعنى اصح باعتها : ابعد ايدك عنى ال بتقوله دا انا معرفوش اصلا
فى اللحظه دى كان رامى جه لفريده ياخدها من الشغل ويفاجاءها
شاف راجل كبير ماسك ف دراعها وهى بتزق فيه راح بسرعه شد فريده وضرب الراجل اتلم الناس وخرج مدير المطعم حاول يلم الموضوع اخد فريده ورامى والراجل فى المكتب
وسمع ال حصل
المدير: انتى عملتى كده يا فريده
فريده بذهول وصدمه: يا مستر اشرف ابدا انا اعمل كده ليه استحاله الراجل دا قارفنى كل يوم
ومش كنت بشتكى هو اتعدى حدوده
رامى بعصبيه: الراجل دا قليل التربيه وعاوز يتربى
المدير: مين دا يا فريده
فريده : دا رامى اخويا
المدير: بس انتى قايله مش ليكى اخوات
الراجل: شايف يا فندى الكدب اهى جايبه واحد ماشيه معاه وتقوزل اخويا
انا ابهدل نفسى مع واحده ليه مدام مش فتحتلى سكه صاحبتها اكددتلى انها هى ال بعتاها وصاحبتها تشهد
فريده مسكت ايد رامى يسكت : ايوه عاوزه سميه هى هتقول الحقيقه
بعد شويا سميه جت
سالها المدير : الكلام ال اتحكى دا حصل يا سميه ..فريده عملت كده
سميه فضلت ساكته لحظات وبصت ع الراجل وع فريده
فقررت تبيع صاحبتها : ايوه يا فندم حصل
فريده بعصبيه: ايه ...حصل .... انا وعدت الراجل دا بحاجه اذا الكارت مرضتش اخده وانتى شايفه
سميه: لا اخدتيه يا ديدا انتى بتنسى دا ف شنطتك
فريده : شنطتى
فتحت الشنطه وهى بثقه مش هتلاقيه وفاجاءه لاقته ف محفظتها
تنحت فريده ورامى تنح
سميه: مش كان لازم تعملى كده يا ديدا انا ياما نصحتك انتى ال عاوزه تشتغلى بسرعه ف مكان تانى وقولتى انه هيساعدك
فريده بدموع نازله من عنيها: حسبى الله ونعم الوكيل فيكى يا سميه
المدير : فريده لااسف مش هتقدرى تكملى معانا
فريده بدموع نازله من عنيها: يافندم والله ماعملت حاجه
رامى قاطعها: انتى بتعملى ايه وبتتحيلى ع مين دا مكان زباله وال فيه ازبل و احسن برضه ومتعيطيش يافريده هما ال خسرانين يولع المكان بال فيه
شد رامى فريده وخبط الراجل وقع من ع الكرسى
وقعد فريده ف العربيه ودخل جاب ليها حاجتها واوراقها ورجعلها
رامى :متعيطيش يا فريده احسن انك سبتيه
فريده بدموعها: بفضيحه مش كنت اتخيل كده يحصل
رامكى : راجل زباله ومدير الزفت دا ازبل طبعا لازم يرضى الزبون
وانتى مش اى حد تصاحبيه كده دانتى كنتى بتحذرينى
فريده: خلاص ال حصل حصل
رامى: ارتاحى انتى يومين دا وانا هظبطلك مكان معايا
فريده : ان شاء الله
وصل رامى فريده لبيت وخبت ورقها ف الشنطه ودخلت البيت وهى بتبتسم
فريده: السلام عليكم ياعمر افندى
باباها: ديدا حبيببتى نورتى
فريده: انا تعبانه اوى هنام شويا وهصحى اقعد معاك انا بكره اجازه
باباها: ليه كده
فريده بتلقلق: اص اصل احمد ال معايا هياخد يوم اجازتى فقلت اخد بكره اجازته ايه مش عاوز تقعد معايا
باباها : لا ابدا
فريده: اشطه يا عمر افندى هرتاح شويا ونقوم نرغى لانك وحشتنى
باباها حس بفريده متغيره مسك ايديها: ديدا انتى كويسه
فريده : متقلقش اجهاد بس هرتاح وهبقى كويسه
باست راسه ودخلت اوضتها رمت نفسها ع السرير : انا لازم الاقى شغل تانى
ومش لازم بابا يعرف ال حصل
________________________________
تانى يوم اتاكدت فريده ان باباها نزل راح الشغل فقامت مسكت الجرايد تدور ع وظائف خالليه
موابيلها رن وكان رامى
رامى: صباح الفل يا ديدا
فريده: صباح الفل يا روميو
رامى: بتعملى ايه
فريده: بقرا برج اليوم
رامى عرف انها بتدور ع شغل
رامى : يا يا فريده متسمعيش الكلام ابدا
بتدورى ع شغل تانى
فريده: ماهو مش هقعد استنى الفرج ..ومش ينفع اطول ف البيت فاجاءه كده
لان بابا ميعرفش حاجه اصلا
رامى: صدقينى مش هتطولى اصبرى بس اظبطلك حاجه بعيد عن دراكولا
فريده بتضحك: الله يعينك عليه يلا بقى روح بدل ما يطلعلك كده
كلمنى لما تخلص شغل
رامى: عندى خبر ليكى
فريده : هنا جايه
رامى بيضحك: يخرب عقلك عرفتى ازاى
فريده: اصل حاجتين يخلوك سعيد كده وصوتك فرحان انا وهنا
رامى : يخليكوا ليا .. ايوه جايه كمان اسبوعين يا مسهل
يارب المرادى يحددوا معاد قرايه فاتحه حتى
فريده : ان شاء الله يا روميو يلا طير بقى
رامى: سلام
قفلت فريده مع رامى وقعدت تدور ع وظايف واتصلت وشويا لبست ونزلت تعمل مقابلاات ولحسن حظها اتقابلت ف شغل ف نادى منقذه ف حمام سباحه ف نفس معاد شغلها الصبح وكده ظبطتت نفسها ومش هيبان انها قعدت من الشغل ل باباها ولان فريده سبع صنايع فهى اى شغل دايسه
____________________________________
فى يوم رامى كان قاعد ف المكتب خرج يتمشى ف الشركه لاقى اعلان متعلق عن قريه سياحيه جديده هيفتتحوه ف شرم الشيخ فقابل ف وشه محمود سكرتير عمر
رامى: حوده حبيبى
محمود: مستر رامى
رامى: ايه حوار بتاع القريه
محمود: دا منتجع كنا شغالين فيه من 4 سنين واكتمل وف موظفين هيتنقلوا هناك فى اداره الفندق والاماكن التانيه
رامى : بجد يعنى ممكن اروح
محمود: اكيد لو ليك مكان ..استاذنك انا
رامى جتله فكره يهرب من مراقبه عمر ويروح شرم
لف وسئل وراح مكتب عمر خبط ع الباب ودخل
عمر كان قاعد وفاتح الاب توب وباصص فيه : اتفضل اقعد يا رامى
رامى: شكرا يا مستر عمر .. انا مش هطول عليك بس كنت عاوز اطلب طلب
عمر: خير
رامى: عاوز اتنقل شرم
عمر بصله: شرم
رامى: مش افتتاح القريه قريب وهيحصل نقل وتعيين موظفين
انا عاوز اكون واحد من ال هيتنقلوا وال بيتعمل هنا هيتعمل هناك
عمر بيضحك: عاوز تروح شرم علشان شغل ولا البنات والاجانب
رامى بصله : شغل صدقنى بنات ايه
عمر : خلاص هشوف وهرد عليك
رامى قام: شكرا جدا يا مستر عمر استاذن انا دلواقتى
خرج رامى وهو بيدعى انه يتنقل شرم بسرعه ويترحم من ال فيه
_________________________________
بعد ما قدم الطلب رامى ل عمر انه عاوز يتنقل ل شرم عدى يوم
واخد الموافقه وانه هيسافر كمان اسبوع ومن فرحته بالخبر وانه هيخرج من بيت دراكولا ع وصفه اتصل ع فريده وكانت ف الشغل
رامى: ديداااااااا
فريده : ايه مالك يا واد
رامى: افررررراج وههرب من بيت دراكولا
فريده: مش فاهمه ..استنى استنى هتسافر شرم زى ما حكتلى
رامى : احب فيكى ذكائك ايوون كمان اسبوع هنطلق
فريده : مبروووووك يا روميو يلا ياعم هيص
رامى: لا والله ابدا انا فعلا رايح لشغل وعللشان ابعد عن دراكولا
زميله فريده ندهت عليها
فريده : روميو لما هخلص هكلمك اتفقنا علشان انا ف الشغل
رامى : تمام
قفلت فريده مع رامى وقضت اليوم ف الشغل ورجعت البيت قعدت مع باباها كالعاده شويا ودخلت تنام
لاقت اتصال من رامى
رامى: كنت عارف انك هتنفضيلى يا بنت الايه
فريده : والله فاصله يا رامى
رامى : يبقى يوم اجازتك دا ليا مش هو الخميس يبقى اليوم كله معايا
نقضى اليوم قبل ما اسافر لانى معرفش جدول نزولى ايه القاهره
فريده : هنحتفل يعنى
رامى : ال انتى عاوزاه
فريده هفكر واقولك بس اكيد هتخرجنى داانا نفسى افك
رامى : والاربع هكلمك هاكد عليكى
سلميلى ع عمر افندى
فريده : يوصل
___________________________
جه يوم اجازه فريده وصحيت بدرى جهزت زى ال رايحه رحله
باباها كان اجازه وكان صاحى بدرى معاها
فريده: صباح الفل يا عمر افندى
باباها: صباح الورد ..ايه النشاط دا
فريده: خروجه جايالى من الهوا ومش هتحصل تانى انا عارفه
باباها:طيب كويس انبسطى
فريده : معلش يا عمر افندى كان نفسى اقضى معاك يوم اجازتى بس ظروف بقى
باباها: لا ولا يهمك اخرجى واتفسحى انا اصلا رايح مشوار ل عمك على
وعازمنى ع الغدا عنده فيعنى اليوم ضايع معايا
فريده تليفونها رن وكان رامى : اوك تليفونات بقى وخلى بالك ع نفسك من البنات الحلوه
ضحك باباها : وانتى اتمتعى
نزلت فريده كان رامى مستنياها قريب من البيت ركبت معاه العربيه
فريده: صباح الفل يا روميو
رامى: صباح الورد يا ديدا
فريده: بص انا عاوزاك تنطلق
رامى: هنطلق يلا بينا
دخلوا سينما وقضوها لف وركبوا عجل فى الاهرامات وراحوا اتغدوا وقعدوا ف مكان ياكلوا ايس كريم
فريده: يااااااه من زمان مخرجتش كده
رامى : وانا كمان فرحتى بخروجى من معتقل دراكولا مفرحنى
فريده بتضحك: ازاى ونبى مش طايقه كده وهتتجوز اخته يعنى هيبقى خال العيال
رامى: يا ديدا الميزه الوحيده ال ف العيله دى هنا بس صدقينى
فريده بتضحك: المهم انت عرفتها انك هتبقى ف شرم
رامى: اه طبعا وهى هتيجى ع هناك تقضى اجازتها معايا بعيد عن دراكولا الابن ودراكولا الاب
فضلت فريده تضحك من كلام رامى ووصفه لعيلته
فريده: انت بتتكلم بجد هما وحشين كده بيعاملوا بعض ازاى وهنا عايشه ازاى
رامى : بصى دراكولا الاب اهم حاجه ف حياته بنته وابنه وشغله
لو طايل الدنيا كلها هتبقى ليهم .. ولولا انه شريك بابا ف كام حاجه مكنش هيرضى بيا وشرطه انى اتبهدل الاوزل .. علاقتهم نور عنيه عمر وهنا وخصوصا عمر علشان كده علموا كل حاجه وهنا طالعه لمامتها
فريده: انت بتحبها اوى لدرجه انك لاغى اهلها كده
رامى: انا بحبها هى مليش دعوه بااهلها
هى بتحبنى وانا بحبها خلاص هنعوز ايه
فريده متنحه
رامى: معذوره يابنتى اصلك مجربتيش لسعه الحب
فريده: انا مستنيه قدرى ..مستنيه كلمه القدر
القدر المسيطر علينا وع اهلى
و انا مش هسبق احداث انا هستنى قدرى سواء حلو او وحش انا راضيه
رامى: متقلقيش يا ديدا دا يا بخته يا بنتى اسمعى منى
لو هنا مش ف حياتى كنت مسبتكيش يلا بس برضه مش هسيبك انتى عارفه وهخطفك معايا وقريب
فريده: اظبط نفسك الاول ياعم ليطلعلك دراكولا
رامى: متنقيش فيها بس
فريده: يلا علشان هنتاخر وانا تعبت من التنطيط واللعب
رامى: يلا بينا
فى الطريق رامى كان سرحان ومش بيتكلم فريده لاحظت كده
فريده: روحت فين
رامى: روحت لاااهلى وقدرهم
ضحكت فريده : ازاى يعنى
رامى: اصل عليتنا القدر اتحكم فيهم هما كمان
فريده: مش فاهمه
رامى: لا متركزيش خلينا ف المستقبل فكك من الماضى
رامى: وصلنا يلا تصبحى ع خير
فريده: متنساش التقرير اليومى لعورك
رامى: متقلقيش مقدرش اغيب عنك داانتى ديدا يا بيبى
فريده: ماشى يا بيبى
نزلت فريده من العربيه ورامى مشى وافتكر ال حصل لخالته وجوز خالته ول عمر نفسه
_______________________________
عدى اسبوع وسافر رامى شرم وهنا بعتت انها هتتاخر
اسبوعين لان مامتها تعبت شويا وهو فاضى ف شرم قعد يدور لاقى اعلان عن انترفيو لموظفين ويتر وشيفات وهاوس كيبر
لفندق ومكتوب مطلوب خبر بالسنين ولغه وحوار ات كتير
راح كلم الموظف المسئول وظبط مكان لفريده معاه ف شرم
اتصل بفريده ع الموبيل
فريده: روميو كنت لسه ف سيرتك مع عمر افندى
رامى: ديدا توافقى تيجى شرم
فريده: ياسلام ودا يترفض
رامى: بكلمك بجد
فريده: ايه لاقيت شغل ليا ولا ايه
رامى: ايون ..جهزى نفسك ع الاربع انا جى القاهره التلات وانا راجع هتيجى معايا
فريده مش مستوعبه: حيلك حيلك فى ايه ياعم المتسربع
رامى: اسمعى الكلام بس
فريده: هو انا مقطوعه مليش اهل مش الراجل ال بره دا لازم يعرف واخد اذنه مش يمكن ميوفقش
رامى: لا سبيلى عمر افندى انا هقنعه انا جايله التلات بليل يلا سلام وفكك مش شغل السباحه دا
داانتى حتى بتغرقى ف شبر مايه
وقفل رامى وفريده مش فاهمه اى حاجه ولا هتشتغل ايه وازاى وظروف الشغل ايه
وقالت : دا مجنون والله مجنون

عوض عليا عوض الصابرين يارب
ونامت
_____________________
مر الايام وهى راجعه من الشغل لاقت رامى بيكلمها
فريده: هتقولى وصلت
رامى: انا جايب الغدا وهتغدا عندكم ساعه ونص بالكتير وهبقى عندكم
فريده: لا ياراجل
رامى: احنا هنحكى يلا سلام
وصلت فريده البيت وكلمت باباها وكان ف الطريق وقاعدين مستنين رامى
فريده بتضحك: الواد دا مجنون ربنا يكون ف عون هنا والله
رامى: نمستعجل رامى حماس الشباب يا ديدا
فريده: انت ابو الشباب ياعمر افندى
جرس الباب رن فتحت ديدا لاقت رامى مسكها الشنط
رامى: بسرعه علشان جعااااااان يا مساء الورد ياعمر افندى
باباها : مساء الخير يا رامى اتفضل
فريده متنحه من تصرف رامى وحضرت الاكل واتغدوا وهما بيشربوا الشاى رامى فتح الكلام
رامى: بص يا اونكل الموضوع بااختصار انا لاقيت شغل لديدا بشاهدتها معايا ف شرم وعلشان تعمل الانترفيو لازم كانت تحضر هنا قبل ما تسافر شرم لكن انا ظبطتلها الموضوع يعنى من الاخر متقلقش عليها ديدا اختى واكتر وف عينى وهتبقى تحت اشرافى وعينى ومتقلقش عليها ولازم تجهز بكره علشان مسافرين الصبح
ابو فريده متنح من سربعه رامى: طيب خد نفسك
رامى: انا عارف هتقول شغل ايه وبكام وهتسكن فين كله متظبط وفى بنات زيها من القاهره هناك ومش هسيبها وقت اجازتها هنزلهالك بنفسى وهكون معاها هى بقى هتقولى مش هينفع اسيب عمر افندى لوحده دا بقى انت ال تقوله ولا ايه انا خلصت كلام يوووه فرهدتونى
ضحك ابو فريده وفريده : يقطعك يا رامى انت مش مدينا فرصه نتكلم
رامى: مش مستاهل يا ديدا ولو مرتحتيش صدقينى هرجعك
ابو فريده : بص يارامى لو فريده عاوزه مش همناعها ومش هغصبها تروح
فريده: وهتقعد لوحدك يعنى
ابو فريده: متقلقيش عليا
بعد كلام ومفاوضات وافق ابو فريده ع سفرها ورامى اتفق يعدى عليها الصبح

______________________
صحيت فريده تانى يوم لاقت باباها محضر ليها الفطار فطرت معاه واداها مصحف تخليه معاها دايما ووصاها تقرا فى كل يوم بليل وتنتظم ع صلاه الليل
نزلت ديدا قابلت رامى واخدوا تاكسى وراحوا السوبر جيت
وناموا طول الطريق لغايه ما وصلوا شرم واخدوا تاكسى وصلوا ل الفندق
رامى: يا مرحبا بفريده عمر ف شرم
فريده: ايه الجمال دا انا كنت بتفرج ع شرم ع النت هى جميله كده
رامى: جميله لانك موجوده يلا بينا علشان نقابل عماد المسئول ع تعيئنك
دخلوا الفندق قابلوا عماد واتفقوا ان فريده مش هتشتغل شغل ثابت علشان محدش يلاحظ لانعدام الخبره وغيره فهتشتغل كااحتياطى الاماكن الفاضيه هتشتغلها فى وقت تقصير غيرها وافقت فريده وخرجت هى ورامى وبره باب الفندق فريده بتضحك وتهزر مع رامى عربيه وقفت قدام الباب ونزل منها عمر
فريده تنحت وفضلت تفتكر لاقته هو الشخص ال كان ف العربيه لما موبيله ضاع
وهو ال وقعها
فريده متنحه ورامى بيكلمها : مالك تنحتى ليه كده
بتشاور فريده : رامى ..هو دا
رامى بيبص ع ال فريده بتشاور عليه اتخض : دراكولا

______________________________

ياترى عمر هيعرف بال عمله رامى وهيعديها ولا هيطرد فريده ورامى ؟
___________________________________


(3)
صحيت فريده تانى يوم لاقت باباها محضر ليها الفطار
فريده : صباح الفل يا بابا
باباها: صباح الفل يلا تعالى نفطر مع بعض
فريده : معانى مش جعانه بس هاكل خفيف علشان متعبش ف السكه
باباها: اشربى حاجات دافيه ومتهمليش ف نفسك
فريده : متقلقش يا عمر افندى يلا نفطر
قعدت فريده تفطر لاقت باباها بيدها مصحف صغير
فريده: ايه دا يا بابا
باباها: دا مصحف فى كلام ربنا علشان يحفظك كل يوم قبل ما تنامى اقرى فيه شويا ولما تحسى انك لوحدك ومخنوقه اقري فيه هيونسك كلام ربنا هيحفظك دايما
فريده: انت بتقلقنى ليه هو علشان اول مره اسافر ابعد عنك
باباها: اول مره تكونى لوحدك ومش عاوزك تخافى
فريده : عيب عليك انا بنت عمر افندى
مسكت فريده السلسله والمصحف قربته لصدرها: طول ما دول معايا اكيد ولا هخاف وهكون ف امان
نزلت ديدا قابلت رامى واخدوا تاكسى وراحوا السوبر جيت
وناموا طول الطريق لغايه ما وصلوا شرم واخدوا تاكسى وصلوا ل الفندق
رامى: يا مرحبا بفريده عمر ف شرم
فريده: ايه الجمال دا انا كنت بتفرج ع شرم ع النت هى جميله كده
رامى: جميله لانك موجوده يلا بينا علشان نقابل عماد المسئول ع تعيئنك
دخلوا الفندق قابلوا عماد
عماد: اهلا بيكى يا فريده نورتى شرم
فريده باابتسامه: ميرسى تسلم شرم منوره بالى فيها
عماد بيبص ل رامى: انت مقلتليش ان فريده ضحكتها حلوه كده
رامى : ايه ياعم عماد احنا هنبتدى تسبيل اوعى تفكر ..ديدا خط احمر ها
عماد ضحك : خلاص خلاص براحه علينا انا مقصدش حاجه
نتكلم ف المهم
رامى : ايوه نتكلم ف المهم يلا
فريده باابتسامه: يلا بينا
عماد : بصى يا فريده هو انتى ملكيش مكان هنا لشغل
فريده تنحت: نعم
عماد: اصبرى بس..
الاماكن كلها اتحجزت ومش كان ينفع نمشى حد لان عقده
اعتمد من الشركه ف القاهره خلاص
فريده بصت ل رامى: انا جيت ليه بقى
عماد: بصى احنا دايما علشان اوقات السيزون بيبقى زحمه بيبقى فى عماله قليله فانتى هتكونى من العماله الاحتياطى بس مش شغلانه ثابته يعنى المكان الفاضى هتكونى فيه يعنى ويتر ف المطعم و ع حمام السباحه و فى الريسبشن وممكن هاوس كيبر دا انا فهمته ل رامى وهو قالى انك هتوافقى
فريده: يعنى هشتغل يوم واقعد الباقى
عماد: لا طبعا بس اعرفك انك زى ال شغال بعقد مؤقت وخصوصا ان المتثبتين
معاهم خبرات وشهادات والفرع ال ف القاهره بيراجع ومش عاوزين نقع ف مشاكل بس طول ماانتى ف العقد المؤقت محدش هيتكلم
انتى هتبقى زيك زى المتثبتين فى حقوقك ومرتبك
بس الفرق انتى مش هتكونى ف مكان واحد دايم,,, ايه رائيك ؟
فريده بتبص ل رامى : انت ال عملت الحوار دا ها
بصت ل عماد باابتسامه: مفيش مشاكل وميرسى جدا ع مجهودك وتعبك
رامى: واهو يا ديدا تاخدى خبره عملى من كل حاجه ولا ايه
فريده متغاظه من رامى : اقنعتنى يارامى والله انت دبستنى
رامى : بلاش اللهجه دى قدام الراجل المفروض ان انا مديره
نستاذن احنا يا عمده ومتشكرين اوى يلا يا ديدا
فريده : ميرسى جدا يا مستر عماد
عماد: نورتى يا ديدا
خرجت فريده ورامى
رامى بسعاده: مبروك يا ديدا
فريده وع وشها مش مرتاحه: ع البهدله انت هتلففنى الفندق والقري كله ناقص تخلينى ابقى جناينى
رامى: ياديدا اهو فرصه تكسبى خبره ف كله علشان لما تروحى شغل نظيف وبجد متتبهدليش زى ماحصل وبعدين يا ديدا متقلقيش شغلانه الجناينى فاضيه هوصيهم عليكى ليها
خبطت فريده رامى وبتهزر وبيضحكوا قدام باب الفندق فى عربيه وقفت قدام الباب ونزل منها عمر ....فريده تنحت وفضلت تفتكر شافته فين قبل كده ولما قرب شمت البرفان لاقته هو الشخص ال كان ف العربيه لما موبيله ضاع
وهو ال وقعها
فريده متنحه ورامى بيكلمها : مالك تنحتى ليه كده
بتشاور فريده : رامى ..هو دا
رامى بيبص اتخض : دراكولا
عمر قرب منهم وبص لرامى : ازيك يا رامى
فريده متنحه ورامى اتلجلج : ها الحمد الله
..انت جيت ليه ..اقصد فى حاجه .. اقصد ..
عمر بضحكه بارده : انا جيت علشان الافتتاح الاسبوع الجى انت نسيت ولا ايه
بص عمر ل فريده وحس انه شافها قبل كده فى مكان بس مش متذكر
وسابهم ودخل الفندق وفريده مش نطقت ورامى راح شدها ومشى
فريده : مين دا
رامى: دراكولا الابن
فريده مندهشه: ابن خالتك
رامى متنح: ايون قدرى ال مش بعرف اهرب منه
فريده بتضحك : هو دا يا روميو ..
صاحب البرفان وال وقعنى وال موبيل ضاع ولاقيته
رامى بصلها: مين انتى متاكده
فريده بتضحك بهستريا: يا صدف العجيبه انا متاكده ان هو انا شفته وشفت رقم العربيه واتاكد ان هو بس مكنتش اعرف انى هقابله كده بجد
رامى: انتى بتضحكى وفرحانه ع ايه ..انتى لو عرفتيه هتكرهى نفسك
فريده بصتله: ليه يعنى ماهو عادى اهو وغير كده ايه ال هيخلينى احتك بيه
رامى: الاحسن برضه انك تبعدى من قدامه لانه سخيف وقليل الادب وكل الصفات الوحشه ومش هيفيدك قربك ليه بالعكس هتتضرى
فريده: انت قلقتنى ليه وبعدين انا ههتم بشغلى ..
المهم ورينى فين السكن
رامى : يلا بينا
فريده: صح هى هنا هتيجى امتى
رامى: جايه ع اخر الاسبوع ع هنا هتحضر الافتتاح هى كمان
فريده بتضحك: خلى بالك يا روميو هتتطحن اعمل نفسك مش عارفنى بقى طول ما هنا موجوده
رامى بصلها: ايه يا هبله... هنا عارفه كل حاجه وعارفه انك هتشتغلى معايا
فريده : يا قلبك يلا ودينى هنام فين بدل ما افرشلك هنا
مشيت فريده مع رامى لمكان السكن الموظفين وعرفها مكانها والبنات ال معاها دخلت اوضتها ورمت نفسها ع السرير وبتكلم نفسها :
يا اهلا بيكى يا ديدا فى طريق الكفاح
وهى بتبتسم رجعت صوره عمر والبرفان وسرحت ..فوقت نفسها : فوقى انتى ملكيش دعوه بيه خليكى ف شغلك واسمعى كلام رامى ...
اخدت دش ونامت
______________________________
تانى يوم كان تدريب لكل الموظفين الجداد وكله اتجمع الساعه 8 الصبح
وراحت فريده واتوزع وظيفه ومكان كل واحد وكانت فريده واقفه ف الريسبشن رامى عدى عليها فى مكانها
رامى: صباحو ايه الجمال دا اول طالعه ريسبشن شكلك كنتى جايبه مجموع
حلو فى ماده الريسيبشن
فريده حاولت تكتم ضحكتها: امشى من هنا يخرب عقلك ..
روح شغلك بدل مااقول بتتحرش بيا
رامى ضحك: مجنونه وتعمليها وادبس واتجوزك ويا خسارتى
فريده : هتمشى ولا
رامى بيضحك: خلاص خلاص BEST OF LUCK BABY
فريده بتضحك: بيبى ف عينك امشى
الموظفه ال كانت جنبها بصت لفريده وضحكت
فريده: دا رامى دايما مستخف دمه كده
وعدت فتره التدريب قبل حفله الافتتاح وعمر بيلاحظ فريده ورامى ال ع طول بيتواجد ف الاماكن ال فريده فيه شك ان فى حاجه ومش قادر يفتكر شافها فين وكل ما تيجى عينه ف عينها هى تبتسم ليه وهو مكشر وبيحرك راسه بس
___________________________
فى يوم وصلت هنا المطار خرجت من باب الوصول مش لاقت رامى وكانت مضايقهلانها كانت بعتاله ع ميعاد رجوعها وحست انه نفضلها
خرجت من المطار تاخد تاكسى لاقت رامى واقف وماسك بوكيه ورد ووراه شاشه كبيره مكتوب فيه حمد الله ع السلامه هنا وحشتينى
من غير ما تفكر هنا جريت على رامى واترمت ف حضنه وحضنIH
رامى: الناس يا مجنونه
هنا: وحشتينى وبعدين من امتى يهمنى الناس
رامى حضنها: وحشتيننننننى
هنا: انت اكترررر يا حبيبى
بص رامى لسواق : حطت الشنط فى العربيه لو سمحت
هنا قربت منه : هو دراكولا هناك
رامى بعلامات احباط : ايوووووه
هنا مسكت خدود رامى: متتضايقش يا بيبى انا موجوده ولا هخلى حد يقربلك
رامى : تعرفى مقوله الست بميت راجل انا معاه ف الجزء الاوانى
لان انتى وديدا ال مصبرنى ع دراكولا وابوكى والله
هنا بعلامات ضيقه: ديد.. اها انت قلت انها جت عامله ايه هى
رامى لاحظ وش هنا ال اتغير : هنا فكك من الجو دا انتى عارفه ال فيها ولا تفكرى تكدرى فريده مهما حصل عندك كلمه حلوه ليها قوليهالها غير كده لا اتفقنا
هنا بصت لرامى: متضربنى قلمين علشان فريده
رامى: هو انتى صغيره اه هعمل كده لو اتصرفتى تصرف ملوش لازمه
حاول رامى يلم الدور : وبعدين يا بيبى انتى وحشانى فكك من فريده ودراكولا
ابتسمت هنا : علشان بحبك بتعرف تثبتنى صح
رامى: انتى ال ليا يا نور عنيا يلا بينا
هنا: يلا يا بيبى
مسك ايد رامى هنا وركبوا العربيه وراحوا لفندق
وصلت هنا الفندق شافت عمر قاعد فى الهول جريت ناحيته
هنا رايحه اتجاه عمر : بيبىىىىى
عمر باابتسامه: نونا جت يا مرحبا
اترمت هنا فى حضن عمر : وحشتنى اووووى يا ابيه
عمر وهو حاضنها : وانتى كمان كنتى مرتاحه فى السفر
هنا: تعبانه اوى بس لما شوفتكم ارتحت بجد
عمر بيضحك: يا بكاشه قولى لما شوفته
هنا بكسوف: لا بجد يا ابيه انتى كنت وحشنى زى رامى كفايه ان بقالى شهرين مش شفتك وبابا باعتلك السلام لانك واحشه وعاوز يشوفك
عمر : وانا مبسوط انك جيتى ... معانى بكلمه كل يوم بس هشوف فرصه واسافرله ..اطلعى ارتاحى بقى يلا وهنتغدى سوا
هنا : اوك اتفقنا ع الساعه 2 هتلاقينى مستنياك ف المطعم
بتبص حواليها هنا وعمر لاحظ كده : بتدورى ع مين رامى هناك اهو
هنا : لا بدور ع حد اعرفه عموما انا هطلع يلا باى
مشيت هنا وطلعت اوضتها وراح رامى لمكتبه وعمر كمان
جه وقت الغدا ونزلت هنا وكانت كلمت رامى انها هتتغدى معاه ومع عمر وبعد الحاح وافق رامى قعدوا ف المطعم هما التلاته هنا و رامى وعمر قرب عليهم الويتر يطلبوا الاكل بتبص هنا وتقول ال عاوزاه شافت فريده
هنا متفاجاءه: ديدا
رامى اتصلب مش علشان هنا قلقان من عمر
فريده باابتسامه: حمد الله ع السلامه يا نونا نورتى مصر والاخص شرم
هنا باابتسامه: ضحكتك حلوه زى ماهى مش كده يا روميو
رامى متنح : ها اه فعلا ..يلا نطلب الاكل
عمر بص ع فريده ورجع بص ع رامى وسكت
اخدت فريده الطلبات بتاعتهم وراحت علشان تجيب الغدا
عمر باابتسامه: تعرفيها منين يا نونا
هنا: دى صاحبتى وصاحبه رامى
عمر بيبص ل رامى ورامى حط وشه فى المينوه
عمر : صاحبتكم ..صاحبتكم ازاى اذ انتى بتيجى مصر شهر بالكتير ومش عايشه هنا صاحبتى عليها فين وبتقولك نونا كمان
هنا بتلقائيه: هى انتيمه رامى وانا اتعرفت عليها بنوته سكر والله يا ابيه
هتحبها بجد لو عرفتها عن قرب
عمر بيبص ل رامى : كفايه انتم بتحبوها
جابت فريده الغدا وسابتهم وكانت بتاخد طلبات ناس تانيه عمر ركز وحاسس انه شافها عدى اليوم وفريده رجعت السكن ترتاح وكلمت باباها تطمن عليه وبعد ما خلصت رامى كلمها تنزل تقابله نزلت فريده فى الحديقه قدام السكن وقعدت واستنت رامى لغايه ما وصل
فريده : ايه ياعم التاخير دا
رامى: لغايه ما خلعت من هنا مش كنت عاوزها تعرف انى هقابلك
فريده بتضحك: يا جوز الاتنين ..
بس ليه السريه دى هو احنا هنسرق المكان ونخلع
رامى بصوت واطى : ونولع فيه بدراكولا
ضحكت فريده : لنولع ف هولاء القوم
رامى : لا بجد اصلى عاوز اعمل مفاجاءه ل هنا رومانسيه يعنى وكنت عاوز اخد رائيك
فريده: وهو انت محتاج مفاجاءات انت تثبتها بكللمتين وهى هتصدق
رامى : لا بجد يا ديدا عاوز اعملها حاجه بسيطه وسيمبل كده انا بقالى سنه مشفتهاش
فريده : اذا دعنا نمخمخ ف صمت
فى حاجه شفتها ف فيلم عجبتنى اوى وهتعجب هنا
رامى : وبعدها نولع فى المكان ونهرب احنا التلاته
ضحكت فريده اوى : فكره برضه
وكان واقف من بعيد وشايفهم عمر لانه شك ان فى حاجه بين رامى وفريده
ومش دخلت عليه حوار الصداقه دا ولان طبعه شكاك فشاف رامى وهو خارج من الفندق ومشى وراه وال شككه اكتر انه كلم اخته سالها ع رامى قالتله انه نايم يعنى هى متعرفش انه قاعد مع فريده وشافهم عمالين يضحكوا ويهزوا فى مكان بعيد شويا فشك ف علاقتهم ...غير انه افتكر شكل فريده انه شافها فى مطعم اللوتس لما الراجل الكبير كان بيعاكسها وانها هى ال كانت سانده ع العربيه ووقعت فشك فيها ورجع الفندق استنى ف الهول وطلب من عماد ملف الموظفين الجداد ودور ع ملف فريده لاقاه من الاحتياطيين وان مش عندها اى مؤهلات فعرف انها جت بواسطه من رامى لمكان وانها تبقى معاه وشك اكتر لان رامى هو ال طلب النقل
ل شرم وهو قاعد بعد فتره لاقى رامى دخل من باب الفندق بس رامى مااخدش باله منه فقرر انه يعرف هنا ال شافوا ومش عاوزها تنخدع ف رامى ....
________________________________
تانى يوم ع الفطار عمر و هنا قاعدين بيفطروا ف المطعم
هنا: هو رامى اتاخر ليه كده دا حتى نايم بدرى
عمر : نايم بدرى .. انتى متاكده انه نام بدرى
هنا بصتله وباابتسامه: ايوه انا سيباه الساعه 10 وقالى انه هينام
وبكلمه مش بيرد
عمر : تلاقيه راحت عليه نومه
بص عمر ل هنا : نونا هو انتى بتثقى فى رامى لااى درجه
هنا باابتسامه كبيره وتنهيده : زى ما بثق ف نفسى رامى يا ابيه حب سنين وانا صغيره فتحت عينى ع رامى حب عمرى هو
عمر: بالرغم من انكم بعاد عن بعض واثقه فيه انه مخلص ليكى
هنا بتلقائيه وهى بتاكل : طبعا يا ابيه دا بيقدملى تقرير يومى لل بيعمله
عمر: وعلاقته بفريده مش مضايقاكى
هنا : بصراحه ... كنت بضايق اوى وخناق معاه بااستمرار كل ما تجى اسمها
لانى حسيت ان ف حد شاركنى فيه وكمان علشان بتقعد معاه وتشوفه وانا لا زى ماانت عارف ...بس انا واثقه فيه واتعودت عليها وبكلمها وبقينا اصحاب زى ماانت شايف
عمر مسك فنجان القهوه: مش اى حد سهل نثق فيه ممكن اقرب ما ليكى يخون ثقتك وانتى تكونى ع ثقه انه مش هيحصل
هنا قلقت من كلام عمر : هو فى حاجه يا ابيه
عمر : هنا انتى اختى الوحيده والصغيره واهم حد ف حياتى
ومش عاوزك تنصدمى بسبب اى حد ولا تتعبى راجعى علاقتك مع ال حواليكى وراجعى الثقه ال ادتيها لناس يستهلوها ولا لا
هنا قلقت: ابيه فى حاجه ايه حصل
عمر لسه هيتكلم رامى كان جه بص ل هنا وقام : فكرى فى كلامى
رامى : صباح الخير
هنا متنحه فعمر رد عليه : صباح الخير ياريت تفطر بسرعه علشان عندنا شغل
رامى: حاضر مش هتاخر
عمر بص ل هنا : enjoy nona
هنا باصه ل عمر :thanks baby
رامى : اخوكى دا نسى يعنى ايه ضحك خايف وشه يكرمش
هنا متنحه فى وش رامى ..رامى لاحظ كده : هنا صباحوو تناحه روحتى فين
هنا: لا معاك يلا نفطر .. اعمل حسابك نتغدى سوا
رامى : انتى لسه سامعه الحفله قربت ودراكولا مش هيرحمنى
هنا اضايقت: حاول يا روميو انا مش جايه اقعد مع نفسى
رامى بيقرب منها : متقلقيش هعوضك وهترجعى لندن مزقططه وعد
هنا : لما اشوووف
رامى: يلا هطير انا يا بيبى علشان دراكولا واشوفك لاحقا
هنا : انت لحقت ..اوك باى
قعدت هنا لوحدها ومش عارفه هتعمل ايه طلعت اوضتها تقعد شويا وبعدين نزلت تتمشى وجه معاد الغدا اتصلت ب عمر لاقته فى اجتماع ورامى مبيردش فقررت تروح تاكل لوحدها وهى ماشيه شافت فريده قاعده قرب كشك بتاع دعوات ومعاها سندوتشات وبتاكل وباصه الناحيه التانيه
فقررت تروح تفاجئها وتعزمها ع الغدا بدل السندوتشات وهى بتقرب وسامعه هزار وضحك فريده سمعت صوت رامى راحت بصت من الناحيه التانيه لاقت رامى ماسك سندوتش وبياكل وهو مبسوط اوى راحت مسكت موابيلها ترن عليه لاقته مسك الموبيل بص عليه وكتم الصوت ورجع ياكل
فاتخنقت وكانت هتروحله ورجعت فى كلامها ورجعت الفندق وطلعت اوضتها وهى مخنوقه اوى وع الساعه 6 اتصل عليها رامى مردتش
واتصلت ب عمر وكان فى اوضته وراحتله
عمر شافها قاعده مخنوقه : مالك يا نونا
هنا : مفيش
عمر : نونا
هنا: ابيه هو انت كلامك بتاع الصبح كنت تقصد بيه حاجه
ومتقلش لا لانى حاسه بان كلامك وراه حاجه ..قولى بقى فى ايه
عمر : انت ايه مضايقك كده
هنا حكتله ع موقف الصبح
عمر : اها ..وانتى فهمتى ايه من كده
هنا : ابيه انا مش فاهمه حاجه قولى عارف ايه ومخبى عليا
عمر : طيب هو رامى قالك فريده اشتغلت هنا ازاى
هنا: اها قالى عملت انترفيو ف القاهره وجت تبع ستف الموجود
عمر : يعنى مش قالك من الاحتياطى هى
هنا متنحه : لا
عمر : بصى يا نونا ..
)حكى ليها الموقف ال شافه بين رامى وفريده (
علشان كده قلتلك مش سهل تثقى فى اى حد
انتى شايفه انها انتيمه رامى او لا دى ترجعلك ..بس كل العلامات بتقول لا
هنا تنحت: يعنى هو ال جابها هنا علشان مش قادر يبعد عنها
عمر: انا كنت همشيها بس هى لازم تغلط علشان امشيها ع حق وانا يهمنى مصلحه الشغل القرار قرارك والحمد الله محصلتش خطوبه رسمى او جواز
هنا دموع نزلت من عنيها راحت عمر حاضنها ومسحلها دموعها
عمر: اهو دا ال انا مش عاوزه مش عاوز اختى تبقى ضعيفه كده
لو اتحكم الامر انك تدوسى ع قلبك دوسى .. نفسك اهم حاجه
هنا وبتعيط: انا مش مصدقه رامى يكون بيكدب عليا
عمر : عندك عنين وعقلك شوفى واحكمى
قعدت هنا تراجع فى كلام عمر وتفكر فيه جزء مخليها تشك وجزء مش عاوز يشك وتليفونها عمال يرن وتبص تلاقيه رامى متردش عليه
____________________________
جه يوم الحفله والكل كان مشغول حفله فيها مسئولين كبار وصفوه رجال الاعمال وصحافيين والكل كان ع اعصابه وهنا كانت واقفه مع اخوها لان باباهم مش جه وكانت بترد ببرود ع رامى وع فريده وكانت بتبص تراقبهم من بعيد وفريده من غير قصد كانت بتبص ع عمر من تحت لتحت ومحدش لاحظ حاجه شدتها بتخليها تبص عليه فحاولت تركز وتقدم المشروبات لضيوف
و هنا كانت واقفه جت فريده ليها بصنيه المشروبات وراحت ناحيه هنا وع وشها ابتسامه
فريده مبتسمه: زى القمر يا نونا
هنا بصتلها من فوق ل تحت : ياريت تركزى ع الحفله مش على لبسنا
فريده تنحت : ها .. حاضر
رامى لاحظ وش فريده المتحول راح ناحيه هنا
رامى : نونيتى قمرايه الحفله
هنا بصتله : بيبى انت ال منور الحفله
ف شخص نادى عليه راح خلص كلام معاه ولاحظت نظرات وغمزات رامى ل فريده طول الحفله والابتسامات ال بتتوزع وهنا حطت فريده ف دماغها
وافتكرت من اخوها انها لو غلطت هيطردها وطول ماهى مش بتغلط هتفضل موجوده وهى مسافره كمان يومين
راحت ناحيتها وهى بتقدم المشروبات اتعمدت تخبطها وقعت الصينيه ع الارض ...هنا بعصبيه: مش تفتحى ولا ايه
رامى راح بسرعه يلم الموقف وعمر واقف بعيد وبيبص
الضيفه ال كانت واقفه بتوجه كلام ل هنا : حصل خير مفيش حاجه جت ع الفستان
هنا بعصبيه: مهما كان يعنى لو حصل لفستانك حاجه والفستان غالى ولا مرتبها العمر كله هتعرف تجيبه
فريده باصه مش مصدقه طريقه كلام هنا ليها : انا اسفه انا اسفه
رامى دخل فى الكلام مسك هنا من ايديها وبص لضيفه : احنا اسفين اوى لحضرتك حالا يجلك مشروب تانى
وبص لفريده : روحى يا ديدا شوفى شغلك
مشيت فريده وهى مش فاهمه ايه ال حصل
مسك رامى ايد هنا ومشى بعيد عن المكان شويا
رامى بيحاول يتماسك : فى ايه انتى شاربه حاجه ولا ايه
هنا بعصبيه بتبصله: ليه هو انا ال غلطت مش الحفله دى مهمه علشان القريه واى تقصير او اهمال هيدى سمعه مش كويسه لمكان
رامى بصوت عالى وعصبيه : هنا ...
فى ايه قلتلك وايه اسلوب الزباله ال اتكلمتى فيه مع فريده دا
هى عملتلك ايه علشان تعملى كده
هنا مستغربه من عصبيته علشان فريده : رامى انت بتعلى صوتك عليا علشان فريده
رامى : فريده خط احمر وقلتلك كده من زمان وانتى اتفهمتى ايه عوجج كده
هنا بصت ل رامى لحظات : رامى ايه بينك وبين فريده بالظبط
رامى استغرب من سؤالها : هنا
هنا بدموع نازله من عنيها وبعصبيه: مش بعد العمر دا مش مستوعبه انى اتخدعت فيك وانك بتكذب عليا وانا علشان بحبك بصدق كل كلمه .. مش مصدقه انك وفريده مع بعض وتقولى اصحاب استحاله ال يشوفكم يقول اصحاب
وانا صدقت ومسافره وواثقه فيك ومستنياك وانت هنا معاها ..عمر شافكم مع بعض بليل قاعدين فى مكان بعيد ومرضتش تتغدى معايا وشوفتك واقف معاها ومبتردش ع مكالماتى وفى الحفله ابتسامات ونظرات وانا هوا واقف ..عمر كان عنده حق لما قالى متثقيش فى اقرب ناس ليكى
مسك رامى هنا من دراعها الاتنين وبصوت عصبى : عمر يا هنا عمر
عمر ال بيشك ف صوابع ايده سمعتيله .. اعقلى ايه الكلام دا ايه حصل لكل دا
فريده خط احمر يا هنا قلتلك وعلاقتى بيها واضحه جدااا ومفيش مبرر ابررهولك انتى بالذات .. انا لو مش بحب وبتسلى ايه ال هيجبرنى اتعامل مع اخوكى وابوكى اتعامل مع العيله المريضه ال بتكره نفسها
انا استحملت ورضيت بشروطهم علشانك وكل دا تقولى بضحك عليكى ومش قد الثقه ...ايه ال هاخده من كده .. فريده اكتر شخص عرفته مخلينى استحمل كل حاجه وانتى بعيده وبتشجعنى اكمل علاقتى معاكى
برغم من ضغوط ابوكى واخوكى .. فريده لو بنت مش كويسه كان زمانى متجوزها لو هى بترسم عليا وعاوزانى او فى بينا حاجه ..
انا لا محتاج لاابوكى ولا لااخوكى ولا لاابويا ولا فلوسكم
انا عاوز اعيش واعيش معاكى انتى ..انتى وبس يا هنا .. ولااسف انتى مش فهمانى بعد كل دا ...
هنا سمعت الكلام ومش بتنطق سابها رامى ومشى وهى متصلبه
حاسه بغلطتها انها اتسرعت ف الحكم على رامى وفريده
وانها سمعت ل عمر وقفت مكانها متحركتش ...
رامى راح ناحيه فريده كانت متوتره من ال حصلها
رامى : فريده اهدى كده بلاش تتوترى
فريده بتجمع نفسها : حصل خير حصل خير .. روح لناس وانا هشوف شغلى
مشي رامى وهو مضايق من ال حصل وعمر مبسوط من ال حصل وبيضحك
هنا سابت الحفله وطلعت اوضتها لغايه ما خلصت الحفله واتصل عليها عمر مردتش دخلها اوضتها لاقاها نايمه ... فريده كانت قاعده ع ديسك فى جنينه قدام السكن وكانت مضايقه من ال حصل والاحراج
مسكت السلسه وضغطت عليها ومسكت الموبيل واتصلت ع باباها
فريده بصوت مخنوق : وحشتنى يا عمر افندى
باباها: ديدا وانتى كمان .. مالك ؟
فريده: افتقدك اووى قلت اكلمك
باباها: فى حاجه حصلت
فريده: لا مفيش انت عامل ايه كويس
باباها قلق : انتى فين
فريده: قدام السكن بشم هوا
باباها: قومى دلواقتى اتوضى وصلى ركعتين واقرى قران
فريده : انا هعمل كده قبل ماانام
باباها: بقولك دلواقتى متسنيش لما تنامى
سمعت صوت جنبها وكان رامى : ديدا
فريده : طيب هقفل دلوزاقتى يا بابا وهكلمك بكره
باباها: متنسيش ال قلتلك عليه
فريده : حاضر لااله الا الله
باباها : سيدنا محمد رسول الله
فريده بصت لرامى ورسمت ع وشها ابتسامه : روميو عندنا يا مرحبا
رامى قعد جنبها : مش عارف انام وكنت بتمشى ولمحتك وقلت اقفشك بتحبى ف مين دلواقتى
فريده باابتسامه: حبى طبعا
رامى : عمر افندى
فريده : ايون .. انت مش عارف تنام ليه بقى بتحب جديد ومعرفش
رامى : مخنوق اوى من ال حصل .. مكنتش اتوقع من هنا كده
فريده : انت اتكلمت معاها
رامى اتنهد ونفخ : ياريتنى ما اتكلمت
حكى رامى ل فريده ع كلام هنا ليه وال عمله عمر
فريده تنحت : اخوها وقع بينكم واستغلنى
رامى: اخوها دا اصلا معقد ومريض العيله كلها عاوز الحرق
وانا جى شفته عند حمام السباحه قاعد كنت هروح اطلع فيه واديله نصيبه ويلا لو اترفدت يلا فى داهيه
فريده : طيب اتكلم معاها تانى معلش معذوره ولو مسمعتش لاااخوها هتسمع لمين
رامى بيبصلها : نعم وهى ال غلطت اروح اكلمها انا
فريده بتغمزله : يا روميو فى الحب مفيش مين غلطان ومين عنده الحق
ال بيحب لو عنده الحق هيروح يصالح ال بيحبه .. هتقولى كرامتى وبتنجان
هقولك متفكرش ف خطوبه مش جواز ..مش كل الغلطات تعمل كده .. بس هى معذوره ومش قاصده وعلشان بتحبك عملت كده .. فاتكلم معاها تانى وانتم هاديين .. ولا اقولك مش هى مسافره بعد بكره
ظبط الحوار قبل ما تسافر وفاجائها وانا واثقه انك لما تقولها عاوزك هتقابلك
انا هظبطتلك كل حاجه اشطه .. واخوها دا سبهولى
رامى : ياااااه يا فريده انتى مركزه فى اننا نتصالح ونسيتى ال عملته معاكى
فريده: يا روميو انا عذراها بتحبك يا واد ..فين عمر افندى يفهمك
انا محبتش عمرى بس فاهمه ايه هو الحب .. خد كل حاجه ببساطه ولو طرف شد التانى يرخى علشان الخيط ال بينكم ميتقطعش وتقعد تربط فيه ويبقى مكلكع
رامى: انا لازم اخد كورسات حب عند عمر افندى
فريده بتضحك: لا انا بس .. ويلا بقى الوقت متاخر
رامى: اوك يا بيبى good night
فريده : good night
مشى رامى وكانت فريده ماسكه نفسها وبتهدى فى نفسها وكانت هتروح تتكلم مع عمر لكن حاولت تهدى ومش تديله اهتمام
طلعت السكن اتوضت وقعدت تقرا قران لغايه ما هديت ونامت
___________________________
تانى يوم الصبح هنا قاعده فى الاوضه مش نزلت تفطر مع عمر
ورامى متصلش عليها كل شويا تبص ع الموبيل
الباب خبط ودخل عمر
عمر: صباح الخير يا نونيتى
هنا بوش مكشر: صباح الخير
عمر بص لاقى الفطار زى ماهو : ايه دا مفطرتيش
هنا: مليش نفس
عمر باابتسامه: ولا حتى حته صغنتوته
هنا : خلاص يا ابيه مش عايزه
تليفونها رن بصت بسرعه كانت مامتها مردتش
عمر : هو من امبارح مكلمكيش
هنا : لا وانا مش هكلمه .. معانى هموت واكلمه
عمر : ال انتى شايفاه
هنا بصت ل عمر : ايه البرود دا ال يشوفك امبارح الصبح وانت عمال تسخن فيا
ميشفش البرود دا ..انت عاوزينى اسيب رامى يا ابيه
عمر بصلها: قبل ماهو يسيبك
اتصدمت من الكلمه هنا : نعم
عمر : البنت ال اسمها فريده انا افتكرت شفتها فين كانت شغاله فى مطعم كنت فيه كانت هنا ويتر وكانت بتستغل الزباين الاغنيه وتغويهم .. وسئلت عليها وعرفت انهااطردت منه بسبب كده ورامى شخصيه ناجحه ومن عيله غنيه انتى عارفه ان باباه شريك لبابا فى مشروع الاسكان
ويمكن من الاسباب دى بابا وافق ع خطوبتك لانه من مستواكى ... انما لو هو عاوز ينزل ينزل لوحده مش وانتى معاه
هنا : بس رامى بيحبنى يا ابيه
عمر: مش يعمل كده ويسيبك من غير ما يطمن عليكى ..
وامبارح كان مع فريده بدل ما يطمن عليكى انتى خطيبته حبيبتته
هنا ابتدى الشك يشتغل تانى
عمر : الاكل والشرب مش ليهم علاقه كلى واشربى
انا خارج دلواقتى ف اجتماع ونتقابل ع الغدا اتفقنا
هنا حركت راسها وخرج عمر من الاوضه وهى باصه لموبيل ومش عارفه تعمل ايه شويا وموابيلها رن رساله وكانت من رامى
فتحتها وهى متردده
(هستناكى الساعه 10 بليل عند ع الشط قدام كافيه hello متتاخريش)
بصت هنا لرساله : انت فاكرينى خدامه عندك وقت ما تقولى عاوزك هنزل ..لا مش هنزل ومسحت الرساله
_____________________________
جت الساعه 9 ونص وهنا فى الاوضه ماسكه الموبيل ورامى من بعد ما بعت الرساله ولا اتصل بيها وهى عماله تقول لنفسها : مش نازله .. ولا رايحه فى حته عاوزنى يجيلى الاوضه هنا او يستنى تحت لما انزل
قامت وقفت: لا هنزل علشان اقوله الكلمتين الوقفين فى زورى قبل ما اسافر
لانه ممكن مصدفهوش قبل ما اسافر وانا مش هسافر وانا ع اخرى كده بكره
راحت خدت موابيلها وكانت الساعه داخله ع 10 وراحت المكان
ولاقت ع الارض ممر معمول من الشمع فى وسط الضلمه وهى واقفه عند باب المدخل سمعت صوت يندها : هنا ادخلى وامشى ع الاتجاه الموجود
وهى مخضوضه ماشيه ودخلت وصلت لغايه شاشه محطوطه ظهرت صور تجمع هنا مع رامى
والعرض الصور شغال رامى اتكلم بالميكرفون :
رامى : هنا .. انتى فاكره الصور دى اخدناها امتى
فاكره صوره العصير لما وقع ع هدومك فى لندن ومرضتيش تغيره وانا بهدلت هدومى كمان وبقينا زى المجانين والناس تضحك علينا ...فاكره اول هديه جبتهالى كان روايه ال كنت بدور عليها .. فاكره اول لمسه ايد بينا وحضن جمعنا ...هنا ...انا ولا نسيت ولا هنسى لحظه من لحظات بتجمعنا سوا
.. هنا ... انا فى الدنيا دى مليش غيرك انتى وديدا
سمعت هنا اسم فريده تنحت وفريده كانت واقفه
فريده: يخرب عقلك دا وقته تقول اسمى
كمل رامى كلامه: ديدا اجدع بنت قابلتها اخت وامى وصاحبتى
ال بينا صعب يتوصف علشان كده لو اتاذت يعتبر انا ال اتذيت
هنا .. ديدا ليه مكانه وانتى ليكى مكانه تانيه
انتى عمرى ال جى وحياتى ومستقبلى وال مصبرنى ع حاجات كتير
ر ال حصل كان سوء تفاهم .. هنا .. انا بحبك انتى
انتى عمرى ال فات وال جى .. وقدام الجميع
انا بعتذرلك انا اسف انى زعلت لحظات ..
لو موافقه اننا نكمل الباقى من عمرنا مع بعض حركى راسك
هنا مش مستوعبه ال شايفاه وسامعاه ودموع فرح نزلت من عنيها
راحت هزت راسه بالموافقه وفى اللحظه ديه الالعاب ناريه اشتغلت وانوار اشتغلت
ورامى بصوت عالى : بحبببببببببببببببببببك يا هنننننننننا
راحت تبص عليه لاقته واقف الناحيه التانيه جريت عليه هنا واترمت فى حضنه وهى بتعيط
هنا : بحبك والله بحبك ومقدرش استغنى عنك
رامى حاضنها : وانا حياتى متسواش حاجه من غيرك ..بحبك
هنا : بحبك
كل الناس كانوا موجودين صفقوا وفريده قربت منهم
فريده : ايوه كده يا جماعه مهما حصل خلى حبكم اقوى من اى حاجه واقفوا قدام اى حاجه انتم مع بعض هتتحدوا المستحيل
هنا كانت محرجه من فريده رامى قرب منها ولسه هيتكلم
راحت هنا اترمت فى حضن فريده : انا اسفه يا ديدا متزعليش منى
انا بجد غيرتى عمتنى ونسيتنى حاجات كتير وجرحتك وزعلت انا اسفه
فريده حضنتها : ولا يهمك يا حبيببتى انتى اختى ورامى اخويا ..ها .. اخويا
رامى بيضحك: اجبلكم اتنين لمون علشان المصالحه دى
فريده : يا ظريف
رامى : 5 دقايق وراجع متعرفيش انا عملت ايه علشان احجز المكان دا ساعه
دفعت دم قلبى .. افكارك مكلفه اوى يا ديدا
بصت هنا ل فريده : انتى صاحبه الفكره
رامى : الفكره الاساسيه كان عرض خطوبه مش اعتذار علنى
فلستونى يا ولاد اللذينه
فريده : كله علشان نونا يهون ولا ايه
هنا : طبعا يا ديدا يخليكى ليا
رامى : لا دا وانتم متخاصمين كان اريح واوفر ثوانى وهبقى معاكم
مشى رامى وساب فريده مع هنا
هنا بصت لفريده ومسك ايدها : بجد انا اسفه يا ديدا
متزعليش منى سوء فهم وانا هبله بصدق ع طول
فريده : حصل خير بس خديها كلمه منى الواد دا بيموووت فيكى بجد وعلشان بيعمل حاجات كتير واقربهم مستحمل دراكولا ال هنا
هنا : عمر .. الله يسامحه كان هيخسرنى رامى وهيخسرنى انتى بسبب الى قاله عليكى
فريده تنحت : انا هو يعرفنى علشان يتكلم عليا
هنا بتلقائيه : مش انتى كنتى شغاله فى مطعم اسمه .. اسمه .. الزهره باين
فريده تنحت افتكرت انه افتكرها : اللوتس
هنا : ايوه اللوتس دا .. وعرف ان انتى اطردتى بسبب انك بتغوى الزباين الاغنيه وهو شاف كده بعينه فى مره
فريده تنحت وبصوت عالى : ايييييييه انا
هنا اتخضت : مش اقصد انا حاجه انا بقولك ال سمعته
فريده : اخوكى دا عاوز ال يظبطه هو مين علشان يحكم ع الناس
هنا : ال شافه خلااه يشك فى صوابع ايده
ولسه هتحكى هنا ايه ال خلى عمر كده رامى وصل
رامى : يلا بينا يا بشر
فريده وملامح غضب ف وشها : لا روح انتم وانا هحصلكم
راحت بسرعه لريسبشن تسئل ع عمر فين
فريده : اميره متعرفيش مستر عمر فين
اميره موظفه الريسبشن : اعتقد انه فى حمام السباحه بيشوف حاجه هناك
فريده : اوك
راحت فريده بسرعه لحمام السباحه لاقت واقف مع موظفين بيطلب منهم حاجات راحت لغايه عنده
فريده : مستر عمر ممكن لحظه
بص عمر ليها : فى حاجه ولا ايه
فريده بتحاول تمسك نفسها : 5 دقايق مش هعطلك
عمر بعجرفه: انتى فعلا معطلاانى لو عاوزه حاجه مهمه استنى لما اخلص
طريقته معجبتش فريده ف الكلام حاولت تتماسك وفضلت مستنيه لغايه ما خلص ومشى واتجاهلها
راحت وراه : مستر عمر
راح عمر بص : انتى لسه موجوده خير
فريده حاولت تهدى : انا حضرتك قلتلك عاوزاك وقلتلى استنى ومع ذلك اطلطعت ساعه وبعدين حضرتك ماشى ولا شايفنى
عمر بضحكه بارده: انتى موقفانى علشان كده
فريده : لا حضرتك
عمر : قولى عاوزه ايه مش فاضى انا
فريده بتحاول تتكلم بهدوء : حضرتك قبل ما تحكم ع حد اعرفه الاول واتاكدت قبل ما تتكلم
عمر: مش فاهم
فريده : مطعم اللوتس
افتكر عمر : اها .. ماله
فريده : ال حصل فيه ..
قاطعها عمر : ال حصل فيه اتاكدت منه من مدير المطعم نفسه
فريده : وحضرتك صدقت وركبت حوار وحاولت تفصل بين رامى وهنا
عمر : انا محاولتش تصرفاتهم هما ال بتتحكم ف علاقتهم
فريده : هما بيحبوا بعض ..
راح عمر ضحك بصوت عالى : بيحبوا ... حب هو ايه الحب دا
بياكل بيشرب .. بيعيش ... دى مشاعر ضعيفه بتستغل الواحد وبتكسره
بتخليه زى السودانيه جت تحت كساره وطحنتها مش بتخلى من الواحد الا فتافيت ومش بيرجع تانى
فريده مصدومه من كلامه : انت فاهم الحب غلط .. هو حضرتك محبتش
الحب حياه النفس ال بتتنفسه .. النور ال شايف بيه الاحساس ال بيخليه بتحس بجمال كل حاجه . الحب .. هو القدره ع انك تستحمل وتعيش وتكمل هو الحافز لحياه
عمر : دى فلسفه لناس الخياليه ال زى هنا ورامى وانتى كمان ..العقل مش كده
فريده: هو انت عمر ما قلبك دق ولا اشتقت ولا اتجرحت
تنح عمر من سؤالها ومتكلمش
فريده :الحب مجموعه احاسيس شوق ولهفه والم وعالم تانى يفصلك وفى نفس الوقت .. يديك حافز انك تستمر فى واقعك بمساعده الطرف التانى لو بيحبك بنفس القدر
فى اللحظه دىجت عربيه شايله معدات تعدى وفريده كانت ع حرف حمام السباحه ومره واحده كانت هتقع فمسك عمر ايدها ولحقها وشدها ناحيته وبقت فى حضنه تنحت لموقف وحست بقشعريره وقلبها دق بسرعه واتصلبت
عمر بنص ضحكه بارده وفريده فى حضنه : عجبك حضنى ولا ايه
كنت بسئل ازاى كنتى بتغوى الرجاله الكبيره ...لو بالكلمتين يبقى تكسبى
سمعت فريده الكلمتين وبعدت نفسها وبصتله
فريده بغضب ..............


(4)

فريده حاولت تهدى : انا حضرتك قلتلك عاوزاك وقلتلى استنى ومع ذلك اطلطعت ساعه وبعدين حضرتك ماشى ولا شايفنى
عمر بضحكه بارده: انتى موقفانى علشان كده
فريده : لا حضرتك
عمر : قولى عاوزه ايه مش فاضى انا
فريده : حضرتك قبل ما تحكم ع حد اعرفه الاول واتاكدت قبل ما تتكلم
عمر: مش فاهم
فريده : مطعم اللوتس
افتكر عمر : اها .. ماله
فريده : ال حصل فيه ..
قاطعها عمر : ال حصل فيه اتاكدت منه من مدير المطعم نفسه
فريده : وحضرتك صدقت وركبت حوار وحاولت تفصل بين رامى وهنا
عمر : انا محاولتش تصرفاتهم هما ال بتتحكم ف علاقتهم
فريده : هما بيحبوا بعض ..
راح عمر ضحك بصوت عالى : بيحبوا ... حب هو ايه الحب دا
بياكل بيشرب .. بيعيش ... دى مشاعر ضعيفه بتستغل الواحد وبتكسره
بتخليه زى السودانيه جت تحت كساره وطحنتها مش بتخلى من الواحد الا فتافيت ومش بيرجع تانى
فريده مصدومه من كلامه : انت فاهم الحب غلط .. هو حضرت محبتش
الحب حياه النفس ال بتتنفسه .. النور ال شايف بيه الاحساس ال بيخليه بتحس بجمال كل حاجه
الحب .. هو القدره ع انك تستحمل وتعيش وتكمل هو الحافز لحياه
عمر : دى فلسفه لناس الخياليه ال زى هنا ورامى وانتى كمان ..العقل مش كده
فريده: هو انت عمر ما قلبك دق ولا اشتقت ولا اتجرحت
تنح عمر من سؤالها ومتكلمش
فريده :الحب مجموعه احاسيس شوق ولهفه والم وعالم تانى يفصلك وفى نفس الوقت يديك حافز انك تستمر فى واقعك بمساعده الطرف التانى لو بيحبك بنفس القدر ...
فى اللحظه دى جت عربيه شايله معدات تعدى وفريده كانت ع حرف حمام السباحه ومره واحده كانت هتقع فمسك عمر ايدها ولحقها وشدها ناحيته وبقت فى حضنه تنحت لموقف وحست بقشعريره وقلبها دق بسرعه واتصلبت
عمر بنص ضحكه بارده وفريده فى حضنه : عجبك حضنى ولا ايه
كنت بسئل ازاى كنتى بتغوى الرجاله الكبيره ...لو بالكلمتين يبقى تكسبى
سمعت فريده الكلمتين وبعدت نفسها وبصتله
فريده بغضب : انت بتقول ايه
عمر : لا ولا حاجه بس كل واحد عارف بيعمل ايه
عموما انتى خلصتى كلامك وانا عندى شغل عندك حاجه روحى لمستر عماد
مشى عمر فريده شدته من ايده ووقف: انت غلطت فيا وانت متعرفنيش
انت مين علشان تحكم عليا وتصدر كلام واثق منه انت مشفتوش بعينك
عمر: لا شفت بعينى الموقف ف المطعم
فريده بعصبيه : شفت بعينك بترمى ف حضن رجاله الكبيره
ولا بيتكلم بحنيه وسهوكه معاهم
عمر افتكر انه مشفهاش كده شافها واقفه بعيد باصه ع الراجل بقرف : انا .. اقصد
فريده بعصبيه: انت تقصد تجرحنى باى حاجه ..انت بتجرح ال قدامك
من غير متتاكد ..انت عشت معايا او عرفتنى علشان تحكم عليا لا ..انت ليه قلبك قاسى كده ...انك تحكم ع غيرك من غير دليل واضح دا ظلم والايام مش هتسيب ال ظلم ...انا مش هبررلك نفسى لانى انا عارفه نفسى وتربيتى واخلاقى انما ال بيحب نفسه ويحب يأذى الناس انت ..داانت كنت هتأذى اقرب الناس ليك فوق من ال انت عايش فيه انت مش عايش ف الدنيا لوحدك
ومش كل حاجه فلوس ومناصبي في حاجه اسمها احساس واخلاق وتربيه يا ابن ناس الاغنيه
وبصتله فريده بصه غضب : متبقاش قاضى ع الناس و ناسى نفسك
ومتحكمش ع حد متعرفوش كويس .. وشغلك دا ربنا كريم بيزق النمله ف الارض يغور الشغل ال يقل من الواحد كده ..كرامتى واحترامى لنفسى اهم من اى شغل ......
مشيت فريده وخبطته ف كتفه وهى ماشيه وسابته فريده وهو مستغرب من اسلوبها الجامد ال مكنش فيه خوف من انها تتطرد من الشغل
وانه صاحب الشغل وانه اصلا مش عارف يرد عليها وانها هتسيب الشغل كده
مسك موبيله واتصل ب عماد المسئول ع الموظفين وعقودهم
عمر بصوت عصبى :عماد فريده لما تجيلك باستقالتها متوافقش عليها وخليها تجيلى مكتبى
عماد: فى حاجه يا مستر عمر
عمر: ممكن تعمل ال بقولك عليه
عماد : حاضر
عمر بيكلم نفسه: انتى تكلمينى كده وانا اقصد ساكت
دخلت فريده اوضتها فى السكن ولمت هدومها وكتبت استقالتها ورامى بيكلمها ومردتش عليه راحت ع مكتب عماد علشان تقدم استقالتها وتشكره ع اهتمامه فريده خبطت ع باب المكتب ودخلت
عماد باابتسامه: ديدا ادخلى
فريده باابتسامه: اسفه ع ازعاج حضرتك بس انا مش هاخد من وقتك دقايق
عماد: ادخلى اقعدى ..خير
فريده طلعت ورقه استقالتها : اتفضل
عماد بص تنح لانه كان شكك انها تعمل كده : خير فى حاجه يا ديدا
فريده : لا ابدا بس انا عاوزه ارجع القاهره ولشغلى القديم حاسه انى مش هتأقلم هنا
عماد سكت ثوانى : خساره بجد بس انا اسف جدا
فريده بصتله: اسف على ايه
عماد: مش هقدر اقبلها
فريدده: ليه
عماد: لو عاوزه تقدميها قدميها لمستر عمر نفسه غير كده مش هينفع
فريده: مش حضرتك المسئول عننا هنا
عماد: ومستر عمر المسئول عن المكان كله
اضايقت فريده واخدت الورقه وراحت ع مكتب مستر عمر وهى متنرفزه
وصلت المكتب وطلبت من السكرتير انها تدخل وبعد 5 دقايق دخلت

عمر كان قاعد ع المكتب وفاتح ملف قدامه ومنغير ما يبص قالها اقعدى
فريده بصوت عالى : انا جايه علشان من اقعد انا جايه ......
عمر بصلها : وطى صوتك واقعدى
قعدت فريده : وحطت الورقه قدام عمر
عمر بنص ضحكه : عاوزه تمشى والله دى حاجه كويسه جدا
فريده قامت : شكرا انا خارجه
عمر : بس مش همضى ولا هقبلها دلواقتى
فريده رجعت و بصتله: نعم
عمر قام من ع المكتب وراح قعد ع الكرسى حط رجل ع رجل
عمر: مش انتى قولتى انا بحكم ع الناس غلط وشككتتى ف كل كلامى
اثبتيلى ان كلامك صح وكلامى غلط
فريده بااستغراب : نعم
عمر : لو اثبتيلى كده ليكى اعتذار ولو طلعت انا صح وجتلى شكاوى منك
وانت بتتصرفى غلط مع الزوار هترجعى القاهره ع طول ومش هتلاقى شغل فى اى مكان كبير
فريده : دا رهان
عمر باصصلها: دا اثبات مين الصح
فريده حست انه هيتغلب عليها واستفزها وافقت
عمر: شهر واحد ال هيحكم
فريده بثقه: شهر او اكتر انا زى ماانا مش هتغير ..

وخرجت فريده وهى متغاظه من كلام عمر وتصرفاته ورجعت ع االسكن لاقت رامى واقف قدام السكن
رامى بقلق: روحتى فين يا بنتى
فريده : لا مفيش
رامى: مالك يا ديدا
فريده: كنت بقدم استقالتى وهرجع القاهره
رامى اتخض: نعم ..ليه ايه حصل
فريده بصتله: دراكولا ابن خالتك
رامى : عملك ايه دا
فريده : عرف حوار المطعم وشايف انى مش اخلاق كويسه
رامى اتعصب : دا مبيفهمش دا ولا تحطى ف بالك انتى الفتره ال انتى موجوده فيها كل ال اتعامل معاكى شكر فيكى ..هو بيحب يسمع ال يجى ع هواه
فريده : اهدى بس ... ماهو استفزنى وحطنى تحت الاختبار علشان يتاكد
رامى بعصبيه : لا دا لازم اتكلم معاه
فريده : لا يا رامى سيبهولى انا وانا هعرف اتعامل معاه
رامى سكت : اوك اطلعى ارتاحى وانا هروح انام لان طياره هنا الصبح وهوصلها
فريده : اتفقنا اشوفك بكره وسلملى ع نونا بدالى
رامى: يوصل
مشى رامى وطول ماهو ماشى مخنوق من ال سمعه من فريده ودخل الفندق قرر يشوف عمر سئل عليه لاقاه فى اوضته
طلع اوضته خبط ع الباب وعمر فتح
رامى : ممكن 5 دقايق
عمر : اتفضل
دخل رامى وعمر قعد وطلب من رامى يقعد
عمر : سامعك
رامى : بعيد عن الراسميات انا هتكلم معاك ... فريده
عمر ضحك: فريده ..مالها فريده لحقت اشتكتلك ؟
رامى لاحظ سخريه عمر منه ومن فريده : فريده اكبر من تعمل كده او اكبر من انى احكى عنها وانت مهما حكتلك مش هتفهم علاقتى بيها بس الحمد الله هنا فاهمه
عمر : اها وبعدين
رامى : موضوع المطعم
عمر: ماله
راح حكى رامى ل عمر ال حصل بالظبط
رامى : لو عاوز تتاكد اسئل ال شغالين هناك مش المدير
وال عملت فيها كده لسه هناك ... ديدا من انضف البنات ال قابلتها
وطلب متضايقش فريده ولو غلطت ف شغلها عماد او انا هنتعامل معاها
غير كده ابعد عنها وسيبها ف حالها زى مااحنا سايبنك ف حالك
عمر: طلب دا ... لهجتك مش لهجه طلب
قام وقف رامى : اتنين عندى لو حد قربلهم مفيش عتاب ع ال هيحصل
هنا وفريده
وساب الاوضه رامى وقفل الباب وعمر قاعد مستغرب من مدح رامى ل فريده وهنا كمان واسلوبه الجرئ ال اتكلم بيه ودا مبيحصلش كتير ....
__________________________________
مر اسبوع من مراقبه عمر ل لكل حركه لفريده ولاحظ انها بتتجنبه هو بس
ولما وشهم بيتقابل مش بتبتسم وبتلف وشها الناحيه التانيه
وبقى يسئل كل ال يقابله عنها يشكر فيها ففى يوم نزل القاهره لمده يومين علشان شغل ف الشركه وراجع تانى
فققرر يروح يتاكد من ال سمعه بنفسه ومش من المدير
راح المطعم وكانت هناك لسه سميه شغاله
فضل قاعد لغايه ما جت تاخد طلبات وابتدى يرسم عليها وبين انه زبون سهل
وهى زى الهبله صدقت اتغدى وهو بيحاسب حطلها كارته تكلمه
اخدته وضحكت وغمزتله .. خرج من المطعم تليفونه رن كانت سميه
واتفقوا انه يستناه بعد شغلها قدام المطعم ودا حصل
خلصت سميه شغل وخرجت لاقت عربيه فخمه واقفه ونورت وراحت وركبت
سميه عماله تبص ع العربيه : اول مره اشوف عربيه كده دانت غنى اوى بقى
عمر بيضحك: انتى شايفه كده
سميه بدلع وبتقرب منه : انا شايفه اكتر من كده
عمر بذوق بعد ايدها : مش ف العربيه
سميه : انا معاك وقت ما تودينى
عمر اخدها ع فندق كان حاجز سويت طلعوا السويت وانبهرت سميه بالمنظر
سميه مذهوله: ايه دا
عمر : هو انتى لسه شوفتى حاجه
سميه بتبص ل عمر وقربت منه وبتفتح زراير القميص : لدرجه دى انا عجباك
عمر مسك ايدها الاتنين ونزلهم : مش نتكلم الاول
سميه : مااحنا هنتكلم برضه
عمر بعد عنها وقعد وطلع دفتر الشيكات : عاوزه كام
سميه بتضحك : انت كده بتحرجنى تاخدى كام ايه
خليك لطيف شويا ف كلامك
عمر عدل قعدته وبنبره جد : ديدا
سميه باابتسامه بصاله : مين
عمر : فريده عمر
سميه تنحت : تقصد
عمر : ال كانت شغاله معاكى واطردت
سميه :مالها اهى اخدت جزائها
عمر رجع لورا بضهره وحط رجل ع رجل : عاوز اعرفك ان من اللحظه ال كنت فيها ف المطعم وركوبك العربيه والفندق ودخولك السويت كلامك صوت وصوره متسجل
تنحت سميه : ايه ..بتقول ايه
عمر : لو مقلتليش الحقيقه ال حصل الفيديو دا هتلاقيه عند مديرك ف الشغل ومش هتلاقى شغل فى اى مكان مش هينوبك الا الفضيحه
سميه بتوتر : انت عاوز ايه
عمر: عاوز اعرف ال حصل فريده فعلا بتغوى الزباين
سميه تنحت للحظات : لا
عمر: ايه ال حصل يومها
سميه : فريده من النوع الطيب اوى ال فاهم كل الناس طبيبن متعرفش يعنى ايه احتياج.....يعنى ايه ممكن متلاقيش عشا ليك ولاااهلك وانك لازم تشتغل طول اليوم ويطلعلك اى مصلحه....فريده كانت وقفالى زى العقله ف الزور كل حاجه عندها مينفعش وعيب وحرام ودايما تقولى متربيه ع كده... اهلى ربونى ع كده .. بتاكدلى دايما ان محدش اتربى زيها
... من وقت ما اشتغلت وموقفه حالى .. زى ال بتعيد تربيتى من الاول بصراحه اتخنقت فى يوم كان الراجل دا موجود ف المطعم وحاول يدى كارته ل فريده ومردتش تاخده وفضل قاعد وكان ف ترابيزه تانيه زباين عليها ومشيوا وواحد منهم نسى موبيله واخدته ...
هى شافتنى وصممت انى ارجعه لصاحبه واخدته وطلعت بره تلحق صاحبه
افتكر عمر ان هو ال نسى موبيله يوم المطعم وان فعلا فريده ال كانت واقفه
سميه بتكمل كلامها : هى خرجت وانا كنت متضايقه منها روحت لراجل ع ترابيزته واخدت الكارت انى هديه لفريده وروحت حطيته ف شنطتها وهى متعرفش ... وعارفه ان فريده مش هتسكت لو ضايقها والمدير هيشوفها بتعامل الزباين وحش فهيطردها ..انا مش كنت اعرف ان الموضوع هيوصل ل ال حصل صدقنى
عمر تنح من ال سمعه : بس المدير ميعرفش كل دا
سميه موطيه راسها: لا
عمر : احتياجك مش مبررك ع تصرفك كده تأذى غيرك علشان محتاجه
دى كانت بتقفلك ف الصح وتنبهك لصح مش لغلط
انتى مصممه تمشى ف الغلط دا اختيارك
بس اخرته مش صح
كتب عمر شيك بمبلغ واداه ل سميه: اتمنى تعيدى تفكير ف ال بتعمليه دا
لانك هتكسبى كام جنيه بس هتخسرى نفسك
اخدت سميه الشيك وخرجت من السويت وقعد عمر حاسس باانه اتسرع فعلا بالحكم ع فريده وحس بضيقه من ال عمله وانه كان متوقع العكس انه هيجى ياخد دليل اثبات ان فريده غلط
وحس انه عليه الاعتذار ليها ومش عارف ازاى يعتذرلها .....
___________________________________
رجع عمر وكان محرج اوى يتكلم مع فريده وشايفها بتضحك وتهزر
وابتسامتها مش بتروح غير لما تقابله هو فقرر يستنى يمسك حاجه عليها وبيتلكك علشان يمسك عليها حاجه ومش عارف ......
عدى اسبوعين من الشهر وعمر مش قادر يتكلم مع فريده ويعتذرلها
فى يوم كان فى حدث هيحصل فى القريه لمصممه ازياء معروفه
اتعقدت مع الفندق تحجز صاله العرض كنوع من دعايه لمكان وليها
وكان الكل مشغول لحدث الازياء وفريده اطلب منها تكون من العماله المضيفه لحاضرين وتساعدهم ....راحت فريده وكان من مخطط العرض ان اخر حاجه هيتعرض فى عرض الازياء فستان فرح وبدله زفاف
راح عمر لقاعه ال هيحصل فيها عرض الازياء يطمن ع كل حاجه علشان
تعتبر دعايه لمكان كمان ف الصحافه والميديا وكالعاده صادف فريده وهى بتساعدهم واتجاهلت وجوده وهو كمان بعد عنها
وقابل مصممه الازياء يتكلموا ع الخطوات الاخيره
مصممه الازياء : مستر عمر اهلا بيك
عمر : اتنمى كل حاجه تكون تمام ومفيش مشاكل
مصممه الازياء : لا اطلاقا كله تمام واحسن من توقعتنا وان شاء الله العرض هيكون ممتاز
عمر باابتسامه: ان شاء الله ولو ناقصكم او محتاجين حاجه عرفينى
مصممه الازياء : امممم بصراحه عاوزه منك طلب واتمنى مش تخجلنى
عمر : اتفضلى
مصممه الازياء : العرض الاخير هيبقى لبدله زفاف وفستان زفاف... عروسه وعريس كمفهوم يعنى
عمر : جميل ايه المشكله
مصممه الازياء : عاوزاك انت ال تلبس البدله وتعرضها
عمر تنح : انا .. ازاى
مصممه الازياء : حضرتك وسيم ووانيق ووشك الكاميرا تحبها اوى وغير كل دا هتبقى دعايه كبيره ان انت ال تختم العرض
عمر بيضحك: انا اول مره اعمل كده
مصممه الازياء : وهتعجبك صدقنى
سكت عمر شويا
مصممه الازياء : قلت ايه مستر عمر موافق
عمر هز راسه باابتسامه : اجرب بس مين العارضه ال هتكون معايا
شاورت ليه ع العارضه الرئيسيه لعرض وكانت جميله اوى
عمر : امممم اتفقنا الساعه 5 هكون عندكم اكون خلصت ال فى ايدى وافضى
مصممه الازياء بسعاده: ميرسى جدا ليك يا مستر عمر
كانت فريده نشيطه جدا وبتساعدهم بحماس وجه وقت العرض وابتدوا فى عرض الفساتين السهره .... رامى كان مع فريده ف القاعه لانه المسئول عن الحدث بااسم الفندق والقريه وبيتفرج وعمال يهزر ويضحك مع فريده وعمر من بعيد شافهم ودخل علشان يجهز ... ف الوقت دا وفريده ف اوضه تغيير الملابس لعارضات العارضه الى كانت هتعمل العرض الختامى فستان الزفاف تعبت واغمن عليها والدكتور شافها وقال اجهاد وصعب تقف ع المسرح دلواقتى
مصممه الازياء متوتره : نعمل ايه دلواقتى باقى العارضات هيطلعوا بعد ما هى هتطلع ع المسرح يعنى كل الفساتين هتكون معروضه ومينفعش نلغى واحد
رامى عرف وراح بسرعه: متقلقيش هيتحل
مصممه الازياء واقفه اتوترت وشافت فريده وبصت عليها من فوق لتحت
وشاورت عليها: انتى اسمك ايه
فريده : فريده
مصممه الازياء : فريده ممكن تعملى العرض الاخير
فريده اتخضت : انا لا مش هعرف
مصممه الازياء : انتى جسمك مناسب اوى لفستان ومش هياخد من وقتك اكتر من 10 دقايق بليز مترفضيش وتنقذينا
رامى اتحمس لفكره ومش كان يعرف ان عمر هو الشريك ليها ف العرض
رامى: ديدا عادى يا بنتى يلا بس متقلقيش انتى زى القمر واهو تجربه ولا ايه من التجارب
فريده بصت ل رامى : هبوظ الدنيا انا عارفه
رامى : لا اتشجعى بس يلا
رامى سئل مصممه الازياء مين الشريك ال هيطلع مع فريده ببدله الزفاف
ردت وقالتله دى مفاجئه دخلت ديدا وفى خلال ربع ساعه كانت جهزت ميك اب وشعر وفستان وابتدى وقت العرض
مصممه الازياء اتكلمت شويا وبعدين جه وقت العرض
وكان كل واحد يطلع من اتجاه المعاكس لتانى ويتقابلوا ف النص
والشرط انهم يكونوا مغمضين عينهم ويفتحوا للحظه ال يكونوا فيها ف النص علشان معالم الدهشه تبان
فى اللحظه دى وهى بتقدم ظهرت فريده ورامى شافها
رامى باعجاب : ايه يا ديدا دا يخربيت جمالك
وطلع موبيله يصورها لذكرى
وهو بيصور وبيبص الناحيه التانيه يشوف مين الشريك معاه لاقى عمر وتنح
رامى بذهول : ايييييه دا عمر عمر عمر
وبص ع فريده : وديدا ... عمر وديدا ربنا يستر
وهو ماسك الموبيل مش قادر يبطل تصوير ووصلوا لنقطه الوسط وفتحوا عينهم باابتسامه ع وشهم وفى اللحظه الاتنين تنحوا واتفاجئوا ببعض
وعلشان الناس واحد من الواقفين ندت ع فريده انها تتحرك وتمسك ايده وتدخل ع الممر
فريده حاولت تجمع نفسها وعمر مش مصدق ان ال قدامه دى فريده و انها هى بالشكل دا قدامه
فريده بتكلم عمر وهى بتبتسم : يلا بينا نخلص الموقف المنيل دا الكاميرات بتصور وابتسم
عمر استوعب والاتنين مثلوا مسك ايديها وكان مطلوب منه انه يبوسها فى راسها ومشيوا ع الممر ووراهم الفساتين التانيه
والكاميرات عماله تصور ورامى عمال يصور فيديو وصور وبيضحك
جت القطه بتاعه بوسه الراس عمر كان متردد وفريده مش مستوعب
اول ما باسها عمر قلبها دق اوووى وعمر تنح
خلص العرض ودخلت فريده بسرعه غيرت وخرجت
و عمر عمل نفسه معدى وبص مش لاقاها
مصممه الازياء : مستر عمر ميرسى جداااا
عمر : ها .. بتشكرينى ع ايه العرض كان تحفه والفساتين روعه
مصممه الازياء : بجد من غير مساعداتك انت ومستر رامى كان ممكن يقابلنا صعوباتوخصوصا ال حصل لعارضه ومستر رامى اقنع فريده تكون معانا
بس حقيقه هى خساره ياريتها كانت توافق تشتغل معانا
عمر تنح: ها .. اه فعلا
مصممه الازياء مدت ايدها تسلم عليه : عموما ميرسى جدا واشكرها نيابه عنى لانى مش لاقيتها واتمنى يحصل تعاون بينا تانى
عمر : ان شاء الله المكان مكانك
مشيت مصممه الازياء وعمر مش مستوعب ال حصل فوق نفسه
وخرج طلع ع مكتبه قعد وعمال يراجع منظر فريده بالفستان قدامه وشكلها ال اتغير ....
_____________________________________
قبل مده الشهر ما تخلص كانت فريده اتعمقت علاقتها مع زمايلها ورامى كمان كانت مبسوط بكده وعمر بيراقبها ومش عارف يمسك غلطه
فى يوم عمر كان قاعد ف مكتبه وبيفتح النت اتفرج ع صور ال اتاخدت فى عرض الازياء وفضل مركز ع صور فريده وع شكلها فبص ف الساعه و قرر يروح يكلمها ويخلص من الموضوع دا ويعتذر ليها علشان يركز ف شغله وكانت فريده نزلت مكان واحده زميلتها فى بار فى الفندق
عرف عمر وراح وهو داخل شاف زبون بيضايق فريده
وفريده بتتعامل معاه بااحترام ومن غير تجاوز
راح الزبون السكران مسك ايدها وشدها راح عمر مسك ايده وفريده تنحت اتفاجئت بيه
عمر بصوت خشن : المكان دا تقعد فيه بااحترامك والحاجات دى مش تتعمل عندنا
الزبون: انت بتكلمنى كده ازاى انت مش عارف انا مين
عمر : مش عارف ومش عاوز اعرف ... هتقعد باحترامك طلباتك مجابه غير كده اتفضل
راح قعد الزبون وسكت وفريده بصت ل عمر
عمر : تعالى بره دقيقه وارجعى لشغلك
فريده ببرود: مفيش داعى انا عندى شغل
عمر : بقولك دقيقه
خرجت فريده واقفه ببرود ومش بتبصله : ايوه نعم عرفت ايه تانى
هتيجى تقولى عليه لسه فاضل يومين
عمر قاطعها : فريده .. اسف ع سوء ظنى بيكى
فريده بصتله : شكرا
عمر : ايه دا مش عاوزه تقولى حاجه تانى
فريده بصتله : ايه عاوزنى اخدك بالحضن واتنطط وافرح واعيط علشان انت عرفت الحقيقه
عمر بيتلجج: لا .. بس قولى لو ف حاجه يعنى
فريده : مستر عمر انت قولت ال عندك وانا عندى شغل
لو خلصت كلامك ومفيش حاجه تانى استأذنك انا
عمر حاطط ايده فى جيوبه : لا اتفضلى
فريده : شكرا
استغرب عمر من رد فعلها البارد كان متوقع انها هتطلع فيه وتقوله كلام يضايقه انما هى اخدت الموضع ببساطه .. وهو ماشى قابل رامى
رامى: دراكولا .. مستر عمر
عمر بص ل رامى ومشى وقال لنفسه الموضوع كده خلص وموقف وعدى
دخل رامى ل فريده واستنى لما خلصت شغل واخدها يوصلها لسكن
فريده : مش كل مره كده يا روميو تيجى تستنانى وتروحنى دا خطوتين والكل عارفنى
رامى : انا موافق تشتغلى ف كل الاماكن الا البار بيبقى فى زباين زباله
فريده افتكرت الموقف ال حصل وال عمر عمله : بس يعنى انا بتصرف ولا انت شاكك
رامى: لا اطلاقا بس كده بطمن اكتر داانتى فى امانتى نسيتى وصيه عمر افندى
فريده : كل يوم بكلمه وبيسئل عليك بيقولى الولد ال عاوز حد يتبناه عامل ايه
قلتله متقلقش انا اتبنيته
ضحك رامى : هو انا اطول انا لو ينفع اغير اسم العيله كنت اعملها
بس الامل ف هنا هنعمل عيله لوحدنا
فريده بتضحك: ان شاء الله احلى عيله صغنونه
رامى : ونجيب فريده صغننه علشان اسم فريده يفضل معانا ع طول
الاسم دا غالى عندنا اوى
فريده : طبعا طبعا مش اسمى
رامى : لا واسم خالتى كمان
فريده : بجد ..ايه حوار تشابه الاسماء دا
رامى : اها بس فى فرق سرعات عمر افندى ابوكى وعمر دراكولا
الاتنين فرق الشمال عن الجنوب
ضحكت فريده : اوعى تقارن بين عمر افندى ودراكولا اختلاف شاسع
وصلوا السكن ووصلها رامى واطمن انها طلعت ورجع الفندق
وهو داخل قابل عماد معاه اوراق
رامى : مسائو يا عمده
عماد: رامى مساء الفل ولا صباح الفل الساعه 1 بليل يا ريس
رامى ضحك : المهم انه خير علينا
عماد: ايون صح.. صحيح حد قالك ع موضوع لندن
رامى: موضووع لندن ايه
عماد: فى مجموعه انا هختارهم وانت من الموظفين كنوع من التحفيز هيروحوا يشتغلوا ويدربوا ف فندق الرئيسى ف لندن
رامى مش مصدق: بتتكلم بجد امتى الموضوع دا مكنتش اعرف
عماد: دا فكره مستر عمر علشان هيتدربوا هناك وهيرجعوا ال اتعلموه ينفذوه هنا هتبقى لمده 6 شهور والفاكسات الرد معايا اهى كنت بجهزها اوريها ل مستر عمر وكنت هتلاقى واحد ع مكتبك الصبح
رامى : احنا ال هنختار المجموعه
عماد: ايون من كله ويتر وشيف وخدمه الغرف ونظافه وكله مجموعه من 20 شخص واحنا مسافرين معاهم بصراحه فكره جامده جدا
رامى: ومين هيكون بدالهم هنا لما دول يسافروا
عماد: الاحتياطيين هينزلوا مكانهم لغايه ما يرجعوا
لو الحوار دا مشى كويس هيتكرر ..اهو تنميه خبرات ليهم وهترجعلنا يعنى
يلا اسيبك انا واشوفك الصبح هتلاقى الاعلان هيتعلق ع الاختبارات ال هتتعمل علشان نختار المجموعه
رامى فرح اوى انه هيسافر ل هنا وبعت رساله ل هنا وبعتت ليه انها مبسوطه اوى وقالتله يحاول يجيب فريده علشان تصالحها وتفسحها .. فكر رامى لاقاها صعبه لان فريده من الاحتياطيين صعب اوى
تسافر .. فضل طول الليل يفكر لغايه ما نام
_|____________________________________________
تانى يوم الصبح لاقوا ورقه متعلقه فى الريسبشن لاااختبارات السفر
فريده شافتها ووقفت : يا بختكم هتسافروا لندن يا ولاد المحظوظه
رامى شافها وقرب منها : نفسك تسافرى يا ديدا
فريده : اسافر ايه دا حتى لو كنت دخلت الاختبارات كنت هفشل فشل زريع واركب طياره داانا اخرى سوبر جيت او قطر
رامى بيضحك : يابنتى مش بعيده يلا اسيبك انا
حصلت الاختبارات وجهزوا المجموعه ومحاوله رامى يدخل فريده فشلت
فريده كانت اخدت مكان زميله ليها فى الريسبشن وشافت عمر ومش عارفه ف حاجه شادها ناحيته ومش فاهمه مالها كل ما تتجنب تبصله تلاقى عينها تروح عليه حاولت تتحكم ف نفسها علشان متلفتش النظر ... وشيفاه ماشى بتفاخر وتناكه غير شكله لما جى يعتذرلها...وكان عمر بيشوف فريده بس محرج يتكلم معاها بعد ما اتاسف ليها
خلصت الشفت بتاعها وراحت ع السكن ورامى كان قاعد مع عماد علشان يرتب حوار السفر
عماد: مالك يا رامى مضايق ليه كده
رامى : كان نفسى ديدا تبقى معانا السفريه دى
عماد: متزعلش كده هتتعوضلها ف المره الجايه قول بس يارب ينجح الحوار علشان يكرروه
رامى : هو فعلا يا عمده مفيش فرصه
عماد بيضحك: فرصه ان القدر يلعب لعبته وواحده متسافرش انا ممكن ادخل فريده ساعتها ومحدش يعرف
رامى : يعنى حاجه مستحيله يلا ياابنى نكمل ال بنعمله
وهما قاعدين باب المكتب خبط ودخلت اميره
واحده من المجموعه ال هتسافر
عماد: اتفضلى يا اميره
اميره: اسفه ع الازعاج بس فى حاجه عاوزه اقولها لحضرتكم
عماد: اتفضلى
اميره : انا مش هقدر اسافر التدريب
رامى كان باصص ع الورق ومش مركز اول ما سمع ان ف واحده مش هتسافر تنح وبصلها
عماد : ليه كده حصل حاجه
اميره بنبره حزن: اصل لسه جيالى مكالمه ان ماما تعبت ودخلت مستشفى وهتعمل عمليه وانا هسافر دلواقتى
وهقعد معاها والسفر كمان اسبوعين ومش هينفع اسافر واسيبها
عماد: اممممم حصل خير مامتك اكيد اولى وان شاء الله فرصتك تتعوض المره الجايه
اميره: ممكن توافقلى ع الاجازه
عماد: طبعا طبعا
اميره: شكرا
عماد: مفيش داعى لشكر ربنا يطمنك ع مامتك
خرجت اميره من الباب ورامى نط من مكانه ومسك ايد عماد
رامى : عمده .. القدر سمع كلامنا وصعبت عليه انا وفريده
عماد بيضحك: يخرب عقلك دانت بالرغم الكل عارف حوار هنا كنت هشك ف علاقتك بفريده بس تمام هظبط الحوار وهكلمكها اعرفها
رامى بسعاده : لالالالا استنى انت انا ال هقولها وهعملها جواز السفر بسرعه كمان
عماد: ماشى يا روميو..بس دا سر بينا تمام يعنى دراكولا ميعرفش
رامى : فى بيرررررررررر هيلاقيها ف وشه ومش هيعرف ينطق
يلا ساعه وجايه تمام
خرج رامى بسعاده من مكتب عماد يدور ع فريده وراحلها السكن بيكلمها تليفونها مغلق وفضل يدور عليها
فريده كانت قاعده قدام السكن ف الجنينه وبتكلم باباها كالعاده
فريده: وحشتنى ياعمر افندى عامل ايه من غيرى
باباها: البيت وحش من غيرك يا ديدا عامله ايه ف شغلك
فريده: الحمد الله اهو شغال .. بس عندى مدير رخامه الدنيا فيه
باباها بيضحك: ليه كده رخم عليكى
فريده: ال مضايقنى اكتر ان اسمه زى اسمك
بس ايش جاب لجاب طبعا
باباها: صوابعك مش زى بعضيها واكيد فى حاجه مضيقاه ال بتخليه يضايق الناس اصل مفيش حد اتولد وهو مضايق كده
فريده : ممكن .. بس سيبك منه وطمنى عليك
ف الحظه دى رامى راح لفريده السكن شافها قاعده بتتكلم ف التليفون وعقبال ما وصل لعندها كانت خلصت
رامى : بخ
فريده اتخضت: يخرب عقلك هتقطعلى الخلف يا منيل
رامى : وانا موافق اخدك كده لو ملقتيش ال يتجوزك هقنع هنا انك تيجى تخلى بالك من فريده الصغيره
فريده خبطته ف كتفه: لا انا اربيك انت احسن
رامى : انتى اد الخبطه دى هتخسرى ع فكره وانا ال جى افرحك
فريده : ايه هتتجوز خلاص
رامى : هتسافرى معانا لندن وهتركبى الطياره يا ديدا وهضحك عليكى
فريده بتضحك: هزار بايخ انا عارفه هتاخدنى الملاهى تركبنى الطياره ال هناك
رامى: لا والله هتسافرى معانا وعندك اجازه من بعد بكره ..بكره تسلمى مكانك لحد تانى وهنسافر القاهره اعملك جواز سفر وتقعدى مع عمر افندى وتعرفيه وتجهزى نفسك لان دا السفر 6 شهور متواصل
فريده متنحه ومش متاكده : بتتكلم بجد يارامى
قام رامى من مكانه : على فكره هنا بتقولك جهزى نفسك هتمرمطك ف لندن اقصد تفسحك يلا انا هروح اشوف ال ورايا وهكلمك بليل يلا سلام
مشى رامى وفريده ف حاله من الذهول سعاده ع توتر اول مره تسافر بره مصر وابعد مكان راحته كان شرم ومش عارفه باباها هيوافق ولا لا
__________________________________
المجموعه والمشرففين عليها سافروا القاهره وسابوا شرم وكل واحد راح يكمل ورقه ويقعد مع اهله قبل السفر وفريده رجعت البيت بعد فتره من الغياب
طلعت البيت وقعدت تخبط ع الباب فتحت باباها الباب واترمى ف حضنه
فريده: وحشتنى وحشتنى يا عمر افندى
باباها بلهجه فرحه من المفاجاءه: ديدا حبيببه قلبى وحشتينى
فريده : ايه رائيك ف المفاجاءه دى
باباها : اجمل مفاجاءه البيت من غيرك وحش جدااا يا ديدا
فريده اضايقت من الكلام دا ومش عارفه هتقوله ازاى انها هتسافر باريس
فريده : يلا بينا نحضر الغدا علشان جعانه
راحت غيرت هدومها وحضرت الغدا مع باباها وقعدوا يتفرجوا ع التليفزيون وهى ف حضنه موابيلها رن كان رامى
رامى: ديدا بكره الساعه 9 هعد عليكى علشان نعمل جواز السفر
ديدا بتلقلق ف الكلام: ها ..ان شاء الله
قفلت مع رامى باباها لاحظ انها عاوزه تقول حاجه وسكتت
باباها : ديدا حبيبه عمر افندى مخبيه ايه
فريده عدلت نفسها : ف موضوع قلقانه اكلمك فيه
باباها : خير فى مشكله
فريده: لالالا متقلقش مفيش حاجه تستاهل اوى كده بس انا هسافر
باباها: هترجعى شرم تانى طيب ماانا عارف
فريده: لا ابعد شويا
باباها: يعنى
فريده بصوت واطى : لندن
باباها: فين
فريده علت صوتها : لندن تدريب ل 6 شهور ف الفندق الرئيسى هناك
باباها سكت لحظات : شغل مفيش مشاكل
فريده: يعنى انت موافق ومش زعلان
باباها حاول يبن عادى: لا هزعل ليه دا شغلك وانا عارف انك مش هتفضلى جنبى العمر كله هتشتغلى وتشوفى حياتك وهتتجوزى ..ياحبيببتى دا مستقبلك
فريده: انا حاسه انك زعلان
باباها: قلقان عليكى هتغيبى بعيد وللحظه حاسس ان السفريه دى هتغيرك
فريده: لا متقلقش هرجع ع لفت ايدك مش هتغير
باباها: ياريت ترجعى زى ما هتسافرى ..ربنا يوفقك يا حبيببتى
فريده: يخليك ليا ياعمر افندى
باست فريده باباها واترمت ف حضنه وكملوا فرجه ع التليفزيون
_________________________________
تانى يوم نزلت قابلت رامى علشان يعملوا جواز السفر
وقعدوا ف كافيه يشربوا حاجه يرتاحوا
فريده: يخليك ليا يا روميو مبهدلاك انا عارفه
رامى: اتبهدل علشانك كله يهون هو انا عندى كام ديدا
فريده: يخليك لولايا وافرح بيك وب هنا واشيل فريده الصغيره
رامى : يسمع منك ربنا يارب يااختى يارب
رامى : قوليلى يا ديدا هو عمر افندى وافق بسهوله كده
فريده: عمر افندى رجل ديمقراطى بدرجه اولى مستقبلى وحياتى بيسيبنى اقرر فيه وهو عارف انى مش هغلط وبصراحه اطمن اكتر انك موجود زى ماكان مطمن وانا ف شرم
رامى: طيب تمام
فريده سكتت شويا وجه ع بالها عمر : قولى يا روميو هو دراكولا هيسافر معانا
رامى: لااسف ايوه ..لانه هو ال صاحب الفكره المسئول يعنى
فريده: مش عارفه بجد افهمه ساعات الاقيه كويس وساعات بيبقى انيل من النيله هو اتولد كده مسئلتش مامتك
بيضحك رامى : لا مفيش داعى لسؤالها
عمر دا كان انشط منى والذ منى واجدع منى والكل كان بيحبه
فريده : لالالا انت بتتكلم عن حد تانى
رامى: فعلا انا بتكلم عن حد تانى بتكلم عن عمر قبل 7 سنين من دلواقتى
عن عمر ال موجود دلواقتى ..فرق سرعات سيدى الرئيس
فريده تنحت: بس ايه غيره كده انت قلت مامته ماتت وهو صغير هو انتم كنتم مخبين عليه وفاجئتوه لما كبر مثلا ان مامت هنا مش مامته وكده زى الافلام
رامى ضحكك وكان هيشرق: يخرب عقلك افلام ايه ..بس ع رائيك حياتنا كلها افلام لا هو عارف حوار مامته انها متوفيه وهو صغير .. بس ال غيره حصل تاتش مع باباه بسيط غير حياته
فريده: كان مستهتر يعنى
رامى : ايه الفضول دا عاوزه تعرفى
فريده: ماهو بصراحه انا شاكه ان ف بنادم كده ولما كلمته عليك وع هنا صدمنى بكلامه عن الحب دا مجربوش ولا يعرفه وف نفس الوقت قل بيه وفاهمه غلط ومعاملته مع الناس وقلبه القاسى
والماده اهم شئ والفلوس ..دا لما هيحب هيتغير انا عارفه
رامى بيبتسم: اذا كان الحب هو ال غير عمر لكده
فريده تنحت: هو كان مرتبط
رامى : ب علا
فريده : مين دى وعملت ايه توصله لكده
رامى : علا دى ............


(5)

رامى بيبتسم: اذا كان الحب هو ال غير عمر لكده
فريده تنحت: هو كان مرتبط
رامى : ب علا
فريده : مين دى وعملت ايه توصله لكده
رامى : علا دى ............
فريده مركزه تسمع راح رامى فصلها
رامى : انا عاوز اكل
فريده تنحتله : نعم
رامى: اكل الاول واحكيلك
فريده : كل يا حبيبى كل
رامى طلب اكل وقاعد بياكل وفريده مربعه ايدها وبصاله فضولها تعرف ال غير عمر كده ايه>> خلص رامى الاكل وطلبوا حاجه يشربوها وابتدا الكلام
رامى : نبتدى الكلام ...كان يا مكان
فريده : رااامى انجز
رامى استغرب من جديتها : ايه دا داانتى مهتمه تعرفى
فريده : متحورش يارامى واحكى
رامى : ماشى يا ستى ...
وابتدى يحكى رامى :
الحكايه من 7 سنين قبل ما دراكولا الاب والابن وهنا ومامتها يتنقلوا ويعيشوا فى لندن وكانت اخر سنه ل عمر فى الجامعه وعلشان عمر كان فى جامعه خاصه بفلوس يعنى وال بيدخلها الناس ال معاهم فلوس مش كان اى حد يدخلها وكان باباه متعمد انه ميحتكش غير بالناس ال من نفس طبقته علشان كده دخله مدارس خاصه بنفس المستوى دخل جامعه
ولان مش اى حد يدخلها كان فى حوار المنح الدراسيه ... وكان فى منحه لمتفوقين من اى جامعه حكومى لحضور كورس بيزنس واداره اعمال
فى الجامعه لان شهادتها هتفرق كتير فى مجال العمل ...
وسكت رامى وفريده مركزه طلعت فيه : ايه سكت ليه كمل
رامى بيتمطع: بستريح الله
فريده حدفته بعلبه المناديل ف وشه : اتمطع ف بيتكم كمل الحكايه
رامى بيضحك: خلاص خلاص يا فضوليه
رامى بيكمل الحكايه : فى يوم من الايام ال كانت بدايه كل حاجه
قابل عمر فى الكافتريا علا بالصدفه كان بيلاحظ وجودها وانها دايما قاعده لوحدها ومش مختلطه مع الناس وبسيطه فى لبسها وتصرفاتها ..اتشد ليها وحب يتعرف عليها مره ع مره بقوا اصحاب وبعدها بفتره حبوا بعض
وطبعا الاحلام الورديه بتاع اى اتنين ف الجامعه متوقعين ان الحياه وردى وانهم وقت ما يحبوا يتجوزوا هيتجوزوا ...
علا كانت من اسره بسيطه جدااا باباها متوفى وعايشه مع مامتها شغاله ممرضه ف مستشفى حكومى وليها اختين بنات اصغر منها وهى كانت مجتهده علشان كده اخدت المنحه من جامعتها ...المهم .. عمر ارتبط ب علا وعارف ظروفها لانها مكدبتش عليه وهى عرفت عمر مين وابن مين وامكانياته ايه وعمر حبها جدااااا كان شبه يوميا معاه كانوا عايشين قصه حب كلها احلام وطموحات لمستقبل مع بعض مش كانوا عاملين حساب الكوابيس وخصوصا عمر .....
فى يوم قرر عمر يفاتح باباه ف موضوع الارتباط الرسمى ب علا لما النتيجه تظهر النتيجه ظهرت ونجحوا واتخرجوا راح لباباه قعد معاه واتكلم وباباه من النوع الصعب شديد عنده الفلوس وانه يزودها ويحافظ عليها اهم من اى مشاعر لكن فلوسه حاجه وعمر عنده حاجه تانيه بيحبه ومش بيكسرله كلمه وطلباته مجابه ودا مش دلع لان عمر مش مدلع رباه كويس جدااا وكان حاطط امل فيه انه هيستلم بعده الامبراطوريه ال عملها بس منطقه المشاعر دى خط احمر عنده ودا سبب من اسباب حواره مع خالتى
فريده: خالتك ام عمر مالها
رامى : لا حددى عاوزه تعرفى قصه مين عمر ولا امه
فريده بسرعه: خلينا فى الحاضر والاموات سيبهم بسرهم كمل
رامى: المهم راح قابل باباه وفاتحه بموضوع الخطوبه
**فلاش باك 7 سنين **
عمر : ممكن اخد من وقتك بابا شويا
باباه: اتفضل اقعد
عمر بسعاده بيجمع نفسه : كنت عاوز حضرتك ف موضوع
باباه باابتسامه: اتفضل اتكلم .. لو هتتكلم ع الشغل خلاص اتخرجت وانا ع وعدى همسكك شركه السياحه زى مانت كنت عاوز ومشروع شرم كمان
عمر باابتسامه: شكرا اوى يا بابا وهبقى عند حسن ظنك
باباه: اكيد داانت عمر رافت
عمر : بس مش دا الموضوع
باباها : خير
عمر : انا عاوز اخطب
باباه بسعاده : بجد دا حاجه كويسه مين ياترى بقى حد من معاريفنا ولا قاريبنا
عمر تنح وحاول يجمع نفسه : لا متعرفهاش حضرتك
باباه : مين ؟
عمر: كانت معايا ف الجامعه
باباه: طيب كويس بنت مين بقى وعايشيين فين الزمالك ولا المهندسين ولا ..
عمر بتردد: بابا البنت ال بقولك عليها من عيله بسيطه وساكنيين فى .
باباه اتحول بنظره جد وصوت خشن : فى الوراق ..منطقه شعبيه الناس متكدسين ع بعض مامتها ممرضه ف مستشفى العام واخواتها واحده فى اولى ثانوى والتانيه اعدادى وباباها كان بيعمل شاى وقهوه ف المستشفى
عمر اتصدم من سمعه : حضرتك عارف كل دا ازاى
باباه: السؤال الصح عارف من امتى ..انا عارف كل خطواتك يا عمر بيه
عارف بتروح فين وبتعمل ايه وبتاكل ايه كمان وعارف موضوع البنت بتاعه المنحه ال دخلت الجامعه علشان توقع عريس غنى فى اقل من سنه وقعتك
عمر بضيقه: لا الموضوع مش كده انا بحبها وهى بتحبنى
باباه ضحك ضحكه سخريه : حب ..حب ايه ال رابطكم مع بعض
حب هياكلم هيشربكم هيعيشكم كويس ...
هتربوا عيالكم بالحب وتعيشوهم زى ماانت عايش كده بالحب ولا بالفلوس
عمر: مش كل حاجه بالفلوس
باباه: كل حاجه بالفلوس فى الوقت دا ومع الناس دى الفلوس مهمه عندهم
انا افتكرتك جايبلى بنت ناس خلفيتها هى وعيلتها تشرفنا وتعليك مش تنزلك
انا قولت فتره مراهقه زى اى شاب وسيبتك ..انما خطوبه وجواز
عمر : حضرتك متعرفش علا علشان تحكم عليها
باباه : انا اعرف ال انت متعرفوش
عمر سكت لحظات: يعنى افهم من كده انك مش موافق
باباه: ولا هوافق والموضوع اتقفل ..انا قلت يومين هتقضيهم وخلاص
عاوز تحب حب براحتك ..لكن تتجوز وتجبلى احفاد يبقى براحتى انا ال هيورثونى انا
عمر وقف : وانا هتجوز علا مهما حصل
باباه: انت بتتحدانى
عمر : انت خليتنى اعمل كده ..انا اتكلمت معاك زى الاصحاب وانك اقرب حد ليا من بعد ماما ال مشوفتهاش .. وحبك ليها قلت انت هتحس بيا وبمشاعرى ...مش هستغنى عن حب عمرى بسهوله كده علشان فلوس
باباه: لو حصل واتجوزتها من ورايا انا ولا اعرفك ولا هتشوف مليم منى ولا شغل
عمر : المهم اكون معاها
باباه: ولو حبيبتك بنت الوراق باعت حبك بفلوس هتعمل ايه
عمر بكل ثقه : استحاله دا يحصل ....انا ماشى
رامى : وخرج عمر من عند باباه وهو متمسك بعلا اكتر من الاول وبيتحد اى ظروف وفعلا شبه اطرد من البيت وفضل معاها وكانت قاعد فى شقتنا ال هنا ال كنا بننزل فيها اجازات وحاول يدور ع شغل وكل وظيفه ترفض بالرغم من انه كفء والمقابلات بياخد فيها ممتاز لكن باباه قفلها ف وشه زى ما قال فعلا لدرجه ان علا كانت بتشتغل بتدى حقن ف البيوت ونزلت صيداليه عند بيتها
علشان مش لاقت شغل هى كمان وكل ما تروح شغل متتقبلش ولو اتقبلت بيجى تليفون ويعتذرولها .....
فى يوم قعدت مع عمر لاقته بيطلب منها يتجوزوا رفضت وطلبت تتاجل شويا وطلبت منه يصلح الامور مع باباه رفض عمر لانه عاوز يعتمد ع نفسه مش فلوس باباه وعلا تعبت لانها حست انها شايله اهلها وعمر
راحت علا من ورا عمر لباباه فى الشركه تتكلم معاه قابلها بكل برود وطلبت منه يصالح عمر ورفض وطالبها تنفصل عنه رفضت فى الاول وبالطريقه عمل معاها صفقه يوفرلها سكن فى مكان كويس لاااهلها ووظيفه كويسه بمرتب عالى فى شركه فى مصر ولو عاوزه بره ومبلع 2 مليون جنيه
المقابل تنفصل ع عمر بلا راجعه وتختفى من حياته وانها لو فكرت تتذاكى
هتروح ورا الشمس وهو قادر ع كده فعلا .. الفلوس والامكانيات اغرت عنيها ولانها تعبت فقررت تبيع عمر مقابل الصفقه دى .. فى يوم بقى ......
سكت رامى وفريده مركزه اوى بصوت عالى : ايييييييه كمل
رامى اتخض : ايه يا بنتى خضتينى يخرب عقلك
فريده: رامى بطل رخامه كمل بقى داانت رخم
رامى لاحظ ان فريده اتاثرت اوى ومندمجه : هروح الحمام بلاش وهرجع اكمل
هو احنا هنروح من بعض فين يعنى
فريده : انا مش هسيبك الا لما اعرف القصه كلها
راح رامى الحمام ورجع لاقى فريده سرحانه : بخ
فريده : اهو انت يلا وبعدين ايه حصل
رامى بيضحك: دا ولا بتكملى فيلم عربى بس بجد العيله دى قصصهم فيلم عربى .....المهم باباه فى يوم كلم عمر وطلب منه يجى المكتب وقعد عمر ف المكتب التانى ووقتها كانت علا راحت الشركه علشان تاخد الفلوس والعقود
دخل عمر يستنى على اساس باباه عنده اجتماع ووصلت علا ودخلت المكتب
وعمر وهو قاعد سمع صوت باباه طالع من السبيكر ولسه هيقفله سمع صوت علا مش كان مصدق فى الاول لكن سمع باباه بيقولها الشيك اهو والعقود
لو انتى عاوزاهم ولسه عند كلامك ال جيتى تقولى المره ال فاتت
وعلا ردت عليه انها موافقه ع كل حاجه وعلاقتى ب عمر انتهت من وقت ما دخلت الشركه ... وعمر مش ليه علاقه بيا اطلاقا
فقام عمر زى الافلام كده فتح الباب ودخل لاقى فى ايد علا شيك ب 2 مليوون وعقود شقه وشغل فى شركه اجنبيه فى مصر ...
فريده متفاجئه : ايه المرار دا لا بجد باعته بسهوله كده
رامى : الانيل كلامها مع عمر ال وجعه
فريده :هى قالت ايه
رامى : خرج عمر ورا علا علشان يفهم منها .......

**فلاش باك**
شد عمر ايد علا فى الممر وقفها
عمر: ايه دا
علا: مش يخصك
باباه : تعرفيه يا انسه علا الشخص دا
علا بصت لعمر لحظات وبلهجه جامده : لا اطلاقا وميرسى ليك يا رافت بيه وانا همشى
خرج وراها ومسك ايدها ووقفها
عمر: ايه ال شوفته وسمعته دا
علا: اعتقد انك مشفتش وضع مخل ولا سمعت كلام قبيح
عمر : انت هتقطعى علاقتك بيا فعلا هتنفصلى عنى ياعلا
علا: خلاص مفيش حاجه بينا لو سمحت سيب ايدى لانده الامن
عمر فى صدمه : هو خوفك انتى خوفتى صح ..مش مهم احنا مع بعض هنبقى فى امان
راحت زقت ايده وبصتله وبصوت عالى : امان هو فين دا الامان .. انا بقيت اشتغل علشان اصرف عليك وع اهلى بقيت عبء عليا وانا ال كنت فاكراك انت ال هتشيلنى وترحمنى من الشقا ومن الفقر لاقيتك واخدنى ونازل انا تعبت تعبت عاوزه ارتاح
عمر : وحبنا ..انتى بتحبينى
علا طلعت الشيك : هو دا معنى الحب بالنسبالى
الحب ال هيعيشنى انا واهلى ..دا الامان ال هيخلينا ننام مطمنين ..كلام الرومانسيه مبياكلش عيش يا عمر وارجوك متتصلش عليا تانى وشوف حالك وارجع لباباك ولا روح اى حته بس بعيد عنى انا عاوزه اعيش
رامى: سابت علا ايده وعمر فضل فى حاله ذهول وصدمه وفضل شهرين كده فاكر انها مش هتستحمل بعده لغايه ما عرف انها سافرت بره مصر مع رجل اعمال عايش بره واهلها اتنقلوا من مكلنهم ومحدش عارف مكانهم فين
باباه دراكولا الاب باعتله وراح واكدله ان مشاعر والحب دا لفقرا بس انما الفلوس والسلطه والمكانه الاجتماعيه اهم
سافر لندن سنه دراسه ورجع زى ماانتى شايفه اتعمله update من كله
شال قلبه وحط عقله مكانه وعمر بقى عباره عن نسخه مصغره من دراكولا الاب بعد الجرح ...
فريده ساكت ومتنحه رامى : روحتى فين
فريده : ها
رامى بص ع الساعه يلا بينا ورانا حاجات هنشتريها
فريده : بس ليه باباه كده
رامى اخد نفس: لا كفايه عليكى حكايه واحده انهارده
فريده : يلا بس هعرف
وهما راكبين التاكسى فريده رجعت تصرفات عمر والاحساس ال جالها انه عكس ما بيتصرف وتصرفاته معاها واسلوب ال اتغير وبيرجع .... رامى مش كان مركز ومره واحده فريده اتكلمت :
فريده : رامى
رامى: ها
فريده: هو مش زى مانت وصفت كده
رامى بيضحك: بيطلعوا امتى دا ومين دا
فريده : عمر
رامى : ع اساس انك عارفاه
فريده بصت ل رامى: لا حساه
رامى : ايه
فريده : عمر مش زى ما مبين جواه غير ال باين منه
لسه جواه الانسان مش دراكولا زى ما قولت
رامى : ايه دا يا بنتى .. فريده زى مافى ناس زيك وزى باباكى
فى ناس زى عمر وباباه .. مش كل الناس يبقوا رهيفين الاحساس
فريده : بس كل الناس عندهم قلب وعندهم احساس
بس الفرق ال قادر يخبى وال مش قادر وباين
رامى : انتى عاوزه ايه
فريده : لازم عمر يخف من الحاله ديه ويخرج منها ويعرف معنى الحياه ايه ويعيشها ازاى
رامى متنح : ودا من ايه ان شاء الله
فريده : دا علشان نعرفه معنى الحقيقى لحب وازاى يعيش حياته
رامى : بتنفخى ف اربه مقطوعه
فريده : سيبلى الموضوع دا
رامى مستغرب من فريده واصرارها ووصلوا لمكان اشتروا الحاجه والبس
علشان السفر ووصل فريده ع البيت طلعت لاقت باباها قاعد ف اوضته خبطت ودخلت
فريده: عمر افندى وذكرياته
باباها: تعالى ادخلى
فريده راحت قعدت جنبه ع الكنبه وقدامها صندوق الصور وحاجات تخص باباها من زمان
فريده : انا جى اقولك ومش هطول عليك انى عملت جواز السفر اهو
ورت لباباها جواز السفر : مبروك يا حبيببتى
فريده : ع الاسبوع الجى هسافر خلاص
باباها: تسافرى بالسلامه ويارب تنبسطى والاهم ترجعى بنفس الابتسامه
وزى ما كنتى بتعملى ف شرم هتعملى لما تسافرى المصحف والصلاه والسلسله
فريده: بجد يا بابا السلسه وصورتك انت وماما بتهونوا عليا كتير فعلا بحس انكم معايا والمصحف والصلاه كمان ..بجد اجمل نصيحه قولتهالى
باباها: واول ما توصلى ابعتيلى رقمك علشان اكلمك
فريده : اكيد من غير ما تقول
يلا اسيبك لذكرياتك وانا هقوم انام
خرجت فريده وباباها مسك صورته مع حبه الاول فريده وع وشه ابتسامه
________________________________
عدى الاسبوع وسافرت المجموعه للندن ووصلوا الفندق وكان هناك عمر سابقهم وكانوا واقفين فى الهول وقبل ما يروحوا السكن ال هيقعودا فيه
اجتمع بيهم عمر علشان يعرفهم شويا حاجات ..ودخلوا ال20 شخص وعماد ورامى القاعه الاجتماعات الصغيره ودخل عمر وبعد السلام وقعدوا ابتدا يتكلم وهو بيتكلم عينه جت ف عين فريده ولانه مش كان عارف انها جايه لان اسمها مش كان ف الكشف الاوانى اتفاجاءه واول ما عينه جت ف عين فريده
فريده ابتسمتله وهواستغرب وكمل كلامه وخلص الميتنج وخرجوا يعرفوا اماكنهم وقف عماد ورامى يتكلم معاهم
عمر : فريده ايه ال جابها
عماد بلجلجه : اصل اصل
رامى: فى واحده من ال كان متسجل اسمها معاك ف الكشف اسمها اميره ولظروف اعتذرت عن السفر والطبيعى يتحط البديل ووجت فريده
عمر بتوتر: بس فريده معملتش الاختبارات عرفت انها مؤهله ازاى
رامى بثقه: فريده اعتقد انها شغاله ف الفندق مش جبتها من الشارع وقلتلها تعالى نلعب كانت شغاله وجت هتشتغل انت ليك ايه غير الشغل
وبعدين مفيش حد اعترض والبنت معملتش حاجه فى ايه اديها فرصه
عمر: فرصه ..تمام وع مسئوليتك تمام
ومشى عمر وعماد ورامى واقفين
عماد بياخد نفسه: انا كان هيغمن عليا حسيت انه هيشحنى ع مصر
رامى بصوت واطى : قال ايه بتقول عنده قلب ال
عماد: بتقول حاجه
رامى : لا يلا بينا نروح نرتاح علشان بكره الناس هتعرف اماكنهم وف حفله عشا جماعى ومن بعد بكره هيبتدى الشغل
____________________________________
تانى يوم فريده صحيت ع تليفون من هنا
فريده : الو
هنا: صباح الفل يا ديدا
فريده بسعاده: صباح الفل وكل حاجه حلوه يا نونا
هنا: نورتى لندن والدول المجاوره
ضحكت فريده : دا نورك يا حبيببتى
هنا: انا اخدت رقمك من روميو وقلت اسلم عليكى واعرفك حاجه مهمه
فريده: خير
هنا: الايام ال فاضيه فيها واجازتك ماعااايا هصيعك ف اوروبا
ضحكت فريده: وانا موافقه
هتيجى العشا انهارده يا نونا
هنا: شور حبيببتى هتلاقيتى عندكم ساعتين بالكتير وهكون عندكم
فريده:هنستناكى
قفلت فريده مع هنا وقامت لبست اليونيفورم ونزلت علشان يعرفوا اماكن والمطلوب منهم نزلت الهول وقفت مع المجموعه لاقت عمر جى من بعيد من غير ما تحس لاقت ابتسامه بتترسم ع وشها
بص عليهم : صباح الخير
رد كلهم: صباح الخير
اتكلم معاهم وعماد استلم المهمه وراح عرفهم اماكنهم والتعامل ازاى وكده
مشى عمر وهو ماشى بص لورا ع فريده لاقها بعده بلحظات بصت عليه وابتسمت راح لف وشه ومشى
جت هنا الفندق وطلعوا غيروا هدومهم ونزلوا يحتفلوا ف مطعم الفندق ع العشا كنوع تشجيع لمجموعه وقعدوا ع ترابيزه واحده كبيره وكانت فريده ف وش عمر وكان غير مقصود قعدوا يهزروا ويضحكوا وعمر كان ساكت
راحت فريده قربت منه : اضحك
عمر: ها
فريده: اضحك.. صدقنى مش هتخسر حاجه ولا بوقك هيوجعك
عمر: انتى بتتكلمى ازاى كده
فريده: بتكلم زى الناس ..
عمر: عاوزانى اضحك حتى لو ع حاجه مبتضحكش
فريده: اه تضحك علشان متحرجش ال اتكلم
عمر: يعنى ال اتقالت دى نكته عدله تضحك
فريده: بس ال قالها عاوز يضحكنا كمجامله نضحك علشان ميزعلش
راضى الناس حتى بضحكه ربنا يراضيك بالكتير
عمر تنح لفريده وفريده بصت لمجموعه و ل هنا ورامى وقعدوا يهزروا ويضحكوا وعمر عمال يبص ع فريده وع تلقائيتها انها مش بتخاف من حد وانه مش عارف ليه مبيعرفش يرد عليها
شويا وشغلوا ميوزك وطلبوا من كل الكابلز يقوموا يرقصوا
كلهم قاموا الا فريده وبنتين تانين ع طرف الترابيزه
وكان عمر وفريده ف اول الترابيزه ..قرب عليهم رجل كبير عمره 70 سنه اجنبى واتكلم معاهم بالانجليزى
الرجل الكبير : مش قومتوا ترقصوا ليه
عمر : اصل
فريده باابتسامه: شويا كده هنقوم
الرجل الكبير: انا ومراتى هنا بنحتفل بذكرى جوزانا ال 45
قوموا احتفلوا معانا باين عليكم جداد فى الارتباط
عمر تنح وفريده بلجلجه: لالالا خالص دا مديرى ف الشغل
الراجل الكبير باابتسامه : دا مش مانع دا سبب .. يلا استمتعوا بليلتكم وشبابكم
ومشى الراجل وعمر متنح وفريده جمعت نفسها لانها اتحرجت وبصوا ع الراجل لاقوه بيرقص مع مراته وفى منتهى السعاده
عمر وهو باصص ع الرجل : ايه السبب ال يخليهم الفتره دى كلها مع بعض وبسعاده كده ويحتفلوا كل سنه وهما كبار ف السن ..دا ف ناس عمرهم قصير اول سنه وبينسوا
فريده وهى بصالهم : الحب
عمر بصلها : ايه
فريده بصاله وباابتسامه شاورتله ع قلبه : داا لما يدق لشخص معين عن كل الناس العمر كله معاه بيبقى اول لقاء بينهم
بنفس الاحساس والاشتياق والحب بينهم
عمر حاول يبن انه متاثرش : حب .. حب دا عند الاجانب كده يعيش
فريده : الحب موجود فى كل حاجه احنا مخلوقين بالحب
ومخلوقين للحب .. لحب ربنا ودينا ورسولنا واهلنا وحياتنا واصحابنا وشريكنا...بالحب حاجات كتير تهون وال بيتمسك بيه بيكسب عمر سعاده وللحظات الالم بتهون وبتتنسى لان الحب اقوى لل يفهمه صح ويعيش بيه ...!!


عمر مقدرش ينطق وتنح لفريده وكلامها وجاله احساس غريب كده
وهو باصص لفريده وهى مبتسمه وهما قاعدين كانت هنا ورامى بيرقصوا وهنا لاحظت ان فريده وعمر بيتكلموا
هنا غمزت ل رامى : بص يا بيبى هناك
رامى : هناك فين
شاف فريده بتتكلم ومبتسمه وعمر باصص وساكت : ايه دا هى بدءت
هنا بصتله: بدءت ايه
رامى: اصل فريده قررت تكون الدكتوره النفسيه لااخوكى وتفك عقده
هنا بسعاده : يارييييت يا بيبى
رامى بيضحك: انا حذرتها وهى صممت هيعديها اصل ال عنده دا مرض معدى
هنا بتبصله: انا متعدتش يا بيبى
حضنها رامى : انا عاملك حصانه يا بيبى
فى اللحظه دى الراجل الكبير قرب من فريده وعمر
الراجل الكبير باصص ل عمر : ممكن اخد منك الانسه الجميله دى
عمر باصصله وساكت راح الراجل باصص ل فريده : تسمحيلى برقصه يا جميله
فريده هزت راسها باابتسامه بالموافقه وقامت ترقص مع الراجل الكبير وكانت سعيده معاه وابتسامه ع وشها ووشه وعمر فضل مركز ع فريده ومش عارف ايه ال حصله وبيحصله كل ما يتكلم معاه ويسمع صوتها
.... هنا ورامى خلصوا رقص ورجعوا ع الترابيزه وعمر محسش برجوعهم هنا لاحظت ان عمر باصص ع فريده ومركز
هنا : احم احم
عمر اتخض: انتى جيتى امتى
هنا: احنا جينا من شويا ولا انت هنا
عمر اتوتر : انا .. انا هقوم دلواقتى اطلع انام عاوزانى اوصلك
هنا بتضحك : لالالا متتعبش نفسك روميو هيوصلنى
عمر قام وهو متوتر وراح ع اوضته
هنا قاعده عماله تضحك ورامى لاحظ كده
رامى : بتضحكى ع ايه
هنا بصتله: خليك مش مركز كده اشرب العصير اشرب
رجعت فريده لترابيزه وبصت لاقت عمر مشى
فريده: هو ..
هنا بتضحك: عمر قام طلع اوضته بيقول عاوز يرتاح ياريت يرتاح
فريده ملامحها اتغيرت : طيب
راحت قعدت فريده وكملوا السهره وراحو علشان يبدتوا تانى يوم الشغل
فريده كانت مش عارفه تنام ومش عارفه مالها وايه ال جالها دا مش فاهمها
ومش عارفه ليه بتفكر ف عمر طول الوقت حتى لما بتبقى بعيد
فى احساس واخدها وهى مش عارفه توقف نفسها بالاهتمام ب عمر وانها تشوف وتساعده.... الاول كانت بتقول فضول وتعاطف هى حاسه ان الموضوع اكبر من ما تتخيل ومش فاهمه مالها مسكت السلسله ال لابساه وكلمت نفسها : الحق بنتك يا عمر افندى انا مش عارفه رايحه فين ....!!
_____________________________________________
وابتدت فريده الشغل هى والمجموعه لفتره وعمر طول الوقت عينه ما بتنزلش ع فريده وبيحاول يتجنبها علشان متلاحظش وفريده طول الوقت بتحاول تتواجد قدام عمر حتى القهوه لمكتبه هى بتدخلها ولما بيتغدا ف المطعم بتسلم مكان الويتر وتقدمله الغدا ابتدا جواها حاجه تشده ليه وهو مبقاش يتعامل بخشونه وعجرفه لكن مبين عكس كده من تصرفاته انه جامد ولا بيتاثر
وفريده مصممه انها تغيره لانها واثقه انه احسن من ال مبينه ودا هدفها
تخليه يعيش احسن وافضلل ويعرف يعيش صح ....فى يوم صدفه عرفت فريده امتى عيد ميلاد عمر وكلمت هنا وقابلتها ف الفندق
هنا: ديدا
فريده: جيتى بسرعه هو انتى فارشه قدام الفنندق
هنا بتضحك: ايوه حاجه زى كده المسافه قربيه من البيت لهنا المهم فى ايه مهم كده
فريده : اممم الحكايه يا ستى ان عيد ميلاد عمر يوم الاربع صح
هناباابتسامه :انتى قريتى السى فى ولا ايه
فريده: لا بالصدفه بجد
هنا : ايون ماله
فريده: عاوزين نعمله عيد ميلاد صغير وانتى ادرى بيحب ايه ومبيحبش ايه وكده
هنا تنحت : عمر مبيحتفلش بعيد ميلاده
فريده : ليه ..ع العموم مش مهم اعرف بس هنحتفل بعيد ميلاده احنا
لازم نخليه يفرح يحس بالسعاده بالحاجات البسيطه
هنا باابتسامه: عمر مش بيحب يوم عيد ميلاده كان دايما بيقول انا اتولدت ليه ..بس انتى بتبذلى مجهود جامد اوى رامى قالى انت عاوزه ايه
بس هتاخدى وقت عمر صعب يتغير
فريده : باابتسامه نجرب التجربه خير دليل هينفع ولا لا
وانا ليا طريقتى هتخليه يغير رائيه ف حاجات فاهمها غلط اولهم عيد ميلاده
هنا : اشطه قوليلى عاوزه ايه
اتفقت هنا مع فريده ع كل حاجه وفريده كلمت رامى واتفقوا يعملوا مفاجاءه ل عمر
__________________________
فى يوم العيد الميلاد كان الصبح عادى جدااا وبليل لما خلصت فريده الشفت بتاعها ... هنا كلمت عمر فى التليفون
هنا بصوت متوتر : ابيه الحقى يا ابيه
عمر اتخض: فى ايه يا هنا
هنا بصوت مخضوض: اتسرقت وكنت عازمه اصحابى ومش معايا فلوس ولا كاش وهما مشيوا
عمر: طيب متتوتريش هبعتلكك حد من هنا
هنا بقت اوفر : لا تعالى انت ونبى
عمر :خلاص خلاص ايه العنوان
قالت العنوان ل عمر وراح المطعم اول ما دخل لاقاه ضلمه استغرب زق الباب وفتح ومره واحده لاقى نور والالعاب ناريه وموسيقى عيد ميلاد وزمامير
وهنا وفريده ورامى لابسين حاجات ع راسهم وعينهم وبيفقرعوا حاجات
وقدامهم تورته كبيره مكتوب عليه happy birthday omar
هنا بسعاده: هابى بيرز داى يا بيبى
رامى: كل سنه وانت طيب يا عمر
فريده بصاله باابتسامه وعمر واقف متصلب مكانه وكانت هنا عزمت اصحاب عمر ال بيحب يكون معاهم وكانوا موجودين وهو واقف مكانه هنا قربت منه وشدته
هنا: يلا يا ابيه قول هوف
عمر باصص لتورته ومتنح فريده قربت منه باابتسامه : يلا يا ابيه قول هوف
قول هوف لااى حاجه وحشه تروح مع السنه ال راحت علشان حاجه حلوه تيجى بدالها ...
بصلها عمر وراح طفى الشمع وكله صقفله وابتدوا يوزعوا التورته وشغلوا موسيقى
هنا راحت جنب عمر حضنته : كل سنه وانت طيب يا حبيبى
عمر : وانتى طيبه ..
ليه تعملى كده انتى مش عارفه انى مش بحب احتفل بعيد ميلادى
هنا : والله ماانا ال فكرت اعمله دى فريده
عمر بصلها: فريده
هنا : بصراحه البنت عاوزاك تكون مبسوط وسعيد بكل الطرق
بتقول ازاى مش بيحب عيد ميلاده ودا يوم نشكر ربنا انه جابه لينا
وبقى ف وسطنا وبصراحه عندها حق انا من غيرك يا بيبى مسواش
ضحكك عمر : يا بكاشه
هنا : يلا ENJOY واقضى اليوم معانا بانبساط
قعد شويا عمر وبهدوء خرج بره وقف فى جنينه المطعم فريده بصت ع الساعه لاقتها 11:50
خرجت ل عمر وهو واقف سمع صوت وراه
فريده: نقولك يا جدو ولا ايه
عمر بصلها: جدو
فريده: مش تميت ال 30 الله يعنى اقولك يا ابيه زى نونا
عمر بيضحك : لدرجه دى كبير
فريده: ضحكتك حلوه اهى ..شفت الابتسامه سهله ازاى اهو دلواقتى بقيت 18 والمفروض تقولى يا ابله
ضحك عمر وفريده كملت كلامها :
..خرجت ليه وسبت الحفله بتاعتك وكل ال جوه جى علشانك
عمر : انا مبحبش احتفل بعيد ميلادى ملوش لازمه
فريده: ماهو انت تحتفل علشان تتمنى الجديده تبقى احسن من ال فاتت
عمر بنص ضحكه: ايه التفائل ال فيكى دا انتى مش خايفه من بكره
فريده : واخاف ليه كله ف علم ربنا ..ربنا ادانى حياه اعيشها
ادفن نفسى بالحيا ليه
عمر : خلاص خلاص مش هاخد عقاد ولا نافع منك ادخلى لناس
فريده واقفه ساكته ثوانى : انت ليه مش بتحب عيد ميلادك
يوم ماجيت مش بتحبه ليه
عمر بتلقائيه: لانى مش عارف انا جيت ليه اهى عيشه والسلام متستهلش انى احتفل بيها
بصت فريده ف الساعه لاقتها قربت ع 12 فاضل دقيقه او دقيتين
عمر : ادخلى جوه يلا انا شويا وهدخل
فريده : فاضل دقيقه ويخلص عيد اليوم عيد ميلادك وتدخل ع السنه الجديده
عمر بنص ابتسامه : والمطلوب عادى هتبقى سنه زى ال عدت مفيش جديد
فريده باابتسامه: فى حاجه دايما بابا بيعملها يوم عيد ميلادى ليا بتدخل ف قلبى السعاده وتطمنى
عمر : ايه هى
فريده : اممممم مش عارفه هتعجبك ولا لا بس انا عاوزه اعملهالك ممكن
عمر :مدام عارفه انها مش هتعجبنى متعمليهاش وادخلى
فريده: لا ماانا ال مخططه ولميت الناس وعملتلك العيد الميلاد من اوله خلينى اختمه
عمر نفخ : انجزى يا ستى ايه هى
فريده لثوانى اخدت نفس وقربت منه حضنته وعمر اتصلب من جرائتها واول مره يحصله كده ومش قادر يزقها
وهى حضناه قعدت تطبطب على كتفه ع ضهره وتقوله بصوت هادى :
فى اخر دقيقه من اليوم السنه القديمه
ومع بدايه اول دقيقه ف السنه الجديده
اتمنى ليك كل حاجه وحشه ووجعاك تتمحى وتيجى بدالها حاجات اجمل واجمل
وعاوزه اقولك ان اليوم ال اتولدت فيه كان يوم مهم وغالى جداا علشان كده
بنشكر ربنا لوجودك معانا ووسط ناس بيحبوك واسأل قلبك هيلاقي انه بيحبهم
..
وبعدت فريده عن عمر وهو متنح مكانه وفريده ا اتحرجت وبسربعه : انا داخله كل سنه وانت طيب
دخلت فريده وهى حاطه ايدها ع قلبها من سرعه دقاته
وعمر ثابت ف مكانه وباصص ع فريده وهى ماشيه
وحس بقشعريره فى جسمه وحاجات غريبه ابتدت تحصله من احساس وحط ايده ع قلبه لقاه بيدق بسرعه .. وشويا وجمع نفسه ودخل وبيبص ع فريده لقاها مندمجه مع الناس ولا اكن حاجه حصلت ... مطولوش ورامى وصل هنا وكان فى ناس من الفندق فريده رجعت معاهم وعمر رجع لوحده بعديهم .....
قعد يفكر ايه ال بيحصل وهو مش فاهم وليه فريده معلقه معاه كده
وافتكر موقف ال عملته لما حضنته اترسمت ع وشه ابتسامه وبعدها قلبه دق جامد اتخض ومش فاهم ايه بيحصله ......
وفريده طول اليل مش عارفه تنام وقلبها بيدق جامد ومش مصدقه ال هى عملته ومحروجه انها سابت نفسها كده بالرغم انها مبسوطه
______________________
مر مده ع عيد ميلاد عمر وال حصل
فى مره عمر كان قاعد عند حمام السباحه وشاف فريده باين عليها التعب
سمع من رشا زميلتها وهى بتتكلم معاها
رشا : انتى لسه تعبانه رجلك وجعاكى
فريده: اووى احنا مشينا مشى كتير اووى
رشا: ماقولتلك هاتى شوز كويسعلشان تقدرى تمشى بدل ما اتوجعلك رجلك كده|
فريده: ماهو انا اشتريت ال كنت لابساه ع انه مريح
ع العموم هبقى اشوف كده بس افضى
فهم عمر ان فريده رجلها وجعتها من مشى بسبب الشوز ال كانت لابساه
وساعتها جاتله فكره ....
________________________________
فى يوم هنا جت الفندق تشوف رامى لانه راجع مصر فتره وقابلت فريده
هنا: ديدا
فريده: نونا عامله ايه
هنا: الحمد الله ..انتى بكره اجازتك صح
فريده : ايون
هنا: سبيلى نفسك بقى هننتطلق بكره اشطه يلا سلام اشوفك بكره
مشيت هنا وهى مش مفهمه فريده اى حاجه وراحت قابلت رامى واتفقت معاه انهم يخرجوا بكره
راحت ع مكتب عمر ..خبطت ع الباب ودخلت
هنا: جود افينج بيبى
عمر باابتسامه: مساء الور ادخلى
هنا: معطلااك ع حاجه
عمر: لا خالص
هنا: عندك حاجه بكره مهمه
عمر: ليه
هنا: علشان هنخرج
عمر ماسك دوسيه وباصص فيه: اخرجى انا معتقدش
هنا بخباثه: انا وفريده ورامى اتفقنا
عمر ساب الدوسيه لما سمع اسم فريده : بجد طيب كويس
هنا : انا قلت اقولك لو حابب تعالى معانا تغير جو
وكمان علشان رامى مسافر الاسبوعين
عمر بلجلجه وعامل مش مهتم : هشوف وارد عليكى لو ينفع
هنا خرجت وع وشها ابتسامه وهى واثقه انه هيوافق
____________________
تانى يوم هنا فعلا لاقت عمر جاهز وجت فريده ورامى وراحوا ع حديقه كبيره وقعدوا وجريوا وركبوا عجل
فريده بصت ل عمر : انت جى علشان تقعد
عمر: وفيها ايه
فريده: اخرج بره المود الرسمى دا انت خارج علشان تنطلق
فك البدله ال ع طول لابساه وحس بالكاجول ال انت لابسه
راحت فريده قامت من جنبه ع الارض ومدت ايدها : يلا قوم
عمر : على فين
فريده : هنركب عجل ونلف شويا
عمر: انا بقالى سنين معملتش كده
فريده: عادى وهتعملها يلا
شدت فريده عمر وركبوا العجل وقعدوا يلفوا وعمر ابتدا يسيب نفسه لجو
والاستمتاع بالجو وقعدوا يلعبوا ويهزروا ويضحك معاهم عمر وابتدا يخرج من الدايره المغلقه عليه وفريده كانت السبب ..
قام عمر : انا رايح اتمشى حد عاوز حاجه
هنا : بوب كورن بليز (الفشار)
عمر: ورامى
رامى: لا شكرا
عمر بص لفريده : وفريده
فريده قامت من مكانها : انا رايحه معاك
رامى تنح لفريده
فريده: هجيب البوب كورن ليا ولهنا ولرامى فهتشيلهم ازاى يعنى
رامى : انا مش عاوز فعادى هيعرف يشلهم
فريده : لا هجبلك انت بتتطافس لما نجيب الحاجه
فريده بصت ل عمر : يلا بينا
عمر : يلا
مشى عمر وفريده طول الطريق ساكتين عمر حاطط ايده فى جيوب البنطلون وفريده عماله تلعب بصوابعها
فريده : كويس انك جيت مش كنت اعرف انت بتحب الخروج كده
عمر : اممم بصراحه لا ..هنا زنت عليا وانتى عارفه
فريده : هنا بنوته عسوله بجد محسستنيش انى لوحدى هى ورامى
عمر بصلها: باين فعلا
فريده وهى ماشيه مش واخده بالها من الارض اتكعبلت لانها مش كانت قادره تمشى وهتقع مسكها عمر وشدها ناحيته
قلب فريده دق جامد وعمر اتصلب وبعدين فوق نفسه
وبص لفريده : انتى كويسه
فريده بتهته: ها .. اه كويسه كويسه
بصت ع محل ال بيبيع البوب كورن / المحل هناك اهو يلا
سبقت فريده وراحت واشتروا البوب كورن وراجعين ..
عمر وقف معاها حاسب وسابها : 5 دقايق وجى مش تتحركى اوك
فريده مش فاهمه ايه حصل : اوك
غاب عمر 5 دقايق ورجع معاه علبه وفريده كانت مستنياه وكانت قاعده ع ديسك لان رجلها وجعتها ..... عمر وصل لعندها ومن غير مقدمات حط العلبه جنبه ووطى وقعد قدامها وبتلقائيه قلع الشوز لفريده ولابسها واحده
جديده كان جايبها وحاططها ف العربيه
فريده متنحه: ايه دا
عمر خلص ربط الرباط وبص لفريده باابتسامه : اعتبريه هديه منى ليكى وهيريحك جدا ف المشى
فريده باابتسامه : هديه
عمر وقف واتوتر وجمع نفسه بسرعه : اها هديه شكر وتقدير ع عيد ميلادى ال عملتيه وفكرتى فيه ...دورت ايه المنناسب مش لاقيت بصيت لاقيت
وانا بجيب لنفسى شوز علشان لما بحب اتمشى كتير متيعبش رجلى
لاقيت منه حريمى فاشتريته ليكى من غير تفكير والنبى قبل الهديه
فريده متنحه ومش فاهمه حاجه وليه جبهولها ومش اشتراه ل اخته بس ال عارفاه ان قلبها بيدق اووى
فريده وع وشها ابتسامه كبيره : عليه افضل الصلاه والسلام
عمر اتوتر : يلا بقى علشان اتاخرنا
فريده باابتسامه: يلا
ومشيت فريده وهى مبسوطه بالشوز وعماله تبص عليه وع ال ف رجل عمر
وانهم متشابهيين جدااا وسعاده من الموقف انه فكر فيها
راحوا عند رامى وهنا وقعدوا يتكلموا ويهزورا وفريده سرحت ف الشوز وع وشها ابتسامه وعمر لاحظ ان الهديه عجبتها وكانت ع وشه ابتسامه بيخبيها وبيبص ع فريده من تحت لتحت شويا كده
ورامى لاحظ نظراتهم لبعض وقلق ومسك موابيله وبعت رساله لفريده : لازم نتكلم ضرورى قبل ما اسافر
بصتله فريده وابتسمعت وبعتتله : اوك
__________________________________
وصل رامى فريده هو وهنا وقالها هيكلمها ونزلت افتكرت انها جعانه ومفيش اكل ف البيت فراحت السوبر ماركت وهى فرحانه بالشوز الجديد وع وشها ابتسامه وهى خارجه من السربر ماركت وماشيه اتجاه السكن كان ف جنينه
سمعت صوت حد بيتوجع قربت براحه لاقت
..لاقت فى الحديقه صوت شخص عمال يتوجع
شخص متعور ف راسه قربت منه وسألته : هاى ..انت كويس
_______________________________
فى نفس الوقت ال كانت فريده مع الشخص المصاب
عمر كان ف الفندق قاعد ف الهول وبيقرا ف الجرايد اوراق شغل
سمع صوت قرب منه : مستر عمر
بص ع الصوت
عمر متفاجئ : علا
_______________________________________________


(6)
ورامى بيوصل هنا البيت هنا فتحت كلام
هنا: رامى انت مش ملاحظ حاجه
رامى: عمر اتغير او بيتغير او بيمثل عادى
هنا: لالالا مش تمثيل عمر بيتغير بجد بيرجع زى الاول والسبب ديدا ...
بقالى فتره مسمعتش ان حد عرف يتعامل مع عمر كده
رامى : دى وظيفه ديدا الفضول وتفضل ورا الحاجه لغايه ما تجيب اخيرها
هنا: يعنى مش ملاحظ ان دا بشاير حاجه بينهم
رامى فاجاءه: لا طبعا لا
هنا: فى ايه يا رامى خضتنى هو انا بقولك يموتوا
رامى: انتى كده بتحكمى عليهم بالموت ..
لا شيلى الفكره دي هما زمايل شغل وهو مديرها بس
انا لولا الموضوع ال ف مصر مش كنت سافرت وزى ما جبتها كنت ارجعها لابوها تسليم اهالى
هنا: انت خايف عليها اوى كده
رامى اخد نفس : جداااا خايف علها تتوجع او تتالم ..
ديدا لو حصلها حاجه انا هبقى السبب .. وعمر بعد ال حصله والجرح ال عنده مش هيبقى سهل مع اى حد .. ديدا عمرها ما حبت ولا ارتبطت قلبها بكرتونته ومفتاحه معاها ومش عاوزها اى حد ياخده لمجرد تسليه
هنا : فال الله ولا فالك
رامى : خلاص خلاص اقفلى الموضوع وابقى طمنينى عليكى مش تنفضى وتنسى الموبيل
هنا باابتسامه: حاضر يا بيبى
هنا فى سرها : هيحصل حاجه وحاجه كبيره كمان يارب عجل بيها خلينا نفرح
رامى : بتقولى حاجه
هنا : لا يا بيبى بقول انك هتوحشنى وانت واحشنى
رامى باابتسامه: بحبك يا مجنونه
هنا: بموت فيك يا مجنن المجنونه
________________________________________________________
وصل رامى فريده هو وهنا وقالها هيكلمها ونزلت افتكرت انها جعانه ومفيش اكل ف البيت فراحت السوبر ماركت وهى فرحانه بالشوز الجديد وع وشها ابتسامه وهى خارجه من السوبر ماركت وماشيه اتجاه السكن كان ف حديقه
سمعت صوت حد بيتوجع قربت براحه
..لاقت فى الحديقه صوت شخص عمال يتوجع
متعور ف راسه قربت منه بقلق وسألته : هاى ..انت كويس
مردش عليها وعمال يتوجع اتصلت بالاسعاف واخدوا ع المستشفى وراحت معاه ...دخل الطوارى ودخل عمليات خيط جرح ف راسه ودخل اوضه لغايه ما يفوق وفريده فضلت معاه لانه كان لوحده وهى مرضتش تمشى الا لما يفوق
بعد ما خرج بساعتين ابتدا يفوق ويفتح عنيه .....
سمعت صوت بيتوجع لاقت بيتمتم بالعربى
فريده بقلق: انت عربى .. مصرى اسمك ايه
هو هز راسه : اه ..راسى
فريده باابتسامه: انت كويس بخير
هو: انتى مصريه
فريده :ايوه ... انت عامل ايه حاسس بحاجه انده الدكتور
هو: ايه حصل
فريده: انا معرفش ايه حصل انت ادرى انت لاقيتك متعور وبتنزف اخدتك ع المستشفى اسمى فريده وانت
هو: خالد ... خالد محمد
فريده: حمد الله ع سلامتك يا مستر خالد
بصت فريده ع الساعه : هما قالوا انك ع الصبح هتقدر تخرج انا شايفه ان مفيش حد كلمك وباين انك لوحدك لو عاوزنى اجى مفيش مشاكل
خالد بصصلها ومستغرب ان بنت بتعمل كده : لالالا متتعبيش نفسك
فريده: طيب انت ساكن فين اتصل بحد من قرايبك
خالد: لا انا نازل فى فندق ستارز
فريده اندهشت : دا ال انا شغاله فيه وباين انك لوحدك .. انا همشى دلواقتى والصبح قبل ما استلم الشفت هاجى اخدك اتفقنا
خالد باصرار: لالالا متتعبيش نفسك ..بجد انا هبقى كويس وميرسى ليكى اوى
فريده بصت ع الساعه كان الوقت متاخر : سيبها ع الله ... فرصه سعيده وابقى خلى بالك ع نفسك بعد كده
مشيت فريده وسابت خالد فى المستشفى يرتاح وكلمت باباها تتطمن عليه
ورامى بعتلها رساله انه اتاخر بره وهيكلمها الصبح قبل ما يسافر ...
______________________________________________________
فى نفس الوقت ال كانت فريده مع خالد فى المستشفى
عمر كان ف الفندق قاعد ف الهول بيقرا اوراق شغل وهو قاعد
سمع صوت قرب منه : مستر عمر
بص ع الصوت
عمر قام :ايوه ..... علا
علا باابتسامه: ايوه انت عمر ..
انا جيت انا وحظى مش كنت اتوقع انى اشوفك
انا جيت كذا مره هنا ومش كنت موجود
مدت ايدها علا تسلم عليه : ازيك ياعمر
عمر وقف ساكت من المفاجاءه من بعد ما كان بيبتسم وشه قلب مش عارف يقول ايه
علا رجعت ايديها تانى وباابتسامه : انت هتفضل ساكت كده
عمر بصلها و اخد نفس : عاوزانى اقول ايه
علا باابتسامه ع وشها : قولى ازيك .. عامله ايه
احنا بقالنا 7 مشفناش بعض .. موحتشكش
عمر تليفونه رن ورد وكانوا عاوزينه فى المكتب
عمر : انا مضطر استاذن بعد اذنك
علا وقفته ومسكت ايده: انا قاعده هنا فتره اتمنى اشوفك قريب ونتكلم فى كلام كتير بينا وحاجات لازم توضح
عمر بص لاايدها وهى ماسكه ايده وشالها : ان شاء الله
سابها ومشى وهو اتخنق لما شافها تانى
كان مع علا سكرتيره
علا: احجزيلى هنا من بكره الصبح نيجى هنا بدل الفندق التانى
السكرتيره: مش حضرتك دايما كنتى بترفضى تنزلى هنا
علا بصت ع عمر وهو ماشى: مش كان ف سبب يخلينى اقعد
دلواقتى لازم اكون موجوده اصلح ال فات
السكرتيره: نعم
علا بصتلها: يلا بينا وانتى اعملى ال قلتلك عليه
راحت السكرتيره الريسبشن علشان تحجز سويت
السكرتيره: لو سمحت عاوزه احجز سويت بااسم مدام علا عبد الله
موظف الريسبشن بص ع الحجوزات وبصلها: احنا اسفين جدا
احنا وقت سيزون ومفيش غرف فاضيه ..اقرب سويت هيفضى كمان اسبوعين
السكرتيره: طيب اتصرف مش ينفع
الموظف: اسف
مشيت سكرتيره علا وموظفه التانيه ال كانت واقفه اتكلمت :
اول مره مستر عمر يدينا امر بعدم دخول شخص
الموظف رد عليها : دا قايل بالاسم قبل ما يطلع
كان عمر اتصل بموظف الريسبشن وقاله يرفض حجز ال هيكون بااسم علا لانه مش عاوز يشوفها ف الفندق .خرجت السكرتيره وقالت ل علا انها ملقتش حجز
علا بغضب: ازاى يعنى مفيش الفندق فاضى وسيزون ايه ال بيتكلم عليه
سكتت لحظات علا : هو قالك كمان اسبوعين ..
ماشى احجزى هنيجى كمان اسبوعين .. سيزو قال
وحجزت سكرتيره علا المعاد ومشيت راحت ع الفندق ال نزلت فيه
وهى ف الطريق قالت علا لسكرتيره : عاوزه كل اخبار عمر رافت
من 7 سنين لغايه دلواقتى ارتبط ولا لا سافر فين مين معارفه مين اقرب ناس ليه كله كله
السكرتيره : حضرتك عندك كل التفاصيل
علا : اى جديد حصل ف حياته عاوزه اعرفه
وبصت من شباك العربيه وكلمت نفسها : وحشتنى يا عمر
وطلع عمر اوضته وبعدين نزل ف جنينه الفندق وقعد لوقت متاخر لما شاف علا قلبت عليه كل حاجه وحشه شافها معاها وبعد ما سابته ... وافتكر كلامه مع باباه وال وصله ..قعد فى الجنينه ونسى نفسه وبص ع الساعه كانت 2 الصبح
قام يرجع الفندق من بعيد شاف فريده راجعه واستغرب من رجوعها متاخر كده
وكان هيروح يكلمها بس رجع فى كلامه ومن غير مقدمات لاقى نفسه فضل ماشى وراها من بعيد لغايه ما وصلت السكن ودخلت
وهو رجع ع الفندق وعمال يكلم نفسه : هو انا عملت كده ليه
... عادى كنت بتمشى ...
كنت بتمشى الاتجاه دا..... ليه ... عادى يعنى كلها طرق
ليه استنيت لما تطلع السكن ... رامى سايبها امانه لما يسافر الصبح وقلت اطمن يعنى علشان رامى يطمن.... هو رامى اصلا طلب منى اخد بالى منها ولا حاجه ... عمر انت عاوز ايه اعقل وارجع لطبيعتك
ورجع عمر الفندق وعمال يكلم نفسه والحظه ال شاف فريده نسيته انه شاف علا وطلع اوضته قعد ع السرير عمال يفكر وفتح درج الى جنب السرير و طلع صور عرض الازياء وقعد يتفرج عليها وبعدها نام ......
_________________________________
تانى يوم الصبح رامى اتصل ع فريده قالها تنزل تقابله قدام السكن قبل ما تروح الشغل
فريده : صباح الفل يا روميو
رامى: صباح الفل يا ديدا
مشيوا وقعدوا ع ديسك فى الحديقه ال قدام السكن
فريده باابتسامه: خلاص هتسافر
رامى: مش هتاخر ان شاء الله
فريده: توصل بالسلامه
رامى : الله يسلمك
سكت رامى شويا : خلى بالك ع نفسك يا ديدا
فريده : متخفش عليا انت سايب راجل هنا
رامى: عمر
فريده سكتت لحظه: ماله عمر
رامى: ابعدى عنه وكفايه تقربليه كده ..يعنى كفايه الحبه الحلويين من كورس اعاده التأهيل ال بتعمليه
فريده سكتت ومش عارفه تقول حاجه : ليه
رامى : ردى عليا بصراحه يا ديدا ...و قوليلى انتى ال بتعمليه مع عمر دا ليه بتقربيله وتحتكى بيه دا فضول ولا علشان حاجه تانيه
فريده تنحت ل رامى: ها
رامى : ها انتى انا بسئلك ايه هتحورى ع روميو
فريده سكتت لحظات واتنهدت وبتلقائيه : والله يا رامى انا مش عارفه فى ايه... حاجه شدانى ليه اوووى .. عارف احساس ان شخص معين يشغل تفكيرك من غير مقدمات .. شخص اذا ضحك تضحك اذا زعل تزعل ...وجودك جنب الشخص دا يحسسك براحه غريبه مش تحسها مع اى حد غيره ... اهو دا ال بيحصلى
رامى مستغرب من كلام فريده : برغم من اسلوبه السخيف وتقلباته
فريده بتبتسم : برغم كل دا انا عاوزه اعمل كده واتعامل معاه كده ..عاوزه اعمل كل حاجه اقدر عليها ليه علشان يبقى كويس وبخير ومعرفش سبب معين غير انى عاوزه اخليه يعيش ويعرف ان حياته غاليه بكل دقيقه ... وجوده مهم مش عيشه والسلام .. عاوزه يعيش فى سلام وامان ومش طالبه مقابل ولا مستنيه غير انى اشوفه سعيد
فاقت فريده من سرحانها بالكلام : والحمد الله انت شفت واحده واحده الدنيا بتتغير اهو انت كنت تتخيل انه يضحك ويتكلم كويس من غير عجرفه ولا تخبيط
رامى باصص لفريده : انا ال مش كنت اتخيل انك تقعى يا فريده
فريده بصت لرامى : اقع ايه
رامى: شوفى السعاده ال ع وشك وانتى بتتكلمى عنه
ونظراتك والابتسامات ال بتتوزع ولمعان عينك
فريده مخضوضه : لالالا لا متروحش لبعيد انا بس متعاطفه معاه
رامى بنظره مكر : متعاطفه طيب ياست المتعاطفه
بما انه اتحسن وجسمه اخد ع العلاج وانتى حطيتيه ع السكه الصح اخلعى بقى ويكمل مع نفسه هو مش صغير
فريده بتضحك : ليه يعنى ماعادى يا رامى هو هياكلنى ماهو بيعاملنى كويس
رامى : فريده خلى بالك ع نفسك
وعلى قلبك ال فضلتى تحافظى عليه علشان قدرك ال ربنا هيبعتهولك
والجرح ال ف حياه عمر كبير اكبر منك انك تداويه .. انتى محبتيش هو حب ومش سهل يعيدها تانى .. فاهمانى
فريده اتوترت : رامى انت دماغك سرحت كل دا علشان مسافر انا عارفه
رامى:لما اشوف لما هسافر هيحصل ايه ..
دول اسبوعين وراجعلك ..انتى عارفه لو عملتى حاجه
فريده بتضحك: لا متقلقش زى ما سبتنى هترجع تلاقينى انا ديدا
رامى: ربنا يستر يا ديدا
فريده غيرت الكلام : يلا علشان تلحق وانا عندى مشوار
رامى : مشوار ايه ع الصبح
حكت فريده ل رامى ع ال حصل امبارح
رامى : كل دا يحصل ومش تكلمينى
فريده : ماهو انا اتصرفت وبعدينانت كنت مع هنا وكده
رامى :طيب لسه بدرى هاجى معاكى متروحيش لوحدك
فريده : يلا بينا
راحت فريده ورامى ع المستشفى ل خالد ..حست انه واجب عليها لانه كان لوحده وتاخده توصله ل الفندق
دخلت المستشفى راحت ع الاوضه بصت ع السرير ملقتش خالد
قابلت ممرضه فى الدور
فريده: لو سمحت الشخص ال كان هنا راح فين
الممرضه : خرج من ساعتين
ففريده : خرج ..لوحده ..طيب هو كويس
الممرضه : مشى بتاكسى والدكتور طلب منه راحه
فريده : ميرسى جداا .. طيب كويس انه رجع الفندق
رامى: طيب كويس يادوب الحق انا نروح الفندق اخد الشنطه وانطلق
فريده: اوك وانا هبقى اطمنك
فريده بسرعه رجعت الفندق ولبست اليونيفورم وسالت ع خالد
عرفت انه وصل من كام ساعه ف اوضته .. اخدت الفطار وطلعتله
خبطت ع الباب ودخلت وكان قاعد ع فوتيه ممد ومشغل التليفزيون
فريده : جود مورينح مستر خالد
خالد شاف فريده باليونيفورم اتاكد انها شغاله فعلا ف الفندق
بصلها بابتسامه : جود مورينج فريده
فريده حطت صينيه الفطار ع الترابيزه قدام خالد
فريده مبتسمه: عرفت انك مفطرتش لغايه دلواقتى
خالد بيضحك: ايه شغل المراقبات دا
فريده : الفندق كله محاصر
خالد ضحك ومسك راسه ال كانت مربوطه ومتخيطه
فريده لاحظت انه اتوجع : سورى سورى
يلا دلواقتى اتفضل الفطار والعلاج فين .. اه اهو يلا
مسكت فريده العلاج وبصت ع مواعيده وكان فى قبل الفطار
فريده : يلا يا مستر خالد اتفضل
خالد اخد الدوا : مرسى جدا يا فريده ..تعبك معايا من امبارح
متتعبيش نفسك تانى انا هبقى كويس ..
فريده : هو انت هنا لوحدك
خالد : لا معايا مدير اعمالى وجى انهارده بليل انا كلمته
فريده : انت جى ف بيزنس مش زياره
خالد: اه فعلا ف شغل
فريده حست بالفضول : هو ينفع اسئلك ايه ال حصل امبارح
خالد : انا نفسى مش فاكر .. انا وانا ماشى راجع الفندق لاقيت شخص بيقولى عاوز فلوس ولسه بدور لاقيته خبطنى ومحستش بحاجه غير المستشفى
فريده اتخضت: فى حرامى هنا ف القريه دا لازم يتبلغ عنه الامن
واداره الفندق تعرف علشان النزلاء
خالد : انا برضه استغربت ..بس واضح انه كان سكران لانه كان عاوز كاش
وانا معايا فيزا .. وكان فاكر معايا سلاح واضربت بازازه ويسكى
فريده : امممممم المهم انك بخير دلواقتى واحسن
ولغايه ما يرجع سكرتيرك انا هتابعك ومعاك
تليفون صغير لريسبشن قولهم عاوز ديدا هتلاقينى قدامك
وطلعت فريده ورقه كتبت فيها رقم موابيلها
فريده ادته ورقه : ودا رقم موبيلى لو طلبتنى ف الريسبشن ومش لاقتى الاسهل تكلمنى ع الموبيل
خالد مسك الورقه: ديدا .. اسمك ودلعه حلو اوى
فريده باابتسامه: مرسى جدااا لذوق حضرتك
بصت فريده ع الساعه وحست انها اتاخرت
فريده بسربعه : انا همشى دلواقتى علشان زمانهم بيدوروا عليا وزى ما قلتلك متتحركش من مكانك وانا هجيب الغدا واجى وهغديك ع مزاجى يلا سلام
خالد ملحقش يرد من سربعه فريده ولما مشيت بص لورقه وابتسم
فريده وهى نازله وقفت قدام مكتب عمر وكانت متردده تدخل
وانها كانت هتروح مكتب عماد تحكيله ع ال حصل وهو يبلغ عمر لانها مش عاوزه تتعمق مع عمر علشان كلام رامى ال قالهولها ... فرجعت ف كلامها ولاقت نفسها رايحه اتجاه مكتب عمر خبطت ع الباب ودخلت
عمر بصوت جامد ومش باصص ع مين دخل وباصص ع الكمبيوتر : ايوه
فريده بلجلجه : احم احم مستر عمر
عمر بسرعه بص ع الباب ولما شاف فريده ابتسم وبعدين رجع وشه جامد : احم ....ايوه يا فريده خير
فريده بتقرب من المكتب : انا مش هاخد من وقت حضرتك كتير بس ف حاجه حصلت لنزيل هنا وقلت لازم اعرفك ..علشان تتصرف .. انا كنت هقول لمستر عماد بس كنت قريبه من المكتب قلت اقولك
عمر : ايه حصل
حكت فريده ل عمر ال حصل
عمر بصلها : علشان كده رجعتى متاخره امبارح الساعه 2 الصبح
فريده بصتله: نعم وعرفت ازاى
عمر حس اانه اتسرع رجع فى كلامه : انا اعرف منين ..انا سمعتهم
لان كانوا بيسئلوا عليكى ومش كنتى موجوده
فريده : مين ال كان عاوزنى محدش قالى
عمر اتوتر وجمع نفسه : هشوف انا موضوع النزيل دا شكرا
ولو خلصتى ال جايه علشانه اتفضلى
فريده لاحظت عمر مش ع بعضه مش فاهمه فى ايه
وخرجت من المكتب ..وعمر كان مراقبها وهى بتخرج ولما قفلت الباب
اخد نفس : ايه ال انت بتعمله دا ياعمر ارجع لطبيعتك
وخرجت فريده ومش فاهمه حاجه من تصرفات عمر
_______________________________
جه معاد الغدا وفريده طلعت ومعاها الغدا ل خالد خبطت ع الباب ودخلت اطمنت عليه وخرجت تايفونها رن وكان رامى قعدت تتكلم معاه وسئلها ع عمر
رامى : دراكولا عامل ايه معاكى
فريده: معرفش ساعات كده وساعات كده بيتحول لما بيشوفنى
رامى: يعنى ايه بيعاملك وحش
فريده: انا حاسه انه متعمد يعاملنى وحش ...بس براحته بقى
رامى: ايه زهقتى من الكورس ..صدقتينى
فريده: انا حطيته ع اول السكه المفروض يمشى لوحده ..
اضمن يمشى لوحده انت كنت صح يا رامى
رامى : اضمن
فريده : انا خايفه يا رامى
رامى : مش قلتلك
فريده: انا فعلا حسيت انى قربت لدرجه مكنش ينفع اقرب كده
ولازم ارجع شويا
رامى : كويس انك فكرتى ..المهم انا مش هتاخر والمنقذ بتاعك هيجيلك
فريده: مستنياك يا روميو افندى
رامى: انا روحت ل عمر افندى وطمنته عليكى ف بلاد الفرنجه وهو كويس جدا
فريده: ماهو قالى وفرح اووى
رامى : وعازمنى عنده بعد بكره ع العشا .. قوليلى الاخ ال اتخبط عامل ايه شوفتيه
فريده: اه كويس دا نزيل هنا وشخصيه محترمه اوى لو فضل لغايه ماترجع هتشوفه
رامى:ان شاء الله
فريده: يلا هيص .. يلا سلام بقى علشان معايا ويتنج
رامى : ويتنج مين يا خاينه
فريده : ملكش دعوه طير
رامى: لما اجيلك انا بس
قفلت فريده وكان رقم وملحقتش ترد قفلت
____________________________________
علا حاولت تتصل ب عمر وعمر كان بيصدها لغايه ما فى مره جاتله المكتب وصلت الفندق ودخلت المكتب خبطت ع الباب ودخلت
وعمر كالعاده مش بيبص مين دخل : ايوه خير
علا: شكلك حلو اوى وانت بتشتغل
عمر اتفاجاء ب علا وعلا دخلت ووقفت قدامه
علا باابتسامه: مش تقولى اقعدى
عمر: اتفضلى
علا بتبص ع المكتب : مكتبك شيك اوى فعلا يليق ب عمر رافت
عمر رجع بورا بالكرسى : ميرسى .. خير فى حاجه علشان تيجى المكتب
علا : بصراحه ف حاجتين
عمر : خير
علا: جيت علشان عاوزه اشوفك وعلشان عاوزه اتكلم معاك لو ينفع نتغدا سوا
عمر : اسف جدا مش ينفع
علا: خلاص هاجى بكره
عمر: مش فاضى
علاحست انه بيتهرب: ماهو يا نتقابل ونتكلم يااما هتلاقينى ف وشك كل يوم
مش معنى انى معرفتش احجز هنا هيبقى صعب اشوفك
عمر باصص ليها لحظات ساكت: قولى ال انت عاوزاه هنا
علا باابتسامه: مش ينفع
قامت علا وطلعت كارت من شنطتها وبصت ل عمر
علا: دا الكارت بتاعى بارقامى ال انت مش بترد عليها
كلمنى علشان منطش ليك كل شويا دا لو انت بقى عاوزنى اجيلك واكون وحشاك ....
عمر استفز من طريقتها وسابته علا وخرجت
فضل عمر باصص لكارت كتير لغايه مافكر واخده حطه فى جيبه
نفس اليوم كان قاعد فى اوضته وماسك الكارت وبيكلم نفسه
عمر: ياترى عاوز ايه تانى يا علا ..
ظهرتى تانى ليه بعد ما ابتديت انسى واعيش
جيتى تقلبى عليا االالم ليه ....
فضل عمر يفكر لغايه ما اخد قرار يكلمها ويقطع الشك ويقفل معاها اى كلام علشان مش عاوز يشوفها تانى
اتصل بيها واتفق يقابلها ف مطعم باعتلها عنوانه ف رساله ع العشا
وعلا فرحت بالرساله وانه اقل من 12 ساعه كلمها
_____________________________
قامت علا تجهز وكانت فى منتهى السعاده ومش عارفه هتلبس ايه ومحتاره
كانت عاوزه تبقى اجمل بنت فى عين عمر لما يشوفها
عمر راح المطعم وقعد واستناها وبص ع الساعه لاقاها اتاخرت 10 دقايق
قرر يستنى كمان 10 دقايق وبعدها يقوم ولو طلبت تشوفه يرفض
فى اللحظه دى دخلت علا المكان وكانت شيك جدا وفى منتهى الجمال
قربت من الترابيزه وباابتسامه ع وشها
علا: اسفه ع التاخير
عمر بصلها نظره جد : لا عادى اتفضلى اقعدى
علا وهى واقفه : مش هتقوم تشدلى الكرسى اقعد
عمر ضحك نص ضحكه
علا: الاتيكيت
عمر قام شدلها كرسى وقعدت وطلب المينو وطلبوا الاكل
عمر : اتفضلى اتكلمى انا سامعك علشان فرصه زى دى مش هتتكرر تانى
علا بصتله : بسرعه كده مااحنا قاعدين
عمر بصلها: احنا قاعدين علشان نتكلم مش نحب ف بعض ولا ايه
ودا كان طلبك
علا حست باسلوبه الجاف وابتدت الكلام
علا : ايه رائيك فيا اتغيرت ولا زى ما انا
عمر بصلها: ازاى يعنى
علا بخبث : يعنى جميله ولا اوحشيت
عمر ضحك نص ضحكه: انتى طول عمرك جميله هتوحشى ازاى
علا باابتسامه: الحمد الله انك لسه شايفنى جميله
عمر باصص ليها ولسه هيتكلم علا قاطعته ف الكلام
علا : انا اسفه ياعمر ع ال حصل
عمر : اسفه
علا: ايوه اسفه وبالرغم انى عارفه مهما اتاسفت انت ممكن مش تسامحنى
عمر ضحك بسخريه: اسامحك
علا بملامح حزن ودموع ف عنيها : انا عارفه ال عملته دا صعب جدااا
ومش كنت تتوقعه منى بس انا كنت تحت ضغوط وانت عارف ومستحملتش تعبت جدااا وانا فكرت فيك .. فكرت انت مش وش بهدله
مينفعش باباك يبقى عنده كل دا وانت قاعد ف شقه خالتك ومش عارف تاكل منين وال كنت متمسك بيه حبنا ... انا خسرتك وقتها وفعلا ندمت ع كده
وبعد ما بقى معايا فلوس وعشت ف مستوى الاغنيا عرفت فعلا ان الفلوس
عمرها ما بتعوض حاجه ولا بتشترى سعاده ... انا طول الوقت دا بعيده عنك
مش كنت سعيده .. كنت فاقده حاجات كتير واهمهم انت
انت امانى وحمايتى وحبى . انا عرفت بعد ما انفصلنا قد ايه انا بحبك
ولغايه دلواقتى بحبك ...
عمر لاحظ دموع نازله من عنيها
عمر: انتى عاوزه ايه بعد كل الكلام دا
علا: نبتدى من الاول ومع بعض انت بتحبنى وانا بحبك وهنتحدى اى حاجه ف الدنيا واحنا مع بعض
عمر ضحك بسخريه : نتبدى من الاول ...
هو كان فى ايه علشان نبتديه من الاول
علا : حبنا
عمر بنظره غضب وانها مش حاسه بالجرح ال جرجتهوله وقتها :
دلواقتى بعد 7 سنين حسيتى بقيمتى .. دورتى عليا وحسيتى بالى فقدتيه
واتاكدت انك بتحبينى لا بجد
علا: وانت بتحبنى ياعمر ومتقاوحش
عمر : فين المقاوحه دى وايه دليلك انى بحبك لسه
علا : انت من 7 سنين لغايه دلواقتى مرتبطتش ولا خطبت حتى
عمر بص عليها : ودا دليل
علا : ايوه دليل انك مش ناسينى زى ما انا نسياك
بلاش مقاوحه ياعمر ..تعالى ننسى ال فات ونبدء حياتنا مع بعض
عمر طلع سيجاره وحط رجل ع رجل : وهبقى البدايه رقم كام
علا تنحت : تقصد ايه
عمر نفخ دخان سيجاره : اعتقد انى هبقى لو شرعى هبقى ال 5 لو عرفى هبقى ال 6 لا حلو المهم معديش العشره يعنى ف الاوائل
علا اتفاجئت : انت عرفت منين كل دا
عمر بصلها: زى مانتى عملتى بحث وسئلتى انا كمان عملت
وكل واحد وال جمعه .. بس بجد اتاكدت انك فعلا مش نستينى علشان كده ف 7 سنين اتجوزتى 6 مرات ... وانا متجوزتش ولا مره ... فاهمه يعنى ايه اتجوزتى يعنى نمتى فى حضن 6 رجاله يا مدام علا
علا بتلجلج: عمر انت متعرفش كانت ايه ظروفى
عمر بيضحك: ظروفك انك جعانه
علا : نعم
عمر : جعانه فلوس ال بيدفع اكتر تتجوزيه
علا: عمر انت مش فاهم حاجه ..انا مستعده انسى كل حاجه واسيب كل حاجه وابقى معاك لوحدك ..عمر انت بتحبنى ..ومتنكرش
عمر: لا يا مدام خابك الظن انا مش بقيت احبك
علا: طيب قرب منى وبص ف عينى كده ..فاكر زمان
كنت بعرف من عنيك ...
عمر بصلها وقرب منها وبص جامد فى عنيها ولا اهتز ولا حصله حاجه
عمر : كفايه كده ولا عاوزانى ابوسك علشان تتاكدى اكتر
علا تنحتله وحاسه ان ف حاجه غلط : انت بتقاوح نفسك
وعلشان شايل منى بتعمل كده صح
عمر بيضحك: برضه مصممه
علا: مكنتش تفضل سينجل الفتره ديه كلها 7 سنين ولا ارتباط
سكت عمر لحظات ونفخ دخان السيجاره : ومين قالك انى مش مرتبط
علا: نعم ..مرتبط مين
عمر : ميخصكيش تعرفى اعتقد ..
علا بتضحك: بتضحك عليا فاكرنى هصدق شغل العيال دا
احنا كبرنا يا عمر ع الحاجات دى
عمر بيضحك: عاوزانى اثبتلك ازاى
فكرت لثوانى علا : فى حفله اخر الاسبوع عملااها علشان عقد جديد مضيته
فى الفندق ال نازله انا فيه ... هاتها وتعالى نتعرف عليها ولما اشوف بعينى مش هتشوفنى تانى
عمر سكت وحس انه ادبس : تمام اشوفك هناك اعتقد اننا خلصنا كلام نمشى بقى ولا هتقعدى شويا
علا بصتله ودموع نازله من عنيها وحست بانه بيتعامل بلا مبالااه : لا هقوم
وقاموا علا وعمر وكل واحد ركب عربيته ومشى
علا مشيت ومش مصدقه ال عمر قاله
وعمر حس انه ادبس فى انه لازم يروح الحفله مع حد
_____________________
عمر وصل الفندق ونزل منه وهو مش طايق نفسه وهو داخل شاف فريده واقفه مع زميلتها وبتضحك وبتهزر بص عليها للحظات ومشى وبعدها وقف دقيقه وبص عليها تانى
ورجع ليها
عمر : فريده
فريده بصتله : ايوه يا مستر عمر
عمر : ممكن تيجى ل مكتبى كمان نص ساعه
فريده : خير ف حاجه
عمر: هتعرفى متتاخريش
مشى عمر وفريده مش عارفه حاجه وقلقت ...
عمر دخل مكتبه واتوتر ومش عارف يطلب من فريده كده ازاى
وهى هتقدر تعمل كده ولا هتبوظ الدنيا وف نفس الوقت حاجه جواه بتقنعه ان البنت تكون فريده ...
هدى نفسه وقعد ع المكتب وعدت نص ساعه وباب المكتب خبط ودخلت فريده
فريده : ايوه يا مستر عمر حضرتك ..
قاطعها عمر وحاول يتمالك نفسه واتكلم بااسلوب جامد: اقعدى الاول يا فريده
قعدت فريده وباصاله.. باصلها عمر وفضل باصصلها للحظات وفريده اتكلمت : ايوه خير
عمر : احم الموضوع ان انا عاوز منك خدمه لو تقدرى عليها كويس لو لا عادى
فريده باابتسامه: لو اقدر اعملها طبعا
عمر تمالك نفسك وبنفس اللهجه الجامده: عايزك تمثلى انك ..
فريده: انى ايه
عمر : احم احم هو تمثيل ومش يقرب لجد باى حاجه موقف اتعرضتله وانتى كنتى اول حد جه فى بالى .... اقصد شوفته لما دخلت الفندق
فريده: ايوه يعنى امثل ايه وليه
عمر بص لفريده: حبيبتى
فريده تنحت : ها
عمر : احم.. تمثيل ليوم واحد او اتنين مش اكتر
فى موقف يحتم عليا يكون معايا واحده .. وانا قلت .. المهم انتى ايه رائيك موافقه
فريده متوتره: عاوزنى امثل انى حبيببتك واحنا مرتبطين يعنى
عمر : ايوه .. لو تقدرى لو لا براحتك
فريده ساكته عمر باصص عليها شايفها اتفاجئت راح قام وقعد قدامها ع الكرسى
عمر : تمثيل هنمثل بس قدام الناس ال عاوزهم يشوفوا كده وبعدين هنرجع زى ما كنا فكرى وردى عليا بكره .. اتفضلى روحى لشغلك
فريده قايمه متنحه وماشيه وقبل ما تخرج من الباب لاقت نفسها لافت وبصت ل عمر
فريده: انا موافقه
عمر : اوك روحى شغلك واجهزى ع اخر الاسبوع الخميس
وبدلى اجازتك بيه علشان مفيش حد يلاحظ حاجه
خرجت فريده وقلبها دق اوى ومش عارفه ليه افتكرت اجهاد الشغل وكده والمفاجاءه حاولت تهدى نفسها ورجعت ل شغلها ..
وع قد ماعمر انبسطت ان البنت هتكون فريده ع قد انه كان عاوزها ترفض
________________________________________
عدى يومين من بعد ماعمر اتفق مع فريده وفريده مش عارف تتلم ع عمر تتكلم معاه وفريده غصب عنها بتدور عليه عاوز تفهم ومش قادره تستنى ل الخميس المفاجاءه خليتها متعرفش تتكلم
وهى فى المطعم بصت ع الترابيزه لاقت خالد قاعد راحت لعنده
فريده مبتسمه: صباح الخير
خالد مبتسم: صباح الخير .. فريده .. ديدا
فريده: انت خليت فيها فريده ولا ديدا هو دا ال اتفقنا عليه
خالد : باين انك زعلانه
فريده: واضح انى كنت رخمه معاك ..
خالد : لا ابدا ابدا ..
فريده: طيب مكلمتنيش ليه ولا ما صدقت
خالد بسرعه: لالالا ابدا بس انا مش حابب اسببلك مشاكل ورياض رجع من السفر ومعايا فقلت اريحك وعلشان تعرفى بصى
طلع موبيله ووراها انه مسجل رقمها باسم اجدع بنت ف مصر
فريده ضحكت : ايه دا ايه الاسم دا
خالد : علشان انتى اجدع بنت قابلتها .. انتى اجازتك امتى صحيح
فريده: الخميس
خالد : طيب تمام ممكن تقبلى عزومتى بره ,, كعربون صداقه وارد شويا من ال عملتيه
فريده كانت هتوافق وافتكرت حوار عمر : لالالا مش هينفع الاجازه الجايه بقى
خالد : اممم ليه هتعملى ايه فى الاجازه دى
فريده بنلقائيه: عندى تمثيل
ضحك خالد : لا بجد انتى كمان بتمثلى
فريده انتبهت لكلامها وضحكت : هاهاهااا يعنى تغيرر عندى مشوار الخميس ممكن الاجازه الجايه اتفقنا .. عزومه ايس كريم ترضينى تمام
خالد : تمام
عمر عدى ع المطعم لاقى فريده واقفه بتضحك هى وخالد وهو ميعرفهوش
راح بعتلها ماسج ع موابيلها تجيله المكتب شافتها فريده وطلعت المكتب
خبطت ع المكتب ودخلت
فريده : صباح الخير
عمر : صباح الخير
فريده : خير فى حاجه
عمر باصصلها وفضوله عاوز يسئلها مين ال كان بيضحك معاها وماسك نفسه
وراح طلع من جيبه كارت واداه لفريده
فريده : ايه دا .. دا كارت بيوتى سنتر
عمر : ايوه .. هتروحى الخميس الصبح بدرى هناك هما هيتكفلوا بكل حاجه انتى مش محتاجه تتكلمى بس هتضطرى تروحى لوحدك خدى تاكسى يوصلك لان لو وصلتك ممكن حد يلاحظ
ويكتر كلام وانا ع 5 هعدى عليكى اخدك تمام ولو احتاجتى حاجه كلمينى
فريده : تمام .. بس ممكن اسئل سؤال
عمر بنفس الاسلوب البارد : ها
فريده : هو انت كويس عمر : ليه
فريده : بسئل بس
عمر : ليه شيفانى تعبان .. لا كويس الحمد الله
فريده : طيب الحمد الله
فريده : هو حفله مين ال رايحيين ليها
عمر باصصلها : مش مهم تعرفى انتى دورك توفقى توزعى ابتسامات ومتتكلميش مع حد انا هتكلم ... تمام
فريده لاحظت اسلوب الجامد والبارد : اتفقنا ..
عمر : يلا ع شغلك
فريده : بعد اذنك
مشيت فريده وهى مضايقه من اسلوبه ال اتغير .. وحست ان فعلا عندها حق انها تلحق نفسها من اى حاجه تحسها علشان زى ما رامى قال متتعبش وتوجع قلبها ومشيت واخدت قرار انها تساعده عادى زى ما وعدته
وبعد كده متدخلش معاه ف اى حوار و التعامل شغل بس
___________________________________
جه يوم الخميس الصبح وفريده نازله خارجه من الفندق
قابلت خالد وهو خارج
خالد : ديدا صباح الورد
فريده بصت ع الصوت : صباح الفل
خالد: ع فين بدرى كده
فريده : ماانا قلتلك رايحه امثل عندى تمثيل انهارده
خالد : تمثيل دا زى التنظيف كده
فريده _ ايوووه هو دا
خالد: طيب انتى واقفه مستنيه ايه
فريده : مستنيه تاكسى اروح العنوان دا
فريده ورت الكارت ل خالد شافها : تعالى اوصلك هو ف سكتى
فريده : مش عاوزه ااخرك
خالد: بقولك ف سكتى يلا
ركبت فريده مع خالد العربيه وفى الطريق خالد فتح كلام
خالد: انتى رايحه بيوتى سنتر ليه
ومالك متوتره كده ليه
فريده بتوتر: هو فعلا باين عليا
خالد بيضحك: جدااااااااا هو انتى مضطره تروحى يعنى
فريده : وعدت ولازم انفذ وعدى
وحكت فريده لخالد ع الموضوع
خالد : امممممممم انتى متوتره علشان هتمثلى ولا متوتره انك هتكونى مع الشخص دا
فريده بصتله وهو سايق: ها
خالد: حاولى تميزى قلقك من ايه علشان تعرفى تسيطرى عليه ميبقاش سايح كده واهدى والموضوع زى ما حكيتى شكه دبوس وهترجعى تانى لطبيعتك
فريده: ربنا يستر
وصل خالد فريده لبيوتى سنتر ومشي راح مشوار ودخلت فريده وادتهم الكارت وهما قاموا بالواجب من كله حتى الفساتين كانت موجوده تجربها والمناسب تلبسه فريده ميكب اب وشعر وفستان و ومستنيه عمر يجى
بقت الساعه 5 تليفونها رن وكان عمر ونزلت فريده ل عمر
عمر قاعد ف العربيه وبيبص ع ال نازله .. شاف بنوته زى القمر اتفاجى لما شافها كانت فريده بالفستان والشعر الطويل والميكب والكعب طالعه زى القمر
غير الجينز ال هو متعود يشوفها بيه جاله نفس النغزه ف صدره لما شافها بفستان الفرح وفتحت فريده الباب ودخلت قعدت .
فريده باابتسامه : اتاخرت
عمر متنح وفاجاءه فاق : لالالا مفيش يلا
فريده : ايه رائيك مش تقولى رائيك
عمر بيبص من تحت لتحت ومدى وش الخشب : جميل ..اى بنوته بتلبس وتتمكيج بتبقى جميله
فريده اتحرجت : اها .. صح
وطول الطريق ساكتين لغايه ما وصلوا لحفله
ونزلوا من العربيه وعمر فتح لفريده الباب ونزلت وقبل ما يدخلو عاد عليها الكلام
عمر : تفضلى ساكته ..مبتسمه.. انا هتصرف احنا مش هنطول وهنمشى اتفقنا وخليكى ماسكه ف ايدى كده تمام
فريده اخدت نفس : تمام
دخلوا الحفله وكانت علا وافقه مع ضيوف ليها وبصت ع الباب لاقت عمر داخل وماسك ايد بنوته جميله .. اضايقت وحست انها خسرت راحت لغايه عندهم لتتاكد
علا: عمر بيه اهلا بيك ف الحفله المتواضعه
عمر باابتسامه بارده: اهلا بيكى مدام علا
فريده سمعت اسم علا تنحت افتكرت علا ال حكالها رامى عليها حبيبه عمر الاولاانيه
علا بتبص ع فريده: مش تعرفنى
عمر مسك ايد فريده وباسها : فريده حبيبتى
فريده جسمها اتنفض لما باس ايدها وابتسمت وحاول تتماسك
علا: اهلا وسهلا انا زميله عمر من زمان كنا ف جامعه واحده ف مصر
فريده اتاكدت انها هى واتفاجئت وحاولت تتماسك : اهلا
علا بملامح ضيقه وضحكه بارده: اتفضلوا اتفضلوا
دخل عمر وفريده وعلا مضايقه من ال شافته ومش قادره تصدق
طول الحفله عمر ماسك ايد فريده وعمالين يضحكوا ويبتسموا وعلا لاحظت كده ان عمر طول الحفله ماسك ايد فريده وحاضنها وبيبوس فى ايديها
استاذنت فريده وراحت الحمام وراحت علا ل عمر
علا باابتسامه : عرفت تختار يا عمر
عمر بيضحك: ميرسى ..عقبالك لما تعرفى تختارى صح
علا: ان شاء الله .. حبيببتك اموره يا ترى هتفضل حبيببتك ولا ف خطوه تانيه
عمر بيبصلها: ياعالم هى لو توافق اخطبها بس هى عندها ترتيبات تانيه لما تخلصها هنعلن الخبر لكل
علا: هى بتدرس ولا بتشتغل
عمر: بتعمل ماجستير ف البزنس هنا وباباها صاحب شركه اوراق ماليه ف ايطاليا وقابلتها هناك من مده
علا :اها ... ان شاء الله خير والف مبروك
مشيت علا لضيوفها وفريده ف الحمام قدام المرايه بتكلم نفسها
فريده: علا ..علا زميلته حبيببته الاولى
جبنى امثل انى حبيببته علشان حبيببته الاولى تشوف .. ايه ال انا عملته ف نفسى دا .. وانا مضايقه ليه دا تمثيل ومفيش حاجه بينا ... وماسك ايدى وبيبوس فيها ايه ال هو بيعمله دا وحطت فريده ايدها ع صدرها قلبها بيدق جامد
فريده بغضب: وانت بتدق اوى كده ليه اهدى بقى اهدى انا قلت مش هينفع
اخلص الدور وبعد كده تعامل شغل شغل بس
بس ليه جسمى عامل كده بينفض ليه .. حاولى تتمالكى نفسك يا فريده
تليفونها رن رساله اتخضت وكان عمر بينبها انها طولت
وقالها تخرج علشان شويا ويمشوا ...
اخدت نفس وخرجت فريده باابتسامه ع وشها وراحت وقفت جنب عمر ا وكانوا تحت مراقبه علا وفريده عند ف ال عملته علا بينت انها بتحب عمر تمسحله العصير من ع شفايفه وتوشوش وتحضن دراعه لانها فهمت انه عاوز يوصلها كده وهى علشان اتعاطفت معاه اندمجت ,, استاذنوا من الحفله وهما خارجين باابتسامه ركبوا العربيه ومشيوا اتحول عمر رجع لطبيعته الجامده ووشه الخشب ...
عمر : احم... سورى انى زودتها شويا بس الموقف حتم عليا كده
فريده بلجلجه: ها .. اه وانا كمان لاحظت الموقف حتم عليا كده فتعاملت بقى
واهو كله تمثيل
عمر بتوتر: اها اها تمثيل
فريده بتضحك تدارى توترها : تمثيل .. تمثيل
وصل عمر فريده السكن وقبل ما تنزل من العربيه
عمر : ع فكره انتى كنتى جميله انهارده
فريده بصتله : ها
عمر تمالك نفس وبلهجه جامده: الكل قالى انك جميله وكنتى جميله
فريده : اها .. ميرسى الفضل يرجعلك .. عموما الفستان هغسله واجيبه ليك ف المكتب بكره ولا ارجعه لبيوتى سنتر
عمر : لا مفيش داعى خليه معاكى
فريده : اخليه معايا
عمر : اعتبريه هديه لمساعدتك ليا ويلا علشان عاوز انام
فريده بصتله وقامت : تصبح ع خير
مشى بسرعه عمر ودخل اوضته ف الفندق وقعد ف البانيو يراجع ال حصل وال غبطه ال حصلتله وال عمله وبيكلم نفسه
فوق نفسه : عمر فوق دا تمثيل تمثيل تمثيييييييييل
وفريده روحت السكن دخلت اوضتها رمت نفسها ع السرير وع وشها ابتسامه
وبعدين فوقت نفسها ضربت وشها وقالت : تمثيل تمثييييييل تمثيييييل يا ديدا متوديش نفسك ف داهيه فوقى ....
__________________________________________
فى يوم كانت فريده واقفه ف الريسبشن لبسه اليونيفورم وبتتكلم مع خالد ...دخلت سكرتيره علا علشان تلغى الحجز شافتها من بعيد وشبهت وسئلت عليها عرفت انها موظفه ف الفندق رجعت بسرعه تبلغ علا
علا بنرفزه : هاتيلى السى فى بتاعها وال يخصها بسرعه
وانا هعرف عمر رافت ازاى يعمل معايا انا كده ...!!


(7)

فى يوم كانت فريده واقفه ف الريسبشن لبسه اليونيفورم وبتتكلم مع خالد ...دخلت سكرتيره علا علشان تلغى الحجز شافتها من بعيد وشبهت وسئلت عليها عرفت انها موظفه ف الفندق رجعت بسرعه تبلغ علا
علا بعصبيه : انتى متاكده انها هى ال كانت ف الحفله
السكرتيره: ايون يا فندم وسئلت عليها طلعت اسمها فريده فعلا
بس هى من مجموعه شغاله ف فندق فى شرم ف مصر وجايين هنا كمنحه تدريب وهى خريجه سياحه وفنادق مش بتعمل ماجستير ولا بتاع وعلاقتها مع عمر رافت لا تتعدى مدير وموظفه عنده
علا اتنرفت : يعنى عمر جاب موظفه من عنده ويمثل عليا
سكرتيره بقلق: هو دا الواضح
علا بنرفزه : هاتيلى السى فى بتاعها وال يخصها بسرعه
وانا هعرف عمر رافت ازاى يعمل معايا انا كده ...!!
___________________________________________
فى يوم فريده كانت حاسه انها مش مظبوطه مصدعه وجسمها همدان اووى
راحت الشغل استلمت الشفت وكانت مدروخه ال لاحظ كده عمر حس انها مش كويسه .. ومره واحده وهى واقفه وقعت اغمن عليها جريوا عليها وعمر راح عليها
رشا : ديدا ديدا مالك فى ايه
عمر قرب منها مسك ايدها : ايه دا دى سخنه اوى ازاى تعبانه وتنزل كده
راح شالها بسرعه وحطها ف العربيه وراح بيها المستشفى دخل الطوارى
وكان معاه اتنين من زمايلها
عمر بقلق لدكتور : خير يا دكتور هى مالها وقعت مره واحده كده
الدكتور : متقلقش حضرتك دا حاجه بسيطه وهتبقى كويسه هو نزله برد بسيطه وهى اهملت نفسها لغايه ما وصلها لكده ع الصبح هتبقى كويسه
عمر : ان شاء الله
رجع عمر ل اوضه فريده وهى نايمه ومحطوط ليها محلول بص لزمايلها
عمر : روحوا انتم ع الفندق علشان ميحصلش لغبطه وانا شويا وهحصلكم والصبح هبقى ا اخرجها لو بقت كويسه
رشا: لا متتعبش حضرتك اتفضل ع الفندق وانا هقعد مع ديدا لغايه ما تصحى واروحها البيت
عمر: انتى سمعتينى اتفضلى روحى واعملى ليها اجازه 3 ايام
رشا استغربت من طريقه عمر اخدت نفسها هى وال معاها ومشيت
وعمر جاب كرسى وقعد جنب السرير و ربع ايده وفضل باصص ع فريده وهى نايمه
وللاول مره يركز ف ملامح فريده ومسك ايديها وقرب من وشها يلمسه الحظه دى دخلت الممرضه اتخض ورجع قعد ع الكرسى .... بعد وقت وهو قاعد عمل مكالمات وخرج ورجع تانى ورجع يركز ف وش فريده ومن غير ما يحس اتكلم :
عمر: انا مش عارف قلبى اتاخد ليه لما شوفتك وقعتى ... ومش عارف ليه ببقى مبسوط وانا جنبك وبمناقرتك ولمضاتك وبحب اشوف ضحكتك ... ال عارفه اننى ببقى مرتاح لوجودك حواليا بطريقه غريبه محستهاش قبل كده ... مش عارف ايه ال بيحصل ...
اتنهد عمر وبص ع الساعه كانت 7 الصبح دكتور المتابع شافها وطمنه وقاله لما تصحى تقدر تروح .. وفاجاءه مشى وكلم رشا تيجى تاخد فريده تروحها

تانى يوم الصبح فريده صحيت من النوم شافت رشا قدامها
فريده بصوت تعبان: هو انا فين وايه حصل
رشا: وقعتلنا قلبنا يا بنتى مش تخلى بالك ع نفسك شويا
فريده: ايه حصل
رشا : تعبتى واغمن عليكى وجبناكى المستشفى وبقيتى كويسه بس محتاجه راحه يومين كده
فريده : تعبتك يارشا
رشا: لا تعبتينى ولا حاجه مش انا ال شلتك ولا جبتك
فريده: مين .
رشا: مستر عمر بنفسه شالك مره واحده من غير مقدمات وجابك المستشفى دا حتى شبه طردنا وقعد هو معاكى
فريده ف سرها: يعنى ال مسك ايدى والصوت ال سمعته كان هو مش بيتهيلى وانا نايمه
رشا: روحتى فين انتى تعبانه
فريده: لا انا تمام عاوزه اخرج
رشا: هعملك خروج واجى نروح
قعدت فريده تفتكر ال سمعته وكلامه ال مستغربه منه وف نفس الوقت مبسوطه انها سمعته ودا بياكدلها احساسها انه صح مش خيال

خرجت فريده من المستشفى راحت ع السكن ولاحظ ان عمر لا اتصل يطمن ولا بعتلها رساله حتى ... تليفونها رن وكان خالد
خالد: حمد الله ع سلامتك يا ديدا
فريده: الله يسلمك يارب
خالد: عامله ايه احسن دلواقتى
فريده: الحمد الله تسلم ع سؤالك
خالد: داانا زعلان انك مش كلمتينى ابقى معاكى وانتى قايلاالى ان رامى سافر
فريده: ربنا يخليك .. ان زمايلى اتصرفوا والحمد الله دى حاجه بسيطه
خالد: طيب هسيبك ترتاحى وهبقى اكلمك تانى اطمن عليكى
فريده: تسلم ربنا يخليك

قفلت فريده مع خالد ومسكت موابيلها بتفكر تكلم عمر ولا لا
لانه مكلمهاش ..ف الحظه دى دخلت رشا بالاكل لفريده
رشا: الغدا ياحبى
فريده: تسلميلى يا حبيببتى
رشا: انا هنزل علشان ورايا مشوار مع محمد ساعتين وهرجع تمام
فريده: تمام ..متقلقيش انا هنام لغايه ما هترجعى
رشا قامت من مكانها: تمام يلا الف هنا ومتنسيش العلاج
فريده : متقلقيش
رشا وهى خارجه رجعت تانى : ديدا
فريده: ها
رشا: مستر عمر بيسلم عليكى ..سالنى عليكى وقالى ابعتلك السلام
فريده استغربت: الله يسلمه
رشا: انا ماشيه يلا سلام
فريده : سلام
قعدت فريده مستغربه من تصرفه ال عكس كلامه ال سمعته وع قلقه ال حكتلها عليه رشا فقررت تكلمه وتتلكك انها تشكره ... اتصلت عليه بعد فتره من التردد مردش عليها ..جربت تانى مردش راحت بعتتله رساله تشكره فيها
وقعدت تستنى يا مكالمه او رد محصلش حاجه ... فاتخنقت ونامت

مر يومين التعب ورجعت فريده الشغل زمايلها فرحوا بيها وعمر شافها رجعت اترسمت ع وشه ابتسامه ولما فريده بصتله عمل وش الخشب وفريده استغربت من كده ... قررت تروح المكتب تشكره
خبطت ع الباب مفيش رد .. سألت عليه لاقته خرج ... كذا مره تحاول فريده تكلمه مش عارفه لغايه ما قررت تسيبها لصدفه ....
_____________________________

بعد اسبوع من حوار الحفله وتعب فريده رامى رجع من مصر وراجع بخبر حلو
اول حد كان عاوز يبلغه فريده واول ما وصل لندن راح ع الفندق لقى فريده مشيت خلصت شغل فراح ليها ع البيت ...
فريده وهى ف اوضتها لسه هتغير هدومها تليفونها رن
فريده : الو
رامى: حبيبه قلبى انا
فريده ضحكت: روميوووو وحشتنى يا واد
رامى: لو وحشتك بجد انزلى حالا ف الحديقه ال قدامك
فريده اتفاجئت: انت رجعت
رامى: لو عاوزه تتاكدى انزلى
قفلت فريده بسرعه ونزلت لقت رامى مستنيها قاعده راحت خبطته
فريده: روميو ومفاجاءات روميو
رامى : وحشتينى يا ديدا ع فكره انا جيت من الطياره ع الفندق وديت شنطتى عليكى
فريده : اصيل من يومك والله يا ابنى ..بس مش انت قلت هتتاخر شويا
رامى: طمنينى الاول انتى عامله ايه دلواقتى بقيتى احسن
فريده: الحمد الله احسن بكتير شوفت فراقك عنى عملى ايه
رامى: استنينى هطلق هنا واجيلك
فريده خبطته : واطى تبيع ع طول داانا هخنقك
رامى : علشان الطريقه الجافه دى جاى اقول ع حاجه
فريده : اشجينى
رامى : انا جى ف مهمه رسميه
فريده: خير هتنزل الانتخابات هنا
رامى: لا
وقف رامى وبصوت عالى : اخيرا يا ديدا هخطب هنا رسمى نظمى فهمى
فريده مسكته قعدته جنبها وهى فرحانه بالخبر : بتتكلم بجد ايه الرضا دا ومن ايه
رامى : انا فضلت ازن عليهم وهنا زنت على ال عندها ووافقوا بخطوبه عقبال ما نحدد ميعاد الفرح
فريده وهى فرحانه: الف الف مبروووووك يا روميو بجد فرحت اووى
رامى: معان حوار الخطوبه دا فاكس لاننا كده كده عارفين بعض مش مستهله يعنى ... بس دراكولا الاب اشترط خطوبه وبعدين نحدد فرح
فريده : يا سيدى كبر دماغك .. خليك مهاود لغايه ما تاخد مصلحتك
رامى : ع رائيك .. اعملى حسابك هتبقى معايا
فريده : اكيد ... بس هتعملوها امتى
رامى : خلال الاسبوع دا .. ومتخافيش معاكى روميو
فريده: انت هتركز معايا كفايه عليك هنا
رامى : عيب عليكى .. بس مش هنعمل حفله خطوبه رسمى يعنى .. هروح انا وامى وابويا نخطبها وهنلبس دبل عائلى خلال اليومين دول علشان بابا هيعمل عمليه بسيطه كده وهكون معاه ... بس اتفقت انا وهنا هنعمل حفله نجمع فيه كل اصحابنا واقرب ناس لينا يفرحوا معانا وانتى اولهم
فريده: ايوه كده من غير رسميات وبتاع معاك يا معلم
والف سلامه ع باباك
رامى: الله يسلمك يارب
قوليلى صح انا نسيت اسئلك انتى عامله ايه واخبراتك ؟
فريده: تماااااااام الحمد الله زى الفل
رامى : وعملتى ايه ف غيابى ؟
فريده سكتت واترددت تقول لرامى ع حوار الحفله ولا لا بس لقت انه مش من حقها وكان عمر قالها محدش يعرف حاجه وانه بينهم
فريده : لا ولا حاجه شغل بيت .. بيت شغل وهكذا
رامى : طيب تمام ودراكولا عامل ايه
فريده اتوترت وجمعت نفسها علشان مش يلاحظ حاجه رامى : العادى .. انا اصلا قطعت كلام معاه زى اتفقت معاك وقلتلك ومبقاش ف معامله
رامى : طيب تمام .. اسيبك انا علشان رايح ع الغدا عند هنا انا واهلى انهارده
والله كان نفسى تكونى معايا بس ف الفرح اكيد هتبقى قبلينا
فريده باابتسامه: اكيد يا روميو ..يلا علشان متستعجلش
مشى رامى علشان كان مستعجل وفريده حست بضيقه انها مخبيه عليه ال حصل لانها عارفه انه لو عرف هيقفش عليها ومش هيعدى الموضوع بالسهل
راحت قالت : بلاش اكدرك ف يوم كده اكيد ف يوم هقولك
ودخلتفريده السكن وطلعت الشقه ودخلت اوضتها تغير واخدت دش ونامت شويا
__________________________________________
فى يوم راح رامى واهله عند هنا ولبسوا خواتم الخطوبه واتفقوا انهم هيحددوا قريب معاد الفرح ... وكانت فريده فى طريقها لسوبر ماركت هتجيب عشا وهى ماشيه لقت موابيلها رن وكانت رساله من رامى فتحتها لقتها صورته هو وهنا وهما لابسين الدبل وكاتب لها : لسه من 10 دقايق وشافتها وكانت مبسوطه اوى وهى ماشيه بتبص ع الصوره سمعت شخص بيكلمها : كده هتتكعبلى بصى قدامك
بصت فريده ع الصوت لقته خالد : خالد ... مستر خالد
خالد باابتسامه: ماقلنا بلاش مستر دى الا بقى عاوزانى اقولك يا انسه فريده
فريده ضحكت: لا انسه ايه هى ديدا بس
خالد: وهى خالد بس
فريده بتضحك: ماشى ياخالد بس ... انت كنت بتعمل ايه دلواقتى كده
خالد: كنت بتمشى وشوفت ماشيه سرحانه ومش مركزه لطريق
فريده فتحت موابيلها : كنت بشوف صوره رامى وهنا خطوبيتهم دلواقتى وبعتولى الصوره شوف حلوين وزى القمر ازاى
خالد بص ع الصوره: ماشاء الله عليهم ربنا يسعدهم ..بس ليه انتى مش معاهم
فريده: اصلها عائلى اوى اوى بس الفرح اكيد هكون معاهم اومال مين هيمسك بوكيه الورد بتاع العروسه
خالد بيضحك: انتى منهم ... مفيش بنت مبتقولش كده
فريده : لا وفى كمان اقرصها ف ركبتها احصلها ف جمعتها وكده
خالد: يلا عقبالك عن قريب
فريده اتنهدت : يا مسهل الحال يارب
خالد تعالى انا عازمك ع ايس كريم من المحل ال هناك دا بس دا غير العزومه ال انا قلتلك عليها
فريده : والله كان نفسى فيه
خالد : حسيت بيكى
فريده : ها
خالد: يلا بينا علشان الوقت
راحوا جابوا الايس كريم وفريده مبسوطه بيه جدا ومستمتعه
خالد: انا لو اعرف انك بتحبيه كده كنت اجبلك كل يوم علشان اشوف السعاده ال ع وشط دى
فريده : انا بعشقه بجد صيف وخصوصا شتا تحححححفه
خالد : وبتحبى مين تانى
فريده بتلقائيه : وعمر
خالد بصلها : عمر
فريده جمعت نفسها: عمر افندى بابايا .. ماانا اسمى فريده عمر
خالد: باباكى .. تماام
مقولتليش دور التمثيل اخباره ايه
فريده: تمثيل ايه
خالد/ مسلسل الغامض ال انتى عايشه فيه
فريده بصتله راح خالد ضحك: ايه يا ديدا يوم ما وصلتلك البيوتى سنتر
فريده : اه.. اه .. عدى ع خير
خالد: كان يوم كويس يعنى محصلش حاجه تضايقك
فريده باابتسامه: ع العكس .. دا كان يوم كنت مبسوطه فيه جدااا بالرغم انه تمثيل بس انا محستش بكده.. هو ممكن اعيش الدور واصدق حاجه خيال
خالد: لو بتحبيها وعاوزها اوى هتصدقى وجودها حتى لو مش موجوده
راحت فريده سرحت وقالت: ياااه لو مش خيال وبجد وال حاسه بيه يبقى حقيقى
خالد: انتى بتتكلمى مع نفسك ولا ايه
فريده انتبهت : هاهاهاهاا لا لا معاك
خالد: انتى عامله ايه دلواقتى خلى بالك ع نفسك
فريده: الحمد الله متقلقش وميرسى ع اهتمامك وسؤالك عليا دايما
خالد: دا ااقل حاجه اقدر اعملهالك انتى تستهلى اكتر
فريده : تسلملى
خالد سكت فتره وبعدين بص لفريده : ينفع اسئلك سؤال
فريده وهى بتاكل الايس كريم : اتفضل
خالد: عمر رافت يبقى بالنسبالك ايه
فريده وهى بتاكل الايس كريم وقعت من ايدها المعلقه
فريده بلجلجه: يوووه ايه شغل الاطفال دا يا ديدا ..سورى يا خالد
خالد ضحك نص ضحكه: لا ولا يهمك تعالى روحى الحمام نظفى ال وقع دا
فريده اتوترت بصت ع الساعه: يااااه اتاخرت انا زمان البنات جاعوا انا هروح البيت احسن اغير هدومى وابقى براحتى ..
خالد: اوك يلا اوصلك ...
فريده: مش ضرورى يعنى انت لو رايح مشوار اتفضل يعنى
خالد : لا ابدا انا عاوز اوصلك ونتكلم
فريده اتوترت ومش عارفه ترد عليه لو سئلها تانى مشيت معاه غيرت الموضوع هزار وضحك وحكتله عن رامى وهنا طول الطريق .. قربوا لسكن
خالد: ان شاء الله تعرفينى عليهم
فريده: ان شاء الله وميرسى ع التوصيله والايس كريم
خالد: لا دى مش عزومه .. ف عزومه ليكى عندى زى ما اتفقنا يوم اجازتك وانا مستنى يلا تصبحى ع خير
فريده : ان شاء الله وانت من اهل الخير سلام
ومشيت فريده دخلت السكن ودخلت ع اوضتها تغير وقعدت استغربت نفسها لما سألها خالد عن عمر ومعرفتش ترد فريده بتكلم نفسها
فريده: يعنى مش عارفه تقوليله مديرى ... صاحب الشغل.. اخو صاحبتى.. اخو خطيبه صاحبى ... اتبنجتى ليه يا ديدا مش قلنا خلاص مفيش حاجه ولا انتى مش عارفه ... يارب ريحلى قلبى
وخالد وقف لحظات بيفكر ف فريده وشكه ان فريده بتحب عمر ومخبيه رجع ع الفندق لقى عمر قاعد ف الهول وكان ماسك الايباد وعدى من جنبه شاف عمر جايب صور لفريده وهى لبسه فستان فرح ومكبرها ومركز عليها ... حس ان شكه حقيقى والاتنين بيحبوا بعض ومش صارحوا بعض .. طلع اوضته وقعد يفكر ....
_______________________________________________
تانى يوم قابلت فريده رامى وهنا ف الفندق وكانوا بياكدوا عليها الحفله احتفال بالخطوبه بليل علشان رامى مسافر لان باباه هيعمل عمليه ولازم يكون معاه ف خلال يومين ... عزموا الكل ...
راحت فريده مع عماد ع المكان ال فيه الحفله وكان لبسها بسيط
وهى هناك دخلت باركت ل رامى ول هنا واتفاجئت بوجود عمر وقلبها دق اوى ... وعمر عمل نفسه مش شايفها ..فريده راحت لغايه عنده
فريده: مبروك يا مستر عمر
عمر : ها .. ميرسى
فريده باابتسامه: عقبالك بقى انت فرحتهم الكبيره
عمر : ان شاء الله وانتى كمان
فريده باابتسامه: ان شاء الله .. وميرسى جدا ع ال عملته معايا من فتره
عمر : عملت ايه
فريده: انك وديتنى المستشفى
عمر : اه .. لا ولا يهمك المهم انك بخير
فريده بصاله باابتسامه: الحمد الله بخير
فضلت فريده واقفه مع عمر شويا لغايه ما البنات نادوها يرقصوا مع العرسان وراحت معاهم وشويا اشتغلت موسيقى سلو يرقصوا عليها الكابلز .. راحت هنا شدت عمر ترقص معاه وراح رامى شد فريده ترقص معاه

فريده بترقص مع رامى :
فريده: ماترقص ياعم مع خطيبتك
رامى : انتى ناسيه انك الحب الاول
فريده بتضحك : يا كداب داانا عارفاك وانت بتحب هنا
رامى: انتى الحب يا ديدا عيب عليكى
فريده بتضحك: هصدقك لانى محتاجه كلمتين سهوكه علشان مغرش منكم
رامى : طيب خدى عندك بقى يلا
فريده بتضحك .. هنا كانت بترقص مع عمر وعمر مركز ع فريده وهى بترقص وبتضحك مع رامى هنا لاحظت ...
هنا: ايه يا بيبى مش عاجبك العروسه ولا ايه
عمر بصلها: عروسه مين انا قلت عروسه
هنا بتضحك: انا يا ابيه انا العروسه ..ركز هنا ولا هناك احلى
عمر : ايه الذاذه دى يا نونا
هنا : بقى كده ماشى
فضلت هنا تقرب من رامى وفريده ومره واحده سابت عمر ومسكت ايد رامى
هنا : ديدا يا حبى ممكن اكمل مع خطيبى
فريده : اتفضلى يا حبى
هنا : بس فال وحش انك متكمليش الرقصه
مسك هنا ايد فريده وقربتها ناحيه عمر
هنا: انا هكمل مع رامى وانتى يا ديدا مع ابيه تمام
ورقصت هنا مع رامى وفريده وعمر وقفوا متصلبين لثوانى وكانوا الناس ابتدزا يلاحظوهم
عمر : مش هيحصل حاجه يعنى لو رقصنا ولا ايه
فريده : ها .. اه مفيش
ورقصت فريده مع عمر
عمر : ع فكره انت جميله بالفساتين عن الجينز
فريده: انت قلت اى بنت بتتمكيج وبتلبس بتبقى جميله
عمر : بس انتى جميله ف كل حاجه ومش مجامله
انا يوم الحفله الكل كان مبهور بيكى وانا كمان حقيقى
فريده بكسوف: ميرسى دا من ذوقك
عمر باابتسامه وقرب منها وشوشها: براحه علشان بتدوسى ع رجلى كتير
ومش هينفع اسيبك الا لما الاغنيه تخلص ولا انتى عاوزه اسيبك
فريده اتوترت: ال انت عايزه يعنى
عمر شد فريده ليه: مش هسيبك الا لما تخلص الاغنيه
فريده من طريقه كلام عمر ليها جسمها كان بينتفض وضربات قلبها بتدق جامد وهى قريبه منه اوى كده ويعتبر ف حضنه حست بسعاده غريبه لدرجه انها مش كانت عاوزه الاغنيه تخلص وعمر كان مبسوط ومش مضايق ...!!1

خلصت الاغنيه وقضوا اليوم ورامى لاحظ عمر وطريقه معاملته لفريده ال اتغيرت راح ناحيه فريده ووشوشها:
رامى: اخبار الاراده ايه
فريده بصتله: اراده ايه
رامى: الاراده ال هتخليكى تفكك من كورس التأهيل ال قولتيلى انك سبتيه خلاص
فريده اتلجلجت: ها ..اه ..ماانا فعلا سبته خلاص
رامى: مش باين وايه الضحك دا
فريده: يعنى الراجل بيتكلم اسيبه وامشى
رامى: لا الزقى جنبه .. يا فريده مش هكررها تانى خلى بالك ع نفسك
انتى بتقولى كلام وبتعملى عكسه وانتى مش كده اصلا ..ظبطى ال اتعوج منك
فريده: ايه يا روميو انت بتدينى محاضره روح ركز مع خطيبتك
رامى: ماهى ياست القويه لما هنشوف اخرتها ايه
فريده : خير يا روميى اكيد انا حاسه بكده
رامى: هنشوف.. انا هروح مع هنا اوصلها تعالى معايا نوصلك
فريده: لا سيبك منى دا يومك خليك معاها
رامى : وهتروحى ازاى ان شاء الله
فريده: بصت حواليها . عماد ... هروح مع عماد ماهو راجع الفندق
رامى : طيب تمامن وانا هأكد عليه .. فريده بلاش ال بفكر فيه
فريده: متقلقش يلا بقى
مشى رامى مع هنا يوصلها ومشيت فريده انها هترجع مع عماد .. لكن بعد ما مشى رامى عماد جاله تليفون انه هيروح مكان قبل ما يروح وفريده فهمت كده وخليته يمشى هو بعد اصرار منه انه يوصلها الاول وهى رفضت وهو مشى .. ووقفت فريده تنستنى تاكسى وعمر كان واقف بعيد ف العربيه مستنيها لما تركب ولاحظ الوقت انه اتاخر ومفيش تاكسى عدى ... راح ناحيتها وفتحلها شباك العربيه
عمر: هتفضلى واقفه كتير ..اركبى اوصلك انا راجع الفندق
فريده ركبت من غير ما تفكر وكان ع وشها ابتسامه: ميرسى جدا
فى الطريق فريده كانت ساكته وعمر فتح الكلام :
عمر : عقبالك يا ديدا
فريده لحظت انها اول مره يقولها ديدا بصتله باابتسامه: ميرسى اووى
عمر : انتى بقى ناويه تتخطبى بدرى كده ولا محدده فتره
فريده : اممم لا مش محدده حاجه لما النصيب يجى
عمر: يعنى انتى مفيش شروط لشخص ولا اى حاجه سيباها كده
بصت فريده ل عمر : مستنيه القدر
عمر بيضحك: القدر
فريده : قدرى ال هكمل معاه وهيكون ليا كل حاجه ..
وانت مش ناوى تفرحهم ولا لسه
عمر: باين هيحصل قريب بس لسه مش اخدت قرار
فريده باابتسامه: ربنا يوفقك
عمر : انت انسانه تستهلى كل حاجه وان شاء الله عن قرب هتسمعى خبر حلو
فريده قلبها دق اوى : يارب
وصل عمر فريده السكن ونزلت وكانت هتطير من الفرحه باانها كانت مع عمر واتكلم معاها وتلميحاته ليها بحاجات وخصوصا انه قالها قريب هتسمعى خبر حلو رمت نفسها السرير وكانت مبسوطه اوى ....
_____________________________________________________
سافر رامى علشان باباه وعمليته وهنا كانت معاه
فى يوم عمر جاله اتصال من علا
عمر : ايوه خير
علا بتضحك: لا متفهش غلط انا متصله علشان عاوزه طلب منك
عمر : خير
علا : فى مشروع انا داخلااه وعاوزاك تكون الراعى ليا لشركائى التانين
بوجودك هتفرق كتير وهيسهلولى الموضوع
عمر: ومن امتى كده ماانتى ع مااعرف انك شاطره ف شغلك
علا: اصل شركائى عارفينك اتعاملوا معاك ف مشاريع تانيه
ولما عرفوا انى اعرفك طلبوا يشوفوك
عمر سكت لحظات :هاتى رقمهم
علا بتضحك : مفيش داعى انا عامله حفله صغيره شرفنى بحضورك وهتقابلهم ودا اخر طلب هطلبه منك
عمر : انا مش عارف ظروفى بصراحه
علا: لا حاول هبعتلك العنوان ف رساله واليوم ..
مش هاخد منك اكتر من 10 دقايق ....بليز يا عمر

عمر : خلاص ان شاء الله
قفلت علا مع عمر وبعتتله العنوان

زميله فريده ف السكن قعدت معاها ف نفس اليوم بليل
رشا: ديدا انتى فاضيه
فريده : ايوه يا اوشه فى حاجه
دخلت رشا الاوضه فريده : عاوزاكى ف موضوع فى مصلحه
فريده : خير
رشا: ف حفله فى مكان وطالبين ضيافه لمعازيم ومحمد قالى عليها وقلت بالمره تيجى هناخد فلوس حلوه ودا ف يوم اجازتك يعنى مش وراكى حاجه
هما بس 4 ساعات وخلاص
فريده: انا اعرف انك بتروحى انتى ومحمد ف حوار العزومات دا كمصلحه ليكم
لكن انا مفيش داعى يعنى ... كفايه عليا شغلى
رشا قعدت تتحايل على فريده : ونبى يا ديدا تعالى معايا ووعد مش هطلب منك تانى ... ولاء كنت هقولها بس هى صعب تسيب الشغل لانه هيبقى عندها ..وانا مش هينفع اكون انا ومحمد بس تعالى ساعدينى ممكن ..!!
فريده بتفكر : امممممممم خلاص يا اوشه اعتبرينى معاكى
حضنت رشا فريده : ميرسى يا ديدا انتى متعرفيش انا ومحمد بنجمع فلوس علشان لما نرجع مصر محمد يجيب الشقه ونتجوز بقى
فريده : ان شاء الله هتكونى احلى عروسه وهتتهنى ان شاء الله
رشا: طول عمرك جدعه يا ديدا يلا هسيبك وع اتفقنا
فريده باابتسامه : ان شاء الله
________________________________
وفى يوم اجازه فريده رامى رجع هو وهنا وقابلتهم
فريده: روميوووووووو وحشتنى يا واد
رامى: ايه يابت الحلاوه دى اغيب ارجع القيكى احلويتى كده
هنا بتغمز رامى: الجلسات بقى وال بيحصل فيها الموووور يابيبى
رامى بص ل هنا: بتقولى ايه
هنا : ولا هتفهم ...
فريده بتضحك : باباك عامل ايه بقى احسن
رامى: الحمد الله
هنا : بصى يا ديدا انا جايه اسلم عليكى لانى عارفه انك ع اخر الشهر هترجعوا مصر خلاص وانا هكون مسافر المانيا مع بابا لعلاج بره
فريده: الف سلامه ماله
هنا: لا متقلقيش دى متابعه شهريه بيروح اسبوعين كده ويرجع تانى
فهكون معاه لان دراكولا مش بيجى
ضحكت فريده: ان شاء الله قريب يكون معاكى
هنا: ان شاء الله
فريده: طيب قضى يومك مع روميو واستنينى انا رايحه مشوار وراجعه ع طول مع رشا
هنا : انا كمان رايحه مشوار معزومه عند واحده صاحبتى وهاخد رامى معايا
رامى : رايحه فين يا ديدا
فريده: مشوار كده هساعد رشا فيه .. عموما اشوفكم بليل هنتعشى سوا لرجوع رامى وكمان اسلم عليكى يا نونا
هنا : اشطه يا ديدا اراكى ليلا
رامى : متتاخريش هو المكان فين
قالت فريده ع اسم المنطقه لانها متعرفش المكان فين
مشيت فريده ورامى بيبص ل هنا : وانتى يا ابله حفله ايه واحنالسه راجعيين
هنا: يا بيبى دا ساعه وهنخلع دا واحده صاحبتى معزومه ع حضور مقلب
بتقولى صاحبه الحفله جايبه واحده تهزقها لانها عملت انها غنيه وهى شغاله
رامى: وايه ال يضحك دى حاجه تحرج ايه الهيافه دى
هنا: هنروح يا بيبى شويا ونروح بقى
رامى: ودا فين المكان دا
قالت هنا ع العنوان ولاحظ رامى انه نفس المنطقه ال ديدا فيها
رامى: طيب كويس اهو ناخد ديدا ف سكتنا وهى راجعه
______________________________
كانت الحفله بتاعت علا وعلا مقابلتش فريده خالص
فريده وصلت وفضلت ف المطبخ ورشا ومحمد بره مع المعازيم
وقبل ما يوصل رامى وهنا او عمر .. كانت ديدا استلمت شويا الصاله
لكن كانت بتتعرض لمضايقه من معازيم معينين ...كانت علا قايلاهم يضايقوها بالخصوص ويحرجوها لغايه ما رشا طلبت من فريده تدخل المطبخ
ومتخرجش لصاله ... مر الوقت وعمر وصل لمكان وعلا استقبلته وخلته واقف مع ناس
عمر ل علا: فين الناس ال هيقابلونى
علا: ثوانى وهيكونوا هنا هما ف الطريق
عمر : انا مش هتاخر
علا: لا متقلقش مش هتتاخر وهتمشى من هنا مبسوط اوى
شويا ووصلت هنا ورامى وعمر اتفاجا بيهم
هنا: ايه دا عمر هناك اهو
رامى: مكنتش اعرف ان دراكولا بيحب المواقف السخيفه دى
راحوا هنا ورامى ناحيه عمر
عمر: نونا ورامى هنا خير
هنا: احنا معزومين هنا انا صاحبتى صاحبه صاحبه الحفله
بس انت يا ابيه اول مره اعرف انك بتحب الحفلات ال كده ؟
عمر بضيقه: انا لا بحب ولا نيله انا جى مصلحه وماشى
رامى عمال يجرب ع تليفون فريده مش بترد
رامى : يوووه بقى كذا مره اقولها التليفون دا مش تسيبه ف حته
عمر بص ع رامى وهنا اتكلمت: ديدا تلاقيها مش سمعاه
شويا وعلا ظهرت ووقفت ف النص واتكلمت
علا باابتسامه وخبطت ع الكاس على ينتبهوا ليها : اهلا بيكم يا جماعه
فى حفلتى المتواضعه دى وقبل ما اقولكم ع هدفى من الحفله عاوزه
احكيلكم حكايه بسيطه : حكايه بنت حبت شاب لكن لوقت حست ان الحب مش كفايه بالرغم ان الشاب كان بيحبها جدا وكان مش قادر يعيش من غيرها .... طمعت شويا وبعدت عنه وعدى وقت وعاوزه ترجعله ولما رجعت تكلمه قالها انه بيحب واحده تانيه ... حقه بس يقعد 7 سنين من غير ارتباط ويرتبط لما يشوفنى يبقى فى حاجه
عمر تنح ع كلام علا ومش قادر يستوعب وحس انها مش ف وعيها
ورامى لما شاف علا قال لهنا : انتى تعرفيها
هنا : لا دى صاحبه صاحبتى ال عزمتنى
رامى: وعزمتك ليه هى تعرفك
هنا: لا خالص .. دى قالتلى ان حصلها موقف مع واحده وهتعمل مقلب فيها
انا مش فاهمه حاجه
علا بتكمل كلامها: قابلت انا البنت دى هى جميله وشيك بس ياما ميكب اب وفساتين بتدارى الاصل ..والاصل ال اقصده انى ميتلعبش بيا بتمثليه سخيفه
ف الحظه دى خرجت فريده بمشروبات تقدمها لضيوف
علا شافتها : اهلا انسه فريده
الكل بص اتجاه مين بتكلمه ورامى وعمر وهنا استغربوا وتنحوا
ومش فاهمين حاجه
علا : ايه دا انتى جايبه المشروب لغايه عندنا ..
هو الماجستير ف البيزنس ولا ف الضيافه
فريده لاحظت وجود عمر ورامى وهنا والكل بيبص عليها .. وعرفت انها اتكشفت والتمثليه اتعرفت خلاص ...الصينيه وقعت منها وطرطش من المشروبات ع فستان واحده واقفه جنبها
الواحده: ايه دا مش تفتحى يا غبيه ..انتى عارفه الفستان دا بكام
فريده بصوت مخنوق وتهته: اسفه اسفه
البنت: نظفى ال عملتيه يلا
رامى بص ل هنا : هو دا المقلب يا هنا المقلب ف ديدا وكرامتها كده
ولسه هيتحرك لقى عمر قام وراح ناحيه فريده
فريده بتوطى ع الارض تلم ال اتكسر وهى بترتعش لقت ايد مسكتها ورفعتها لفوق
بصت لقته عمر : انتى مهما حصل متوطيش ولا تنزلى تحت انتى مكانك فوق
متتحركيش استنى
راح عمر وهو ع وشه ضحكه سخيفه ورايح ناحيه علا : برافووو برافوووو مدام علا ع فقره الكوميديه دى
عمر وقف جنب علا وبصوت عالى : طبعا الكل استمتع بالموقف دا ال هو الكل جى علشان وفعلا موقف مضحك ومحرج جداااا بس مش لل اتعمل فيه الموقف .. لالا خالص ...دا ل الى عمل الموقف ورتب وخطط ونفذ وواضح انه دفع فلوس كمان .... الانسانه ال قدامكم دى فعلا مش معاه ماجستير بس هتعمل ماجستير يعنى مكدبتش ... وهى فعلا بنت رجل اعمال بس رجل اعمال مش فلوس .. رجل غنى لانه ربى بنت بالتربيه دى وبالاخلاق دى وانها بتعتمد ع نفسها وبتشتغل ..دا مش عيب دا ميزه محسوبلها .. الانسانه دى جواها خير وطيبه ودفى يكفى الكون بحاله ... تساعد اى شخص من غير منتتتردد ..ال ف قلبها ع لسانها وقلبها مفيش زيه .....
... وجه عمر كلام لفريده : فريده .. مهما حصل انتى فوق فوق كل الموجودين
ع الاقل مش تافهه زيهم .. فريده انتى ماسه غاليه موجوده وسط احجار
مكانك مش هنا ... وكنت بدور ع فرصه وطبعا مفيش انسب من كده ااكد واعرف الكل انك اهم شخص ف حياتى وانتى الحب الحقيقى ال حسيت بيه ...ال فات من عمرى وعدى عليا اتبخر من وقت ما عرفتك واتقربت ليكى ... كله اتمسح ومش موجود غيرك انتى وبس ..ال قبلك مش حياه وال بعدك مش حياه لان ببساطه انتى بالنسبالى الحياه
فريده متصلبه مكانها ورامى مش فاهم حاجه وهنا مسكاه وقاعد
عمر قدام كل الضيوف : انتى ظهرتى ف حياتى غيرتيها .. خليتنى اشوف الابيض والالوان بعد مكانت يا رمادى يا اسود...حسيت بهوا الصبح وبشكل الورد .. دقه قلبى اول مره احسها كده ... معاكى كل حاجه ليها طعم مختلف ...
وانا فخور انى اتعرفت عليكى وسمحتيلى اكون معاكى وجنبك الفتره ال فاتت واتمنى تقبلى اكون جنبك الايام الجايه
فريده قدام الكل انا بحبك ولو توافقى تكملى عمرك معايا بحبك

الكل ف حاله ذهول ودهشه من المفاجاءه علا وقع من ايدها كاس العصير وهنا اترسمت ع وشها ابتسامه ورامى بانت ع وشه علامه الخنقه
وفريده واقفه متنحه وكانت دموع بتنزل من عنيها مسك عمر ايدها وباس ايدها وخرج من المكان وركبها العربيه ومشى
طول الطريق ساكتين وفريده مش مستوعبه ال سمعته وقلبها بيدق اوى ووقف العربيه ف مكان واتكلم
عمر : ايه ال وداكى هناك
فريده : ها .. انا
عمر سكت بص ع محل بيبع مشروبات : هنشرب حاجه وبعدين نتكلم ماشى ضرورى بعد ال حصل دا نتكلم يا ديدا وروحى ادخلى اغسلى وشط وتعالى
فريده اتوترت : اوك .. تمام
خرجت فريده وهى مش مصدقه ال حصل وفى الحمام كانت عماله تحط ايدها ع وشها وبتكلم نفسها : معقوله ال سمعته ..عمر بيحبنى انا بجد .. يعنى ال حساه دا حب ... يعنى اخيرا حس بيا وبادلنى الاحساس انا مش مصدقه.. انا لو قالى بحبك تانى هيغمن عليا بجد ..
مسكت السلسله : بنتك ياعمر افندى وقعت وقابلت قدرها خلاص
قلبى مش قادره اوقف دقاته هطير من السعاده يبقى دا الخبر الحلو ال قالى عليه
ف الوقت دا عمر خرج وقف جنب العربيه وعمال يكلم نفسه ويراجع ال حصل : ايه ال حصل دا .. وايه ال قلته دا ...
ف اللحظه دى موبيله رن رد كان واحد من اصحابه بيسئله ع ال حصل لان ال حصل اتعرف للكل
ف اللحظه دى فريده وهى خارجه وشايفه ضهر عمر وعمال تجمع نفسها علشان لما يتكلم سمعته وهو بيكلم صاحبه :
عمر : لالالا يابنى ال حصل دا مش حقيقى دا FAKE مجرد رد ع الموقف السخيف ال عملته علا وانت عارف علا مش حبيت احسسها انها انتصرت عليا بعد الفتره دى كلها ...وانا معقول بعد الفتره دى ارتبط واحب موظفه الريسبشن عندى متصدقش ال سمعته ... كل ال حصل كنت مرتبله من الاول لازم كل شخص يعرف حدوده ايه ومش يتعداه .....
فريده من صدمتها لكلام وقفت اتصلبت مكانها لغايه ما عمر خلص كلام وقفل وبيلف لقى فريده واقفه قدامه : فريده ..انتى جيتى امتى
فريده بصوت حزين : ال سمعته دا حقيقى ... تمثليه كل دا تمثليه
عمر وقف ساكت مش عارف يقول ايه
فريده حايشه دموعها: لو سمحت رد عليا .. ال حصل انهارده كله تمثليه زى ال قبلها وكلامك تمثيل ومش حقيقى كنت بتاخد حقك يعنى ....
عمر سكت ثوانى : ايوه
فريده : ..........


(8)
عمر سكت ثوانى : ايوه
فريده : تمثيل كل كلامك وتصرفات دى تمثيل
عمر اتوترت : بس ال سمعتيه دا يا ديدا اصله
فريده قاطعته : مفيش داعى توضح حاجه وكل حاجه اتوضحت خلاص
بعد اذنك ..؟
عمر مسك ايد فريده : رايحه فين تعالى اوصلك انا راجع الفندق
فريده شالت ايده براحه وع وشها ابتسامه وفى عنيها دموعها حيشاها :
فريده : مينفعش خلاص...مش ليه لازمه انت قلت تمثيله وخلصت خلاص .. دلواقتى رجع كل واحد لمكانه وعلاقتى معاك مش هتتعدى مدير وموظفه استقبال عنده ..وانا عارفه سكتى كويس وحدودى مش هعديها حتى لو ف خيالى .... بعد اذنك ..
ومشيت فريده وعمر معرفش يقول ايه : فر....
كانت فريده وقفت تاكسى وركبت وهو متصلب مكانه وحس انه غلط غلطه كبيره اوووى وبدل ما يصلح الامور عقدها ونيلها اكتر وركب العربيه وقعد يخبط ف الدريكسيون العربيه من عصبيته .... وفريده طول السكه ف التاكسى دموعها مبطلتش نزول وضاغطه جامد بايدها ع صدرها حاسه بوجع مش عارفه هتتداوى منه ازاى ....
وعمر بعد فتره وصل الفندق ودخل مكتبه لقى رامى من غير تخبيط دخل عليه المكتب
عمر مخضوض : فى ايه .. دخلت كده ليه
رامى بعصبيه: ايه ال انت عملته دا وفريده فين
عمر اتفاجئ من اسلوب رامى اول مره يتكلم كده بالعصبيه دى
عمر : فريده اكيد ف البيت روحت
رامى: فريده مروحتش ولا بترد ع الموبيل وايه ال انت عملته دا.... هو انت يوصل بيك الوضع تلعب بمشاعر الناس كده وبيهم ببساطه كده
عمر : اهدى يا رامى انت مش فاهم حاجه
رامى بعصبيه : انت ال مش فاهم حاجه وشايف كل حاجه بعينك انت
عمر اضايق من طريقه رامى: رامى .. يا تتكلم زى الناس وتقعد نتكلم يااما تخرج دلواقتى ولما تهدى نتكلم
رامى بصله : مفيش داعى لكلام بس حاجه واحده عاوز اقولهالك ابعد عن فريده .. ابعد عن فريده فاهمنى يا عمر رافت
وخرج رامى غضبان من مكتب عمر وعمر اتنرفز من الطريقه ومسك الموبيل يتصل ع فريده لقاها مش بترد ..بعتلها ماسج مش فتحتها ولا ردت ... رزع الموبيل ع المكتب ولف بالكرسى اتجاه الشباك وعمال يفكر يعمل ايه ..
_______________________________________
فريده كانت قريبه من السكن قعدت ف الحديقه ال قدام السوبر ماركت قاعده تايه مش عارفه ايه ال حصلها كده ومش فاهمه حاجه وقلبها وجعها واتخنقت لقت تليفونها رن كان رامى وعمر مردتش عليهم
خالد كان معدى بالصدفه شافها تايه مش مجمعه اتصل عليها لاقاها مش حاسه بالموبيل وبصت ع الاسم ودورت وشها تانى قرب منها
خالد : يعنى ينفع كده مترديش وانتى عارفه مين ؟
اتخضت فريده وبصت: خالد
خالد شاف عنيها زى ال بتعيط اتخض : مالك يا ديدا
فريده : لا مفيش بس مخنوقه شويا وقلت اتمشى وتعبت وقلت اقعد هنا
خالد حس ان فى حاجه : طيب بصى انا عطشان اوى هجيب حاجه نشربها
فريده هزت راسها وراح خالد جاب اتنين حاجه ساقعه ورجع
فضلت فريده ماسك الحاجه الساقعه وسرحانه ودموع تنزل من عنيها وخالد مش عارف مالها بس عاوز يخرجها من ال فيه
خالد: كده هتبقى حاجه سخنه
فريده انتبهت لكلامه وبصت ف ايدها : ها .. صح
خالد: اخبار التمثليه ايه
فريده اتفاجئت من السؤال وبصتله: مين
خالد: واضح انك مضايقه بسبب حاجه وحاجه كبيره ال تخلى دموعك الغاليه دى تنزل كده
فريده : لا ابدا بس مصر وبابا وحشنى جدااا
خالد: وانا كمان مصر وحشتنى وامى واخواتى وحشنى وشغلى فى مصر وحشنى
مسكت فريده السلسه وخالد شافها
خالد: حلوه السلسله دى
فريده باابتسامه: ميرسى دا بابا ودى ماما لما بيوحشونى السلسله دى بتقل من احساسى شويا بحس انهم معايا وخصوصا انها هديه من بابا
خالد: ولما حد تانى يوحشك بتعملى ايه
فريده: ها
خالد : مش عاوز اجبرك ع حاجه ف الكلام ..بس عاوزه اقولك مفيش حاجه تستاهل تتوجعى علشانها ... اتغلبى ع احساسك لان الحياه مستمره
وانتى لو مااخدتيش بالك ع نفسك مفيش حد هيهتم الا المهتم بيكى
ودا هتلاقيه قليل
فريده : عندك حق انا لازم اخلى بالى من تصرفاتى واوقف قلبى من انه ياخد قررارات مش بتريحنى
خالد: مفيش انسان بيرجع زى ما كان يا يكون احسن يا يكون اوحش
فريده : صح انا محتاجه اقعد مع نفسى والدنيا هتتظبط
خالد باابتسامه : ان شاء الله خير داانتى اجدع بنت فى مصر
فريده ابتسمت : بجد مرسى جداا ع وقتك واسفه انى عطلتك
خالد : لا مينفعش كده امال اصحاب ازاى
فريده : عاوزه اشوفك فى مصر ف القريه السياحيه ال انا شغاله فيها هتنبسط بجد فعلا ودا كارت القريه انا ع الاسبوع الجى هننزل مصر خلاص
خالد: خلاص اشوفك ف مصر
بس فى عزومه الايس كريم ولا نسيتى انا مبحبش اكون مديون
فريده باابتسامه: خلاص خليها لما نرجع مصر بقى اضمن
خالد: انا عارف انك بكره شغلك الصبح يبقى نتعشى سوا تمام
فريده : تمام وميرسى ع الحاجه الساقعه
خالد: قصدك ال بقت سخنه
ضحكت فريده ومشيت مع خالد روحت السكن
وقبل ما تطلع شافت رامى مستنيها وقاعد قدام السكن
فريده: رامى
رامى بقلق ونرفزه: كنتى فين كل دا يا فريده ومبترديش ع تليفونك ليه
فريده : مالك يا رامى اهدى مش كده
رامى: كنتى فين يا فريده
فريده مسكت ايد رامى وقعدوا ع ديسك الجنينه ال قدام السكن
فريده بهدوء: كنت بتمشى وقعدت ف مكان علشان افكر واعيد حسباتى
وانا زى الفل اهو متقلقش
رامى: انتى محكتليش ليه ع حوار الحفله والتمثليه السخيفه ال عملتيها دى وعملتيها ليه وانتى اصلا ...
فريده بحزن قطعته : قولها مينفعش لانى بحبه فعلا
رامى : اهو دا ال خانقنى انت عارفه ان النار هتلسعك وراحه تقربى ليها وتترمى ف حضنها
فريده بدموع نازله من عنيها وخنقه: انا معرفش انى هوصل لكده معرفش يا رامى كنت فاكره انى هتعامل عادى مع الموضوع وبعدها هتجنبه لغايه ما نرجع مصر لقيت انى بتعرض لمواقف معاه وقدامه .. معرفش حصل ازاى وامتى ..بس انا هتعامل متقلقش لازم اتعامل مفيش حل غير كده
رامى مسك ايد فريده يهديها: انا اسف يا فريده انا السبب انى جبتك هنا وخليت دا يحصل باصرارى ياريتنى مكنت صممت انك تيجى شرم من الاول ولا قابلتى عمر
فريده : رامى دا قدر وحصل والقدر مبيتغيرش
رامى : فريده
فريده باابتسامه : متقلقش قلتلك احنا قدامنا اسبوع وراجعين مصر وكله هيتظبط متقلش يلا علشان الوقت متاخر اشوفك بكره بس ليا طلب منك ممكن
رامى : اكيد طبعا
فريده : مهما حصل مش عاوزه احتك بيه لغايه ما نرجع مصر ولما نرجع شرم ...انا مش هسيب الشغل وهثبتله انه كويسه ومحصلش حاجه علشان ميفكرش يعطف عليا واصعب عليه ..
رامى: وهتقدرى تتعاملى معاه لو صدفه حصلت
فريده اخدت نفس : هعرف لان مفيش وسيله غير كده ... لازم يتحطله حد
رامى: اتفقنا واوعدك مش هسيبك
قامت فريده دخلت السكن ورامى فضل واقف تحت
رامى بحزن : انا اسف يا فريده اسف بجد
طلعت فريده اتوضت وصلت ركعتين وقعدت تقرا قران وتدعى ربنا انها تقدر تتغلب ع احساسها دا وتعرف تتعامل معاه
وبعتت رساله ل باباها **مفتقداك اوى ياعمر افندى **
______________________________
تانى يوم فريده اتعاملت عادى ولا حاجه حصلت وعمر مستغرب من شكلها
وكانت بتضحك وتهزر مع زمايلها وكل ما يحاول يتكلم معاه يصبح عليها او يسلم تتعمد متقفش ولما يكلمها مبتردش وتبعتله انها مشغوله
وفى يوم جاله تليفون من باباه عاوزه يقابله ضرورى
وهو خارج من الفندق شاف فريده وخالد بيفتحلها باب العربيه وبتركب معاه
وقف تنح مش عارف مين الشخص دا وهى رايحه فين
ركب عمر عربيته وراح لفيلا عند باباه وصل عمر الفيلا سئل ع باباه قالوله انه ف المكتب خبط ع الباب ودخل
عمر: مساء الخير
باباه: مساء الخير اتفضل اقعد
عمر قعد : خير حضرتك عاوزنى ف حاجه
باباه: هو انا لازم اطلبك علشان تقابلنى احنا لينا حق عليك
عمر: انا كنت مخطط اجى لحضرتك قبل ما تسافر
باباه : لا فيك الخير .. عامل ايه ف شغلك
عمر: الحمد الله كله تمام
باباه: والفندق والمجموعه ال معاك
عمر حس بحاجه: الحمد الله
باباه ببصله : وفريده
عمر اتفاجئ : نعم
باباه بصله: وفريده ..ال انت عاوز تكمل عمرك معاها
داانا شفت صوت وصوره وبصراحه مشهد ف منتهى الرومانسيه
عمر : دا موضوع ..
باباه: تمثليه اجبرت البنت ال شغاله ف الفندق علشان تعمل تمثليه
تنتقم من حبيببتك الاولى .. عاوز تبينلها انك نسيتها وبتحب كمان
عمر اتوتر : بابا الموضوع دا
قاطعه باباه: مش يهمنى اعرف حاجه .. كانت تمثليه سوا علا او فريده
بس عاوزه اعرفه ال اكدته لناس ال كلمتنى ان عمر رافت ال متحكم فيه عقله مش مشاعره
عمر : حضرتك طلبتنى علشان كده
باباه: لا عاوزك بدل ما تقضيها مسلسلات يبقى واقع وحقيقى
عمر : مش فاهم
باباه: تخطب ورسمى ومش بعدين دلواقتى
عمر تنح : نعم
باباه: زى ما قلتلك كده ...
انا عاوزك تستقر واشوف حفيد ليا ..ومتقلقش عروستك موجوده
ومش اى عروسه جمال ومال وعيله مستوى هيرفعك لفوق
بنت محسن شريكى ف مصنع الحديد والصلب ياسمين
عمر : انت اتكلمت وجهزت ودورت واختارت وانا عليا انفذ
باباه: انا صبرت عليك 7 سنين هستنى لامتى
عمر: انا قلت ليك انى مش هتجوز كده
باباه: انت كنت موافق قبل كده وقلت بعد خطوبه اختك موافق تخطب اى واحده انا اختارها ايه غير رائيك دلواقتى
عمر اتوتر : انا ..انا .. مفيش حاجه بتفضل ع حالها
باباه: يعنى ايه
وقف عمر : انا مش هتجوز غير واحده احبها وتحبنى
عاوز اعيش مع واحده احبها وبتحبى
عاوز اجيب اطفال يكبروا يشوفوا امهم وابوهم بيحبوا بعض
مش عاوز اعيش تعيس ولا اعيش ولادى تعساء
مش عاوز اكرر التجربه تانى ال شفتها وعشتها معاكو مع اولادى
باباه بعصبيه: عمر
عمر : حضرتك لغايه دلواقتى مش قادر تنسى امى ال اتجوزتها وهى كانت بتحب واحد تانى وعاشت جسد من غير روح ..وحضرتك اتجوزت علشان شكلك الاجتماعى مش علشان بتحب مامت هنا انا مش عاوز اعيش كده مش عاوز اكون رافت التانى بنفس القلب الميت ونفس العذاب ونفس الالم ال عشته ...مش عاوز اعيش كده ومش هعيش... وهتجوز ال بحبها وبتحبى مهما كلف الامر .....استاذنك
خرج عمر وهو اتعصب لان باباه قلب عليه موضوع مامته وذكرياته وهو صغير ركب عربيته وراح ع الفندق دخل ع مكتبه وكان متعصب وطلع صورته مامته بص عليها ورجعها تانى ف محفظته وفتح الكمبيوتر فتح صور فريده تانى وفضل باصص عليها .....
_______________________________________
فريده قعدت مع خالد فى مكان مفتوح فيه وقعدوا يتكلموا ويهزوروا
خالد: ميرسى جدا يا ديدا
فريده: ع ايه يا مستر خالد
خالد: بلاش مستر دى احنا اصحاب ولا ايه
فريده باابتسامه: اتعودت بقى معلش
خالد: انتى تعرفى اننا منعرفش حاجه عن بعض غير ال شوفنا بس
فريده: اه صح .. طيب يلا قدم السى فى بتاعك
خالد بيضحك: احم احم اسمى خالد محمد العمر 30 سنه
رجل اعمال صغنن ع قدى ورثت من بابا البيزنس اخواتى بنات اتنين متجوزين ومسافرين مع اجوازهم وامى متوفيه وانا صغير وعشت ف مصر فتره والباقى كله بره مع بابا ولما اتوفى مسكت شغله وزى ماانتى شفتى مليش صداقات الا مدير اعمالى ال معايا ع حسب ظروف الشغل وبقيت الوقت انا لوحدى
فريده : ياحرام صوعبت عليا
ضحك خالد : ولا اعول ولا مرتبط بس ناوى ارتبط شوفيلى واحده ع ذوقك
فريده بتضحك : ع ذوقى يبقى مش هتعمر انا اشوفلك ع ذوقك
فريده : احم احم دورى هات المايك
مسكت فريده شوكه: احم احم 123 معاك فريده بنت عمر افندى 22 سنه
خريجه سياحه وفنادق وشغاله زى مانت عارف كده وانا هنا ف منحه تدريب
وراجعه لشغلى الاصلى ف شرم وعايشه ف القاهره مع عمر افندى ومش ليا اخوات وعمر افندى كل حاجه ف حياتى بابا وصاحبى واخويا وحبيبى كله
خالد بصلها: حبيببك
فريده سكتت شويا وابتسمت: احلى حبيب شوفته
خالد: شكلك بتحبى باباكى اوى علشان لوحدكم
فريده: لما تعرفه هتحبه .. عمر افندى اسطوره الرومانسيه
خالد: ع كده انتى طالعه زيه
فريده: باين كده مكتوب علينا الوجع بس هو احسن منى
خالد : ازاى
فريده: دى قصه هحكيهالك بعدين
خالد: ضرورى اعرفها
قعدت فريده مع خالد شويا وبعدين روحت ع البيت
___________________________
مر الاسبوع وعمر مش عارف يتكلم مع فريده عاوز يوضحلها ال حصل وهى بتتجنبه ورامى مراقب ال بيحصل وبيساعد فريده ع تجنب عمر وبيتصدر ليه كل ما بيكلمها
__________________________________
تانى يوم الكل وصل المطار وركبوا الطياره ...
طول الطريق فريده عامله نفسها نايمه وهى قاعده جنب رامى
رامى : ايه ياديدا شيلى شويا نوم ف البيت
فريده وهى مغمضه عنيها: مش عاوزه افتح عينى غير وانا ف البيت
عاوزه احس ان ال كنت فيه دا كابوس واصحى منه ف البيت
رامى اتنهد: هتاخدى وقت يا ديدا بس هتبقى احسن انا عارف
فريده: رامى ..هو انا ليه مش عارفه اكره
رامى تنح: نعم
فريده: مش حاسه بكره بس حاسه بجرح منه
وكمان حاسه ان هو مش السبب لانه لا قالى بحبك ولا قالى حاجه صريحه انا ال اخدت معاملته بطريقه تانيه ... ممكن اكون اعجاب مش حب صح
رامى مره واحده: ايوه اعجاب هو اعجاب وفتره كده لما تبعدى عنه هتنسيه مش حب ولا بتاع
فريده وهى مغمضه: اعجاب مش حب .. اعجاب مش حب
رامى فى سره : احسن حاجه يا فريده انك تفهميها اعجاب ع الاقل وجعها اقل من حب من طرف واحد
عمر بيبص على فريده من بعيد ... ومش عارف يكلمها طول ما رامى معاها
وصلت المطار رامى عمل اجراءات الخروج ووقف تاكسى ومشى هو وفريده
وصلت فريده البيت اول ما فتح باباها الباب اترمت ف حضنه وعيطت
فريده: وحشتنى اووى اووى اووى يا بابا
باباها اتخض وقلق: وانتى كمان يا حبيببتى مالك
فريده : مفتقداك اووى
باباها : ادخلى ناكل ونقعد نتكلم يلا وكفايه عياط
قلق باباها من دموعها دى ..دخلت غيرت فريده هدومها وبعد كده اكلت مع باباها وقعدت اترمت فى حضنه وطلبت منه انها عاوزه تنام ف حضنه بس
وفضلت فريده طول اليوم نايمه ف حضن باباها وحضناه اوووى
باباها قلق جدااا وهاودها لانه عاوزها هى ال تتكلم
بليل جه وهما قاعدين ع السرير ف اوضه باباها
جه يقومها تنام ف اوضتها لقها مره واحده اتكلمت
فريده : انا صاحيه يا بابا منمتش
خلينى فى حضنك بس
باباها: حضنها وقعد يطبطب عليها
فريده : قولى ياعمر افندى هو ايه الفرق بين الاعجاب والحب
يعنى نميز بينهم ازاى
باباها ضحك : فى فرق بين الاعجاب والحب طبعا
الاعجاب احساس مؤقت انما الحب احساس دايم
فريده : ازاى يعنى
باباها : الاعجاب انك تشوفى حاجه معينه تشدك ليها وتبهرى بيها لغايه ما تلاقى احسن منها او غيره وتسبيها ..فهو احساس مؤقت ..انما الحب متعرفيش انتى بتحبى غير لما تحبى الحب اكتشاف مش طريقه
الاعجاب بيبقى ليه اسباب كتير انما الحب ملوش اى سبب غير انك عاوزه تكونى مع الشخص دا تحت اى ظروف .
فريده : يعنى ممكن الاحساس بين الاتنين يبقى زى بعض
يعنى اممكن تكون معجب بحاجه واتهيالك انك بتحبها
والعكس انك بتحب حاجه ويتهايلك انك معجب بيها
باباه: اه طبعا بيحصل
بس دا ال مش عارف انه بيحب ولا معجب هياخد وقت ويتاكد ولو اعجاب هينسى انما لو حب استحاله يحصل وينسى ولا يكره
الحب يا ديدا بيعيش جوانا مش بيموت حتى لو اصحابه ماتوا
سكتت فريده وقالت فى سرها : ال انا فيه دا اعجاب مش حب
وهنسى وهنسى وهنسى علشان دا اعجاب مش حب
فضلت فى حضن باباها لغايه ما نامت وهى عماله تردد الكلام دا _________________________
مر اجازه الاسبوع ولازم ترجع فريده شرم ورامى عدى عليها اخدها وسافروا
وفى الطريق فريده اتكلمت مع رامى
فريده: رامى
رامى: ايوه
فريده: ممكن طلب
رامى: خير ..اوعى تقولى عاوزه ترجعى
فريده: لا .. عاوزه ال حصل ف لندن يحصل ف شرم
مش عاوز احتك بعمر علشان اعود نفسى ع عدم وجوده زى ما عودت نفسى ع وجوده ساعدنى ممكن.. عاوزه انساه ويرجع مديرى ,,عاوزه الفتره تعدى
وعاوزه اصدق انه اعجاب مش حب
رامى بصلها:متقلقيش انا معاكى
واطمنت فريده بوجود رامى معاها ووصولوا شرم ووصلها السكن وراح ع الفندق وابتدت فريده الشغل تحت رعايه وحمايه رامى ..
واصرار رامى انه مش يسيب فريده تتعرض لااى موقف يضايقها تانى
وعمر ال مش عارف يسلم حتى عليها بسبب رامى ال بيطلعوه ع طول ...
_________________________
ومر فتره قصيره ع رجوع شرم فى يوم فريده خلصت الشغل وراحت السوبر ماركت تجيب عشا ليها ولبنات ف السكن
وهى ماشيه وراجعه سمعت صوت من وراها : فريده
وقفت مكانها اتكرر الاسم تانى : فريده
لفت بصت ع الصوت لقته عمرحاولت تبان انها عادى وتتماسك
عمر: فريده ..عامله ايه
فريده: انا الحمد الله زى ما حضرتك شايف
عمر: من ساعه ما رجعنا ومش عارف اتكلم معاك
فريده بصتله: ليه فى حاجه هنتكلم فيها .. التمثليه وخلصت
وانا بشتغل وعلاقتنا رئيس وموظفه .. لو مقصره ف شغلى كنت هعرف من مستر رامى ولو فى حاجه تخص الشغل مستر رامى ممكن تبلغه ينبهنى بلاش تتعب حضرتك يا مستر عمر
عمر مستغرب من طريقتها ال اتغيرت 360 درجه
بتكلمه وهى قالبه وشها ومش بتضحك ولا بتهزر زى ما هو عرفها ومتعود منها
عمر بلجلجه: فريده انا عاوزه اوضحلك ال حصل ف لندن انه ...
قاطعته فريده: مفيش داعى لانى مش عاوزه اعرف كل حاجه باينه متتعبش نفسك
عمر : فريده انتى فيكى حاجه
فريده بصت ع الساعه: لا مفيش واسفه لازم امشى علشان اتاخرت بعد اذنك
وسابته فريده واقف ومشيت وهى حطت ايدها ع قلبها ومسكت السلسله اوى وعمر واقف مش فاهم هى ليه اتغيرت وقلبه دق اوى وحس بخنقه ف صدره من طريقتها ف الكلام معاه
__________________________
مر وقت وعمر مش عارف يتكلم مع فريده من حصار رامى وكان محتاج يبعد ياخد قرار وسافر لندن لفتره ولما عرفت فريده اضايقت بس بينت انه عادى
وقالت كويس انه فرصه علشان تتعود ع بعده
سافر عمر لندن عاوز يفكر بهدوء ويحدد هو عاوز ايه علشان يتصرف
نزل يتمشى وقبلها كان بيختار الشوز ال يلبسه راح اختار ال جاب زيه لفريده ولبسه ونزل و لقى نفسه دخل ف الحديقه ال كان فيها مع فريده ورامى وهنا وافتكر ال حصل وخصوصا لما كانت فريده هتقع ولما لبسها الشوز واتخيل فريده معاه وهى بتبتسم فاق ورجع البيت وبليل نزل يروح يتغدى مع اصحابه ف مطعم نفس المطعم ال عملت فيه فريده عيد ميلاده وهو قاعد بص من الشباك ع الجنينه وافتكر الموقف لما فريده كانت معاه واتمنت ليه امنيه وهى حضناه ..حتى اصحابه لحظوا انه مش مركز معاهم وروح البيت قاعد ف اوضته وباصص من الشباك خبطت هنا ع الباب ودخلت
هنا: مالك يا بيبى من وقت ماجيت هنا وانت مش معانا خالص
عمر: ليه يا نونا انا اهو هروح فين
هنا بتغمز: انت موجود جسم انما روحك ف مصر ولا ايه
عمر ضحك: باين كده
هنا: انت مش كنت كده خالص يا ابيه ايه غيرك واضح انك مش كويس
عمر بعد تفكير: هنا انتى عارفه ان انا شخص مفيش حاجه تهزنى وتلغبطنى ... ودايما ف كل الاحوال ببقى كويس ولا بتهز ولا فى حاجه بتخوفى كل حاجه تحت السيطره والتردد مش ف قاموسى
هنا: وايه حصل
عمر اتنهد : فريده
هنا : ديدا
عمر : من اول لحظه قابلتها كل حاجه فيا اتغيرت ...مش عارف ايه حصلى ..ولا عارف احدد عاوز ايه .. ال عاوزه
هنا: ها
عمر بص ل هنا : ال عاوزه واتاكدت منه ان اكتر حاجه محتاجها هى فريده
وبعدها عنى محسسنى بضياع مش عارف القى نفسى
هنا بخباثه: الكلام ال قلتله ف الحفله علشان تكبس علا دى
عمر قاطعها : هو الكلام نفسه انا اكتشفت انى كنت قاصد كل كلمه بس مش كنت عارف هقوله امتى
هنا : يعنى افهم من كده انك
عمر : بحب فريده ... بحب فريده
قامت هنا من الفرحه وحضنته: ايوه يا بيبى انا قلت كده من الاول كان باين اووى عليكم
عمر : هى فريده قالتلك انها بتحبنى
هنا : بصراحه لا مقالتش بس باين يعنى
عمر بخباثه: ولا رامى قال
هنا : اممم بصراحه رامى محرج عليا مفتحش الموضوع بسبب ال حصل
عمر: انا ضرورى ارجع فريده تانى ليا
هنا : ويبقى الفرح فرحين
عمر: ويبقى الفرح فرحين
وحضنت هنا عمر وهما بسعاده باعتراف عمر بحبه لفريده واصراره عليها
_____________________________________________
كان ف يوم قبل ما ينزل مصر ف الفندق رايح مكتبه دخل لقى علا
عمر بعصبيه: خير ايه جابك عاوزه تحتفلى هنا كمان
علا بهدوؤ: انا جايه اعتذرلك انى عملت كده بس انت وصلتنى لكده مش كان لازم يحصل التمثليه السخيفه دى
عمر قاطعها: ومين قالك انها تمثليه ..
علا : يعنى ايه
عمر بقوه: انا بحب فريده وعاوز اتجوزها فعلا ومش تمثيل
وبعد ما لقيتها مش هضيعها منى مهما حصل ولا هخليها تتعرض لمواقف سخيفه لا منك ولا من غيرك واتفضلى من غير مطرود والمكان دا او اى مكان انا او خصوصا فريده تمشى فيه مش عاوز المحك يا اما انا هوريكى المواقف المحرجه ال بجد يا مدام علا
علا اتصدمت من اسلوب عمر وخرجت وكان دى اخر مره تشوف عمر
______________________________________________________
فى يوم فريده فى شغلها كانت ف المطعم راحت لترابيزه تاخد الطلب
فريده: طلباتك يا فندم
خالد باابتسامه: وحشتينى يا ديدا
فريده باابتسامه : خالد ..انت جيت امتى
خالد: جيت امبارح بليل ودورت عليكى عرفت انك الاسبوع دا شفت الصبح
فقلت هشوفك الصبح
فريده: بجد مفاجاءه حلوه ..نورت مصر وشرم بالاخص
خالد: الله يخليكى .. رامى هنا اكيد ولا فين عاوز اسلم عليه
فريده بتبص حواليها كان رامى واقف بعيد شاورت ليه وراح ليها وشاف خالد
رامى : خالد اهلا بيك فى شرم
خالد: تسلم يارب
رامى: سمعت الكلام وجيت هنا ..هتنبسط اكيد
خالد بيبص ع فريده : اكيد مش كده يا ديدا ومعاك يا رامى
رامى : تمام يا خالد
اسيبك دلواقتى لان عندى شغل ونتقابل ع الغدا عزمك انا انهارده
خالد باابتسامه: تمام هستناك هنا ع الغدا
مشى رامى وفريده لسه واقفه مع خالد
فريده : تفطر ايه بقى
خالد : ال تختاريه هدوس فيه بس ملح خفيف
و اعملى حسابك هنتغدى سوا انا وانتى ورامى
فريده: لا مش هينفع انا هخلص ع 5
مره تانيه خليها تكون عشى تمام
خالد : تمام
فريده باابتسامه: احلى فطار مخصوص ليك ربع ساعه واقل هيكون قدامك
_______________________________
كان خالد كل يوم فى فتره اقامته كان شبه دائم مع فريده ورامى لاحظ كده
فى يوم رامى شاف فريده مخلصه شغل وماشيه
راح نادى عليها : ديدا
فريده بصتله : روميو
رامى: استنى هوصلك
فريده : اشطه يلا بينا
رامى: هنا بتسلم عليكى كتير
فريده: مااحنا ع الواتس دايما ولاحظت حاجه
رامى : ايه
فريده بتضحك نص ضحكه : مبتجبش سيره عمر كانت قبل ما نرجع مورهاش غير سيرته
رامى : اممم ماهو انا منبهه عليها بصراحه
فريده: المهم هنفرح بيكم امتى
رامى : والله الحاج ابويا هيروح يقابل الحج ابوها ويحددوا معاد
انا زهقت منهم
فريده : يلا ربنا يهنيك يارب
رامى بيغمز لفريده : وعقبالك عن قريب
فريده بصتله: قول يارب مش لما يجى بقى .. انا مش هجازف
جازفت اخدت ع دماغى
رامى : مين ال يجى وهو جنبك وجايلك مخصوص
فريده : مين دا
ولسه رامى هيتكلم سمع صوت بينادى عليهم : رامى .. فريده
رامى بص : اهو جه ع السيره مين غيره
وبصوت عالى : خالد
فريده تنحت لتلميح رامى وخالد قرب عليهم
خالد: انا كنت قاعد مع ناس اعرفهم ف الكافيه ال هناك دا ولمحتكم ماشيين
رامى بيضحك: والله انت ابن حلال بتيجى ع السيره
خالد : كنتم بتتكلموا عنى .. بتقولوا ايه بقى
رامى : كنت بقول لفريده ان ..
قاطعته فريده : بيقولى انك منور شرم ومبسوط انه شافك تانى يعنى
رامى ضحك : اه فعلا
خالد: انا ال مبسوط انى معاكم وعرفت ناس زيكم بجد
كنتم رايحيين ع فين كده
رامى: دى فريده كانت مروحه وانا رايح مشوار كده واتقابلنا بالصدفه
فريده تنحت ل رامى : ايه
رامى :خالد ممكن طلب لو موركش حاجه ممكن توصل فريده اصل المنطقه ال فيها ساكته ومش هبقى مطمن
خالد : طبعا دا حاجه تسعدنى انا اصلا كنت حاسس بملل
يلا بينا يا فريده
رامى باابتسامه: تسلم يا باشا .. ديدا اشوفك الصبح سلام
فريده تنحت لتصرف رامى ال مش فهماه واحراجها مع خالد
خالد : فريده .. يلا انا مش عارف الطريق
فريده من توترها مش مجمعه : ها .. اه .. من هنا من هنا
وفى سرها مستحلفه ل رامى
خالد طول الطريق عمال يتكلم ويحكى مع فريده لغايه ما وصلت السكن سلم عليها ومشيت دخلت فريده اوضتها مسكت الموبيل تكلم رامى لاقته بيكنسلها بعتتله رساله
اما اشوفك بكره ...
_________________________________
تانى يوم الصبح فريده راحت الشغل وكان ف الريسبشن
رامى عدى عليها بضحكه ع وشه كبيره
رامى : يا صباح الى بتغنى
فريده بصتله وهى متغاظه: صباحك زى ليلك يا رامى
ايه ال عملته امبارح دا
رامى : عملت ايه ...
هو خالد عملك حاجه قوليلى وانا اظبطه
فريده : ياسلام ال يشوفك قلقانه كده يفتكر انك مش دبستنى وحرجت الراجل ف توصيلى
رامى بيضحك: دا بدل ما تشكرينى
فريده : نعم يا خويا اشكرك ع ايه
رامى : بفتح لكم مجال ..
انتى مش شايفه خالد بيبصلك ومهتم بيكى ازاى
وانتى زى العبيطه
فريده تنحت: نعم .. ودا ازاى ومن امتى .. رامى صحصح كده وبلاش تخيلاات
رامى : يوووه يا بنتى دا لو شاهدت الناس هيلاحظوا كده
فريده بتقرص رامى : لم نفسك ومتعملش كده تانى
رامى بيضحك : خلاص خلاص خليكى هبله كده
فى الوقت دا ظهر عمر وهو داخل من باب الفندق وشاف فريده بتهزر مع رامى وبيضحكوا بص عليهم وعدى من جنبهم : صباح الخير
رامى وفريده وشهم اتغير : صباح الخير
رامى بص ع فريده لاقى وشها اتغير 360 درجه وبقى ع وشها ملامح سعاده بحزن انها شافت عمر
رامى : فريده
فريده : ها .. روح شغلك يلا
رامى فضل باصص ع فريده : فكرى فى كلامى دا وافتكرى كلامك ليا لما رجعنا شرم ..ها
فريده بصت لرامى وسكتت ورامى مشى
عمر دخل المكتب بعد فتره من الغياب وراجع وهو مقرر يعمل حاجه ومش هيرجع فيها نزل يتغدى ف المطعم دخل المطعم يقعد بص حواليه لقى فريده واقفه مع شخص وبتضحك بص كويس لقاه خالد واتفاجئ ....
مشيت فريده تجيب الطلبات ل خالد قام عمر راح ل خالد يسلم عليه
قرب عمر من خالد :
عمر : خالد ازيك
خالد بص ع الصوت مين : عمر اهلا بيك
عمر : تسمحلى اقعد معاك
خالد: طبعا اتفضل
قعد عمر : منور شرم يا خالد
خالد: شرم منوره بال فيها
عمر: بقالك كتير هنا ولا ايه
خالد: بقالى فتره هنا وسئلت عليك رامى قال انك كنت مسافر لندن
عمر : اها شويا شغل ورجعت .. المهم تكون مبسوط هنا
خالد باابتسامه: جداااا .. فريده بصراحه مش سيبانى
عمر تنح: مين .. فريده
خالد : ورامى ..بس فريده اكتر علشان انا نازل لوحدى فعلى طول هى مهتمه بيا علشان مش اكون لوحدى .. وبصراحه مقصرتش شبه انها لففتنى شرم
عمر بان عليه ع وشه علامه الضيق والغضب : اه .. اه .. طيب كويس
وصلت فريده بالغدا ل خالد شافت عمر اتخضت وتمالكت نفسها
فريده باابتسامه ل خالد : اتفضل الف هنا
خالد : اممم ذوقك ف الاختيارات روعه يا ديدا
خالد بص ل عمر : اصل ديدا هى ال اختارت الغدا ودايما بصراحه بتختار وبيعجبنى
عمر باصص ل فريده : برافوا يا فريده
فريده : لو احتجت حاجه يا مستر خالد انده انا هناك
وحضرتك يا مستر عمر ليك طلبات ولا طلبت
عمر فضل باصص ل فريده للحظات : لا شكرا انا طلبت وهاخد طلبى كله
فريده : بعد اذنكم
مشيت فريده وهى حاطه ايدها ع قلبها وعمر فضل باصص عليها من ظهرها
لغايه ما وقفت وبتبص لاقته بيبص راحت الناحيه التانيه .....
طلع عمر المكتب وعمال يروح ويجى حاسس ان فى حاجه غلط وعمال يكلم نفسه
عمر: هو انا جيت متاخر ... هو فى حاجه حصل
لالالا معتقدش.. فى حاجه بين فريده وخالد ... لالا معتقدش .. بس كلام خالد واسلوب باين انه معجب بس فريده لا معتقدش ... لا بس فريده بتضحك وتهزر معاه ... لالا ياعمر مفيش حاجه هى بتعمل كده لانه شغلها
انها تبتسم لنزلاء يعنى .. بس هى دى بتهزر زى ما بتقف مع رامى .. وزى ما كانت معايا ف لندن
هو انا اتاخرت اوى كده .. لا لازم اتكلم مع فريده ...
خرج من المكتب نزل المطعم تانى سئل ع فريده لقاها انها لسه خارجه
راح سبق ع الباب يلحقها لقاها بتركب عربيه مع خالد ومشيوا
فى اللحظه دى وهو بيبص ع العربيه ومشيت رامى قرب منه
رامى : واقف كده ليه
عمر بص ل رامى : انت عامل عليا راجل وبتاع وحامى الديار ومحدش يقرب لفريده ومانعنى اتكلم معاها وسايباها مع الشخص دا هزار وضحك وخروج كمان اسمه ايه دا ..ولا انت بتختار مين يمشى معاها
رامى : عمر خلى بالك من كلامك لانه معناه وحش وانا هحاول مااخدش معناه الغلط
عمر حاول يهدى من نفسه : رامى تعالى ف المكتب نتكلم شويا عاوزك
رامى : شويا علشان عندى شغل
عمر بعصبيه : يحرق الشغل تعالى نتكلم بدل ما انيل الدنيا
رامى استغرب من فعل عمر وطريقته اول مره يشوفه كده
رامى : خلاص خلاص يلا يلا
دخل رامى وعمر المكتب وعمر كان متعصب اوى
رامى: ايوه خير حضرتك
عمر بيحاول يتمالك اعصابه : فى ايه بين فريده وخالد
رامى استغرب من السؤال: فى ايه فى ايه
عمر : رامى بلاش تستذكى عليا بقولك فى ايه بينهم علاقتهم ايه ببعض
رامى حاول يستفز اكتر عمر : ممكن اقول اعجاب .. بدايه استلطاف
عمر : مين .. ومن ناحيه مين بقى
رامى : هو انت جايبنى علشان تسالنى ع فريده
عمر: ماهو انت عاملى الحارس الامين مش بتخلينى اتكلم معاها كنت سالتها بس حضرتك سايبها مع شخص تانى متعرفش عنه حاجه غير انه رجل اعمال غير كده متعرفش شخص كويس ولا لا .. قلت واحنا ف لندن سفريه وتعدى ومصرريين ف الغربه ومع بعض عادى .. انما يسيب كل فنادق مصر وشرم ويجى هنا مخصوص وانت عاجبك وسايبه مع فريده ..يبقى الموضوع فى حاجه
رامى مستغرب من طريقه عمر : هو انت عصبى ليه .. هو دا حاجه تخصك
عمر : اصل .. اصل
رامى: لا اصل ولا صوره ... فريده حره فى حياتها تقعد مع مين وتخرج مع مين
تكلم مين ومتكلمش مين ... انا لو ليا الحق ع فريده كنت مخلهاش تقرب منك لدرجه تخليها تعمل التامثليه السخيفه دى
عمر : انت مش فاهم حاجه تخص الموضوع دا
رامى : ومش عاوز افهم ..
عمر : مقولتش بينهم ايه
رامى بص ل عمر لااستفزاز عمر اكتر : انت ايه ال منرفزك كده .. ال يشوف كده يقول بتحب فريده وغيران
عمر بتلقائيه : ايوه بحبها
رامى ضحك بصوت عالى : لا التمثليه خلصت هناك ف لندن احنا ف مصر ع فكره
عمر اخد نفس وقعد : انا اتاكدت انى محتاج لفريده جنبى ومعايا
انا رجعت لندن اهرب مش كنت فاهم حاجه ... وانا ف لندن مش كنت فاهم حاجه غير انى ببقى مبسوط وانا مع فريده
.. فريده لما بعدت حسيت حاجه كبيره اختفت من حياتى فريده عدلت حياتى ال مش كان ليها لا طعم ولا لون
والتمثليه ال بتتكلم عليها دى مش كانت تمثليه بالنسبالى .. كل كلمه قلتها كنت حاسس بيها وقاصدها
رامى تنح لكلام عمر وباين اوى على وشه انه بيتكلم جد
عمر : انا رجعت اعترف لفريده بحبى واطلب منها تدينى فرصه اكسبها جنبى
رامى : وانت واثق انها توافق
عمر : انا مش متاكد فريده شيفانى ازاى بس ف حاجه جوايا مشجعانى اقرب واتكلم ودا ال وصلتله لما سافرت انى مش عايش من غير فريده ومش هسمح بحد تانى ياخدها
رامى متنح ومش مستوعب وجمع وافتكر ال فريده حست بيه
و ابو عمر وال ممكن يعمله وان فريده ابددت تتعود ع عدم وجود عمر وان لو حصل حاجه بينهم ومكملوش هيبقى جرح كبير ليها ... فلحظات فكر رامى ف ال ممكن يحصل
رامى : بص ياعمر راجع نفسك ومتتسرعش
عمر بص ل رامى : نعم ..متسرعش
رامى سكت لحظات : فريده ارتبطت خلاص
عمر من الكلمه تنح وقعد ع الكرسى : خالد
رامى : هو اه مش ارتباط رسمى وكده ممكن تقول انه تعارف بينهم وزى ماانت شايف خالد نزل مخصوص مصر علشان فريده ويشوفها .. واعتقد من حقها تعيش فياريت ياعمر كلامك دا كله احتفظ بيه لنفسك ومتتسرعش انك تكلم فريده ومتأذيش فريده
هى اختارت متتدخلش فى حياتها ... استاذن انا دلواقتى
عمر فضل قاعد ع الكرسى متنح مش قادر يستوعب ان فريده حد تانى اخدها خلاص وان الاحساس ال كان حاسه ان احتمال فريده تكون من نصيبه وان هى ال مستنيها .. وقعد ساكت لوقت طويل يحاول يجمع ويأنب نفسه انه اتاخر جدااا على فهمه انه بيحبها وحط ايده ع قلبه لانه حس بنغز جامد وصدره وجعه اوى من المفاجاءه وان حاجه كبيره ف حياته اختفت ,,,
خرج رامى من عند عمر وهو متفاجى بالكلام ال سمعه وشاف ان الصح ال هو عمله واهم حاجه يقرب فريده ل خالد علشان عمر ميفكرش يفاتحها ف الموضوع وهى ابتدت تتأقلم مع الوضع وانه مفيش داعى تتوجع تانى .....
________________________________________
فى يوم كان عيد ميلاد عماد وخرجوا كلهم يحتفلوا بيه وكان ف مطعم
وكان معاهم عمر فضل طول القعده بيبص ع فريده ومستنى فرصه يتكلم يتاكد من كلام رامى لانه مش مصدق ومش عرف وهو قاعد تليفون فريده رن ردت سمع بتقول لحد ادخل وشوشت فريده رامى ودخل خالد وعمر اتفاجئ واضايق سلم رامى ع خالد بحميميه وفريده كانت مبسوطه وقعد جنب فريده
وعمر كان متجهلينه ولا اكنه قاعد
خالد: انا اسف لو ازعجتكم يا رامى بس فريده ال عزمت
رامى : ولا يهمك فريده ال ترتاحله يبقى واحد مننا اكيد
فريده: هتنبسط يا خالد بجد واعتبرنا اصحابك وابقى ع طبيعتك
رامى : زى ما سمعت كده خليك ع طبيعتك
فريده: شويا وهيعملوا فقره كاريوكى والمواهب هتظهر هنستمتع اووى
ابتدت الفقره ةكان لسه مختروش مين يبتدى اول اغنيه
وعمر قاعد عمال يراقب شايف خالد ع طول مع فريده
وفريده بتضحك ومبتسمه مع خالد ولا بتبصله قام خالد غنى اغنيه
لكن قبل ما يغنى قال : اهدى الاغنيه دى لديدا
الكل صقف وكانت اغنيه انجليزى وكان بيغنيها حلو اوى لدرجه ان ديدا عجبها الكلام وكانت مركزه اووى عمر مستحملش يفضل موجود اخد نفسه وقام مشى ..وفريده لاحظت كده وبعدها بلحظات عمر بعت رساله لفريده تخرجله حالا يااما يدخل يمسكها قدام الكل ويخرج بيها فريده اترددت وخرجت
فريده: ايوه خير
عمر بيهدى نفسه: ايه ال بيحصل دا
فريده: عيد ميلاد عماد وبنحتفل زى ماانت شايف
عمر: انتى بينك وبين خالد ايه
فريده اتفاجئت: نعم
عمر بعصبيه: زى ما سمعتى ردى عليا
ركبت وش الخشب : ما يخصكش
عمر : نعم
فريده : زى ما سمعت ال بينى وبين اى حد حاجه تحصنى مش تخصك واعتقد انك عديت الحدود
عمر : حدود
فريده: انت ناسى ا انت مديرى وانا موظفه الاستقبال هنتعامل ع كده بس
ودلواقتى انا ف راحتى مش شغل بعد اذنك
فريده ماشيه عمر مسك ايدها : بحبك يا فريده
فريده قلبها دقاته زادت وللحظه كانت هتصدقه لكن استوعبت ال حصل قبل كده شالت ايدها : بعد اذنك يا مستر عمر
ومشيت فريده بسرعه تدخل لصحابها ووشها كان متغير ولكن حاولت تتعامل عادى الوحيد ال لاحظ خالد ولاحظ عمر واقف بره
____________________________
فى يوم خرج خالد مع فريده وهما قاعدين فى مكان
خالد : عاوزه اصرحك بموضوع
فريده باابتسامه : اتفضل طبعا
خالد قعد يفكر وساكت لحظات وباصص لفريده وهى مبتسمه وبصاله طلع علبه فيها خاتم : انا بحبك
فريده:..
__________________________________________


(9)
وفريده بتضحك ومبتسمه مع خالد ولا بتبصله قام خالد غنى اغنيه
لكن قبل ما يغنى قال : اهدى الاغنيه دى لديدا
الكل صقف وكانت اغنيه انجليزى وكان بيغنيها حلو اوى لدرجه ان ديدا عجبها الكلام وكانت مركزه اووى عمر مستحملش يفضل موجود اخد نفسه وقام مشى ..وفريده لاحظت كده وبعدها بلحظات عمر بعت رساله لفريده تخرجله حالا يااما يدخل يمسكها قدام الكل ويخرج بيها فريده اترددت وخرجت
فريده: ايوه خير
عمر بيهدى نفسه: ايه ال بيحصل دا
فريده: عيد ميلاد عماد وبنحتفل زى ماانت شايف
عمر: انتى بينك وبين خالد ايه
فريده اتفاجئت: نعم
عمر بعصبيه: زى ما سمعتى ردى عليا
ركبت وش الخشب : ما يخصكش
عمر : نعم
فريده : زى ما سمعت ال بينى وبين اى حد حاجه تحصنى مش تخصك واعتقد انك عديت الحدود
عمر : حدود
فريده: انت ناسى ا انت مديرى وانا موظفه الاستقبال هنتعامل ع كده بس
ودلواقتى انا ف راحتى مش شغل بعد اذنك
فريده ماشيه عمر مسك ايدها : بحبك يا فريده
فريده قلبها دقاته زادت وللحظه كانت هتصدقه لكن استوعبت ال حصل قبل كده شالت ايدها : بعد اذنك يا مستر عمر
ومشيت فريده بسرعه تدخل لصحابها ووشها كان متغير ولكن حاولت تتعامل عادى الوحيد ال لاحظ خالد ولاحظ عمر واقف بره .. وعمر فضل واقف لحظات ومش مصدق ال حصل واسلوب فريده وبص عليها لاقاها بتهزر وبتضحك ولا اتهزت
____________________________________
رجع الفندق وهو حاسس بخيبه الامل وفشله هنا اخته اتصلت عليه :
هنا: ازيك يا ابيه عامل ايه
عمر بصوت مخنوق: مش عارف
هنا: فى ايه
عمر: انا ضيعت فريده خلاص
هنا: احكى ايه حصل
حكى عمر ل هنا ال حصل كله
هنا : اتكلم معاها يا ابيه فهمها هى اكيد بعد ال حصل مصدومه ومجروحه
عمر بصوت كله يأس وحزن: خلاص يا هنا فريده ضاعت منى خلاص
هنا: اكلمها انا طيب
عمر : لا اياكى تكلميها واقفلى ع الموضوع دا
هنا : ابيه ف موضوع تانى عاوزه اكلمك فيه
عمر: خير ..بابا حصله حاجه تعب تانى
هنا: لا خالص ... بس انت لو محددتش موقفك واضح انك داخل ع جوازه قريب
عمر اتنرفز: نعم .. وازاى دا
هنا: من يومين اونكل محسن ومراته وبنته ياسمين كانوا عندنا وانا افتكرتها عزومه عادى يعنى ... ولاحظت تلميحات ع فرح قريب وافتكرتهم عليا بس لاحظت تركيز بابا ع ياسمين ودا مبيعملهاش غير لهدف معين وياسمين قعدت تسئلنى عنك كتير الاول كنت فاكراه فضول وبعدين عرفت انها عاوزه تجمع معلومات عنك ... فاتاكدت انه مشروع جواز وانت هتلبسه ..هو بابا مش اتكلم معاك ولا لمحلك
عمر بعصبيه: مصمم هو يرسملى حياتى ع هواه ودماغه ..مش قادر يفرق بينى وبينه ..عاوزنى نسخه رافت التانيه
هنا: بابا بيحبك اوى يا ابيه وقلقان عليك ومن خوفه بيتصرف كده
عمر: انا عارف ومقدر بس مش لدرجه يجوزنى ع اختياره ... انا مش هعيش زيه مش عاوز اجرب ال هو نفسه عاشه مع امى يا هنا
هنا : امممممم مش عارفه بجد ايه ال حصل بس انا قلت اتكلم معاك علشان يبقى عندك خلفيه
عمر بيهدى نفسه: ماهى كملت .. اقفلى ياهنا عاوز اقعد مع نفسى شويا علشان هتجنن
هنا: طيب اهدى يا ابيه وفريده اتمسك بيها ..بابا لو شاف واحده بتحبك بجد وانت بتحبها مش هيوقف قدامكم دا وعد وعدهولك قدامنا لو فاكر
عمر: فاكر... بعد موضوع علا لانه فعلا شافها كويس وانا مش كنت فاهم حاجه وعدنى بكده قالى تكون بتحبك وبحبها لكن حذرنى لو طولت هياخد خطوه هو علشان شكلنا الاجتماعى وواضح انه اتحرك
هنا: خير يا ابيه متقلقش وهبقى اكلمك تانى
عمر : اتفقنا
قفل عمر مع هنا وهعمال يفكر هيتصرف ازاى مع باباه من غير ما يزعله ف موضوع الجوازه دى وف نفس الوقت قلبه وجعه لانه حاسس بانه خسر فريده ... قرر عمر ان فريده سعادتها مع غيره وحس انه هيستسلم
_____________________________________
فى يوم قعدت فريده مع خالد ف مكان ع البحر وسرحانه هى فى منظر البحر
خالد: شكلك حلو اوى وانتى بتبصى ع البحر كده
فريده : انا بعشق البحر بس بخاف اقرب منه
خالد : ليه كده دانتى لما تبقى ف المايه وتحسى ان البحر حاضنك
احساس متعه
فريده : بس ممكن من حبك ليه تغرق وتموت ...فى حاجات وهى بعيد بتبقى احلى مش كل حاجه بنحبها نقدر نمتلكها ونتمتع بيها ... اوقات كتير بنكتفى بالمشاهده
خالد : فريده انت كلامك ونبرته كلام واحده موجوعه
فريده: ومين فينا مش جواه حاجه وجعاه
ضحكت فريده : بس بيس كله ف التمام يلا ناكل
خالد كان متردد يتكلم: فريده
فريده : ها
خالد: امم بصراحه عاوز افتحك ف موضوع
فريده: اتفضل طبعا
خالد قعد يفكر وساكت لحظات وباصص لفريده وهى مبتسمه وبصاله طلع علبه فيها خاتم : انا بحبك
فريده ضحكت: ايه شغل الكاميرا الخفيه دى بلاش تذيع
خالد بلهجه جد : انا بحبك .. وعاوز اتقدملك وتكملى عمرى معايا
فريده تنحت : خالد
خالد: فريده انا عارف انك موجوعه بسبب عمر
فريده تنحت من كلامه :انت عارف
خالد: انا عاوزك تعيشى معايا ونكمل حياتنا سوا
وال فات خلاص ميهمش خلينا نبص لقدام ومع الوقت هتنسى
انا ميهمنيش ال فات خلاص يهمنى الحظه دى وال بعدها
فريده اخدت نفس وبصت ل خالد : خالد انت انسان محترم جداا ومبسوطه بصداقتنا اوى بس اكتر من كده محستش و مفيش اسفه
خالد : مع الوقت هتعرفى وهتيوجد
فريده : صعب دلواقتى اخد قرار مصيرى كده وانا لسه بحب عمر ومش نسيت وواضح هاخد وقت اطول .... انا ال بعمله بعود نفسى ودا لانى انا ال بحب بالرغم انى حاسه بعكس كده بس ال واضح والاكيد انه من طرفى بس
فصعب اظلمك واخدك وسيله نسيان ... ممكن مع الوقت اتاقلم واتغير بس دلواقتى صعبه
خالد اخد نفس : انا حاسس ان عمر بيحبك يا فريده
فريده بتضحك: لا ال شوفته ف لندن كان تمثيل متعتمدش عليه
خالد : انتى شايفه كده
فريده : انا متاكده من كده
خالد : فريده
فريده قاطعته بهزار : يلا ناكل بقى ونرجع علشان عندى شغل بدرى وورايا حاجات اعملها .... سكت خالد واتفقوا انهم اصحاب بس وخالد قرر انه لو عمر بيحب فريده عكس رامى هيقربهم لبعض مش هيبعدهم
______________________________________
مر يومين وعمر اختفى عن العيون وقاعد طول الوقت ف مكتبه
كان فى ناس كلموه علشان شغل ووصلوا المنتجع ودخلوا الفندق
ونزلوا ع المطعم يتغدوا وكانت فريده موجوده وخالد كالعاده
خلص الغدا والضيوف مشيوا وخالد لاحظ عمر بيبص ع فريده
راح مسك ايد فريده قدام عمر : ديدا تعالى اقولك حاجه فى ودنك
وفريده مش واخده بالها وطت وقال نكته وضحكت وعمر اضايق ومشى بسرعه
لاحظ خالد كده وف نفس الوقت رامى كان ملاحظ كده وفاكر ان خالد اتقرب من فريده وكده عمر اتاكد ...
فى يوم فريده كانت ف الريسبشن وعمر نزل قعد ف الهول وبيبص من تحت لتحت ع فريده خالد شافه ونزل الهول وقعد من قرب منه
بعت رساله لفريده تجيله راحت
بصوت عالى سمعه عمر : بعد ما تخلصى الشغل تلبسى هنروح نتعشى بره ونتمشى شويا الجو جميل اوى وف مفاجاءه ليكى
فريده : تمام هخلص وهتلاقينى قدام الفندق
عمر سمع اتعصب واتنرفز قام راح مكتبه
خلصت فريده شغلها وغيرت ووقفت تستنى خالد قدام الباب
بعتلها رساله انه 10 دقايق وهينزل .. ف الحظه دى وهى واقفه لاقت شخص شدها من دراعها و فتح باب العربيه ودخلها بصت لقته عمر
فريده بعصبيه: ايه ال بتعمله دا يا مستر عمر
بسرعه عمر دخل العربيه وقفل الابواب ومردش ع فريده ومشى بالعربيه
فريده ف الطريق عماله تنفخ: اسمه ايه دا .. انا عندى مشوار مهم
عمر بصلها بغضب: مفيش مشاوير انا عاوزك ف موضوع اهم
فريده : بكره انا كده هتاخر
عمر بنرفزه: فريده مفيش نزول من العربيه
سكتت فريده وبعتت ل خالد ان حصلها ظرف ومش هتستناه
وصلوا لمكان ع الشط ونزل عمر وفريده فضلت قاعده ف العربيه
نزل فتح باب العربيه ليها : انزلى يا ديدا علشان نتكلم
فريده نزلت بعصبيه ومشيت خطوتين ووقفت ربعت ايديها
فريده: خير ..ايه الموضوع ال مهم دا
عمر سكت لحظات : انا اسف
فريده بصتله : اسف
عمر قرب من فريده : بحبك
فريده تنحت : ها
عمر قرب اكتر من فريده : وانتى بتحبينى
فريده اتفاجئت وقعدت تحاول تجمع نفسها وبتوتر : بحبك ايه وبتحبنى ايه
انت هتعيد تانى التمثليه على مين المرادى وتانى هنعيد الموضوع والحوار و...
لسه بتكمل كلامها قرب عمر وحضنها : بحبك بحبك بحبك يا ديدا
فريده واقفه متصلبه مش قادره تتحرك ولا تتكلم
ومره واحده زقت عمر : ايه ال بتقوله دا
عمر : بحبك
فريده جمعت نفسها وبصتله : وانا مش بحبك وعاوزه امشى من هنا
عمر مسك ايديها وهى باصه الناحيه التانيه
عمر : فريده بصيلى ف عينى وقوليلى انك مش بتحبينى
فريده بتوتر : عاوزه امشى ايه الموقف دا والكلام دا
عمر : انا واثق من كلامى وانك بتحبنى ومهما تحاولى تخبى باين
فريده اتوترت : عمر انت عاوز ايه ..
عمر مسك ايدها : عاوزك تبقى معايا
فريده جسمها قشعر : ودا ليه محتاجنى ف خدمه تانى و
عمر قاطعها : انا بحبك .. واسف اتاكدت من كده متاخر
وكنت راجع من السفر علشان اكلمك واتفاجئت ب خالد ومش مستوعب فكره انكم مرتبطين
فريده متفاجئه : انا وخالد
عمر بيكمل كلامه : بس خالد فهمنى كل حاجه
تنحت فريده : خالد ..قالك ايه
***فلاش باك ***
فى يوم عمر كان ف مكتبه الباب خبط
عمر: اتفضل
دخل خالد : ممكن 5 دقايق من وقتك
عمر بص لخالد بااستغراب : اتفضل بس بسرعه علشان ف شغل
خالد باابتسامه قعد: هما كمان اعتقد ااقل من 5 دقايق
عمر رجع ورا بالكرسى : خير سامعك طلباتك
خالد باصص ل عمر : فريده
عمر: اتفاجئ : فريده
خالد: انا مش هطول ولا هتكلم كتير هو سؤال واحد انت بتحب فريده
عمر: ودا يخصك ف ايه
خالد: يخصنى انى عاوز ابدء حياتى مع فريده بس اصفى ال فات كله علشان هى متتوجعش تانى واعرف ردك النهائى
عمر بتوتر: ميخصكش برضه ردى
خالد باابتسامه: انت بتحبها زى ما هى بتحبك وانتم الاتنين مكابرين وبدل ما تقربوا بتبعدوا
عمر قام من ع الكرسى وقعد قدام خالد: فريده قالتلك انها بتحبنى
خالد بيبص ل عمر : سورى ع ال هقوله بس انت خساره فيها طول الفتره ديه ومش حسيت بقلبها ولا بصدق مشاعرها اتجاهك ايه التبلد دا
عمر اندهش من اسلوب خالد: نعم .. انت بتقول ايه
اتنهد خالد واخد نفس وقام : ال هقولهولك قبل ما امشى قدامك فرصه واحده تكسب فريده وتحافظ عليها يااما لو راحت منك مش هتعرف ترجعها لانى مش هسيبها ,, انا عملت ال عليا وبعد كده لا عتاب ولا ندم هينفع .. استاذنك انا
********
عمر وماسك بالايده الاتنين دراع فريده وواقفه قدامه وباابتسامه وعينه ف عينها :
عرفنى اد ايه كنت غبى ومش بشوف
عرفنى اد ايه انى كنت هضيع اهم حاجه فى حياتى مش هعرف اعوضها
عرفنى اد ايه انا كنت هخسر سعادتى ال مش هعرف ارجعها تانى
عرفنى ان انا من غيرك مسواش حاجه
عرفنى اد ايه انت غاليه اوووى ومهمه اووى ف حياتى ومتتعوضيش بكنوز الدنيا
عرفنى اد ايه ان انا بحبك لا بعشــــقك يا ديدا ..
فريده متصلبه ومتوتره مش عارفه تعمل ايه وللحظه وهى باصه لعمر دمعه نزلت من عنيها عمر مد ايده ومسحها : انا غبى انا عارف انى متاخر اوووى بس اوعدك مش هتاخر تانى والدمعه دى مش هتنزل تانى غير من الفرحه
شد عمر فريده ف حضنه وشوشها : مش هسمح لحد تانى ياخد مكانك دا ابدا المكان دا ملك فريده حبيببتى انا وبس وفريده حبيبتى بتاعتى انا وبس
فريده مش مصدقه ال سمعاه وحساه وعايشاه من سعادتها ومش متخيله ان دا يحصل دموع نزلت من عنيها من الفرحه : غبى ..غبى ..بس بحبك
حضنها عمر اووى : وانا بمووووت فيكى
ودى كانت اول لحظه لاااعتراف عمر وفريده بحبهم وبدايه صفحه جديده ف حياتهم مع بعض ,,,فريده وعمر قعدوا قدام البحر وعمر ماسك ايد فريده مش عاوز يسيبها وع وشه ابتسامه وفريده كمان
فريده : عمر
عمر: قلب عمر
فريده اتكسفت : امتى عرفت انك بتحبنى ؟
عمر وماسك ايد فريده :لما كنا ف لندن
فريده تنحت : نعم ازاى ومش كان باين حاجه خالص
عمر بيضحك : انا مش كنت فاهم ايه ال بيحصلى لما بشوفك
او بسمع صوتك .. ضربات قلبى بتزيد .. وبلاقى الابتسامه ع وشى
وبقيت بحب كل حاجه ... احساس بيجيلى وانتى موجوده ف المكان
حاجه بتقولى انت مش لوحدك انا معاك ... لاقيت نفسى اتغيرت من حاجات كتير ويوم عيد ميلادى ساعه ما حضنتينى واتمنيتى امنيه
فريده بصتله بدهشه من كلامه : ها
عمر قرب ايد فريده ناحيته وباسها : اتمنيت انك متبعديش
ومتسبنيش .. واستغربت اووى ازاى قلت ككده او فكرت ف كده معاكى
ومن بعدها لاقيت عاوز اشوفك ع طول .. عاوز اسمع صوتك ..
عاوز اكون موجود ف كل مكان انتى فيه واتنفس الهوا ال بتتنفسيه
معاكى كل حاجه بتبقى حلوه والشوز ال اشتريته ليكى كنت قاصد اشتريه ليكى لما لاقيتك تعبانه من الشوز ال معاكى ..اتوجعت علشان انتى موجوعه
فريده اتكسفت من الكلام وابتسمت بكسوف : مش كنت اتخيل لدرجه دى
عمر بيضحك: ولا انا بصراحه انا لاقيت نفسى كده وحبيبتك وحبيت نفسى كده عاوز اقولك حاجه اعتراف ممكن تقولى عليه كده
فريده بصته : ها
عمر : حوار التمثليه والكلام وال حصل فيه
فريده بملامح ضيقه : عارف تمثيل وانا تعاملت مع الموقف خلاص ونسيته
عمر : مش كان تمثيل ..
كل تصرف وكل كلمه قلتلهالك قلتها وانا حاسس بيها
قلبى ال اتكلم مش لسانى ولا عقلى .. قلبى قال بكل ال كنت بقاوح فيه ومش فاهمه ..قلبى صارحنى بالحقيقه ال مش كنت عارفها وانى بحبك
فريده بكسوف : داانت قلتلى انه تمثليه وكبستنى
عمر: كنت متوتر مش عارف بقول ايه وكنت قلقان منك
خايف احرج نفسى قدامك ومش كنت عارف احساسك اتجاهى
فريده خبطته تانى : غبى والله غبى وكنت هتضيع كل حاجه
عمر : انا فعلا اتاكدت انى هضيع كل حاجه لما سافرت تانى
شوفتك ف كل مكان اروحله .. حسيت ان مفيش حاجه ليها طعم الا معاكى ..مستحملتش وجيت علشان اخد فريده حبيببتى
عمر باس ايد فريده: انا لو كنت خسرتك يافريده كنت
هخسر كل حاجه حلوه بجد.كنت هخسر نفسى ... بحبك
فريده : بحبك
قعد عمر وفريده ع البحر لفتره من الوقت وهما ماسكين ايد بعض
وبعدين فريده بصت ع الوقت لاقته الفجر هيأذن ونسيوا نفسهم
وهما راجعين ف الطريق عمر ماسك ايد فريده
فريده : كده مش هتعرف تسوق انا مش هطير
عمر: انا مش هسيبك ابدا متحاوليش
فريده بتضحك وبصت ع موابيلها لاقت رساله من رامى لما ترجع تكلمه
فريده : اوووبس نسيت الموبيل سيلنت ورامى اتصل كتير
عمر بيضحك: رامى هاهاهاهاهاهاها
فريده : ايه بيضحكك
عمر: اصلى افتكرت نكته رامى قالهالى من يومين
فريده: ايه هى ضحكنى ولا هى قليله الادب
عمر: بعدين هقولك نكت مش نكته
فريده: رخم
عمر: وبحبك
________________________________________
فى الوقت ال مشيت فريده مع عمر
كان خالد واقف قدام الفندق لما فريده مشيت وظهر رامى وسئل ع فريده
رامى: خالد .. هى فريده منزلتش
خالد بيبتسم: فريده مشيت
رامى: ليه كده مش هتخرجوا
خالد: مشيت مع عمر
رامى اتخض واتعصب: عمر .. وانت سبتها كده لا هكلمها ترجع
خالد مسك ايد رامى : اهدى بس تعالى نشرب حاجه ونتكلم
راح رامى وخالد يقعدوا ف كافيه ورامى كان متعصب اوى
خالد : اهدى يا رامى علشان نتكلم
رامى بعصبيه: سيبتها معاه ليه دى خلاص ما صدقت انها نسيته
خالد : فريده مش نسيت عمر
رامى بصله: ايه
خالد: فريده لسه بتحب عمر وبتحبه اكتر من الاول
فريده ولا نسيت ولا هتنسى عمر
رامى متفاجئ من كلام رامى : انت بتقول ايه
خالد اخد نفس : انا منكرش انى اتشديت لفريده وحبيتها
وعرضت عليها الارتباط .. لكن لاقيت فريده نفسها مش معايا
فريده ال كانت الفتره ال فاتت معانا جسم فريده بس
روحها وقلبها مع عمر ودا مش بارادتها لانها حبت عمر بجد
رامى متنح من كلام خالد : خالد ..انت
خالد اخد نفس : انا روحت اتكلمت مع عمر
رامى اتصدم مقدرش ينطق
خالد: اتكلمت مع عمر واتاكدت انه بيحب فريده فعلا زى ماهى بتحبه
والصح انهم يبقوا مع بعض مش بعاد عن بعض ...وانا قصدت الموقف ال حصل من شويا انه يحصل
رامى : خالد انت بتقول ايهه
خالد باابتسامه ع وشه: رامى ال حصل دا قدر ومفيش رجوع ف سهم اضرب خلاص وصاب رامى احنا ال نقدر نعمله دلواقتى الحاجه الوحيده اننا ندعيلهم بالسعاده ويفضلوا مع بعض
رامى : انا بجد مش متخيل انسان يعمل كده بتضحى بحبك بدل ما تحافظ عليه
خالد باابتسامه : حب من طرف واحد مش حب مكتمل
محكوم عليه بالفشل .. الحب من طرفين مكتمل احتماليه استمراره كبيره
وانا ميهمنيش نفسى اد ما تهمنى فريده وحياتها وسعادتها فين ومع مين
دا المهم دلواقتى يا رامى ... انا مكتفى بصداقه فريده
لانى مهما قابلت مش هقابل شخصيه زيها
رامى مندهش ومش عارف يتكلم : انا مش عارف اقولك ايه
خالد : نقول ع بركه الله وال ربنا كاتبه يكون هيكون واحنا نساعدهم يفضلوا مع بعض القدر لما بيجمع بين اتنين صعب يتفرقوا حتى لو فارقوا الاجساد
قعد رامى مش مصدق ال سمعه من كلام خالد وفضل باصصله وخالد بيحاول يرسم ابتسامه ع وشه لكن من جوه كان بيتقطع وقلبه وجعه اوى بس لا محال ...!!!
_________________________________
وصل عمر فريده لغايه البيت وبصت ع الساعه كان خلاص ساعه والصبح يظهر
فريده : ياااه انا عمرى ما عملت انى افضل بره طول الوقت دا لتانى يوم
هروح الشغل فاصله هنام وابقى ارفدنى بقى
عمر ماسك ايد فريده : ارفدك علشان تسيبى الشغل وتبقى معايا ف المكتب ع طول
فريده بتضحك: مش لدرجه ديه
عمر باابتسامه ع وشه: ضحكتك حلوه اوى يا ديدا
فريده بتبص ل عمر : علشان انت معايا
عمر بيقرب من فريده هيبوسها فريده اتوترت بصت ع الساعه : ايه دا .. ايه دا
انا اتاخرت اوى يادوب البس واروح الشغل يلا سلام
فتحت فريده باب العربيه وهتقوم عمر شدها قعدت : فريده
فريده متوتره: ها ..ايه
عمر بيضحك: متتاخريش واعرفى انك هتبقى تحت المراقبه ها
هستناكى
فريده : ان شاء الله يلا سلام
عمر: لااله الا الله
فريده باابتسامه وخجل: سيدنا محمد رسول الله
ونزلت فريده طلعت ع الشقه بسرعه ودخلت براحه ودخلت ع اوضتها
وهى هتطير من السعاده ومسكت السلسله وحضنتها اوى
ومش مصدقه ال هى فيه بجد ولا حلم ورمت نفسها ع السرير : مكنتش اتخيل ان الحب حلو كده ياعمر افندى
_________________________________
تانى يوم لا عمر ولا فريده ناموا فريده نزلت بدرى راحت ع شغلها وع وشها ابتسامه ومش باين عليها قله نوم ولا ارهاق وكانت نشيطه اوى وعماله تضحك وتهزر مع الكل
كانت ف المطعم عمر بعتلها رساله
**فطرينى **
بصت فريده ليه وع وشها ابتسامه وراحت تختارله الفطار
وجابته ورجعت تحطه ع الترابيزه وهى واقفه مسك ايدها عمر ف الخباثه
فريده اتنفضت: ايه دا الناس
عمر : انا مش شايف حد ..انا مش شايف غيرك
وحشتينى
فريده بتضحك: لا كده انا هترفد وانت هترجع لندن
عمر : لا متخافيش الامن مثتتب وبعدين كلها كام يوم والكل هيعرف
ان انتى مدام عمر رافت مستقبلا ومحدش هينطق بكلمه
فريده شدت ايدها : ياعمر رافت احنا ف شغل ..
اتفضل افطر يااما مش هنزل المطعم تانى وجوع بقى
عمر بيضحك: هتهربى منى ..مش هتعرفى المنطقه كلها محاصره
ضحكت فريده وظهر خالد من بعيد شاف فريده وعمر وهما بيضحكوا وباين عليهم السعاده راح قعد ع ترابيزه وفريده مشيت من عند عمر ومااخدتش بالها ان خالد موجود ومركزه ع عمر اغلب الوقت وبتوزع ابتسامات .. بتكلم زميلتها لمحت خالد راحت لعنده وع وشها ابتسامه كبيره
فريده : مستر خالد .. صباح الخير
خالد باابتسامه: صباح الفل
فريده: انا اسفه جدا ع ال حصل امبارح دا اصل ......
خالد قاطعها باابتسامه : سيبى امبارح لمبارح خلينا ف انهارده وباين انك احسن من امبارح ودا المطلوب المهم يا ديدا الابتسامه دى مترحش دا طلبى ليكى ممكن
فريده بتبتسم: هتروح فين اهى موجوده
خالد وهو بياكل : انا مسافر بكره
فريده : ايه ..ليه كده مش قلت انك قاعد فتره
خالد باصص لفريده نظره حزن وابتسامه : ال كنت موجود علشانه خلاص وبعدين هرجع تانى انا مليش غيركم ولا بتزهقوا من اصحابكم
فريده: داانت منورنا والله
فى حد نادى ع فريده : استاذنك انا والف هنا وقبل ما تمشى لازم اشوفك
خالد: اكيد ان شاء الله
راحت فريده لنزيل تانى ف المطعم وجتلها رساله وكانت من عمر
**خفى ابتسامات ال ببلاش دى **
بعتتله رساله
*وانت مالك افطر وامشى **
بعتلها
**انتى مالى وقريب حلالى ومش ماشى دا فندقى **
بعتتله
** يبقى انا ال همشى من المطعم **
ولسه هيرد لقاها فعلا سلمت شغلها لزميلتها وخرجت من المطعم راحت بره ع البسين قعد متغاظ عمر وبعتلها
**لما اشوفك ماشى **
وقام طلع مكتبه وفريده بره ع حمام السباحه شافت رامى
رامى: ديدا
فريده: روميو باشا
رامى: مكنتيش بتردى ع اتصالاتى ليه والرساله مشفتهاش
فريده اتوترت واتحرجت من رامى انها نفضتله فعلا
فريده: ها ..لا اصلى كنت ف مشوار والموبيل
رامى بيضحك: مبتعرفيش تحورى يا ديدا .. خلاص انا عرفت كل حاجه
عرفت انك كنتى مع عمر وال انا شايفه دا ع وشك وع وشه يقول ان المراد تم خلاص
فريده بكسوف: بجد مش عارفه ايه حصل ..
كله حصل كده وكنت هقولك اول مااشوفك ماانا لازم احكيلك
رامى : تحكيلى.... امممممممم ماشى ليكى قعده بس المهم انتى مبسوطه يا ديدا
فريده بسعاده : هطير من السعاده يا روميو بجد مش كنت متخيله ان الحب احساسه روعه كده احساس ملوش وصف راحه وامان وسعاده ... قدرى ال كنت مستنياه يا روميو لقيته
رامى باابتسامه: يارب يدمها عليكى ودايما سعيده يا ديدا
فريده: واشوفك ف سعاده وهنا مع هنا فى بيتكم
رامى: وبنتنا فريده الصغيره متنسيش
فريده بتضحك: لا منستش ربنا يسعدكم
رامى خبط ع كتف فريده: يارب اشوفك دايما كده
فريده : يلا روح لشغلك ولينا قاعده
رامى : اكيد هشوفك علشان مسافر لحج تعبان وهروح اشوفه ونتكلم ف موضوع هنا بالمره عاوز اخلص
فريده: يااااااااه يعنى هسمع خبر يفرحنى
رامى بيغمز لفريده: اكيد الفرحه ال فيها انتى مش مستنيه افراح تانى ولا ايه
فريده : عيب يا روميو انت الاصل
رامى : وعمر
فريده: امشى يلا
رامى بيضحك : يلا اراكى ليلا ف الجونينه
فريده: تحت الشجره
ضحك رامى ومشى وفريده راحت تكمل شغلها لاقت رساله من عمر
**وحشتينى **
شافتها ابتسمت وراحت تكمل الشغل
________________________________________
عاشت فريده وعمر احلى ايام ف حياتهم من الارتباط واهتمام وغيره وحب واحتواء بين الاتنين مرت فتره صغيره و الاتنين حسوا انهم ف دنيا لوحدهم ومفيش حد معاهم ... حسوا ان هما مع بعض كفايه
فى يوم فريده موابيلها رن وكان عمر وردت
عمر: ديدا الحقينى
فريده اتخضت : فى ايه ياعمر
عمر بصوت واطى : وحشتينى
فريده : يخرب عقلك خضتنى ينفع كده
عمر : اصل انا حسيت انى لو مش كلمتك هيحصلى حاجه
فريده : عمر اقفل
عمر بيضحك: اتخضيتى بجد
فريده بنرفزه: اقفل مش طايقاك حد يهزر كده
عمر: واهون عليكى
فريده ضحكت : اه تهون
عمر : اعمل ايه بحب هبله بجد ..
يعنى لو ف حاجه هقولك يا ديدا هدلعك يعنى
فريده بتضحك: اه صح .. ف المصايب الاسماء بتتقال مش الدلع
عمر: بحبك
فريده : ها
عمر: بحبك
جه ويتنج لفريده وكان خالد
فريده: يلا اقفل علشان معايا تليفون
عمر بص ف الساعه: الساعه 12 مين هيكلمك دلواقتى
فريده : بفكر اخونك وهجرب
عمر اضايق: لا الحجات دى مفهاش هزار
فريده بتضحك: احسن رديتلك ال عملته فيا تستاهل
عمر : ماشى يا ديدا .. اعملى حسابك بكره من الصبح انتى معايا
فريده : نعم دى اجازتى وعاوزه ارتاح
عمر : انا قلتلك اهو هتلاقينى الساعه 8 قدام البيت تنزلى بدل ما اصحى المنطقه كلها
فريده : خلاص خلاص .. يلا اشوفك بكره
عمر : بتقلبينى
فريده: بصراحه ف تليفون مهم يلا باااااااااى
وقفلت فريده علشان تلحق ترد ع خالد وعمر اضايق
فريده: سورى يا خالد كان معايا تليفون
خالد : حقك ياعم .. المهم ممكن تنزلى ل 5 دقايق بس
فريده : انزل ...هو فى حاجه
خالد: متقلقيش انا عاوز اسلم عليكى لان طيارتى كمان ساعتين
فريده متفاجئه: بسرعه كده ..
ثوانى وهبقى تحت استنانى ف الجنينه ال قدام السكن عند الشجره الكبيره
قفلت فريده ونزلت راحت ل خالد استقبلها باابتسامه
فريده بملامح زعل : خالد .. كده تسافر بسرعه يعنى ولا انت ورامى مسافر كمان
خالد بيغمز : بس عمر هنا
فريده ابتسمت: لا بجد هتسافر بدرى ليه كده مش قلت الاسبوع الجى
خالد: مفرقتش يا ديدا انهارده من الاسبوع الجى النتيجه واحده
وبعدين انا مش هقطع راجع تانى متقلقيش لازم اطمن عليكى بنفسى
فريده: والله هتوحشنا
خالد بيبص لفريده نظره شوق: وانتى .,,, انتم كمان جداا
المهم خدى الكارت دا فى ارقامى كلها كلمينى وقت ما تحبى
متقطعنيش
فريده اخدت الكارت : عيب داانا هزهقك وانت كمان كلمنى ف اى وقت
خالد: ف اى وقت
فريده بتضحك: انا فاهمه قصدك .. بس لا كلمنى ف اى وقت
لانك فعلا هتوحشنى جدااا وعاوزه اسمع اخبار حلوه وفرح قريب او خطوبه
خالد باصص لفريده لحظات : يلا اقولك سلام انا
مد ايده خالد يسلم ع فريده وفريده مدت ايدها
خالد من غير ما يحس ضغط ع ايد فريده ومش كان عاوز يسيبها وفريده لاحظت بس عملت انها مااخدتش بالها
فريده بتضحك: خالد ..توصل بالسلامه وابقى طمنى عليك لما توصل
خالد انتبه لنفسه وساب ايد فريده : ان شاء الله ..يلا اطلعى وسلميلى ع عمر ورامى
فريده : ان شاء الله
خالد مشى فريده ندهت عليه
فريده : خالد
خالد لف بصلها : ها
فريده باابتسامه : لا اله الا الله
خالد : سيدنا محمد رسول الله
مشى خالد وعمال يخبط باايده ع قلبه ال وجعه سافر واخد قرار يحافظ ع فريده وصداقتها وانه مش عاوز يخسرها
_______________________________
تانى يوم الصبح فريده كانت جاهزه بصت من الشباك لقت فعلا الساعه 8 عمر واقف بالعربيه تحت البيت نزلت بسرعه ركبت معاه
فريده: يا صباح القلق
عمر بيضحك: يا صباح فريده ال زى الورد
فريده بتضحك: حلو صباح فريده دا داانت عليك كلام .. ها هتودينى فين
عمر : لا انهارده سيبيلى نفسك
فريده : لو فكرت تخطفنى هبلغ عنك قلتلك اهو مش علشان لوحدى يعنى
عمر : لوحدك ومعايا ازاى
فريده : ها
عمر: انهارده يومى انا وفريده بس
فريده بتضحك: يلا بينا
طول الطريق عمر ماسك ايد فريده وفريده ع وشها ابتسامه سعاده
حاسه انها ف دنيا تانيه والسعاده ال كانت بتدور عليها لاقتها
وصلوا لغايه شط البحر وفريده عماله تبص حواليها
فريده: احنا هنعمل ايه هنا
عمر: انزلى وانتى ساكته
فريده نزلت عمر مسك ايدها وراحوا ناحيه مرسى يخت كان واقف
عمر: يلا بينا
فريده متفاجئه : هنركب يخت
عمر بيضحك: انتى مذبهله ليه كده دا اليخت بتاعنا وكتير بنقضى فيه ايام لما بنيجى
فريده : انا اول مره اشوف يخت فيس تو فيس
عمر بيضحك: طيب يلا علشان اعرفكم ع بعض ادخلى
طلعت فريده ودخلت اليخت واذبهلت بشكله من جوه احدث تجهيزات وشيك
عمر مسك ايدها: كل ال نفسك فيه انهارده اعمليه
فريده باصه لعمر : كله كله
.. عمر قرب منها : كله كله انتى انهارده الملكه تؤمرى تتطاعى
فريده اتحرجت وعلت صوتها : تعالى ورينى فوق كده فيه ايه
ضحك عمر وطلعوا فوق ع سطح اليخت وعمر ادى امر بانهم يتحركوا
واتحرك اليخت وفريده مستمتعه بالجو وعمر فرحان لان فريده فرحانه
وباين عليها ...
عمر بابتسامه ع وشه : الملكه تفطر ايه
فريده بتضحك: انا هصدق كده
عمر : انا قلتلك انهارده تؤمرى تتطاعى ..
فريده قعدت بتناكه: امممم فطرنى ع ذوقك ولو معجبنيش ليك عقاب
عمر : ايه العقاب
فريده : لا يا ناصح لما اشوف الفطار الاول
عمر ادى امر بتحضير الفطار ووصل الفطار وكان فطار ملوكى بمعنى الكلمه
فريده باندهاش: ايه دا .. دا زى ال بشوفه ع النت بره مصر
عمر مسك ايد فريده وباسها : ملكتى ومولاتى ال نفسها فيه يجلها لغايه عندها .. تتمنى تجاب
فريده : لا كده هتغر
عمر : براحتك اليوم انهارده بتاعك
فريده طيب يلا نفطر بقى
عمر : يلا
فطروا وسط ضحك وهزار وبعدين قعدوا يتفرجوا ع شكل المايه
عمر قاعد جنب فريده وحاطط ايده ع كتفها وهى سانده راسها ع كتفه
فريده بتتنهد : ياااااااااااااه
عمر: مالك
فريده بصوت كله فرحه: مكنتش اتخيل ان انا فى يوم هشوف كده
عمر : طبعا من غيرى مش كنت هتشوفى اليوم دا ولا يوم تانى
فريده : ليه هتعمى
عمر : بعد الشر .. دا لان مفيش حاجه من غيرى ليها طعم ولا ايه
فريده باابتسامه: حقيقه بجد ..معاك كل حاجه ليها شكل تانى
انا مش كنت اتخيل ان قدرى بالجمال والسعاده دى
عمر بيضحك: قدرك
فريده عدلت راسها: هو انا مقولتلكش ع حوار قدرى
عمر: لا احكى
فريده: اممم انا كنت مستنيه قدرى ال هعيش معاه
ومش كنت مستعجله ع حب ولا ارتباط
عمر : كنتى مستنيانى
فريده بتغمزله: او انت ال كنت مستنينى
عمر : حقيقى كنت مستنيكى ...
كنت مستنى قلبى يدق بجد من غير خوف
كنت مستنى احس بالراحه ولو للحظات معاكى بقى بالايام
كنت مستنى احس بالسعاده ال كنت مفتقدها من زمان
كنت مستنيكى تاكديلى ان عمرى ما حبيت الا انتى بس ال حبيتك
كنت مستنيكى تكملى معايا عمرى ونعمل عيله صغيره بالحب ونعلم ولادنا يعنى ايه حب
فريده من جمال الكلام مش مصدقه نفسها : بجد دا حقيقى ولا انا بحلم
عمر باس ايدها: حقيقى وهيفضل حقيقى الاحلام وقتها خلص
فريده من سعادتها وقفت : انا سعيده انا فرحانه
عمر بيضحك
فريده بتبص لعمر : اكيد بتعرف تعوم
عمر : اه ليه
فريده شدته من ايده وراحت عند طرف اليخت وماسكه ايده
عمر متفاجى: هتعملى ال بفكر فيه
فريده باسته من خده : ايووووه هنننننننننننننننننننننننننننننط
ونطوا ف المايه فريده وعمر وكانت لحظه مجنونه منهم
قعدوا يعوموا ويهزروا ف البحر وحضن عمر فريده وكان هيستغل الفرصه وبيقرب منها وهيبوسها لكن فريده غطست وهربت من الموقف
وعمر بيضحك وبعد شويا طلعوا وكان عمر محضر ليها هدوم تانيه
فريده: انت مظبط كل حاجه انهارده
عمر : مولاتى لازم كل احتياجاتها تكون موجوده
فريده : اممممم طيب انا نفسى ف ايس كريم
عمر بيضحك : موجود
فريده : عاوزه ايس كريم مانجو ع شيكولاته ع بندق
عمر :ثوانى وهيكون عندك
وهما قاعدين الايس كريم وصل وفريده استقبلته بسعاده وهى جنب عمر
عمر شايف سعادتها وطفوليتها ف التصرفات وهى بتاكل الايس كريم ومستمتعه حس عمر انها نفضتله علشان الايس كريم
عمر : هو الايس كريم بتحبيه اوى كده
فريده وهى مستمتعه: امممم داانا بموت فيه بعشقه
عمر اضايق راح خبطها الايس كريم وقع منه ع شفايفها وحرف مناخريها
فريده بزربنه: ايه دا ايه الهزار دا ياعمر
عمر : انا تحبينى وتعشيقى وتموتى فيا ..
ايه الايس كريم ال تحبيه اكتر منى دا
فريده بعد ما اضايقت قعدت تضحك: يخرب عقلك انت غيرت من الايس كريم
عمر : اغير من الهوا ال يعدى من جنبك وتحبيه اكتر منى
فريده : بس انا مهما قابلت انا بحبك انت بس
عمر : وانا بعشــقك
فريده بتدور ع مناديل : هى راحت فين المناديل
خلينى امسح شغل الاطفال دا والزروطه دى
عمر بيبص حواليه: باين مفيش هنا .. استنى هقولهم يجيبوه من جوه
فريده راحت ماده ايديها وهتمسح: هو انا لسه هستنى
عمر مسك ايدها: ايه ال بتعمليه دا
فريده : ايه همسح ال ع بوقى دا مضايقنى
عمر بصلها وبص ع شفايفها وهو ماسك ايديها : مضايقك .. هريحك منه حالا
قام عمر قرب منها وبشفايفه مسح كل الايس كريم ال ع شفايف فريده
وفريده تنحت من المفاجاءه ورجع عمر وشاف كله اتمسح خلاص راح باسها بوسه خطف
عمر : كده كله تمام مفيش ولا فتفوته
فريده متصلبه وتنحه
عمر بيضحك : فريده .. ديدا مالك
فريده بتبص ل عمر وهى متنحه للحظات وبعدها راحت خبطته
فريده بتوتر : انت بتستغل اى فرصه وخلاص ايه دا
عمر : الله مش انتى بتقولى انه مضايقك انا ريحتك منه
فريده بتوتر : تقوم ت,, ت,,, تعمل كده
اومال عملوا المناديل ليه ها ليييه
عمر بيضحك : ت,, ت,, ت,, ايه هو انا بوستك تحبى ابوسك علشان ابقى بوستك صح وبعدين ماهو مش كان فى مناديل وانا اتصرفت والايس كده بصراحه احلى
فريده اتكسفت وخبطته تانى
عمر بيضحك: ايه يا ديدا بصراحه مرضتش ان المنديل يتحط ع شفايفك
فريده تنحتله : شويا الايس كريم ودلواقتى مناديل شويا تقولى مش مريحنى هدومك عليكى
عمر بيضحك وبيغمز ليها : لو قلت هتعملى ايه ها ها ها ,,
فريده راحت خبطته : بطل قله ادب
.. مش انهارده انا مولاتك .... مولاتك بتؤمرك تقعد بأأدبك ممكن
عمر بيضحك: حاضر تمام
فريده ديرت وشها وحط صوابعها ع شفايفها وابتسمت وكانت متفاجاءه من ال حصل وقضت اليوم فريده مع عمر وكان من اسعد الايام ف حياتها
خلص اليوم وعمر طول الطريق ماسك ايد فريده وع وشهم ابتسامه مش بتروح وضحك مستمر وصل عمر فريده لغايه البيت ونزلت طلعت السكن دخلت اوضتها لاقت موابيلها بيرن
ردت : الو
عمر: وحشتينى
فريده: انا لسه سيباك
عمر: ممكن تبصى من الشباك بس للحظه
فريده : لا
عمر: علشان خطرى
فريده : حاضر

خرجت فريده تبص من الشباك وكانت الساعه 11 بليل لقت عمر قاعد ع العربيه من فوق
فريده والموبيل ع ودنها :ايه ال انت عامله دا انزل
عمر: مش هنزل الا لما اقولك حاجه
فريده بتبص ع الجيران : ها ايوه
عمر ساب الموبيل و وبصوت عالى :بحبــــــــك يا فريده
فريده تنحت : يا مجنون
عمر : اشوفك بكره
بعتلها بوسه ونزل ركب العربيه ومشى وزمايلها ال ف السكن سمعوا ودخلت فريده بسرعه ع اوضتها من الكسوف
ورمت نفسها ع السرير وبعتت ل عمر رساله
***بحــــبك يا قدرى ***
غيرت ودخلت ع السرير تنام من السعاده مش عارفه تنام
عمال تعيد ف احداث اليوم من اوله لااخره وافتكرت بوسه الايس كريم
وحطت ايدها ع شفايفها وابتسمت ونامت وهى ف منتهى السعاده
وهو داخل موظفه الريسبشن نادت عليه
موظفه الريسبشن : مستر عمر
عمر: ايوه
موظفه الريسبشن: فى نزيله جت انهارده وكانت طالبه حضرتك بس موبيلك كان مقفول
عمر استغرب: ماقلتش اسمها ايه
موظفه الريسبشن: سابت الكارت دا لحضرتك
مسك عمر الكارت ولسه هيقرا وسمع صوت من وراه بينده عليه : عمر
راح بيبص ع الصوت: ياسمين
_________________________


(10)

وصل عمر فريده لغايه البيت ونزلت طلعت السكن دخلت اوضتها لاقت موابيلها بيرن
ردت : الو
عمر: وحشتينى
فريده: انا لسه سيباك
عمر: ممكن تبصى من الشباك بس للحظه
فريده : لا
عمر: علشان خطرى
فريده : حاضر
خرجت فريده تبص من الشباك وكانت الساعه 11 بليل لقت عمر قاعد ع العربيه من فوق
فريده والموبيل ع ودنها :ايه ال انت عامله دا انزل
عمر: مش هنزل الا لما اقولك حاجه
فريده بتبص ع الجيران : ها ايوه
عمر ساب الموبيل و وبصوت عالى :بحبــــــــك يا فريده
فريده تنحت : يا مجنون
عمر : اشوفك بكره
بعتلها بوسه ونزل ركب العربيه ومشى وزمايلها ال ف السكن سمعوا ودخلت فريده بسرعه ع اوضتها من الكسوف
ورمت نفسها ع السرير وبعتت ل عمر رساله
***بحــــبك يا قدرى ***
غيرت ودخلت ع السرير تنام من السعاده مش عارفه تنام
عمال تعيد ف احداث اليوم من اوله لااخره وافتكرت بوسه الايس كريم
وحطت ايدها ع شفايفها وابتسمت ونامت وهى ف منتهى السعاده
وصل عمر الفندق وكان طاير من السعاده وكل ال يقابله يلاحظ ضحكته ال مش بتختفى وهو داخل موظفه الريسبشن نادت عليه
موظفه الريسبشن : مستر عمر
عمر: ايوه
موظفه الريسبشن: فى نزيله جت انهارده وكانت طالبه حضرتك بس موبيلك كان مقفول
عمر استغرب: ماقلتش اسمها ايه
موظفه الريسبشن: سابت الكارت دا لحضرتك
مسك عمر الكارت ولسه هيقرا موبيله رن وكان باباه :
عمر بصوت مبسوط: الباشا الكبير
باباه: ايه السعاده دى كلها ربنا يدمها عليك
عمر : وعليك يا رافت بيه ..اخبار صحه سعادتك ايه
باباه: الحمد الله ..
عمر: انا قريب هاجي علشان نرتب لفرح هنا وكنت عاوز افتحك ف موضوع مهم
باباه: ياااااه اخيرا وانا ال كنت فاكر هتتعبنى معاك لغايه ماتوافق
عمر: عاوز افرحك يا رافت بيه مش دا امنيتك
باباه: دى اكبر فرحه عندى لما اشوف هنا مع رامى وانت مع ياسمين ف كوشه واحده
هيبقى فرح الكل هيتكلم عليه
عمر تنح لما سمع ياسمين: مين
فى الوقت دا سمع صوت من وراه بينده عليه : عمر
راح بيبص ع الصوت: ياسمين
ياسمين باابتسامه: ازيك ياعمر
باباه ع التليفون: ياسمين نزلت مصر مخصوص علشان تشوفك عاوزها ترجع مبسوطه ومتفقين ع كل حاجه
عمر من صدمته وانه اتحط قدام امر الواقع مش كان عارف يرد
باباه: عمر ..عمر ... انت روحت فين
عمر : هبقى اكلمك تانى يا بابا سلام
قفل عمر مع باباه ومتفاجئ بوجود ياسمين قدامه
ياسمين: ايه مالك ..
عمر : اصلى اتفاجئت
ياسمين: انا حبيت افاجئك اخر مره كنا فى حفله الشركه من سنه ومن بعدها كل ما نبقى معزومين عندكم انت تكون ف مصر .. فقلت اجى انا ليك
عمر : ها .. اهلا بيكى
ياسمين بتضحك: عمر انا مش متعوده عليك كده انت فى حاجه
عمر اتوتر واتلغبط: طول اليوم كنت بره ومصدع وعاوز اريح شويا انتى اكيد حجزتى .. بكره نتقابل ونكمل كلامنا اتفقنا
ياسمين: اتفقنا اشوفك بكره
راحت ياسمين مقربه من عمر تبوسه ع خده راح عمر وقفها
عمر : لا اسف مش هينفع
ياسمين: انا مش قصدى حاجه وحشه وبعدين كان عادى بينا
عمر بابتسامه بارده : اسف مش هينفع اشوفك الصبح سلام
استغربت ياسمين من حركه عمر لانه كان عادى قبل كده ومش بيعترض ومشيت ومشى عمر راح اوضته ومسك راسه وهو متلغبط ومش فاهم ايه ال حصل دا وعمال يكلم نفسه :
عمر: تانى يا بابا انت مصمم برضه ع كده وبتحطنى قدام الامر والواقع علشان مرفضش ... وخليتها تيجى لغايه هنا كمان ...
تليفون عمر رد وكانت رساله من فريده بص عمر لاسم فريده
عمر: وفريده ..فريده.. فريده انا لازم اتصرف قبل ما يوصلها اى حاجه

___________________________________________
تانى يوم الصبح ف المطعم نزلت ياسمين وسئلت ع عمر وكان لسه منزلش من اوضته راحت تفطر وتستناه ف الوقت دا فريده كانت نازله من السكن رايحه الفندق وهى نازله وخارجه من العماره لاقته عمر قاعد ع العربيه من قدام ومستنياها ومربع راحت فريده عليه بسرعه وهى بتضحك
فريده: ايه ال بتعمله دا وقاعد كده ليه
عمر : يوجا متعرفيش اليوجا
فريده بتضحك : يوجا هنا قدام العماره .. هى موصفالك ولا ايه
عمر شال النضاره من ع عنيه : موصفولى اشوف الضحكه دى ف اول اليوم علشان يكمل يومى واعرف ابتديه
فريده اتكسفت : بس بقى
عمر : يؤغتى ع الكسوف ..بموت فيكى ف كل حالاتك ماتجيبى ها ..
فريده اتحولت : نعم ..عاوز ايه
عمر اتخض: ياما .. اقصد هاوتش هاعصير افطر افطر يا مؤمنه
فريده : كنت بحسب
عمر: لا انتى كنتى ادبى هاههاهاهاهاها
فريده خبطته ف كتفه : لا انت جى تستظرف عليا هنا
عمر بملامح سهوكه: عاوز افطر يا ديدا
فريده باابتسامه: يلا بينا نفطر ..
وهما ماشيين وقف عمر : انتى رايحه فين
فريده: هنفطر ف الفندق علشان مش اتاخر ع الشغل
عمر مخضوض: فندق ..ودلواقتى لا ..تعالى ف محل هناك بحب سندوتشاته وانا عازمك
راح شادد ايد فريده لاتجاه التانى ..فريده: والشغل هتاخر
عمر: لا مش هتتاخرى متقلقيش

راح عمر وفريده المطعم وطلبوا الفطار وعمر بيبص ع فريده ومش بياكل وفريده كانت بتاكل فريده لاحظت انه بيبصلها بس كده :
فريده : انت جايبنى هنا علشان تتفرج عليا مش تفطر ولا ايه
عمر باابتسامه: اعمل ايه عينى مش عاوزه تشوف غيرك
فريده بتضحك: بس بطنك اكيد من الجوع عاوزه تاكل
مسكت سندوتش فريده وقربته من بوق عمر : يلا كل وانت باصصلى علشان تاكل وتهضم مع بعض
ضحكت فريده راح عمر مسك ايدها وهى ماسكه السندوتش وبدل ما ياخد قضمه من السندوتش راح باس ايديها ..فريده تنحت واتحرجت من الناس راح عمر مسك السندوتش من ايديها وحطه ف الطبق وقرب وشه من كف ايديها وباسها ...
عمر : انتى عارفه دا معناه ايه
فريده متفاجئه ومش مجمعه : ها .. اسمه دلع سيب ايدى
عمر فضل ماسك ايدها وباس كف ايدها تانى : دا معناه ان انا ملكك .. انتى ملكتينى ومفيش حاجه ف الدنيا هتبعدنى عنك فاهمانى
فريده باابتسامه: ايه بتقول ليه كده انت هتهاجر ولا ايه
عمر : لا عاوز اطمنك وااكدلك ان انتى الوحيده ال ف حياتى ومفيش غيرك ولا هيكون ف غيرك يا ديدا
فريده باابتسامه: ولا فى غيرك ف حياتى لانك انت حياتى ال عيشاها وكنت مستنياها .. بحبك
عمر : بموووت فيكى
فريده اتوترت: بس انت كده هتموت من الجوع يلا افطر ولا ااكلك
عمر بيضحك: اه .. اكلينى
قام عمر قعد جنبها ع الكرسى وفتح بوقه : هااااااا
فريده بتضحك : الناس ياعمر لاحظ انك صاحب القريه دى كلها
عمر باصص لفريده : انا صاحب وملك فريده بس
بيقرب عمر من فريده وهيبوسها راحت فريده حطت خياره ف بوق عمر
فريده: بتتكلكك انت كل يلا هتاخر
عمر : بمووت ف هزار البوابين دا ...
فريده: من عنيا يا حبيبى اوريك هزار البوابين ع حق متقلقش اصبر
عمر : صابر هو انا ورايا غيرك يا عمرى انا
فريده : يلا بقى هتاخر
قعدوا فطروا الاتنين وهما ماشين عمر ماسك ايد فريده وفريده كانت سعيده اوى ان عمر معاها راح عمر وقف لحظه
فريده: ايه ف حاجه
عمر: فريده: عاوز اقولك حاجه بس عاوزك تفهمينى
فريده : الله .. حلو اوى شغل الافلام شكلك كنت بتودعنى ياعمر اهون عليك اهون عليك
عمر بيضحك: لا بكلمك بجد مش هزار
فريده : سمعاك خير
عمر : ف نزيله ف الفندق اسمها ياسمين
فريده: مسمعتش الاسم دا وبعدين مالها
عمر كان متردد : بصى خلاصه الحوار دى بنت صاحب بابايا وجايه يومين ولو لاقيتها معايا دا علشان مش اسيبها لوحدها ضيافه وكده
فريده بصت لعمر : عمر .. ايه ال عاوز تقوله
عمر: بصى بصراحه دى عروسه بابا مختارها ليا وكده .. انا هتصرف متقلقيش هو ميعرفش عن موضوعنا لسه علشان كده مستجعل عاوز احفاد وكده .. انا هسافر هتفاهم معاه وهاخد موافقته اكيد ..بس علشان لو شوفتيها معايا كنت عاوزك تفهمى الموضوع علشان عارفك يا بيبى قدام وسوسه الشيطان ضعيفه وهتصدقيه
فريده اتاخدت لكن مبينتش لعمر وضحكت وقربت منه : ومين دى ال تفكر تاخدك منى داانا هقرقشها بسنانى ..انا اهلى صعايده مبيهزروش
عمر : اموت انا ف العرق الحامى دا
ضحكت فريده: وكنت متوتر وقلقان .. لا ولا يهمك ضيفتك يعنى ضيفنتى ومتقلقش .. انا هفهم ال انت عاوز تقولهولى مش ال انا هنجمه
عمر : هى دى ديدا حبيببتى
فريده بصت ع الساعه : حبيببتك هترجع مصر ف شوال اتاخرت يلا
مشيت فريده بسرعه وعمر يلحقها لغايه الفندق ....
________________________________________________
وصلوا الفندق ولاقى ياسمين مستنياه
ياسمين : كل دا انا كنت فاكراك ف اوضتك ومرضتش اقلقك
عمر باابتسامه: لا اصلى بحب اتمشى الصبح بدرى ..فطرتى
ياسمين: شربت عصير بس
راحت ياسمين تشد عمر من دراعه: يلا نفطر مع بعض
عمر براحه شال دراعه: لا انا فطرت حاجه خفيفه .. المهم قضى يومك ونتقابل ع الغدا تمام لان عندى شغل
ياسمين: اممممم ماشى ياعمر اشوفك ع الغدا
قربت منه تبوسه ع خده راح عمر لحقها بسرعه
وباابتسامه : اشوفك ع الغدا يا ياسمين باى
مشى عمر ومسك موبيله وبعت ل فريده
***بحبك ***
راحت ردت فريده بايموشن
وياسمين واقفه حاسه انها اتحرجت مرتين اخدت نفسها وطلعت اوضتها
_________________________________
فريده وهى بتغير هدومها لهدوم الشغل موابيلها رن بصت لاقته خالد
فريده : والله كنت هكلمك انهارده تصدق
خالد بيضحك: احنا فينا من بكش المصريين دا
عارف انا البوقين دول
فريده بتضحك: لا والله .؟؟؟ فعلا كنت هكلمك بقالك مده مبتسئلش عليا قلت مين اخدك مننا ؟
خالد : هو انا اقدر .. بس انشغلت شويا وكان ف دور برد
فريده : الف سلامه عليك .. شوفت علشان بعدت عنا
خالد : علشان بعدت عنك
فريده: بتقول ايه
خالد : اقصد .. علشان بعدجت عنكم فعلا
فريده: المهم عامل ايه دلواقتى .. خلى بالك وبلاش اهمال كده
انت لازم حد يخلى باله عليك مينفعش كده
خالد : هتدوريلى ع حد ولا ايه ما انا معايا مدير اعمالى
فريده : وهو دا ينفع لازم بقى تتجوز ويبقى ف واحده تخلى بالك منها وتخلى بالها منك يا خالد ..الاستقرار يا مستر خالد
خالد سكت لحظات: ربنا يسهل ..قوليلى صحيح انتى اخبراتك ايه كله تمام
فريده بصوت سعاده: تمام جدا جدا جدا ...
بصراحه انا بحسد نفسى ع ال انا فيه وعمر مكنتش اتخيل انه بالحنيه والطيبه والاحتواء دا ... بجد بدعى ربنا يخليه ليا ولو ف اذى ليه يجى فيا بداله
خالد قاطعها: بعد الشر عليك متدعيش ع نفسك
فريده: ماهو ال هيتأذى نفسى
خالد بعصبيه: مهما كان مين متدعيش ع نفسك يا فريده
فريده استغربت من عصبيته: ماشى ماشى .. اخلص من رامى تطلعلى انت هو انا بقيت ملطشه ولا ايه يا جدعان انا عاوزه اروح لبابا
خالد ضحك: خايفيين عليكى انتى مش عارفه انتى ايه عندنا
فريده بتضحك: والله انا كمان بحبكم جدااا ربنا يخليكم ليا
خالد: ويخليكى ليا ... رامى هنا ف لندن كلمنى كمان شويا
فريده : اها باباه تعبان وهيشوفه وكمان علشان يحدد فرحه هو وهنا
خالد: عقبالك
فريده : ياررررب تسلملى
وقفلوا كلام وقفلت راحت لشغلها وجه وقت الغدا وكانت ف المطعم وكانت ياسمين قاعده ع ترابيزه وفريده راحت ليها :
فريده: طلباتك يافندم
ياسمين : اممممم مش عارفه بصراحه
هو انتى هنا بقالك كتير ؟
فريده باابتسامه : ايوه يافندم ف حاجه
ياسمين: مستر عمر بيتغدا ايه دايما ؟
فريده اتفاجئت من السؤال : مستر عمر
ياسمين : اخر مره اتغدينا فيها كان من سنه وبصراحه معرفش هو بيحب ايه ..فانتى ساعدينى ممكن ؟
فريده حاولت ترسم ابتسامه رغم انها اضايقت : حاضر يا فندم
ياسمين باابتسامه : ميرسى ليكى .. من نفس الطلب اتنين ممكن
فريده : حاضر
مشيت فريده وهى متغاظه وعرفت انها هى ياسمين ال حكالها عليها عمر الصبح
راحت طلبت الغدا وبعتت رساله ل عمر
** الغدا جاهز مينفعش تسيب ضيفتك مستنيه كتير **
عمر شاف الرساله واتفاجئ ان فريده قابلت ياسمين بالسرعه دى وبسربعه اخد موبيله وخرج من مكتبه ونزل ع المطعم .. مش عاوز يحصل اى محادثات بين مع بعض .... دخل المطعم شاف فريده واقفه مربعه ايدها وبصاله وياسمين شاورتله باابتسامه وراح اتجاه ياسمين وشد الكرسى وقعد ..
ياسمين: كل دا تاخير هيبقى عشا مش غدا
عمر بيجمع نفسه وبياخد نفسه: كان عندى شغل ونسيت نفسى سورى
مسك عمر المينو : تحبى تتغدى ايه فى هنا ....
ياسمين : انا طلبت خلاص
عمر : طلبتى
ياسمين باابتسامه : وهتتفاجئ
شويا وفريده جابت الغدا وبتحطه ع الترابيزه وعمر اتفاجئ انه الاكل ال بيحبه ... وفريده خلصت الاكل خبطت عمر ف رجله وبصه لياسمين :
فريده: اى خدمه تانى يا فندم
ياسمين: ميرسى جداااا ...
بصت ياسمين لعمر : بصراحه هى ساعدتنى كتير هى ال طلبت الغدا دا
عمر بص لفريده وع وشه ابتسامه: ميرسى يا ديدا
فريده بتضغط ع سنانها : ع ايه يا مستر عمر الف هنا ..استاذن انا
ياسمين: انتى اسمك ديدا
فريده: لا اسمى فريده بس بينادونى هنا ب ديدا
ياسمين : مصادفه غريبه .. ع العموم اسمك جميل
فريده باابتسامه: ميرسى .. استاذن واى طلبات نادوا عليا
مشيت فريده وقفت بعيد وعنيها مركزه ع عمر وياسمين ولاحظت ياسمين بتتقرب من عمر وبتاكله لكن عمر بيتجنبها بشياكه وبياخد الاكل من ايدها وياكله هو
راحت فريده بعتتله رساله وهى واقفه
****بالهنا يا حبيبى يارب تزور ***
شرق عمر وهو بيقرا الرساله راحت ياسمين ادتله كوبايه مايه
وبص لفريده وضحك وفريده بصتله ومشيت تشوف طلبات ترابيزه تانيه
......
ياسمين: انا مبسوطه اوى اننا بنتغدى مع بعض ياترى هنتعشى مع بعض ولا هتقولى مشغول ..لاحظ انى اجازه هنا ومسافره كمان يومين
عمر : لا طبعا هكون معاكى ..انتى ضيفتى والفندق والقريه كلها تحت امرك
ياسمين : ميرسى ياعمر
عمر : بما اننا خلصنا الغدا نقوم اخلص الشغل ال عندى واقابلك كمان ساعتين ف الهول
ياسمين ياابتسامه : اتفقنا
قام عمر من مكانه وشد الكرسى لياسمين تقوم وفريده شايفاه وهو خارج وقف يغيظ فريده : ميرسى يا ديدا اعملى حسابك وجهزى العشا لا اتنين لما ننزل
فريده بصت لعمر بغيظ وحاولت تتمالك علشان ياسمين: حاضر يا مستر عمر حاضر
ومشى عمر بيضحك وياسمين لاحظت كده ومش فاهمه بيضحك ليه
طلع عمر مكتبه وطلعت ياسمين اوضتها وفريده واقفه متغاظه بالرغم انها عارفه مين ياسمين وعمر حكالها بس الغيره اشتغلت ومش عارف تتمالك نفسها ....

نفس اليوم خلصت فريده الشفت بتاعها وخارجه من الفندق تروح السكن بتتصل ع عمر بيكنسل عليها اضايقت وحست انه مع ياسمين روحت وهى مخنوقه وهى داخله السكن لاقت ال راح حضنها من ضهرها فاجاءه اتخضت وكانت هتصوت
عمر : يخربيت كده الناس هتفتكر انى بتحرش بيكى
فريده حاطه ايدها ع صدرها وبتاخد نفسها: حد يخض حد ف الضلمه كده الله يسامحك
عمر بيضحك: اجبلك حبيببتى طاسه الخضه
فريده بصتله: يارخم .. جيت ليه كده تسيب ضيفتك وتيجى
عمر : ماانا خلعت منها ساعه وجيتلك
فريده : لا متتعبش نفسك روح ليها الضيفه عليها حق ليك
عمر بيضحك ومسك بايده الاتنين عند كتاف فريده : ديدا انتى بتغيرى
فريده بتحاول تبين انها عادى : اغير واغير ليه عادى
عمر راح حضنها : يا مجنونه ..ماانا مفهمك ال فيها هو انتى شوفتينا بنحضن بعض ولا ببوسها ICE CREAM KISS
راحت فريده زاقت نفسها وبصوت غضب: نعم .. دا ال ناقص كمان
عمر يلا امشى مش ناقصه تكدير
عمر : والله مجنونه .. انا بحب مجنونه
فريده : يارخم
عمر : بجد مفيش حاجه هى بتتعامل بطبيعتها علشان احنا نعرف بعض من زمان بس .. وصدقينى مش هيحصل حاجه يومين وهتسافر .. اتفقنا
فريده : خلاص يلا امشى
عمر : مش همشى ال لما اشوف ابتسامه ديدا
فريده ابتسمت : عمر : هو دا ال انا عاوزه
عمر: يلا همشى انا علشان ياسمين مستنيانى ع نار اصلى بوحشها
فريده راح وشها اتحول وزقته: يلا امشى من هنا
عمر بيضحك : يا مجنونه ... هكلمك قبل ما انام سلام
مشى عمر وبيضحك وفريده مبسوطه انه جالها بالرغم انه حكيلها ع الموقف
________________________________________________________

ف نفس اليوم رامى كان قاعد مع هنا ف كافيه
هنا : مضايقش نفسك يا بيبى
رامى بعصبيه: اعمل ايه مع ابوكى انا دلواقتى .. سمعت كلامه ف كل حاجه من وقت الدراسه والتخرج والشغل والمرمطه والبهدله واستحملت تناكته هو وابنه دراكولا ... ليه مش عاوز يحدد ميعاد الفرح ونخلص ..انا لسه عندى حاجات ف مصر هخلصها علشان استلم هنا
هنا بتحاول تهديه: والله يا رامى انا اتكلمت معاه وماما اتكلمت معاه هو مش معترض عليك والله ومش بيكرهكك بالعكس دا فرحان بيك لانك بقيت احسن من ماهو يتخيل ..بس الفكره هو عاوز يطمن ع عمر
رامى : مالى انا ومال عمر عاوز افهم
انا عاوز اتجوزك انتى ..انتى مش اخوكى ... اخوكى هايص ف مصر وانا لايص هنا
هنا : تحب اكلم عمر اخليه يدخل طيب
رامى : انا فكرت فيها وقلت لو اليومين دول باباكى محددش معاد انزل اكلم عمر وهو يتصرف ع الاقل باباكى بيسمعله
هنا : رامى انا حاسه بالهدوء ال قبل العاصفه
رامى : ليه ف حاجه انا معرفهاش
هنا : ياسمين ف مصر
رامى: ياسمين مين
هنا : بنت اونكل محسن شريك بابا ال بابا عاوز عمر يخطبها
رامى كان بيشرب شرق : نعم .. يخطب مين وفريده
هنا : ماهو دا ال بتكلم فيه من الصبح .. بابا مستنى عمر يوافق ع خطوبته من ياسمين ويعمل فرحه معانا
رامى ملامحه اتحولت : نعم .. وفريده .. واخوكى يعرف كده وموافق ولا ايه
هنا: لا خالص دا معترض بس بابا راح بعتله ياسمين امر واقع
رامى : انا لازم اكلم فريده
هنا : ما انا كلمت عمر قالى انه حكى لفريده ع كل حاجه وهى متفهمه
رامى: انا من الاول مش كنت موافق ع الارتباط المنيل دا ..عارف انه مش بالسهل رافت بيه يوافق ...انا قلقان ع فريده
هنا : متقلقش عمر بيحبها اوووى دا مش كان كده مع علا خالص ..عمر اتغير بيحب فريده بجد يا رامى متخافش عليها وهى معاه
رامى بملامح قلق: ربنا يستر
____________________________________________________________________
تانى يوم الصبح فريده رايحه الشغل وع وشها ابتسامه دخلت ع زمايلها ف اوضه تغيير البس علشان تلبس اليونيفورم
فريده: صباح الفل
زمايلها بصاين ليها بصات غريبه وبيتودودوا فريده استغربت لكن بعدها طنشت غيرت لبسها وخرجت تقف ف الريسبشن
وهى واقفه كانت معاها زميله ليها واقفه وفريده حست بحاجه غريبه
فريده قربت من زميلتها : شوشو هو فى ايه انا حاسه ان ف حاجه غلط ؟
شيماء : امممممم مش عارفه اقولك ايه يا ديدا
فريده اتخضت: فى ايه قلقتينى الكل بيبصلى وبيتكلم هو انا عملت حاجه ولا ايه ؟
شيماء: انتى عارفه النزيله ال اسمها ياسمين
فريده : اه مالها
شيماء : دى .. دى ... دى ..
فريده : دى ..دى .. دى ايه
شيماء : بصراحه كده دى خطيبه مستر عمر وكل الفندق عرف كده وبيعاملها ع كده
فريده اتاخدت : خطيبه عمر ..ازاى يعنى هما اتخطبوا
شيماء : يعنى انتى مش شايفه خرجوهم وقاعدهم مع بعض دا غير ان حساب اقامتها ع حساب الفندق يعنى هو ال شايل الحساب ..وباباه بنفسه اتصل بمستر عماد انهم يهتموا بفتره اقامتها هنا لان دى فرد من الاسره وخطيبه عمر
فريده : انتى سمعتى كده
شيماء: اسئلى مستر عماد .. دا بيقول احتمال فرحهم يبقى مع فرح مستر رامى وانسه هنا .. انا دا ال مش مضايقنا ال مضايقنا انتى يا ديدا ..كان بيلعب بيكى فتره ورماكى
فريده بصت ل شيماء بغضب : بيلعب ايه ورمى ايه انتى سمعتى من عمر نفسه ان دى خطيبته
شيماء: مش محتاجين نسمع لان الفندق والقريه كلها من الصبح مبتتكلمش غير ع خطيبه عمر رافت وفرحه القريب .. دا الكل كان بيبتكلم عليكم وفاكرين انكم هتتخطبوا ولا حاجه واضح انه طلع خيال
فريده واقفه متفاجئه معانها عارفه الموضوع انه عباره عن مشروع خطوبه مش خطوبه رسمى راحت زميله تانيه ليها طلبت منها تسيب الريسبشن وتروح المطعم وهى هناك شافت ياسمين قاعده وشاورت ليها وفريده راحتلها :
فريده وراسمه الابتسامه : اوامرك يافندم
ياسمين :فريده ..الفندق والقريه كلها مش بيتكلموا غير عليكى دايما ف كل مكان سامعه اسمك
فريده: دى حاجه كويسه
ياسمين بصت لفريده اوى : انتى تعرفى انا مين
فريده: انسه ياسمين
ياسمين : خطيبه عمر مستر عمر
فريده اتصلبت مكانها واتماسكت: اها ماانا عرفت الف مبروك
ياسمين: الله يبارك فيكى عقبالك
فريده باابتسامه : شكرا
ياسمين: اتنين فطار بقى من نفس فطار مستر عمر اوك
فريده باابتسامه : حاضر
مشيت فريده وقلبها وجعها اوى لانها حست ان حوار الخطوبه دا اكيد مش لسه هيحصل راحت طلبت ليهم الفطار وهى واقفه عمر نزل بص ع فريده باابتسامه وغمز ليها وهى واقفه متصلبه قعد وشايفاه بيضحك وبيهزر مع ياسمين راحت استاذنت من الشغل وروحت ع البيت دخلت اوضتها تنام
________________________________________________________
ف نفس اليوم عمر لاحظ ان فريده اختفت ومش شايفها وموابيلها مبتردش عليه ولاحظ ال ف الفندق بياركوله ع الخطوبه وياسمين بتقبل المباركه بسعاده راح وعرف ان مصدر انتشار الخبر هو عماد فراح لمكتب عماد
عماد: مستر عمر
عمر بعصبيه: عماد انا بحترمك جدا زى اخويا مش شغال عندى لكن لو هتأذينى انا ممكن اوريك الوش التانى
عماد بتوتر: فى ايه زعلك كده منى
عمر : ايه الاشاعه السخيفه ال انتشرت دى وانت ال خليتها ع لسان كل واحد
عماد : اصل ..اصل ..اصل
عمر بعصبيه: اصل اصل اصل ايه انطق
عماد : رافت بيه كلمنى وقالى ان الانسه ياسمين خطيبتك وطلب منى تتعامل ع الاساس دا وانا مقلتش حاجه ذياده غير ال اطلب منى
عمر بنرفزه: وانا مليش كلمه ولا راى ماانت شايفنى قدامك طول اليوم اسالنى مش تنفذ عميانى ..عموما حسابى معاك بعدين ف حسابيين لازم يتصافوا دلواقتى
خرج عمر متنرفز من عند عماد وفهم فريده السبب انها تختفى ..
طلع المكتب قعد يفكر وبهدوء كلم ياسمين عزمها ع العشا بره الفندق خالص وياسمين قبلت بترحاب وسعاده نزلت لاقت عمر مستنيها قدام الفندق فتحلها العربيه ركبت ووصلوا لمكان وقعدوا وطلبوا الاكل ..
ياسمين بسعاده: بجد مش مصدقه نفسى ان انا معاك وانت ال طلبت
عمر باابتسامه: ياسمين انتى تستاهلى كل خير انتى بنوته قليل منك موجود
ياسمين اتكسفت : ميرسى ياعمر... انهارده الكل كان بيباركلى بصراحه كنت مكسوفه اوى الواضح ان الكل بيحبك
عمر اخد نفس : ياسمين ف موضوع عاوز اكلمك فيه
ياسمين باابتسامه: فريده
عمر اتفاجئ: انتى عارفه
ياسمين : من اول يوم جيت هنا والكل بيتكلم عن عمر رافت وفريده عمر وعلاقتكم وارتباطهم
عمر : كويس انك اختصرتى الكلام
ياسمين باابتسامه: انا ال طلبت من اونكل ان الفندق والقريه كلها يعرفوا انى خطيبتك
عمر اتفاجئ: انتى يا ياسمين ..ليه كده ؟
ياسمين : لانه ببساطه غير كده مش هينفع انت وفريده طريقكم مش واحد
عمر : انتى بتحكمى ع اساس ايه
ياسمين بابتسامه : بحكم عن تجربه ؟
عمر : تجربه
ياسمين اخدت نفس : عمر انا كنت بحب وع علاقه مع موظف ف شركتنا ف باريس وبابا رفض الموضوع من غير ما يتكلم تحت ضغوط من بابا انا سبته علشان كان بيتبهدل بسببى وبسبب تمسكه بيا انا هربت وكنا هنتجوز لاقت بابا شيله قضيه اختلاس وعلشان يخرج منها المقابل اتجوزك
عمر مستغرب من ال سمعه : بسهوله كده تتخلى عنه
ياسمين : لما ال بحب يكون ف ازمه وانقاذه بايدى مهما كلف لازم الحقه
عمر: وقلبك واحساسك وحياتك
ياسمين ضحكت: ال زى وزيك ياعمر ف عالم البيزنس وليهم ابهات زى ال عندنا قلبنا دا نحطه ف فريزر وننساه ... وبنسبالى ارتباطى بيكى مش وحش وانا موافقه
عمر باصص ل ياسمين: اسف يا ياسمين انا مش موافق ولا هوافق اعمل كده ف فريده واسيبها مهما حصل ... باباكى غير بابايا فى اتفاق بينا وهو ملازم بيه
ياسمين: المصلحه العامه اهم من المصلحه الخاصه يا عمر
عمر : وانا عندى قرارى اسف يا ياسمين مش موافق ع ارتباطى بيكى .. ف حياتى جرح كبير مش عاوزه اورثه لااولادى
ياسمين: قصه باباك ومامتك
عمر : انا هتمسك بفريده مهما كلفنى الامر
ياسمين باابتسامه: احترم فيك اصرارك دا ياعمر واتمنى تفضل كده لااخر
عمر : بحبى لفريده هقف قدام القدر لو هيفرقنا
ياسمين : اتمنى دا .. يلا بينا نقوم اعتقد كل واحد فينا خلص ال عنده
عمر: لو زعلتك بكلامى انا ..
ياسمين قاطعته: مفيش داعى للاسف ..انا ال عاوزه عمر اتأسف فيه لل بحبه ..اتمنالك السعاده مع فريده
عمر : اتمنالك السعاده مع ال بتحبيه
ياسمين: امنيه ربنا يحققها ..

قام عمر وياسمين وهما اتفقوا يلغوا فكره الارتباط وصل عمر ياسمين لفندق وراح لسكن عند فريده وكانت فريده صاحيه ع السرير ف اوضتها عمال تفكر هتتصرف ازاى وشكلها ايه قدام الكل وهى تمادت ف علاقتها مع عمر من غير حساب .. للحظه مسكت موابيلها تتصل بعمر وتتكلم معاه بصراحه وتفهم منه وع اساس كلامه هتتصرف .. وهى ماسكه موابيلها تليفونها رن وكان عمر اتخضت
فريده: انتى بتيجى ع السيره
ردت فريده ع عمر
فريده: الو
عمر: لو مش كنتى رديتى كنتى هتلاقينى بخبط ع باب الشقه وفضايح بفضايح بقى
فريده: كويس انك اتصلت لانى كنت عاوزاك
عمر حس بجديه ف صوتها : طيب ممكن تنزلى 5 دقايق
فريده : انت قدام العماره
عمر : ف الجونينه تحت الشجره الكبيره هستناكى بسرعه
فريده ابتسمت وبعدين افتكرت ال حصل وكلمت نفسها
فريده: لا يا ديدا مينفعش كده اجمدى واتكلمى مش لما تسمعى صوته بتنسى اجمدى اجمدى
نزلت فريده راحت عند الشجره الكبيره والديسك ال بتقعد عليها دايما شافت ال مش تتوقعه بالشموع مرسوم قلب ع الارض وحواليه بلونات حمرا ومكتوب ف القلب **بحبك يا مجنونه ***
رغم انها كانت نازله وقابله وشها من المفاجاءه مصدقتش واترسمت ابتسامه ع وشها وظهر عمر فاجاءه
عمر: بحبك يا مجنونه بحبـــك ..عمر رأفت بيحب فريده عمر يا نااااس
جريت عليه فريده : وطى صوتك هو انا ناقصه فضايح
عمر: فضايح ايه انا بعرف ال ميعرفش وال عارف وشاكك يتاكد ان انا بحبك انتى وبس انتى وبس ان شاء الله هتبقى مدام عمر رافت ومفيش غيرك
فريده من سعادتها والمفاجاءه معرفتش تتكلم
فريده بهزار : بتتضحك عليا ببلونتين حمر وشويا شموع انسى
عمر بيضحك: لا انا عارف انك مش هتتصالحى كده فشيلت التقيله اخر حاجه
فريده بتبص لاقت ف تلاجه صغيره بتحفط المثلجات عمر بيفتحها وطلع منها ايس كريم كبير
عمر : عارف نقطه ضعفك انا هتشوفيه هتنهارى
فريده اتفاجئت بالايس كريم وبال عمله عمر : يخرب عقلك ايه دا
عمر بيقرب منها : انا عندى مين غير ديدا حبيببه قلبى
فريده : لا ثبتنى بجد .. وياترى كل دا لله كده
عمر : والوطن . هههههههه
فريده قعدت وعمر فضل واقف : مفيش حاجه لغلبان ال لف علشان يحضر كل دا
فريده ماسكه الايس كريم : خير عاوز ايه
قعد عمر جنبها وقرب منها :ICE CREAM KISS
فريده بصتله وراحت مسكت حته ايس كريم وحطيتها ه خده وراحت باسته ماكنها وشالتها .. فريده : كده احنا خالصين تمام
عمر : نعم يا حبيببتى انتى قاعده مع ابن اختك الصغير
فريده بتضحك : انت عارف لو ليا اخت وانت ابنها كنت هعمل ايه
عمر : هتعملى ايه يعنى
فريده : كنت هريتك بوس كل شويا
عمر بيقرب من فريده : خلاص اعتبرينى ابن اختك دلواقتى يلا ها ها
فريده بتبص ل عمر : وانا ابن اختى شحت طويل كده لا انا بتكلم ع البيبى
عمر عوج بوقه: نعم بيبى
فريده : صحيح انت جيت ليه
عمر : وانتى قولتيلى عاوزانى خير
فريده ماسكه معلقه الايس كريم : اصل اصل
عمر بيضحك: ايه حكايه الاصل انهارده .. وبعدين كل حاجه اتصلحت خلاص كان خطا فنى وصلحته
فريده بتبصله : نعم
عمر : بابا بيلعبنى شكله عاوزنى اسافرله قريب
فريده: وياسمين
عمر اتنهد: ياسمين دى حكايتها حكايه بجد ربنا معاها ع ابوها وال فيها
فريده: هو باباها صعب كده
عمر : مش لوحدها ..انا رافت بيه لما بيتحول مبيعرفش نفسه
فريده بتضحك: ربنا يخليك ليا يا عمر افندى .. ولا شفت ولا هشوف فى حنيتك ولا قلبك
عمر : انتى بتقوليلى عمر افندى
فريده بتبصله: لالالا طبعا ايش جاب لجاب
عمربصوت ضيقه: نعم يا حبيببتى مين دا
فريده بتضحك: دا حبى الاول واول حب ف حياتى امانى ونفسى ال بتنفسه عمرى ال عايشاه من غيره مقدرش اعيش
عمر ظهرت عليه غيره : فريده ايه ال بتقوليه دا بطلى استهبال
فريده بتضحك : يعنى بزمتك مش عارف مين
عمر : لا مين
فريده : حبيبب قلبى عمر افندى
عمر : اتشرفنا مين هو
مسكت السلسله وريتله الصوره ال عليها : دا عمر افندى ..اعرفك بابا
عمر مسك الصوره واتحرج اوى : باباكى ..خضيتينى يا شيخه
فريده: يعنى انا هحب ف مين غيركم انتم الاتنين
عمر : طيب ماتحبى فيا دلواقتى انا اهو ها اهو
فريده راحت زقته لم نفسك كفايه فضايح بقى
عمر : فضايح ماشى
خلاها بتاكل الايس كريم وخبطها ف وشها : ايه دا يا فريده شغل الاطفال دا
يوووووه بتعملى ايه .. بتغرينى .. قولى انك عاوزه ice cream kiss من غير ما تبهدلى نفسك كده
فريده تنحتله ع صوته العالى وفاجاءه لاقته بيقرب منها وماسك راسها وبيقولها : عمر رافت كلينكس مع حضرتك ف خلال 5 دقايق كله هيبقى ابيض من الصينى
وباسها عمر زى بوسه الاولاانيه وفريده كانت بتحاول تفرفرس منه معرفتش واستسلمت ف الاخر ودى كانت تانى ice cream kiss ....
___________________________________________
تانى يوم فريده راحت الشغل استغربت من التغيير ال حصل من زمايلها بقوا يعاملوها زى الاول تليفونها رن وكانت رساله من عمر
****صباح كل حاجه حلوه اسمها ديدا ***
ابتسمت لرساله ودخلت غيرت لبسها والكل بقى يتكلم معاها عادى خرجت ع المطعم شافت ياسمين قاعده لوحدها وهى واقفه عمر بعتلها رساله
***هاتيلى الفطار ع المكتب انا بعت طلبت منهم انتى ال تجبيه **
ضحكت فريده وهى واقفه زميلتها قالتلها ع طلب عمر وقبل ما تمشى ياسمين نادت عليها وراحت فريده
فريده مبتسمه: ايوه يافندم طلباتك
مسكت ياسمين ايد فريده : انا سعيده جداا انى قابلت شخصيه زيك واتمنالك السعاده انتى وعمر بجد وربنا يساعدكم ف ال هيقابلكم
فريده : ايه السلام دا زى المسافرين
ياسمين: انا طيارتى كمان ساعه واكيد هشوفك تانى ف فرح هنا
فريده : ان شاء الله وربنا يسعدك انتى كمان
ياسمين: يارب
مشيت ياسمين وفريده اخدت الفطار وطلعت لمكتب عمر خبطت ودخلت ومش لاقت عمر ع المكتب حطت الصينيه ع الترابيزه وبتبص عليه
فريده : الفطار يا مستر عمر
عمر جه من وراها وحضنها وهى اتخضت : انا كده فطارى اخدته وشبعت كمان
فريده خبطته ع ايده: احنا ف الشعل
عمر: محدش ليه كلمه عليا براحتى سبينى شويا خلينى افطر بقى
فريده باابتسامه وكانت سعيده بالحظه دى وكانوا الاتنين مش عاوزينها تمر
فريده وجهت كلام ل عمر وهو حاضنها : مستر عمر كفايه كده عندنا شغل حضرتك
عمر وهو حضنها من ضهرها: اى حاجه تتأجل دلواقتى لغايه ما اشبع
فريده بتضحك: لا كده مش هتشبع
زقت نفسها من حضنه وبصتله: انت وراك شغل وانا كمان ورايا شغل نركز بقى ف شغلنا ولا ايه
شدها عمر تانى وحضنها : ما دا شغل برضه
فريده : يا عمر انا بكلمك بجد وغير كده الحق ياسمين سلم عليها قبل ما تسافر ..مش ضيفتك ع الاقل وصلها المطار
عمر اتفاجى وبص لفريده: ياسمين سافرت
فريده : هو انت متعرفش ولا ايه
عمر : لا دا معاد سفرها بعد بكره
فريده : طيب يلا الحقها بقى دى طيارتها ف اقل من ساعه
عمر لبس الجاكت وراح لفريده باسها ع خدها : كده شبعت جهزى الغدا لغايه ما ارجع
فريده ضحكت : امشى يلا
نزل عمر بسرعه ع المطار ولحق ياسمين قبل ما تدخل اطياره
عمر نده ع ياسمين : ياسميين
ياسمين بصت ع الصوت : عمر
عمر راح لغايه عندها : كده تسافرى من غيرى ما تقوليلى ولا حتى تسلمى عليا
ياسمين باابتسامه: قلت كفايه عليك ازعاج بقى اليومين دول
عمر باابتسامه: ابقى كرريها تانى احنا اخوات واصحاب ووقت ما تحتاجينى هتلاقينى
ياسميين: ودى حاجه تشرفنى واشوفك قريب انت وفريده ف فرح هنا بقى ومتنسوش تعزومونى ع فرحكم
عمر : ان شاء الله
ياسمين : ع فكره انا كلمت بابا ولاغيت الخطوبه وهو هيتكلم مع باباك
عمر قلبه اتقبض : تمام تمام
ياسمين : يلا سلام
عمر : سلام
وقف عمر وحس انه قدامه معركه كبيره بسبب ال عمله مع باباه واخد نفس : الله المستعان
___________________________________
رجع المكتب وفريده كانت ف شغلها وكانوا بيبعتوا رسايل لبعض ..
عمر كان فى ميتنج مع ناس وفريده خلصت الشغل وروحت البيت وعمر جاله اتصال من باباه ورد عليه
عمر : الو
باباه بعصبيه: ايه الى انت عملته دا
عمر : بابا حاول تسمعنى
باباه بعصبيه : مش هسمعك
كمان اسبوع اكون رجعت لندن ارجع الاقيك هنا فاهم
ولسه عمر هيرد باباه قفل ف وشه السكه وفريده قاعده ف السكن اتصلت ع باباها
فريده بصوت سعاده : عمر افندى حبيبى
باباها: حبيببه قلبى ديدا عامله ايه
فريده: وحشتنى اوى يا بابا
باباها: وانتى كمان انا مستنى اجازتك علشان اشوفك واقعد معاكى مفتقدك اووى
فريده: بس انت معايا ع طول
باباها : من صوتك واضح ان ف حاجه كويسه حصلت .. التوتر والقلق راحوا ولا ايه
فريده: ال عاوزه اقولهولك دلواقتى انى راجعالك بخبر هيفرحك اوى اوى بس لما اقعد معاك بقى هحكيلك ع التفاصيل
باباها: وانا مستنيكى بتفاصيلك
فريده: بحبك ياعمر افندى اووووووووى
باباها بيضحك: يا بخته اووووووووووى
فريده اتكسفت وخلصت كلام مع باباها وشويا موابيلها رن وكان رامى
فريده: روميووووو
رامى : وحشتينى يابنت الايه
فريده : كده تسافر وتقول عدولى اه صحيح من لقى احبابه بقى
رامى : عيب عليكى يا ديدا انتى الحب .. انا نازل قريب متقلقيش
بس نازل وراجع تانى بابا تعبان ومش هينفع اسيبه لوحده
فريده : الف سلامه عليه ...حددتوا ميعاد الفرح خلاص
رامى : ولا حددنا ولا نيلنا بعد ال حصل من عمر الدنيا اتعكت هنا
فريده انتى عامله ايه مع عمر
رامى : عاوزه اقولك ان الدنيا مولعه هنا
ولسه بيكمل كلام .... دخل عمر ع الويتنج وقفلت مع رامى وردت علي عمر وكان مستنى تحت نزلتله بسرعه ...وهما قاعدين عمر كان ساكت وماسك ايد فريده وفاجاءه بص لفريده وراح نام ع رجلها واتكلم
عمر: انا مش عارف هو مصمم ليه يخلينى نسخه تانيه منه انا مش عايز امر بال شافه هو مع امى
فريده : ايه ال حصل لباباك ومامتك
عمر : الحكايه هى ........
______________________


(11)

عمر رجع المكتب وفريده كانت ف شغلها وكانوا بيبعتوا رسايل لبعض ..
عمر كان فى ميتنج مع ناس وفريده خلصت الشغل وروحت البيت وعمر جاله اتصال من باباه ورد عليه
عمر : الو
باباه بعصبيه: ايه الى انت عملته دا
عمر : بابا حاول تسمعنى
باباه بعصبيه : مش هسمعك
كمان اسبوع اكون رجعت لندن ارجع الاقيك هنا فاهم
ولسه عمر هيرد باباه قفل ف وشه السكه اضايق عمر لانه مش اداله فرصه يسمعله وخرج من الفندق يتمشى وفريده قاعده ف السكن فرحانه اتصلت ع باباها :
فريده بصوت سعاده : عمر افندى حبيبى
باباها: حبيببه قلبى ديدا عامله ايه
فريده: وحشتنى اوى يا بابا
باباها: وانتى كمان انا مستنى اجازتك علشان اشوفك واقعد معاكى مفتقدك اووى
فريده: بس انت معايا ع طول
باباها : من صوتك واضح ان ف حاجه كويسه حصلت
.. التوتر والقلق راحوا ولا ايه
فريده: ال عاوزه اقولهولك دلواقتى انى راجعالك بخبر هيفرحك اوى اوى
بس لما اقعد معاك بقى هحكيلك ع التفاصيل
باباها: وانا مستنيكى بتفاصيلك
فريده : بس احتمال يبقى معايا ضيف المرادى
باباها: يااهلا بيكى وبضيوفك
فريده: شخص عاوزه اعرفك عليه وبحكيله عنك كتير عاوز يشوفك
باباها: ينور يا حبيبتى انا ف انتظاركم
فريده: بحبك ياعمر افندى اووووووووى
باباها بيضحك: يا بخته اووووووووووى
فريده اتكسفت : يوووه يا عمر ا