الثلاثاء، 19 يناير، 2016

مطلوب عريس من اجمل قصص الرومانسية

لمتابعة القصص الجديدة يوميا اضغط اعجبني ( like )
مطلوب عريس من اجمل قصص الرومانسية


الحلقة الاول

مروه لسه نايمه وبتحلم حلم جميل جدا خير اللهم اجعله خير:
(هي قبلت في الوظيفه اللي بتحلم بيها وجالها الايميل بكده وطبعا طارت من الفرحه وجهزت شنطتها وركبت الطياره بس وهي بتطلع سلم الطياره وقعت ....................)
صحيت مروه من النوم لقيت نفسها على الارض وقامت بصعوبه بصت في الساعه لقيتها لسه 6 الصبح وهي نامت الساعه 3 بس خلاص بقى النوم راح من عينيها فقامت وغسلت وشها وقبل ما تفطر فتحت اللاب توب عشان تشوف الايميلات الي وصلت وملقيتش اي اخبار من الشركه الايطاليه اللي بعتتلها عشان الوظيفه ...اصل مروه درست اللغه الايطاليه وخدت فيها كورسات كتير اوي وعن طريق واحده صاحبتها في ايطاليا عرفت ان في شركه محتاجه مترجمه عشان الشركه زادت تعاملاتها مع الدول العربيه واول ما مروه عرفت بعتت علطول عشان حلم عمرها تشتغل هناك واللي مشجعها على كده باباها الاستاذ مجدي وهو موافق انها تسافر عشان واثق في اخلاقها وتربيته ليها , لبست مروه بنطالون كتان بيج وعليه بادي كحلي قصير وكوتشي ابيض وحطت اللاب توب في الشنطه بتاعته وركبت عربيتها وراحت المجله اللي بتشتغل فيها مترجمه.

ركنت مروه العربيه ونزلت وهي ماسكه ماج حراري فيه النيسكافيه بتاعها ودخلت مبنى المجله ووقفت تستنى الاسانسير عشان تطلع مكتبها واول ما دخلت لقيت صاحبتها مي قاعده مستنياها:
مي : صباح الخير يا مروه
مروه :صباح الخير,ايه اللي جابك بدري كده ؟ (وقعدت على المكتب وفتحت اللاب توب عشان تشوف الايميلات)
مي : اصلي عندي شغل كتير فقلت آجي اخلصه وبالمرة اقعد معاكي شويه بقالنا كتير مخرجناش سوا
مروه:خلاص يا ستي احنا فيها وقت الغدا انا عازماكي في اي حته تختاريها,ايه رأيك؟
مي : خلاص هعدي عليكي الساعه 2 بالضبط
مروه :اتفقنا
وخرجت مي وابتدت مروه تترجم المواضيع المطلوبه منها وفضلت تشتغل لغاية ما مي جت عشان يخرجوا يتغدوا وهما في الطريق حكت مروه لمي على الشغل اللي قدمت عليه في ايطاليا:
مي : ايه يا بنتي عايزه تسافري اوربا لوحدك؟؟؟؟؟؟؟
مروه:يا بنتي احنا في 2011 وبعدين انا بابا موافق اني اسافر ده حلم عمري ونفسي يتحقق
مي : بجد انا مش عارفه انتي بتفكري ازاي؟
مروه :متخافيش بس انتي ادعي انهم يوافقوا يشغلوني معاهم
مي : ربنا يوفقك بس برده انا مش موافقه على سفرك لوحدك

ووصلوا مطعم بيقدم اكل لبناني وطلبوا مشاوي وسلطات وقعدوا طول الوقت يتكلموا ويضحكوا على المواقف اللي عدت عليهم من يوم ما اتعينوا في المجله وخصوصا رئيسة التحرير مدام احلام وطلباتها الغريبه..............

آخر اليوم رجعت مروه البيت لقيت باباها بيتفرج على التليفزيون فقربت منه وباسته في راسه وقعدت جنبه:
مروه:وحشتني اوي
باباها: وانت اكتر,عملتي ايه انهارده؟
وحكت مروه لباباها كل اللي حصل من ساعة ما صحيت لغاية ما رجعت البيت وفضلت تضحكه وبعدين حضرت العشا واتعشوا ووضبت المطبخ ودخلت اوضتها تنام بس قبل ماتنام بصت عالايميل ولقيت مفاجأه حلوه....................
لقيت ايميل من الشركه الايطاليه انهم موافقين عليها بس فيه شرط غريب جدا مروه كان هيغمي عليها لما قريته وفضلت فاتحه بقها قدام اللاب توب ومش عارفه تعمل ايه؟؟؟؟؟؟؟؟؟؟؟؟؟؟؟؟
فضلت مروه مش مصدقه اللي بتقراها الايميل بيقول ان الشركه موافقه عليها بس لازم تكون متجوزه عشان ده من قوانين الشركه ان كل الموظفين يكونوا متجوزين وانها تستعد لاستلام الشغل بعد شهرين من استلام الايميل وفي حالة عدم توافر الشرط ده بتعتذر الشركه وبتتمنالها التوفيق.........................
مروه فاقت من الصدمه وابتدت تفكر هتحل المشكله ده ازاي؟؟؟؟؟؟؟؟؟؟؟؟؟؟؟؟؟؟؟؟؟؟

لان مروه معندهاش اي علاقات لانها كانت طول الوقت بتذاكر واول ما اتخرجت اشتغلت علطول وكمان هيه مش بتحب الرجاله اساسا لانهم مغرورين و فاكرين نفسهم احسن من الستات وهي كانت معروفه ايام الكليه ب ( عدوة الرجل ) ولما استلمت شغلها حاول اكتر من زميل ليها يقرب منها لكنها كانت دايما تصدهم لانها كانت رافضه فكرة الاتباط خاااالص و جه دلوقتي الشرط الغريب ده عشان تستلم وظيفة احلامها ويمنعها انها لسه آنسه من السفر لأكتر بلد نفسها تسافرلها وفضلت تفكر مين ممكن تتجوزه بسرعه خلال شهرين ويكون جواز مش حقيقي يعني مجرد ما تسافر تتفق معاه انهم يطلقوا عشانتقدر تستلم الشغل هناك............
مين ؟ مين ؟ مين ؟ وللاسف لانها ملهاش علاقات ملقيتش حد تتجوزه يمكن اسماعيل ابن خالتها يوافق ؟ بس يا ساتر ده رخم اوي وكمان مغرور بجماله لا لا بلاش اسماعيل.......اسامه زميلها في المجله؟؟؟ بس بعد اللي عملته فيه لما طلب يتقدملها من سنه لا يمكن يوافق.....الدكتور هشام جارها في العماره؟ بس ده عصبي جدا وحتى مش بيرد عليها لما تقوله صباح الخير ..برده مينفعش..............وبعدين يا مروه هتعملي ايه دلوقتي ؟ يـــــــــــــــــــــــا رب عايزه عريس خلال شهرين ويكون ابن حلال ويوافق على الفكره المجنونه بتاعتي انه يكون عريس كده وكده يا رب وفقني الاقيه.....

تاني يوم وصلت مروه المجله وتحت عينيها اسود من كتر السهر والتفكير في حل للمشكله واول ما دخلت مكتبها رن جرس التليفون:
مروه :الو
مدام احلام:ايوه يا مروه تعاليلي حالا
مروه:حاضر يا فندم
مروه راحت لمكتب رئيسة التحرير وهي بتكلم نفسها(يعني هوه ده وقت مناسب تطلبي فيه؟؟؟مفيش اي احساس ان الناس عندهم حاجات مهمه يفكروا فيها يا ساتر)
خبطت مروه عالباب ودخلت:
مروه:صباح الخير يا فندم
رفعت مدام احلام راسها من على الورق اللي ادامها وبصت لمروه من تحت النظاره بصه فاحصه.............
مروه قالت لنفسها(انا عارفه البصه ده ربنا يستر ويكون مجرد مناقشه عاديه من بتوعها مش مهمه عاجله عايزاني انفذها)
مدام احلام:اتفضلي اقعدي يا مروه
مروه:متشكره يا فندم
مدام احلام:اخبارك ايه؟
مروه (خير اللهم اجعله خير) :بخير يا فندم الحمد لله
مدام احلام:انتي وراكي حاجه الاسبوع اللي جاي؟
مروه (ايوه خشي في الموضوع علطول) :لا يا فندم
مدام احلام:انا اخترتك تسافري اسبوع شرم الشيخ تغطي المؤتمر اللي هيتعمل هناك وانا طبعا عارفه انك معندكيش مسؤوليات هنا
مروه(اه يا ختي فاهمه قصدك ان انا عانس لسه ما هو قركوا ده اللي جابني ورا ):تحت امرك يا فندم
مدام احلام :خدي الورقه ده فيها كل التفاصيل اللي هتحتاجيها اتفضلي دلوقت
مروه:بعد اذنك يا فندم
وخرجت مروه متغاظه (يعني ده وقت سفر انا لازم ادور على عريس بسرعه )
وهي ماشيه متنرفزه قابلت مي :
مي:يا ساتر يا رب اي التكشيره ده؟
مروه:بقولك ايه انا عفاريت الدنيا بتتنطط في وشي سيبيني في حالي
مي:ايه اللي حصل بس؟
مروه :كارثه........ اللي حصل كارثه
مي : خير ؟
مروه:قبلت في الوظيفه اللي قولتلك عليها
مي:وزعلانه ده انت كئيبه ههههههههههه
مروه:يا سلام عليكي رايقه بطريقه المشكله اني عشان استلم الوظيفه لازم اكون متجوزه
مي:نعممممممممممم!!!!!!!!!!!!!!!
مروه :اه ولازم اسافر خلال شهرين ومعايا عريس
مي:طب خلاص وافقي على اي عريس من اللي بيتقدمولك
مروه:ايه الكلام ده؟ انا اتجوز واكون تحت رحمة راجل يقولي اعملي ومتعمليش ,لبسك ضيق وسعيه,سيبي شغلك,اعمليلي اكل,اغسلي لهدوم واكويها
عايزاني اكون خدامه لانسان كله غرور وانانيه
مي:ايه بنتي الحقد ده على الرجاله؟ دول برده عندهم مميزات جامده هههههههههههه
مروه:انا مش لاقيه ولا ميزة
مي:ايه يا مروه؟دول هما اللي بيحبونا ويدلعونا ويتجوزونا ويخلونا نحمل ههههه
مروه:ايه التفكير المتخلف ده ؟ الست ممكن تعيش وتكون سعيده من غير راجل في حياتها وكمان ممكن تكفل طفل وتكون ام
مي:ونداء الطبيعه؟
مروه:قصدك العلاقه اللي بين الراجل والست؟
مي:اه طبعا
مروه:بصي يا بنتي من تجربتي الطويله في الدنيا ده اقدر اقولك انا الست ممكن تعيش من غير الراجل ومتفكرش فيه اصلا
مي:طيب وهتعملي ايه في مشكلتك ده من غير راجل؟
مروه:لما ارجع من شرم ابقى افكر
مي :انت مسافر شرم الشيخ؟
مروه:اه يا ستي مدام احلام اختارتني عشان انا عانس
مي:ههههههههه والله ست دمها خفيف اوي
مروه:دمها خفيف؟ ده عليها بصه من تحت النظاره تجيب اكتئاب
مي:طيب وهتسافري امتى ؟
مروه: بكره ان شاء الله هركب الطياره 12 الظهر
مي:طيب هبقى اكلمك اطمن عليكي
مروه:اوكيه , باي بقى
مي :باي
رجعت مروه البيت وهي لسه بتفكر ومش لاقيه حل وقالت لباباها انها هتسافر بكره ووافق وراحت تنام عشان تعبت من كتر التفكير وفضلت تحلم احلام غريبه عن مدام احلام والشغل والسفر .................... صحيت على جرس المنبه فقامت غسلت وشها وحضرت شنطه صغيره حطت فيها هدومها وكمان اللاب توب بتاعها ولبست عشان تروح المطار فاختارت حاجه مريحه فستان طؤيل لونه اصفر كات مفتوح من الجنب لونه وصاندال اصفر وسرحت شعرها ديل حصان لفوق عشان شعرها طويل وبيدايقها لما تفرده وحطت اي شادو دهبي خفيف لايق مع لون عينيها العسلي وملمع للشفايف ولبست نظاره شمس بني وخدت معاها قصه تتسلى فيها في الطياره وركبت تاكسي للمطار...................
وصلت المطار ولقيت في وقت على معاد الطياره فقعدت في كرسي فاضي وكان جنبها واحد نايم ومغطي وشه بكاب اسود وشنطته غريبه تحته على الارض وشكله مريب وهدومه مش مترتبه بس قالت انها مش هتبصله خالص لحسن يصحى على فجأه ويدايق منها ومسكت القصه وابتدت تقرا............

صحي ادهم من النوم لما حس بحركه جنبه وشم بيرفيوم حريمي يجنن وقال ايه ده ؟ معقوله في بيرفيوم حلو كده يا رب تطلع حلوه ومتكونش اجنبيه وعجوزه فبص من تحت الكاب لقي قمر قاعد جنبه بنت بيضا وشعرها ناعم وبني وطويل وتحت عينيها نمش خفيف وكانت بتقرا في قصه مكتوبه بالايطالي فاستغرب اوي وقعد يفكر يا ترى هيه جنسيتها ايه؟
وهوه بيفكر فيها رن موبايلها فردت:
الو
ايوه يا مي
بتضحكي على ايه؟
لا لسه ملقتش عريس الغفله
انا في المطار ولسه ربع ساعه والطياره تتحرك
طبعا مدايقه مش عارفه اعمل ايه؟
انشر اعلان اطلب عريس؟ انتي اتجننتي؟
ايه اللي فيها ايه؟ مستحيل طبعا
انا لما راجع هلاقكي طريقه واجيب عريس من تحت الارض
باي يا مي وبطلي ضحك شويه باي
ادهم كان عايز يضحك بصوت عالي بس خاف البنت تموته اصل شكلها كان متغاظ جدا وهي بتتكلم في التليفون وعمل نفسه نايم وراح غير نومته وقرب وشه منهاولسه الكاب عليه بس الكاب وقع وهوه لسه مغمض عينيه..........
مروه لقيت الراجل اتحرك وقرب منها بس لقيته لسه نايم والكاب بتاعه وقع فلقيت ادامها شاب وسيم جدا وضخم كمان طويل اوي وعريض من فوق وشكله يلعب رياضه وبشرته قمحيه وشعره اسود وناعم ورموشه اطول رموش شافتها في حياتها وريحته الكريم اللي بعد الحلاقه فاتكسفت مروه ليصحى ويلاقيها باصاله فبعدت عنه وبصت في القصه وهي وشها احمر خالص.................



الحلقة الثانية

بدأت مروه تستعد عشان تركب الطياره فلمت حاجتها ولبست النظاره وابتدت تمشي وهي بتتحرك عمل ادهم نفسه لسه بيصحى وبيمد دراعاته كأنه على السرير ومروه مستغربه من النوم العميق اللي هوه نايمه وكأنه بقاله سنه مداقش النوم وكمان دقنه طويله وشكله غريب اوي فبص ادهم لمروه وقال:
ادهم:?Do u know me مروه:iam sorry ومشيت وهي مكسوفه لانه ادايق من تركيزها معاه ودخلت الطياروهي لسه متغاظه من الراجل الغريب ده وقالت انا مش هفكر فيه تاني..
ادهم لما شافها اتكسفت كان عايز يضحك بس هوه عمل كده عشان هي كانت بتبصله كانه من كوكب تاني وقال لنفسه شكلها بيهمها المظاهرانا مش هفكر فيها تاني
قعدت مروه في الكرسي بتاعها وفتحت القصه عشان تكملها وبعد شويه حست بظل جه جنبها فبصت لقيت الراجل الغريب جاي يقعد جنبها ................
فكرت( مروه ييييييه انت تاني يا ساتر )
قعد ادهم وهو فرحان انه هيقعد جنب البنت القمر دي وكمان حس ان شكلها خفيف فقرر يعمل نفسه نايم بس المره دي غير طريقة نومه!!!!!!!!!!
فضلت مروه تقرا القصه وقررت انها مش هتبص عليه خالص بس فجأه سمعت اغرب صوت سمعته في حياتها:خخخخخخخ خخخخخخخخخخ خخخخخخخخ
قالت لأ بقى ده كده كتير وقررت تغير كرسيها بس عشان هو طويل جدا معرفتش تعدي من جنبه من غير ما تقلق منامه فغصب عنها داست على رجله
فقام ادهم وعمل نفسه مخضوض وهي فضلت تعتذرله وهوه باصصلها وماسك نفسه من الضحك ومش بيرد على كلامه وراح قال:
ادهم:انت مصريه؟
مروه:انت مصري؟
ادهم:انتي صحيتيني من النوم على فكره اصلي نومي خفيف اوي
مروه:نومك خفيف؟؟؟؟؟؟؟؟؟
ادهم:اه بجد اقل صوت بيصحيني
مروه:اقل صوت ممممممممممم وصوت السيمفونيه اللي كنت بتعزفه وانت نايم ده ايه؟ موسيقى هاديه
ادهم:قصدك ايه؟
مروه:انت من ساعة ما قعدت جنبي ونمت وانت عمال تشخر بطريقه غريبه وانا كنت عايزه اغير مكاني عشان مش عارف اقرا القصه
ادهم:انا بشخر؟؟؟؟؟؟ عمري ما شخرت طول حياتي انتي اكيد بيتهيألك
مروه:نعم ده انا كنت هفقد حاسة السمع من صوت شخيرك
ادهم:انا آسف ( ومد ايده وسلم عليها)وقال:
ادهم:ادهم العايدي , صحفي في المجله العالميه
مروه:اهلا بيك ,مروه صحفيه في مجلة الامل
ادهم:طب اتفضلي اقعدي بقى مادام طلعنا زمايل
مروه دخلت وقعدت وفتحت القصه تاني
ادهم:انتي بتقري ايه؟
مروه:ده قصه ايطاليه
ادهم:ياه انتي بتعرفي ايطالي
مروه:اه بعرف ايطالي مالك مستغرب ليه ؟
ادهم:اصل اللغه مش منتشره هنا في مصر
مروه:معاك حق بس انا بحبها جدا
ادهم:للدرجه دي؟
مروه:واكتر كمان
ادهم :ويا ترى سافرتي ايطاليا قبل كده؟
مروه حست انها محتاجه تتكلم مع اي حد حتى لو كان راجل مريب زي ده يمكن يعرف يلاقيلها حل للمشكله:
مروه:للاسف لسه مزرتش ايطاليا ولا مره بس جايلي وظيفه هناك
ادهم:طيب حاجه عظيمه خالص
مروه: ولا عظيمه ولا حاجه دي حاجه مسببالي اكتئاب
ادهم:ليه بقى اذا كان نفسك تزوريها واديكي هتشتغلي هناك؟
مروه:تخيل الشرط الوحيد عشان يقبلوني في الوظيفه اني اكون متجوزة!!!!!!!!
ادهم:هو انتي مش متجوزه؟
مروه:انا عمري ما فكرت في الجواز ولا هفكر لولا الظروف ده
ادهم:طيب خلاص اول ما يتقدم عريس وافقي
مروه اتدورت وبصتله اوي:عريس ايه اللي اوافق عليه ؟ده من سابع المستحيلات طبعا
ادهم:طيب ايه الحل من وجهة نظرك؟
مروه:لسه بفكر انا محتاجه واحد في شروط خاصه يقبل اننا نتجوز كده وكده ويسافر معايا وبعدين ننفصل ومستعده ادفعله اي مبلغ يطلبه
ادهم:ثواني بس يعني ايه جواز كده وكده؟
مروه:يعني جواز على الورق عشان اقدر استلم الشغل
ادهم:وهتلاقي فين الراجل الاهبل ده
مروه:انت بتتريق عليه؟ انا اصلا غلطانه اني اتكلمت معاك( وبصت في القصه وهي متغاظه)
ادهم:براحه بس عليه انا مش بتريق عليكي بس الفكره بتاعتك ده محدش هيوافق عليها ابدا
مروه:اكيد في واحد بيحب الفلوس اوي هيوافق على الفكره
ادهم:ربنا يعترك في العريس المناسب ده (ومسك مجله عشان يقراها)
مروه ركزت في القصه شويه وبعدين جاتلها فكره مجنونه وده يكن اكتر فكره مجنونه جاتلها في حياتها....................


الحلقة الثالثة

جت لمروه فكره مجنونه وقررت انها تنفذها واول ما الطياره وصلت نزلت هي وادهم سوا وسألته:
مروه:انت هتنزل فين؟
ادهم :لسه محجزتش , وانتي؟
مروه: انا هنزل في الهيلتون
ادهم:لا الهيلتون غالي جدا بالنسبه ليه
مروه:لا غالي ولا حاجه على فكره انا ممكن اكملك انا عامله حسابي وجايبه فلوس زياده
ادهم:عايزه تدعيلي الفندق؟
مروه:وفيها ايه ده احنا زمايل مهمنه واحده
ادهم بص في عينيها وحس انها بتدبر حاجه فقال لنفسه (دي شكلها شخصيه مسليه جدا لما اشوف آخرتها معاها)
ادهم:خلاص موافق بس الحساب عليكي
مروه وفي عينيها نظرة سعاده :موافقه طبعا
وصلوا الفندق وحجز ادهم اوضه جنب اوضة مروه واتفقوا يتقابلوا على الغدا........................
مروه قعدت تفكر وهي بتلبس ازاي تقنع ادهم بفكرتها المجنونه ويا ترى هيوافق؟؟؟؟
ولبست مروه جيبه بيضا واسعه وعليها بلوزه كات قصيره لونها احمر وصاندال احمر وفردت شعرها وحطت ميك اب خفيف ونزلت المطعم
ادهم خد حمام ولبس شورت اسود وتيشيرت ابيض وكوتشي ابيض ونزل يقابل مروه وهو نفسه يعرف دماغها فيها ايه؟؟؟؟؟؟؟؟
اول ما وصل ادهم للترابيزه اللي قاعده عليها مروه لقيها بتضحكله ضحكه جميله فقلقه زاد اكتر وخصوصا انها علطول مشغوله ومشفهاش بتضحك من ساعة ما قابلها في المطار فضحكلها وقال:
ادهم:اتأخرت عليكي؟
مروه:لا ابدا انا لسه نازله
ادهم :ها هتغدينا ايه؟؟؟
مروه:اطلب اللي نفسك فيه
ادهم:بجد؟؟؟؟؟؟؟؟؟؟؟
مروه: اه طبعا
ادهم بص لقايمة الاكل واختار كل يكفي اربع رجاله ومروه عماله تضحك وهو بيقول للجرسون طلبه ومروه طلبت شوربه وسلطه واستيك مشوي وعصير
وفضلوا ساكتين لغاية الاكل ما وصل وفضلت مروه تتفرج على ادهم وهو بياكل كانه بقاله سنه ما اكلش حاجه وبعد ما خلص قال:
ادهم:ياااااه ده انا كنت جعان اوي
مروه:اطلبلك حاجه تانيه؟
ادهم :لا بس ممكن اشرب شاي عشان احبس
مروه:اوكيه (وطلبت شاي لادهم )وبعدين بصت في عينيه وقالت:
مروه:انا عايزه اطلب منك خدمه
ادهم:اتفضلي
مروه:ممكن تتجوزني؟؟؟
ادهم:نعمممممممممممم ؟؟؟
مروه:قبل ما ترد عليه احنا هنتجوز شهرين او تلاته وهتسافر معايا ايطاليا وبعد ما استلم الشغل نطلق وترجع مصر تاني ومش هكلفك ولا مليم ولاهطلب منك اي حاجه, ارجوك ده الفرصه اللي بتمناها طول عمري وانت ممكن تساعدني اني اوصلها ...........
ادهم:طيب انت هتسافري وتشتغلي وانا هكسب ايه؟
مروه:بص هديك اي مبلغ تطلبه وكمان ممكن اساعدك انك تشتغل في ايطاليا

ادهم بصلها كده مش مصدق نفسه وحس انها مش طبيعيه او انها انسانه متسرعه ازاي تطلب كده من واحد متعرفوش مش ممكن يكون مجرم او مريض بس لما بصلها حس انها يائسه وزي ما تكون حياتها متعله بسفرية ايطاليا ده وقعد يفكر يعمل ايه مع ست مروه دي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مروه:ها فكرت ولا لسه؟
ادهم:وانا اضمن منين انك مش هتأذيني او تكوني عايزه مني حاجه معينه؟
مروه:مش فاهمه؟
ادهم:مش ممكن تكوني عايزه تهربي مخدرات في شنطتي وحكاية شغلك ده تمويه
مروه:تمويه؟؟؟؟ ايه الافكار القديمه ده بص يا سيدي انا اسمي مروه والدي محامي كبير ووالدتي اتوفت من اربع سنين ومليش في الدنيا غير بابا وعندي مبلغ في البنك بابا اداهولي يوم تخرجي من الكليه وممكن تسأل عليه انا سمعتي ممتازه مليش تجارب من اي نوع واكتر حاجه بحبها في الدنيا بابا وشغلي واللغه الايطاليه

ادهم حس انها بريئه جدا وان كلامها بيأكد رأيه فيها انها متسرعه ومعندهاش تجارب فقرر يجاريها في اللعبه دي لحد ما يشوف آخرتها معاها............
ادهم :طيب اديني فرصه افكر
مروه:ممكن ترد عليه خلال الاسبوع اللي انا قاعداه في شرم الشيخ
ادهم:اشمعنى؟
مروه وهي رجعت تاني تبقى يائسه:عشان ادور على حد غيرك اتجوزه
ادهم كان عايز يضحك وحس انها مكبره الموضوع جدا ومتعلقه بالشغل ده مع انها ممكن تلاقي شغل احسن منه مية مره وهنا في مصر بس هيه ملهاش علاقات في مجال الصحافه وعجبته فكرة انه يتجوزها وفي نفس الوقت صعبت عليه فقرر انه يوافق بس بعد ما يتعرف عليها اكتر...................
ادهم :خلاص آخر الاسبوع هرد عليكي
مروه كانت هتطير من الفرح :مش عارفه اشكرك ازاي انت نعمه جاتلي من ربنا
فضلت مروه تحكيله عن احلامها في الشركه الجديده وعن باباها ومي صاحبتها وكل حاجه عنها وفجأه سألته:
مروه:انت بتبصلي كده ليه؟
ادهم :بحاول افهمك
مروه:اه نسيت انا بتكلم بسرعه ههههههههه هحاول ابطء شويه
ادهم :لا ابدا بس بحاول افهم شخصيتك
مروه :ليه؟
ادهم:مش احتمال تبقي مراتي
مروه:مراتك كده وكده ولمده قصيره
ادهم:برده ده ميمنعش اني افهمك , هو انت قلتي لباباكي على شرط الشركه الايطاليه؟
مروه:للاسف ده اول مره اخبي عنه حاجه
ادهم:امال هنتجوز ازاي؟
وحست مروه انها مفكرتش في الموضوع ده خالص........................
مروه:مش عارفه ,سيبني افكر واقولك
ادهم:طيب
وفضلت مروه سرحانه وبتفكر وفجأه وبصوت عالي قالت:
مروه:لقيتها................
ادهم بص حواليه وقال :هيه ايه دي؟
مروه :الفكره اللي هنقولها لبابا عشان نتجوز
ادهم :ها قولي اتحفيني بأفكارك
مروه:هنقول اننا اتقابلنا هنا وحبينا بعض واتفقنا على الجواز , ها ايه رأيك ؟
ادهم:طيب تمام , وفكرتي هتعملي فرح ولا لأ؟
مروه:لا لا انا مبحبش الافراح خالص هوه كتب كتاب وخلاص
ادهم:يا سلاااااااااااام هوه فيه بنت في الدنيا منفسهاش تلبس الفستان الابيض؟
مروه:ده البنات التافهه بس لكن انا غير كده انا عمليه وبفكر بعقلي مش بعواطفي
ادهم:مممممممم فهمت
مروه:في اسئله تاني؟
ادهم كفايه كده انهارده هكمل اسئله بكره تصبحي على خير ( وسابها وطلع اوضته)
مروه:بصتله من ظهره لقيت انه من حيث الشكل مناسب جدا والشخصيه مش بطاله بس لازم تغيرله استايل لبسه خااااااااااالص ............
وتاني يوم رن التليفون في اوضة ادهم ورفع السماعه وهو نايم وقال:
ادهم:الو
مروه:صباح الخير
ادهم لسه نايم:مييييين؟
مروه:انا مروه يا ادهم اصحى بقى
ادهم:مروه مين؟
مروه:مروه اللي طلبت ايدك امبارح
ادهم قعد في السرير وافتكر اللي حصل امبارح فقال:
ادهم:صباح الخير يا مروه
مروه:يلا انزل عشان عندي مؤتمر لازم اغطيه وانت هتيجي معايا عشان نكمل كلامنا
ادهم حس انها بتحاول تمشي كلامها عليه فقال:
ادهم:ما نكمل كلامنا لما ترجعي
مروه:لا انا عايزه ناخد على بعض عشان لو حصل نصيب منبقاش اغراب
ادهم:خلاص 5 دقايق ونازل المطعم
مرون قفلت وهيه بتفكر ازاي تقدر تجهز نفسها للسفر بسرعه ولبست جينز كحلي وبادي اصفر و صاندال اصفر
ادهم لبس شورت احمر كاروهات وتيشرت احمر وكوتشي ابيض
وراحوا المؤتمر وكان ادهم طول الوقت بيبص لمروه ويتابع ذكائها ف شغلها ولما خلصت ادورت لقيت ادهم بيبصلها بصه مش فاهمه معناها..............



الحلقة الرابعة

وبعد ما خلصت مروه شغلها راحت لادهم:
مروه:ها تحب تتغدى ايه؟
ادهم:انتي اللي عازمه؟
مروه :طبعا مش انا اللي اتقدمتلك هههههههههه
ادهم:ماشي يلا على مطعم سمك يجنن ده انا نفسي في السمك بطريقه
وراحوا مطعم السمك وطبعا ادهم طلب اكل كتير جدا ومروه مش مصدقه انه بقدر ياكل كل الاكل ده ومسكت نفسها عشان متضحكش وتكسفه........
وبعد ما خلص اكل بصلها وقالها:
ادهم:انتي بتبصيلي كده ليه؟
مروه:لا ابدا اصلك ما شاء الله بتاكل كويس اوي
ادهم مسك الفوطه ومسح ايده وقالها : قصدك ايه؟
مروه:انت زعلت والله مش قصدي حاجه انا يمكن اول مره اشوف شاب بياكل فمستغربه شويه
ادهم:ممممممممممم خلاص يلا اطلبيلي شاي
مروه:من عينيه ههههههه
وبص ادهم لمروه وهي بتضحك وقال لنفسه (يا ترى هتعملي فيه ايه يا مروه؟؟؟؟؟؟؟؟؟؟؟ )
وابتدى ادهم يسالها اسئله على موضوع الجواز:
ادهم:طب انا لما اقابل باباكي اقوله ايه بالضبط؟
مروه :عادي زي اي عريس انا طالب ايد بنتك
ادهم:بس انا معنديش امكانيات اني اتجوز
مروه:متقلقش انا بابايا راجل طيب واول ما يعرف اني بحبك هيوافق
ادهم:هوه انت بتحبيني؟؟؟؟؟؟؟؟؟؟؟؟؟؟
مروه:لا بقولك ايه ركز معايا ابوس ايدك ده هيه الكدبه اللي هنكدبها على الناس اننا بنحب بعض وده السبب اللي هنتجوز عشانه
ادهم:آآآآآآآآآآآآآآه فهمت , كملي
مروه:وحكاية الشقه والعبش والحاجات دي هنقول اننا هنعيش في ايطاليا مده
ادهم:طيب ومصاريف الفرح؟
مروه:انا لايمكن اعمل فرح واقعد ارقص و الناس تتفرج عليه انا انسانه بفكر بعقلي
ادهم:طب هجيب اهلي ولا آجي لوحدي؟
مروه:هوه انت عندك اهل؟
ادهم:وبعدين في الغلط ده بقى
مروه: مش قصدي انا اقصد انك مكلمتنيش عن اهلك خالص
ادهم:انتي فاكراني ايه ؟ ده انا من عيله كبيره بس الدنيا بقى هي اللي عملت فينا كده
مروه:للدرجه ده؟
ادهم:اه انت متعرفيش انا عملت ايه عشان اكمل تعليمي
مروه عينيها دمعت وصعب عليها ادهم اوي
مروه:انا مكنتش اعرف انك تعبت اوي كده في حياتك
ادهم :اقولك ايه ولا ايه يلا الحمد لله
مروه:وبالنسبه للمبلغ اللي هدفعهولك هديك نصه قبل الجواز والنص التاني بعد الطلاق
ادهم:هوه انتي هتديني كام؟
مروه:اي مبلغ تطلبه
ادهم:اي مبلغ اي مبلغ؟
مروه:جرب وانت تشوف
ادهم عمل بعينيه تعبير كله طمع وقال:100000جنيه
مروه:اتفقنا
ادهم:اتفقنا انا قبلت اتجوزك (وحس ادهم انه دخل لعبه لذيذه بس مش عارف ايه اخرتها؟؟؟؟ )
وعدى الاسبوع وكانت مروه كل يوم تقضي وقت فراغها كله مع ادهم حتى لما بتروح المؤتمر بيروح معاها ومع الوقت حست انه دمه خفيف بس محتاج شوية تغييرات لازم تعملها قبل ما تقدمه لباباها.........................
ورجعت مروه شغلها في المجله وطبعا اخدت رقم ادهم عشان يتفقوا على المعاد اللي هيجي يقابل باباها وهي قاعده بتفكر فيه جت مي:
مي:حمدلله على السلامه وحشتيي جدا
مروه:الله يسلمك.......... (وهي سرحانه خالص )
مي:اكتر حاجه بخاف منها لما تكوني سرحانه كده بحسك بترتبي لحاجه مرعبه
مروه :انا هقولك اللي حصل بس لازم تشجعيني وتساعديني (وحكت لمي كل حاااااااااااجه )
وفضلت مي باصلها ومش بتتكلم خالص:
مروه:مي ما تقولي حاجه
مي :انتي بتتكلمي جد؟
مروه:هوه ده كل اللي حصل من يوم ما سافرت لحد ما رجعت
مي:وفي انسان وافقك على الفكره المجنونه ده ؟
مروه :ده مسكين ومحتاج الفلوس
مي :محدش مسكين غيرك انت
مروه:يعني كنتي عايزاني اضيع فرصة عمري عشان متجوزتش؟؟؟
مي :انتي خلاص اكيد اتجننت
مروه:ليه بقى؟
مي:عايزه تتجوزي واحد متعرفيش عنه اي حاجه وحتى اسمه متعرفيش حقيقي ولا لأ ومكان شغله ممكن يكون بيكدب عليكي ويكون نصاب وميرضاش يطلقك , هتعملي ايه بقى ساعتها ؟
مروه:انا مفكرتش في اللي انت بتقولي عليه ده خالص
مي :طبعا انتي مبتفكريش كويس قبل ما تاخدي اي قرار
مروه:وطب وايه العمل دلوقت ؟ده عرف عني كل حاجه
مي :اول حاجه لازم نسأل عليه نشوف كلامه صح ولا نصاب
ومسكت مي التليفون وطلبت من الدليل رقم المجله العالميه وبعد كده ادت السماعه لمروه عشان تسأل عليه وتسمع صوته :
مروه:الو,المجله العالميه ؟
ممكن اكلم الاستاذ ادهم العايدي ؟
الو
ادهم:الو
مروه:ازيك يا ادهم
ادهم:مين حضرتك؟
مروه:انا عروستك
ادهم ابتسم ابتسامه كبيره ومردش عليها عشان عرف هي بتتصل بيه ليه .............
مروه:الو ادهم
ادهم:ايوه معاكي
مروه:انت مشغول؟
ادهم :جدا
مروه :طيب هكلمك بعدين
ادهم:سلام (وقفل السكه وقعد يضحك بصوت عالي )
مي:ها طلع هوه؟
مروه:اه يا ستي هوه بس كان مشغول ومعرفش يكلمني ,ها اطمنتي دلوقتي ؟
مي :لسه طبعا يابنتي ده جواز
مروه:ما هو مش جواز زي ما انتي فاهمه
مي:قصدك ايه؟
مروه:قصدي انه جواز كده وكده
مي اغمى عليها على الكرسي ومروه قامت عشان تفوقها و
رجعت مروه البيت وهي ميته من الضحك من منظر مي وهي مغمى عليها لما عرفت اللي مروه هتعمله ولقيت باباها مستنيها:
ابو مروه:خير يا حبيبة بابا بتضحكي على ايه؟
مروه:لا ابدا اصل مي ضكتني ضحك انهارده
ابو مروه:ربنا يفرحك يا حبيبتي, ها اخبارك ايه؟
مروه:انا عندي خبر كان نفسك تسمعه من زمان؟
ابو مروه:خير ان شاء الله
مروه:انا ........... جايلي عريس
ابو مروه:مش مصدق اللي بسمعه,مروه عدوة الرجل بتقول انه جايلها عريس وكمان مكسوفه
مروه:الله بقى يا بابا؟ متكسفنيش
ابو مروه:ومين اللي قدر يخليكي تغيري مبدأ رفض الجواز ده؟
مروه:بصراحه هو صحفي قابلته في شرم الشيخ
ابو مروه:طيب اسمه ايه؟
مروه:ادهم .. ادهم العايدي
ابو مروه:مسمعتش عنه قبل كده
مروه:ما هو مش مشهور لسه هو عنده 30 سنه
ابو مروه:طيب وهشوفه امتى؟
مروه:قريب اوي ان شاء الله
ابو مروه:ربنا يوفقك يا بنتي وافرح بيكي
مروه وشها احمر من الكسوف عشان بتخدع باباها وحست ان الكذب احساس وحش اوي بس غصب عنها...................
بالليل رن موبايل مروه فردت:
مروه:الو
ادهم:الو يا مروه
مروه:انت كنت فين؟
ادهم:كنت بشتغل
مروه:ها هتيجي تقابل بابا امتى؟
مروه:زي ما تحبي
مروه:انا اعرف ان العرسان بتتقدم يوم الخميس
ادهم مسك نفسه بالعافيه من الضحك :طيب يوم الخميس,تحبي آجي الساعه كام؟
مروه:مش عارفه؟
ادهم:الساعه 8 كويس؟
مروه:طيب مستنياك ,بس............
ادهم:خير في حاجه؟
مروه:ممكن تلبس شيك عشان بابا
ادهم: ليه وانا لبسي وحش؟
مروه:لا مش قصدي ,بس انت عارف العرسان بيهتموا بيلبسوا بدل وبيحلقوا دقنهم وكده يعني
ادهم:طيب هحاول
مروه:انت زعلت؟
ادهم:ابدا وازعل منك ليه؟؟؟؟؟؟؟ (وقعد يضحك من غير صوت)
مروه:طيب هستناك يوم الخميس الساعه 8
ادهم:الساعه 8 بالضبط هكون عندك بس قولي العنوان
وقالت مروه عنوانها وهي بتدعي ربنا انه يلبس كويس عشان باباها ميشكش في حاجه
وجه يوم الخميس وباباها قالها:
ابو مروه:انتي مش هتغيري هدومك عشان العريس جي؟
مروه:اغير ليه؟
ابو مروه بصلها وهي لابسه جينز مقطع من عند الركبه وبادي ابيض ورافعه شعرها لفوق وشكلها رايحه تنضف مش مستنيه عريس
ابو مروه:قومي يا مروه يا حبيبتي البسي فستان شيك وسرحي شعرك
مروه:حاضر يا بابا ( ايه بقى هو جه عليه اليوم اللي هلبس عشان واحد يتفرج عليه؟؟؟؟ اوف .. معلش كله عشان خاطر ايطاليا )
والساعه 8 بالضبط جرس الباب رن وسمعت مروه صوت ادهم بيسلم على باباها فخرجت عشان تلحق لحسن ادهم يعك في الكلام والخطه تبوظ
كانت مروه لابسه فستامن قصير بيج وشوز بني وعقد بني وحاطه ميك اب رقيق بني ونحاسي وفردت شعرها ودخلت مروه الصالون وحست انها هيغمى عليها!!!

لقيت مروه باباها قاعد مع شاب زي القمر وشكت انه مش ادهم بس لما ركزت شويه لقيت انه هو بس متغير خالصوكان لابس بدله رمادي شيك جدا وتحتها قميص موف وكرافت موف في رمادي وكان حالق دقنه وريحة البيرفيوم بتاعته ماليه المكان وكان على الترابيزه اكبر بوكيه ورد احمر شافته في حياتها وعلبة شوكولاته من محل غالي جدا ولقيت ان باباها مندمج جدا مع ادهم وعمال يتناقش معاه والو ما حس ادهم بيها وقف عشان يسلم عليها وبص في عينيها ولقي نظره استغراب فظيعه ومسك نفسه من الضحك وابتسم ابتسامه هاديه وقالها:
ادهم :ازيك يا مروه؟
مروه وشها احمر بجد :الحمد لله (و قالت لنفسها ايه هتتكسفي زي البنات التافهه ولا ايه؟؟؟؟؟؟؟؟؟؟)
وقعدت مروه تسمع كلام باباها مع ادهم وهي شايفه شخصيه قويه ولبقه وواثق من نفسه جدا وراح باباها قال:
ابو مروه:ما تجيب حاجه نشربها يا حبيبتي
مروه:آآآآآه حالا............. وقامت على المطبخ وحطت العصير في الكاسات وخرجت بالصينيه واول ما ادهم شافها قام عشان يساعدها فقالت بصوت واطي:
مروه :ايه الشياكه ده؟
ادهم:انا استلفت البدله من واحد صاحبي
مروه:بس برافو عليك
ادهم:عجبتك؟؟؟؟؟؟؟؟؟؟؟
مروه:اه طبعا كده مناسب تكون عريس قدام بابا
ورجعوا قعدوا وابتدى بابا مره يسأل ادهم الاسئله التقليديه وادهم بيرد بكل ثقه ومروه حاسه انها بتحلم ...................
وبعد ساعتين استأذن ادهم عشان يمشي وساب الكارت بتاعه لوالد مروه عشان يسأل عليه وسلم عليهم ومشي فباباها قالها:
ابو مروه:يااااااه الشاب ده ممتاز هوه ده الراجل اللي اتمنى زوج ليكيربنا يسعدكم (وراح حضن مروه وباسها ومروه حست انها ادبست خلااااااااااااص)



الحلقة الخامسة
وخلال الاسبوع لقيت مروه نفسها في دوامه من الحاجات بتاعت العروسه فباباها طلب منه تنزل تشتري طقم عشان تقابل اهل ادهم اللي هيجوا آخر الاسبوع
وادهم قالها انه هيجيب مامته يوم الخميس وطلب منها تتعامل كأنها سعيده بالجوازه وانها بتحبه وبتموت فيه وهي طبعا حاولت تفهمه انها مش بتحب الاسلوب ده بس ادهم قالها ان اهم حاجه عشان الجوازه تكمل ان مامته توافق وتحبها كمان !!!!!!!!!!!!!!!

وابتدت مروه تعمل زي ما باباها طلب منها جابت شغاله تنضف الشقه مع انها شايفه انه مفيش داعي لكل ده واشترت طقم شيك وبرده كانت متغاظه لانه غالي اوي على المناسبه اللي مش حقيقيه دي وراحت للكوافير اللي باباها حجزلها عنده معاد وهي هتفرقع ومش مصدقه اللي بيحصل هي كانت فاكره الموضوع كتب كتاب وبعد كده سفر وخلاص بس برده قالت لنفسها كله يهون عشان تحقق حلمها وجه يوم الخميس .....................................

ورن جرس الباب الساعه 8 بالضبط وسمعت صوت باباها بيرحب بادهم ومامته وفضلت في اوضتها مكسوفه تخرج لانها مش بتحب ان حد يتفرج عليها وجه باباها يقولها يلا تعالي ومتتكسفيش يا عروسه وهي بتقول (هوه الموضوع قلب جد ولا ايه؟؟؟؟؟؟؟؟؟؟؟؟؟؟؟؟؟؟؟)
وخرجت مروه لقيت ادهم لابس بدله كحلي شيك جدا وتحتها قميص ازرق فاتح وكرافت شيك جدا ولقيت مامته لابسه تايير اسود وتحته بلوزه بيضا ولابسه حجاب شيك اوي وطقم دهب ابيض شكله تحفه فاستغربت انها لابسه شيك كده؟ وخدت نفس عمييييييييييق ودخلت تسلم عليهم.............
قام ادهم اول ما شافها عشان يسلم عليها( وبصلها بصه غريبه كأنه اتفاجأ من شكلها كانت لابسه فستان كات برقبه عاليه لونه بينك فاتح وطويل وواسع من تحت
وكانت عامله تسريحه لفوق وخصل من شعرها نازله حوالين رقبتها ووشها)
وقرب منها وقالها:
ادهم:ازيك
مروه وهي مكسوفه:الحمد لله وبصوت واطي ايه الشياكه ده؟
ادهم:استلفنا الهدوم من عند خالتي , اقدملك ماما
مروه قربت وسلمت على مامته ومامت ادهم قالت:ما شاء الله عرفت تختار يا حبيبي زي القمر
مروه بقى كانت عايزه تجري وتستخبى في اي حته من الكسوف وفضلوا كلهم يضحكوا وهي وشها احممممممممممر اوي
وفضل بابا مروه يرحب بيهم وجت الشغاله جايبه عربية الجاتوه والشاي وقدمت وخرجت وقعد ادهم يتكلم مع بابا مروه اما مروه فمسكتها مامت ادهم:
مامت ادهم :انا فرحانه اوي عشان ادهم لقي عروسه زي القمر
مروه:ميرسي يا طنط
مامت ادهم:قوليلي يا حبيبتي انت هتشتغلي بعد الجواز؟
مروه:الحقيقه....راح رد ادهم:اه طبعا يا ماما شغل مروه جزء من شخصيتها
مامت ادهم:طيب يا حبيبي ربنا يسعدكم
مامت ادهم :ها احكيلي اول مره شفتي ادهم حسيتي بايه؟
مروه:اول مره.......رد ادهم:ما انا حكيتلك يا ماما اتقابلنا في المطار وحبيتها من اول نظره
مروه فضلت فاتحه بقها وبعدين قالت:اه اه بالضبط هوه ده اللي حصل ( وكانت مستغربه ازاي يقول كده هي ما اتفقتش معاه على كده )
وفضلوا يتكلموا وبعدين ادهم قال:هي الشركه الايطاليه ردت عليكي ولا لسه؟
مروه:اه بعتت رد انهارده وقبلوني في الوظيفه
بابا مروه:انت مقلتليش
مروه:معلش يا بابا كنت مشغوله ما انت عارف
باباها:طيب ده خبر كويس,وانت يا ادهم مستعد تسافر ايطاليا مع مروه؟
ادهم بصلها في عينيها وقال:انا اروح معاها آخر الدنيا ( وكانت مروه عايزه تقوم تضربه عشان هو اندمج اوي في الدور وهي بتتكسف )
بابا مروه:وناوين تعملوا الفرح فين؟
مروه:اصل.......ردت مامت ادهم:اكيد في احسن مكان في مصر ده اليوم اللي اما مستنياه طول عمري (وابتدت مامته تعيط عشان افتكرت باباه الله يرحمه)
ادهم:خلاص يا ماما اللي تشوفيه يا حبيبتي
ابو مروه:يا ريت مامتك كانت موجوده يا مروه اكيد كانت هتطير من الفرحه
وحست مروه انها فعلا محتاجه مامتها وعينيها دمعت
ادهم :ايه يا جماعه يعني اعيط انا كمان ( وقعدوا يضحكوا كلهم واتفقوا ان الفرح يكون آخر الشهر ومروه حست انها اكيد بتحلم .................)

ويوم السبت كان بابا مروه قاعد في مكتبه جه السكرتير وقاله:بعد اذن حضرتك في شاب عايز يقابل حضرتك
ابو مروه :اسمه ايه؟
السكرتير: ادهم العايدي
ابو مروه :خليه يتفضل بسرعه وشوفوا يشرب ايه

ودخل ادهم وقعد مع بابا مروه وفضلوا يتكلموا ساعتيــــــــــــــــــــــــــــــــــــــن...... ..........................

ابتدت مروه تشتري في هدوم جديده عشان باباها اصر على كده واداها مبلغ كبير وقالها لازم تخلصيه كله وفعلا كل يوم تاخد مي اللي حاسه ان صاحبتها اتجننت
رسمي عشان هتتجوز كده وكده بس سكتت لما حست ان مروه مقتنعه باللي بتعمله واشتروا حاجات كتير ورجعوا البيت عند مروه وهما بيضحكوا واول ما دخلوا
مروه لقيت مفاجأه جامده مووووووووووووووت...........................


الحلقة السادسة
دخلت مروه هي ومي البيت لقيت ادهم ماشي بياكل موزه وبيتكلم في الموبايل مي قالت:
مي : مين القمررررررررررر ده
مروه:ده .. ده ادهم العريس
مي:انتي بتهزري مش كده؟
مروه :ليه يعني ؟
مي : ايه يا بنتي ده ده جاااااااااااااامد جدا معقول في شاب وسيم للدرجه ده
مروه بصتلها وقالت :اتفضليه
مي:بجد ولا عزومة
مروه:ها ها ها ظريفه
خلص ادهم التليفون وقال:انت رجعتي يا حبيبتي
مروه اتخضت وقالت :آه رجعت انت هنا بتعمل ايه؟
ادهم:لا ابدا اصل عمي عزمني على الغدا وانا قلت اتسلى في الموزه عقبال ما ترجعي بالسلامه ,مش هتعرفيني ؟؟؟
مروه:اه معلش ده مي صاحبتي
ادهم قرب من مي: انا سعيد اني اتعرفت عليكي اخيرا
مي وشها احمر: انا اسعد
ادهم:مروه حكتلي عنك كتير
مي:بجد؟
ادهم :اه فعلا
وقعد ادهم يتكلم مع مي ويهزر وهي بتضحك على كلامه ومروه قاعده متغاظه عشان مي غيرت رأيها فيه بمجرد ما شافته
وجه ابو مروه وقال:اتفضلوا يا جماعه الغدا جاهز
وقعدوا كلهم على السفره وادهم قعد جنب مروه وفضل يأكلها بشوكته وهي وشها احمر خالص وقالت بصوت واطي:
مروه:ايه اللي انت بتعمله ده؟؟؟
ادهم:اضحكي عشان باباكي ومي ما ياخدوش بالهم انك مكشره
مروه:طيب بطل اللي بتعمله ده وبطل كلمة حبيبتي ده
ادهم:لازم نمثل كويس عشان محدش يشك في حاجه ههههههههه
مي :احم احم احنا هنا معاكم على السفره ههههههه
ادهم:سوري يا مي اصلي لما بشوف مروه بنسى كل الدنيا
مي:طب يا سيدي ربنا يسعدكم
مروه كانت هتصرخ بصوت عالي ده بيمثثثثثثثثثثثثثثثل محدش يصدقه بس مسكت نفسها في آخر لحظه
ابو مروه:ها يا حبيبتي اشتريتي كل الحاجات؟
مروه:اه يا بابا
ابو مروه:طيب هتعملي ايه في فستان الفرح؟
مروه:هشتريه من اي محل
مي :ازاي بقى ده ليلة العمر احنا لازم نشتريلك اشيك فستان في مصر كلها او ابعتي هاتي من بره ,ولا ايه رأيك يا ادهم؟
ادهم:اه انا موافق على فكرة اننا نشتريه من بره ده انا واحد صاحبي عنده اتيليه في فرنسا هكلمه يبعت لمروه صور تختار منها
مروه:صاحبك في فرنسا؟؟؟؟؟؟؟؟؟؟؟
ادهم:ايه انا محكتلكيش عنه قبل كده؟
مروه وهي بتجز على سنانها:لا محكتليش
ادهم :بكره الصور هتجيلك على الايميل اختاري اي فستان يوصلك خلال اسبوع
مروه:اوكيه
وكمله كلام عام ومروه مش فاهمه هو ليه بيكذب كده ؟؟ مع انها كان ممكن تشتري فستان من مصر وخلاص
وفعلا تاني يوم جالها ايميل فيه صور فساتين تجنن واختارت واحد وقالت لما اشوف هيدفع تمنه منين؟؟؟؟؟؟؟؟؟؟؟؟

وبابا مروه اصر انه يدفع فلوس الفرح كلها وحجز في دار الدفاع الجوي في اكبر قاعه ومروه حاسه انها بقت مضغوطه من كل الاحداث اللي ورا بعض ده واللي مكنتش عامله حسابها ابدا........................
واتحدد يوم الفرح وكان قبل معاد السفر لايطاليا باربع ايام فباباها حجزلها اربع ايام في الدار ومنه على المطار وكل ما المعاد يقر مروه تحس انها عايزه تعترف لباباها بكل حاجه بس ترجع تقول انها مقتنعه باللي بتعمله وتصبر نفسها انها كلها ايام وتتطلق وتعيش حياتها زي ما هي عايزه في ايطـــــــــــــــــــــاليا...................... ..

وجه يوم الفرح وراحت مروه ومي الدار الصبح عشان تستعد وخدت معاها الفستان و شنطه صغيره فيها هدوم للكام يوم بتوع الدار وبدأ تجهيز مروه عشان تبقى عروسه وجت الست المختصه بأزالة الشعر ومروه رفضت انها تعملها اي حاجه وقالت انا محدش يشوفني ابدا ومي حاولت تقنعها ان لازم عشان هي عروسه بس مروه اصرت وقالت كفايه اوي اني ههحط ميك اب واعمل شعري
ومي عماله تضحك عليها وحست ان مروه اغرب عروسه شافتها في حياتها ومي كانت حاسه ان ادهم مش هيوافق ابدا على فكرة الجواز اللي كده وكده دي بس مرضيتش تخوف مروه..........................
ورن جرس التليفون في الاوضه :
مي:الو
ادهم:ازيك يا مي؟
مي :الحمد لله ازيك انت يا عريس؟
ادهم:انا متوتر جدا
مي :لا اجمد كده ده انهارده فرحك ( فجت مروه وخدت منها السماعه )
مروه:الو انت فين؟
ادهم:اهلا بعروستي العزيزه
مروه:انت فين؟
ادهم :في الاوضه اللي جنبك
مروه:بتعمل ايه؟
ادهم: هههههههههه ايه اللي بعمل ايه ؟ هو انا مش عريس ولا ايه؟
مروه:ولا ايه؟ يعني انت عندك كوافير برده؟
ادهم:اه وبيعملي ماسكات وحاجات
مروه:ليه ؟
ادهم:عشان انا عريس
مروه: طيب باي دلوقت
ادهم:باي ( وقعد يضحك جامد جدا عشان مروه خافت منه )
ولبست مروه الفستان وعملت كل حاجه واستنت يجي ادهم عشان يروحوا يتصوروا سوا وفضلت حاسه بمغص من كتر الخوف وبعد شويه خبط الباب وفتحت مي ودخل ادهم........................
بصت مروه لقيت قمر واقف لابس بدله سودا شيك وقميص تحفه وبيبيون جميله ومسرح شعره بطريقه حلوه وحاطط جيل والبيرفيوم بتاعه يجنن وفضلت باصاله......
ادهم دخل لقى مروه واقفه بتبصله وهي لابسه فستان ابيض كاب وكله تطريزدهبي كتير على الصدر والتطريز بيخف كل الفستان ما ينزل لتحت والطرحه طويله ومطرزه وهي عامله تسريحه لتحت عشان هي طويله وحاطه ميك اب على دهبي وروج نحاسي خفيف
وحاطه ارق بيرفيوم شمه في حياته فقرب منها ومسك ايدها وباسها من جوه كفها وخد ايده في ايده وراحوا يتصوروا
وهما بيتصوروا كانت مروه بتنفذ اللي بيطلبوه منها بس كل تفكيرها ان ادهم باس ايدها وهي حست احساس غريب حاست كأنها طايره في السما بس فكرت انها لازم تقوله ميعملش كده تاني عشان هي مبتحبش كده..... وارتاحت مروه للقرار ده وكملت تصوير
وبعد ما خلصوا تصوير جه باباها وباسها في راسها وخدها من ادهم ونزل ادهم عشان يستنى تحت عشان الزفه وجت مي نزلت الطرحه على وش مروه وابتدت مروه تنزل عشان الفرح هيبدأ.........................


الحلقة السابعة

مروه فجأه كده لقيت نفسها نازله السلالم وباباها ماسكها وادهم مستنيها ولقيت ناس كتييييييير تعرفهم ومتعرفهمش وكله مستنيها تنزل وحست ان رجليها بتخبط في بعض من الخوف وقعدت تقول لنفسها ان ده مش حقيقي وانه جواز كده وكده بس برده كانت مكسووووووووووفه ووصلت لادهم راح سلم على باباها وقرب منها ورفع الطرحه..................
وبصوا لبعض وكأن الدنيا وقفت ومكنتش مروه سامعه اي حاجه ولا شايفه غير عين ادهم وهو بيبصلها نظره عمرها ما هتنساها ابدا ورا ح ادهم قرب منها وباسها خمس بوسات في كل خد اتنين وفي راسها واحده وهي كان هيغمى عليها بس فضلت تقول لنفسها كل ده عشان الناس تصدق بس مش اكتر اه هو كده اه......
ومسكها ادهم ووقفوا في الزفه وكانت زفه بالكامنجات وبنات صغيرين بيرقصوا باليه ودخلوا القاعه وقعدوا في الكوشه و ابتدى الفرح!!!!!!!!!!!!!!!!!!!!!!!!
و مروه كانت فرحانه لأنها اخيرا هتقعد على كرسي عشان رجليها مبقتش شايلاها وركبها كانت بتخبط في بعض وفجأه ابتدت الرقصه الاولى للعروسه والعريس
وكانت اغنية (عابالي حبيبي)لايليسا وقاموا عشان يرقصوا واول ما حط ادهم ايديه حواليها حست انها بتحلم وخصوصا ان ده اول مره ترقص سلو مع اي حد غير مع باباها وفضل ادهم مقرب وشه منها وهي مش عارفه تبص فين من كتر الكسوف فقالت:
مروه:ايه ده انت مقرب كده ليه؟
ادهم:الله مش عريس
مروه:بس انا مكسوفه كده
ادهم:وانا كمان مكسوف
مروه:لا انت شكلك متعود ترقص مع بنات
ادهم ونظرة براءه فظيعه في عينيه: انا ؟ ابدا ده اول مره اقرب من بنت كده (وطبعا كان فرحان وعايز يضحك فمروه حست انه بيضحك)
مروه:انا نفسي اعرف انت بتضحك ليه ؟؟؟؟؟؟؟؟؟؟؟
ادهم:اصلك متوتره اوي بصي عشان اليوم يعدي نتفق اتفاق
مروه:اتفاق ايه ؟
ادهم:بصي يا عروستي ...
مروه:متقليش كده
ادهم :طيب ,بصي يا حبيبتي
مروه:وبعدين بقى
ادهم:بصي بس احنا نمثل اننا فرحانين وبنحب بعض عشان محدش يشك في اي حاجه
مروه سكتت وفضلت تفكر..............
ادهم:ها موافقه؟
مروه:اوكيه بس متقربش مني اوي
ادهم:تمام يا فندم وفضلوا يرقصوا ونسيوا الناس اللي حواليهم...............
وبعد الرقصه ده جت اغنيةHOW DO I LIVE WITHOUT U ورقصوا عليها وراح شباب وبنات جابوا شمع صغير ونوروه حواليهم في شكل دايره والدنيا ظلمه الا من نور الشموع وبعد الرقصه ده ما خلصت بدأت الاغاني المصريه اللي بترقص ففضلوا يرقصوا مع المعازيم وبعد كده طلبوا العريس عشان هيكتبوا الكتاب وراح ادهم مع بابا مروه وسابها في الكوشه وجت مي وقفت معاها :
مي :كل الرقص الرومانسي ده وتقوليلي كده وكده؟
مروه: يا بنتي افهمي احنا اتفقنا نمثل عشان بابا
مي :طب وبالليل هتمثلوا برده؟؟؟؟؟؟؟؟؟؟؟؟
مروه:قصدك ايه؟
مي :على فكره شكلكوا بتحبوا بعض بجد
مروه:بلاش افكارك الرومانسيه ده
مي:وفيها ايه لما تحبي جوزك؟
مروه:انا اصلا رافضه مبدأ الحب والجواز ده
مي وهي بتضحك ضحكه مريبه : طيب اما نشوف هترفضي لحد امتى؟؟؟؟؟؟؟؟؟؟؟؟؟؟
وجه ادهم وقالها: مبروك كتبنا الكتاب
مروه:مبروك عليه سفرية ايطاليا
ادهم وشه اتغير وحست مروه انه ادايق بس معرفتش ليه وكملوا الفرح لحد الآخر وبعد كده سلموا على المعازيم عشان هيطلعوا اوضتهم وجه بابا مروه ومامت ادهم سلموا عليهم ووصوهم على بعض واتفقوا انه هيزوروهم بكره آخر اليوم وبابا مروه قعد يحضنها ويعيط وهي كمان عشان ده اول مره هتبعد عنه عشان بقت متجوزه وركب ادهم ومروه الاسانسير........................

واول ما دخلوا جناح العرايس قلع ادهم جاكت البدله ورماه على الكرسي وقال:
ادهم :يااااااااه ده انا تعبت تعب من الرقص
مروه فضلت باصاله ومش عارفه تقول ايه فسألها:
ادهم :تحبي تغيري هنا ولا في الحمام؟
مروه:انا هروح الحمام وجريت على الحمام وقفلت الباب وادهم قعد يضحك وهو حاسس انه طاير من الفرح عشان مروه بقت مراته وابتدى يغير هدومه ولبس بيجاما لونها كحلي وقعد على الكرسي يستنى مروه تخرج..................
مروه قلعت الفستان وشالت الميك اب وخدت حمام بس من غير شعرها عشان كانت تعبانه وعايزه تنام وبعد ما خلصت نشفت جسمها بالفوطه بس اكتشفت حاجه فظيعه !!!!!!!!!!!!!!!!!!!!!!!
وبعد ما مروه نشفت افتكرت انها مخدتش هدومها معاها وقعدت تفكر تعمل ايه في الكارثه ده ؟؟؟؟؟؟؟؟؟؟؟؟؟؟
وبعد كده قررت انها تنادي ادهم يديها الشنطه فطلعت راسها بس وندهت عللى ادهم بكل ثقه:
مروه:ادهم ..ادهم.. ( بس مردش قالت معقوله خرج عشان تاخد راحتها ده يبقى ذوق اوي )
مروه:ادهم................... ( ادهم بقى كان سامعها بس عمل نفسه نايم عالكرسي )
مروه طلعت راسها كلها لقيته نايم نوم عميق زي بتاع المطار وهي مش عايزه تخرج لافه نفسها بالفوطه فقعدت في الحمام وبعدين ابتدت تحس بالبرد فقررت انها تخرج عشان تجيب الشنطه من بره وتدخل علطول تاني وقعدت تركز جدا انها هتجري بسرعه وترجع بسرعه ومن غير صوت عشان ادهم ميصحاش......
وفعلا فتحت الباب وبصت على ادهم لقيته نايم لسه ..فخرجت بشويش خالص وادهم بيبص من بين رموشهوماسك نفسه من الضحك وحس ان مروه ده اخف دم قابله في حياته ووصلت مروه لحد الشنطه ومسكتها وابتدت تجرها للحمام وفجأه سمعت صوت مرعب :خخخخخخخ خخخخخخخخ خخخخخخخ فاتخضت والشنطه وقعت على الارض وعملت صوت ومروه دمها وقف لانها فقالت اكيد هيصحى بس لقيته لسه مكمل نوم فضحكت وقالت الحمد لله ان نومه تقيل ومسكت الشنطه وجري على الحمام وقفلت الباب وادهم دخل البلكونه وفضل يضحك على منظرها ...................
وبعد عشر دقايق خرجت مروه لابسه بيجاما ساتان كات ولونها اصفر وكانت قافله كل الزراير لحد رقبتها ولامه شعرها على فوق ومش حاطه ميك اب لكن برده ريحتها وصلت لادهم اللي خرج من البلكونه وقالها :
ادهم:انتي اتأخرت اوي
مروه وهي جد جدا:كنت باخد حمام انت لسه صاحي
ادهم:انا نمت شويه عالكرسي وصحيت , تحبي نطلب عشا؟
مروه افتكرت انها مكلتش حاجه طول اليوم عشان التوتر فقالت :اه ده انا جعانه خالص
ادهم مسك التليفون وطلب عشا جامد وفضلوا واقفين في البلكونه ساكتين لحد ما الاكل يوصل وبعد شويه خبط الباب وادهم راح يفتح وجاب العشا وحطه على الترابيزوقعدوا ياكلوا والمره ده ادهم هو اللي كان بيتفرج على مروه وهي بتاكل فسألها:
ادهم:انتي آخر مره كلتي امتى؟
مروه:امبارح الظهر
ادهم:ليه كده؟
مروه:كنت مشغوله جدا
وادهم شرب بس عصير وبعد ما مروه خلصت اكل راحت غسلت سنانها وخرجت من الحمام بتدعك في عينيها من كتر الارهاق وبصلها ادهم وهي هاديه كده ومن غير ميك اب وحس ان شكلها عندها 17 سنه مش 27وضحك فمروه بصتله وهي مكشره :
مروه :بتضحك على ايه؟
ادهم:اصل شكلك تعبانه اوي
مروه:اه وعايزه انام ,تصبح على خير ( ودخلت السرير واتغطت وهي مش قادره تفتح عينيها )
وفجأه حست بحركه جنبها عالسرير فقامت مخضوضه بصت لقيت ادهم نايم جنبها بس فآخر السرير واداها ظهره واتغطى فقالت بانفعال:
مروه:انت هتنام هنا؟؟؟؟؟؟؟؟؟؟؟
ادهم:اه امال هنام فين ؟ تصبحي على خير
مروه:مينفعش تنام هنا
قام ادهم وقعد واكتشفت مروه انه مش لابس حاجه من فوق فغطت عينيها وقالت:
مروه:ايه ده؟؟؟؟؟؟؟؟؟؟؟
ادهم :ايه؟
مروه :البس هدومك
ادهم :مبعرفش انام غير كده وبعدين بصي بقى انا تعبان وعايز انام واعتبريني مش نايم جنبك سيبيني بقى عايز انام
مروه:انا مش بحب حد ينام جنبي
ادهم:خلاص روحي نامي على الكرسي آه ممكن تقربي الكرسيين على بعض وتنامي على فكره
مروه:انت بتتكلم جد المفروض انت اللي تنام على الكرسيين
ادهم:انا مش هقوم من السرير واتغطى و نام
وفضلت مروه متغاظه منه وقامت تنام على الكرسي بس بعد ساعه ظهرها وجعها وكانت هتعيط من التعب فبصت لقيت ادهم نايم مرتاح ففكرت انها هتدخل الناحيه التانيه من السرير من غير ما يحس......................
وحس ادهم بيها وهي داخله السرير فقال لنفسه يا ساتر ده انتي عنديه بطريقه وضحك ونام وحس بيها لسه صاحيه عشان كانت بتتحرك كل شويه وبعد ساعه حس بيها نامت فضحك ونام بعد ما اطمن انها نامت ..............
وصحي ادهم الصبح لقي مروه الغطا متشال من عليها وشعرها مفكوك وكمان حاطه رجليها عليه ودراعها فوق صدره وفرح اوي وعمل نفسه نايم وبعد شويه اتحركت مروه وصحيت لقيت نفسها تقريبا حاضنه ادهم فبعدت عنه وقالت الحمد لله انه نايم وقالت ده عيب اللي بيتحرك كتير وهو نايم وحاولت تقوم براحه
فاتحرك ادهم وحط دراعه حواليها وهو نايم فمتحركتش وحاولت تبعد دراعه براحه بس اول ما لمسته قرب منها اكتر وهو نايم فحست انها مكسوفه فصحته:
مروه: ادهم..ادهم
ادهم:ممممممم ثواني يا ماما وهصحى
مروه وهي متغاظه:ادهم
ادهم:ممممممممممم
مروهبصوت عالي:ادهم
ففتح ادهم عينيه وعمل نفسه مخضوض:فيه ايه؟
مروه:ممكن تبعد ايدك عني
ادهم بص كأنه مش قاصد وقال: ايه ده ايه اللي جاب دراعي هنا؟
مروه:مش ده المهم المهم انك تبعده عشان عايزه اقوم
ادهم :حاضر انا آسف
مروه بثقه :خلاص حصل خير تحب تدخل الحمام الاول؟
ادهم:اه هروح انا
ودخل الحمام وقفل الباب وحست مروه انها كانت هتموت من الخوف بس ربنا ستر واستنت لما ادهم يخرج عشان تدخل تغير هدومها................
وبعد ربع ساعه خرج ادهم وبصت مروه لقيته لافف فوطه حوالين وسطه ومش مكسوف ولا حاجه وراح الدولاب طلع هدومه وقالها:
ادهم:ممكن تدخلي الحمام عشان اعرف البس اصلي بتكسف
مروه:طلعت تجري على الحمام وقفلت الباب
وادهم لبس هدومه وهو بيضحك..................................


الحلقة الثامنه

بعد كده لبس ادهم شورت جينز وعليه تيشيرت اصفر وكوتشي ازرق وفضل مستني مروه لما تخلص لبس في الحمام وخرجت مروه لابسه بنطالون كتان واسع لونه بيج وعليه بادي بينك فاتح ولبست صاندال بينك رقيق وعملت شعرها ديل حصان على تحت وحطت ميك اب هادي خالص واول ما دخلت البلكونه ادهم قالها:
ادهم:تحبي تعملي ايه دلوقت؟
مروه:مش عارفه
ادهم :يعني نخرج ولا نفضل في الاوضه
مروه:لا لا يلا نخرج طبعا
ادهم:ههههه تحبي تروحي فين؟
مروه:اي مكان
ادهم:طيب يلا عشان نفطر في مكان على ذوقي
وخرجوا بعربية ادهم ووداها محل فول وطعميه بلدي جدا وكانت مروه مش مصدقه نفسها انها هتاكل في المكان ده بس سكتت عشان متكسفوش........
وقعدوا وجه الجرسون وسلم على ادهم جامد:
الجرسون : صباح الخير يا ادهم بيه
ادهم:صباع الخير يا محمود
الجرسون:ها تحبوا تفطروا ايه؟
ادهم :عايزين فطار على ذوقك
ومشي الجرسون وفضل ادهم باصص لمروه عشان شكلها مدايق وقال:
ادهم:في حاجه مدايقاكي؟
مروه:لا ابدا
ادهم :المكان مش عاجبك؟
مروه:لا عادي ,بس اول مره آجي هنا
ادهم:المكان يمكن شكله بسيط بس اكله تحفه
مروه:اوكيه على ضمانتك
ادهم:متخافيش على ضمانتي ههههههه
وجه الاكل وابتدوا ياكلوا وعجبهم الاكل جدا وخصوصا المخلل ومروه قالت:
مروه:ياااااه ده انا عمري ما فطرت فطار زي ده
ادهم:ليه ؟
مروه:انا كنت بشرب نيسكافيه بس
ادهم:ده انا اهم وجبه عندي الفطار
مروه:ممكن اسالك سؤال؟
ادهم:آه طبعا
مروه:انت ازاي محافظ على جسمك كده وانت بتاكل كتير
ادهم:قصدك ان انا مفجوع؟
مروه:لا ابدا اصلي بس مستغربه
ادهم: بصي بقى انا كل يوم بلعب ساعتين رياضه عشان كده محافظ على جسمي
مروه سرحت كده :آه ما انا خدت بالي (وبعدين وشها احمر خالص)
ادهم:هههههههههه انت بتتكسفي اوي
مروه:لا انا مش بتكسف خالص
ادهم :طيب طيب خلاص
وبعد كده قرروا يتمشوا شويه بالعربيه قبل ما يرجعوا الدار عشان يستنوا بابا مروه ومامت ادهم.....................
والساعه 7 اتصل باباها وقال انه هيعدي على مامت ادهم وهيجيبها معاه بعد ساعه فابتدت مروه تستعد لاستقبالهم وراحت تلبس.............
لبس ادهم شورت كحلي وتيشيرت احمر وقعد في البلكونه يستنى مروه ولما قربت منه بصلها لقيها لابسه فستان حمالات ضيق من فوق ونازل على واسع لونه اصفر وكانت فارده شعرها وحاطه ميك اب خفيف واول ما وقفت جنبه قالها:
ادهم: ريحة البيرفيوم بتاعتك حلوه اوي
مروه اتكسفت وقالت:ميرسي
ادهم: وكمان لون شعرك جميل هوه ده لونه ولا صابغاه؟
مروه:لا ده لون شعري الحقيقي
ادهم:كنت حاسس بكده............. وخبط الباب وراحوا يستقبلوهم وفتح ادهم الباب وقعدوا كلهم وراحت مروه تجيب عصير من التلاجه وقدمته وفضلوا يتكلموا وبعدين طلبت مامت ادهم انها تكلم مروه لوحدهم فدخلوا جوه ومروه مستغربه يا ترى عايزه تقولها ايه تكون حست بحاجه؟؟؟؟؟؟؟؟
مامت ادهم :انا مش عارفه اشكرك ازاي انا اول مره الاقي ابني سعيد كده
مروه:ميرسي يا طنط
مامت ادهم:ادهم ابني حنين اوي وطيب وتعب كتير في حياته فخلي بالك منه
مروه حست بالذنب ناحية الست الطيبه وقالت:ان شاء الله
وجه بابا مروه واداها ظرف وقالها: ده هديتي ليكي
مروه:ميرسي يا بابا
ومامت ادهم قدمت لمروه هديه طقم دهب ابيض
مروه:ميرسي يا طنط بس ده كتير
مامت ادهم :مش كتير عليكي يا حبيبتي
وبالليل استأذن بابامروه ومامت ادهم واتفقوا ان آخر يوم ليهم في مصر هيتغدوا كلهم عند بابا مروه ومشيوا وسابوهم لوحدهم............
دخل ادهم الحمام خد حمام وطلع لابس شورت ودخل السرير وبعد كده دخلت مروه وخرجت لابسه بيجاما قطن بلوزتها نص كم وضيقه وقصيره لونها ابيض والبنطالون واسع وليه حزام ولونه ابيض في احمر ودخلت نامت بس فضلت تفكر يا تلرى اللي عملته ده صح ولا غلط هتندم عليه بعد كده ونامت وهي لسه بتفكر
والصبح بدري صحي ادهم لقي مروه بتتقلب كتير وشالت الغطا وشكلها بتحلم حلم وحش فمعرفش يصحيها ولا لأ وفي الآخر قرر يصحيها براحه:
ادهم:مروه ..مروه .. اصحي يا مروه
مروه:هااااااا
ادهم:اصحي يا مروه
مروه قامت بسرعه لقيت ادهم قاعد جنبها وباصصلها بصه كلها حنيه فقالت:
مروه:هي الساعه كام؟
ادهم:الساعه 6 الصبح
مروه:ايه اللي مصحيك بدري كده؟
ادهم:اصلي لقيتك بتتقلبي كتير فحسيت انك بتحلمي حلم وحش
مروه:ههههههه لا ابدا انا نومي كده كأني بتخانق بالضبط , هوه انت ليه مش بتشخر؟
ادهم:نعم؟
مروه:في اطياره كنت بتشخر وامبارح وانت عالكرسي برده كنت بتشخر
ادهم :آه فعلا انا بشخر لما اكون تعبان
مروه:ممممممم
ادهم:ايه انتي بتحبي الشخير؟
مروه:لا ابدا
ادهم :طيب هتصحي ولا تكملي نوم؟
مروه:ليه انت رايح فين؟
ادهم :هروح انزل البيسين شويه
مروه:هروح معاك
ادهم :طيب يلا البسي المايوه وتعالي
مروه قامت ودخلت الحمام ولبست مايوه فوشيا قطعه واحده وعليه كاش مايوه نفس اللون وادهم لبس مايوه شورت اسود وعليه تيشيرت ابيض ونزلوا سوا وقرروا يطلبوا الفطار تحت عالبيسين.............
نزل ادهم الميه الاول وقال:يلا تعالي الميه تحفه
مروه:شويه وانزل
ادهم :اوكيه وابتدي يعوم بعيد ومروه عماله تبصله وتقول يا ترى اختياري صح ولا غلط وبتبص لقيت واحده اجنبيه نزلت البيسين وبتعوم جنب ادهم
فمروه من غير ما تفكر نزلت الميه وعامت لحد ادهم واول ما الست شافتها بعدت وادهم قعد يضحك:
مروه:انت بتضحك على ايه؟
ادهم:لا ابدا
مروه:قول الحقيقه
ادهم:اصل الست خافت منك لما جيتي بسرعه وكانك خايفه انها تاكلني ههههههههه
مروه:اوعى تكون فاكر اني نزلت عشان هي نزلت
ادهم :امال نزلتي ليه؟
مروه:عادي كنت عايزه اعوم شويه
ادهم:طيب يلا سابقيني
وابتدوا يتسابقوا وكان ادهمة بيعوم براحه عشان هي تسبقه وفعلا سبقته وكان هتطير من الفرح فقال:
ادهم:ياه ده انتي بتعومي بسرعه اوي
مروه:طبعا امال انت فاكر ايه؟
وراح ادهم مقرب منها اوي و شالها وقعد يلف بيها وهي بتضحك وبعدين بصتله وقالت :
مروه :يلا نطلع انا جعت خالص..... وطلعت ولبست الكاش مايوه وادهم لبس التيشيرت وطلبوا الفطار وبعدين ناموا شويه في الشمس وصحيوا طلعوا اوضتهم عشان يغيروا ويروحوا سينما...................
بالليل لبس ادهم بنطالون جباردين بني وعليه قميص بنص بكم لونه لبني فاتح وشوز بني جلد بني برباط وطبعا حط البيرفيوم الجميل بتاعه وخرجت مروه من الحمام لابسه بنطالون ضيق لونه اسود وبلوزه ساتان كات لونها نبيتي ومغطيه لغاية نص الفخد كده وليها حزام رفيع جلد اسود وشوز بكعب عالي اسود وفردت شعرها وحطه ميك اب للسهره وكان شكلها جميل جدا وادهم لما شافها كح الاول وقال:
ادهم:ها جاهزه؟
مروه:آه يلا بينا
ونزلوا مع بعض وركبوا العربيه وراحوا سينما سيتي ستارز ودخلوا فيلم اجنبي جديد وقعدوا جنب بعض وابتدى الفيلم ومتكلموش خالص ولما جت الاستراحه قاموا يشتروا حاجه يشربوها واصر ادهم انه يشتري فيشار كتير وشوكولاته عشان مروه وهما بيشتروا جه صوت من وراهم:ادهم... مش معقول
ادهم:ازيك يا ساره عامله ايه؟
بصت مروه لساره لقيت بنت شقرا وطويله ولابسه فستان قصير جدا وعندها كل حاجه كبييييييييره ومروه حست انها متغاظه وراحت مسكت دراع ادهم:
مروه:مش تعرفني
ادهم:ساره .... ودي مروه مراتي
ساره:ايه ده انت اتجوزت امتى؟
ادهم:لسه مكملتش تلت ايام
ساره:الف مبروك ( وبصت بصه خبث ) وقالت:
ساره: وبتعملوا ايه هنا بقى مش المفروض العرسان يقعدوا مع بعض هههههههههه
مروه وشها احمر من الكسوف والغيظ راح ادهم لف دراعه حوالين كتفها وقال:
ادهم:احنا لسه ادامنا العمر كله عن اذنك يا ساره
ساره :اتفضل
مروه:صاحبتك ده مستفزه جدا
ادهم:ده مش صاحبتي
مروه:آه ما هو واضح
ادهم:انا مش بكذب عليكي ده كانت زميلتي في الكليه
مروه:بس شكلها معجبه بيك اوي
ادهم:انا مقدرش امنع واحده انها تعجب بيه بس المهم انا بموت في مين؟؟؟؟؟؟؟؟؟؟ ومروه اتكسفت ودخلوا يكملوا الفيلم
وبعد السينما راحوا يسهروا في سفينه في النيل وكان فيها رقاصه وعشاء بوفيه مفتوح وفضلوا يتكلموا عن ايام طفولتهم ويضحكوا خصوصا ان ادهم كان شقي جدا وهو طفل ومروه مش مصدقه انه كان بيعمل كل الحاجات الفظيعه ده وقعدت عينيها تدمع وسكت ادهم وباصلها وقال:
ادهم:بحب ضحكتك اوي
مروه وهي لسه بتضحك:ليه بقى ؟
ادهم:مش عارف لما اعرف هقولك
وبعد كده اتعزفت موسيقى للرقص السلو وطلب منها ادهم انهم يرقصوا فوافقت من غير ما تفكر وقاموا يرقصوا على اغنية (i will alwayes love u)
وبعد الرقصه قعدوا يتعشوا ويكملوا كلام وفجأه بقت الساعه اربعه فمروه قالت:
مروه:تخيل ده اول مره في حياتي اسهر للوقت ده
ادهم:ليه؟
مروه:كنت مشغوله بالدراسه والشغل وكورسات الايطالي و مكنتش بحب الخروج زي باقي البنات و..............
ادهم:ايه يسكتي ليه؟
مروه:اصل ماما الله يرحمها كانت بتخاف عليه اوي وكانت علطول بتخوفني من الناس
ادهم:الله يرحمها
مروه:مش هنمشي بقى؟
ادهم:زي ما تحبي ,اتفضلي
وركبوا العربيه وشغل ادهم موسيقى هاديه وبعد شويه حس براس مروه على كتفه ولقيها نامت فسابها تنام واول ما وصلوا الدار باسها في راسها فمروه كملت نوم عادي راح صحاها بشويش خالص:
ادهم:مروه قومي احنا وصلنا
مروه راحت لفت دراعها حواليه وادهم وشه احمر وحاول يبعدها بس هي كانت ماسكه فيه جامد فقالها:
ادهم:مروه اصحي دلوقتي حالا انا بقولك اهوه
مروه:ايه في ايه وصحيت لقيت نفسها ماسكه فيه فاتكسفت وفضلت تعتذرله وهو بيضحك ويقولها:
ادهم:انا بصراحه خفت منك حسيت بعدم الامان معاكي
مروه:والله مكنش قصدي اضايقك انا آسفه
ادهم وهو لسه بيضحك:انت قلتي ان الجواز كده وكده يا ريت تفضلي فاكره
مروه:خلاص بقى انا غلطانه
ونزلوا وهي متعصبه وهو بيضحك عليها وكان نفسه يشيلها ويفضل حاضنها علطول بس هوه واخد قرار انه مش هيستعجلها خااااااالص................
وفات يومين وجه اليوم الاخير ليهم في مصر وراحوا يتغدوا عند بابا مروه قبل معاد السفر وجت مامت ادهم كمان وفضلوا طول الوقت يوصوهم انهم ياخدوا بالهم من بعض في ايطاليا وبعد الغدا حضروا الشنط وراح بابا مروه ومامت ادهم يوصلوهم المطار وبابا مروه قال لادهم بصوت واطي:
ابو مروه:مش هوصيك يا ادهم انت واخد اغلى حاجه في حياتي
ادهم:في عينيا يا عمي اطمن وخطتنا ماشيه زي ما خططنا
مروه:بتقولوا ايه؟
ادهم:باباكي بيوصيني عليكي
وسلم ادهم على مامته وهي عيطت وبابا مروه حضنها وعيط وودعوهم ودخل ادهم ومروه الصاله اللي هيسافروا منها ايطاليا................



الحلقة التاسعة

وركبوا الطياره وقعدوا يتكلموا وجت المضيف تشوفهم هيطلبوا ايه فجت مروه ترد راح ادهم اتكلم مع المضيفه بالايطالي فمروه اتفاجأت اوي:
مروه:انت بتتكلم ايطالي
ادهم:آه ليه؟
مروه مقلتليش يعني
ادهم :انت مسألتيش
مروه:طيب وبتعرف لغات ايه كمان؟
ادهم:فرنساوي واسباني وطبعا انجليزي وعربي
مروه:كل ده؟؟؟؟؟؟؟؟؟؟؟
ادهم :بصي انا اخدت كورسات في كل اللغات ده عشان اكون ناجح في شغلي
مروه سكتت شويه وبعدين قالت:
مروه:فيه ايه تاني معرفوش ؟
ادهم:اسألي وانا اجاوب
مروه:مش عارفه اسأل عن ايه بس حاسه انك مخبي عليه حاجات كتير
ادهم ضحك ونام شويه وهي كمان نامت عشان الرحله طويله..............
صحيوا قبل ما يوصلوا بشويه واستعدوا عشان ينزلوا من الطياره واستنوا لما الناس تنزل عشان ينزلوا براحتهم ولما الناس قلت نزلوا وابتدى ادهم يخلص الاجراءات وبعد كده لقيوا مندوب من الشركه اللي هتشتغل فيها مروه مستنيهم وبلغهم تهاني مدير الشركه بجوازهم وانه عملهم برنامج مدته اسبوع يتفرجوا فيه على البلد قبل ما تستلم مروه الشغل ووصله لفندق في (كاتانيا)واول ما وصلوا ناموا لانهم تعبوا من الرحله واول ما صحيوا ادهم قال :
ادهم:يلا بقى عشان افرجك البلد
مروه:انت جيت ايطاليا قبل كده؟
ادهم:اه جيت
مروه:طيب يلا نخرج ولبس ادهم شورت اسود وعليه تيشيرت لونه برتقالي وكوتشي اسود ومروه لبست جيبه قصيره جينز نازله على واسع وعليها بادي احمر حمالات وكوتشي ابيض في احمر وفردت شعرها وخدت الكاميرا معاها وابتدى ادهم يخليها تشوف كل حاجه في (كاتانيا) وخصوصا التماثيل الرائعه اللي في الشوارع و المتاحف وبعدين راحوا اتغدوا في مطعم يقدم اسماك فوق جبل والاكل كان حلو اوي ورجعوا الفندق عشان تاني يوم هياخدوا الطياره لروما واول ما دخلوا اوضتهم راحت مروه تاخد حمام وخرجت لابسه بيجاما ساتان بيضا حمالات وبنطالونها واسع ونامت علطول وادهم راح خد حمام ورجع لابس شورت ازرق بس ونام جنبها بس حضن مروه وهي نايمه وهي قربت منه وناموا حاضنين بعض الصبح مروه صحيت لقيت انهم مقربين من بعض اوي فبصت لادهم لقيته نايم ولقيت شكله حلو وهو نايم ورموشه طويله خالص وريحة البيرفيوم بتاعته جامده فوشها احمر اوي وراح ادهم فتح عينيه وقال:
ادهم:صباح الخير
مروه:صباح الخير ,ممكن تشيل ايدك ؟
ادهم:اشيلها منين وهو بيضحك
مروه:انت بتهزر شيلها من عليه
ادهم:ولو مشيلتهاش هتعملي ايه؟
مروه:ايه ده ؟انت اكيد بتهزر مش كده؟
ادهم قرب منها وقالها:وهو في حد يشوف القمر ده ويهزر برده
مروه:من فضلك يا ادهم مش بحب الهزار ده سيبني اقوم
ادهم:سابها وهو بيضحك وهي قامت على الحمام عشان تلبس هدومها وخرجت لابسه فستان جينز نص كم وكله زراير لغاية الركبه وليه ياقه صغيره ولبست كوتشي ابيضولمت شعرها ديل حصان لفوق وادهم لبس شورت بني وتيشيرت ازرق فاتح جزمه برباط بني ولما شنطهم وركبوا تاكسي وراحوا المطار عشان يسافروا روما واول ما وصلوا خدها ادهم على مطعم بيقدم بيتزا ومكرونات وطلب اكله اسمها فوتشي عجبت مروه جدا وبعدين راحوا المتاحف وصورت مروه كل حاجه بتشوفها وكمان ادهم كان كل شويه يصورها و طلبوا من شاب يصورهم سوا وكانت مروه مبسوطه اوي واتفقوا انهم تاني يوم هيزوروا الفاتيكان وفعلا راحوا الفندق ناموا عشان هيصحوا بدري وتاني يوم زاروا الفاتيكان ومروه كانت مبهوره بسقف الكنيسه اللي مرسوم بطريقه رائعه وفضل ادهم يشرحلها كل حاجه وبعدين سكت لما لقي مروه بتبصله اوي:
ادهم:مالك انتي تعبتي؟
مروه:لا ابدا,انا بس مبسوطه انك معايه هنا ومسكوا ايد بعض وكملوا مشي وشافوا كل مكان وبالليل رجعوا الفندق وطلبوا عشا وكلوا وناموا وبعد ما خلص الاسبوع جه اليوم اللي مروه هتستلم الشغل وكانت متوتره جدا بس ادهم فضل يشجعها ووصلها وسابها وهي دخلت الشركه لوحدها وادهم راح يعمل شوية تليفونات مهمه.................
و رجع ادهم يا خد ادهم مروه من الشغل اول يوم وكان أجر عربيه والشركه ادتهم شقه صغيره مفروشه وكانت جميله ومريحه وكان فيها اوضة نوم واحده وانتريه صغير وترابيزه باربع كراسيومطبخ امريكي صغير وحمام واحد ولما رجعوا البيت ادهم قال:
ادهم:ها عملتي ايه انهارده؟
مروه: الشغل ممتع جدا والناس محترمين بس انا تعبانه جدا
ادهم:طيب ادخلي ارتاحي وانا هعمل غدا خفيف
مروه:انت بتعرف تطبخ؟؟؟؟؟؟؟؟
ادهم:اه بعرف وبطبخ حلو اوي
مروه:مش بقولك حاساك مخبي عليا حاجات كتير
ادهم:انا مش بخبي عليكي ,انتي اللي مش بتسأليني
مروه:طيب انا هروح اغيرهدومي وآجي اساعدك
وبعد شويه جت مروه لابسه فستان قصير بحمالات لونه فوشيا وكانت فارده شعرها ومش حاطه اي ميك اب خالص فادهم بصلها وقالها:
ادهم:تعرفي انك من غير ميك اب شكلك لسه في المدرسه
مروه:هههههه لا طبعا ده انا مش بحب اقعد من غير ما احط ميك اب خالص
ادهم :بجد شكلك بيكون رقيق جدا وفضلوا باصين لبعض شويه وراح ادهم قال:
ادهم:على كره انا هنام بعد كده بره وانتي خليكي في الاوضه
مروه حست انها اتفاجأت بكلامه وكانت اتعودت تنام جنبه وتحس بيه طول الليل بيتنفس على رقبتها بس قالت:
مروه:ما انا كنت هقول كده برده وفضلوا يعملوا الاكل وهما ساكتين وحضر ادهم طبقين مكرونه ومروه قطعت سلطه وقعدوا ياكلوا وبعد ما خلصوا قامت مروه تغسل الاطباق وادهم اصر يساعدها وبعد ما خلصوا قعدوا يتفرجوا عالتليفزيون سوا وشويه ومروه نامت على كتف ادهم فقال لنفسه (وبعدين معاكي بقى؟؟؟؟؟)
وراح قام وشالها وحطها في السرير وغطاها كويس وطفى النور وباسها في شعرها وهي ابتسمت وهي نايمه وخرج وفتح اللاب توب بتاعه وقعد يشتغل عشان بقاله كتير مش متابع شغله وفضل سهران لغاية وقت متأخر وفي الآخر تعب ونام عالكنبه وفضل طول الليل يحلم بمروه ..........................
تاني يوم الصبح صحيت مروه وخدت حمام ولبست هدومها وخرجت لقيت ادهم نايم عالكنبه بس رجليه على الارض وحست ان الكنبه صغيره عليه وصعب عليها وكان شعره نازل على عينه فقبت منه وبعدت شعره وهو راح حضنها وهو نايم وقال:وحشتيني اوي
ومروه حست انه بيحلم بواحده بيحبها فبعدت عنه ونزلت تروح شغلها وهي زعلانه اوي بس مش عارفه ليه؟؟؟؟؟؟؟؟؟؟؟
وبعد الشغل رجعت مروه البيت ملقيتش ادهم فحست بوحده فظيعه وقالت يا ترى راح فين؟ وفضلت مستنياه كتير لكن هو اتأخر اوي فعملت طبق سلطه اكلته ودخلت نامت وكل شويه تحس انه رجع بس ميكونش رجع وفضلت قلقانه لغاية ما سمعت الباب بيتفتح وبيتقفل تاني فقامت تشوفه كان فين:
مروه:ادهم؟
ادهم:انتي لسه صاحيه يا مروه؟
مروه:انت كنت فين انا قلقت عليك اوي
ادهم:كان عندي شوية مواعيد
مروه:مواعيد؟ هنا في ايطاليا؟
ادهم:آه يا مروه انا بعمل شغل للمجله من هنا ,ها اتغديتي ؟
مروه:انا كلت سلطه
ادهم:بس؟؟؟؟
مروه:مكنتش جعانه
ادهم:مش معقوله
مروه:اصلي مش بحب آكل لوحدي
ادهم:طيب تعالي اقعدي وهنطلب اكل على ذوقي
مروهقعدت تضحك جامد
ادهم: بتضحكي على ايه؟
مروه:اصلي افتكرت محل الفول والطعميه اللي اكلنا فيه
وادهم قعد يضحك وطلب الاكل بيتزا وبيبسي وقعدوا ياكلوا ويتكلموا عن الشغل..............................
وفضل نظامهم اليومي كده لمدة شهر وبعدين في يوم الاجازه جه ادهم قالها:
ادهم:انا مسافر فرنسا اسبوع
مروه:اسبوع؟
ادهم:معلش شغل مهم جدا
مروه:وهقعد لوحدي؟
ادهم:لو تحبي تيجي معايا تعالي
مروه:مش هينفع آخد اجازه
ادهم:هحاول ارجع قبل كده
مروه :طيب
وجه يوم السفر ومروه وصلته المطار وقالتله:
مروه:انا اتعودت عليك على فكره
ادهم راح حضنها وقالها في ودنها :هتوحشيني اوي ومحضرلك مفاجأه لما ارجع خلي بالك من نفسك ودخل صالة السفر ومروهفضلت تفكر في كلامه طول الطريق وهي راجعه البيت وكانت خايفه وهي لوحدها بس ادهم كان بيكلمها كتير بس آخر يومين متصلش خالص ومروه كانت هتتجنن مش عارفه هو كويس ولا لأ؟ وفضلت قلقانه جدا ................................


الحلقة العاشرة و الاخيرة

وجه اليوم اللي هيرجع فيه ادهم ومروه حضرت عشا جميل ولبست فستان طويل احمر وعملت شعرها تسريحه لفوق وفضلت قعده مستنياه بس هو اتاخر اوي
وفي الآخر نامت على الكنبه وبالليل الباب اتفتح ودخل ادهم لقي مروه نايمه وشاف السفره متحضره وراح قعد على الارض جنب مروه وحط ايده على شعرها عشان كانت واحشاه اوي وباسها في راسها ففتحت عينيها لقيته قريب منها فقعدت وقالت:
مروه:حمدلله على السلامه
ادهم:وحشتيني
مروه:ميرسي
ادهم:يعني موحشتكيش؟
مروه:لا وحشتني (ووشها احمر خالص)
ادهم :انتي اللي جهزتي العشا؟
مروه:اه حضرته من بدري بس انت اتأخرت
ادهم:معلش كان عندي شغل مهم
مروه:شغل ايه؟
ادهم:بصي يا ستي (وقام وقعد جنبها) انا بفتح فرع للشركه بتاعتي في فرنسا
مروه:شركة ايه؟
ادهم:بصي يا مروه انتي تعرفي اني صحفي صح؟
مروه:آه في المجله العالميه
ادهم:ايوه ده صحيح بس انا كمان ورثت من بابا سلسلة شركات سياحيه ليها فروع في كذا دوله وحتى هنا في ايطاليا
مروه:انت بتتكلم جد؟؟؟؟؟؟؟؟
ادهم :ايوه
مروه:ومقلتليش ليه وليه فهمتني انك فقير ومحتاج فلوس ؟
ادهم :انا احكيلك بصي يا ستي انا في يوم كنت مرهق من كتر السفر فقررت اسافر شرم الشيخ اريح اعصابي واستجم وطبعا لبست حاجه مريحه ورحت المطار وغصب عني نمت صحيت شميت بيرفيوم يجنن ببص لقيت قمر قاعد جنبي وسمعتها بتتكلم في الموبايل عن عريس وكده وبعدين لقيتها جنبي في الطياره فعملت نفسي بشخر عشان اتعرف عليها وده اللي حصل وبعدين اتعلقت بيها بعد اسبوع شرم الشيخ وقلت لنفسي هيه ده اللي طول عمري مستنيها وقررت اني انا اكون العريس اللي بتدوري عليه وبعدين بدأت انفذ اللي بتطلبيه مني بس قبل ما نتجوز قابلت باباكي و حكيتله كل حاجه وطلبت منه انه يسيبني اقنعك اني بحبك بطريقتي
ودلوقتي انا بطلب منك تتجوزيني بجد مش كده وكده ونفسي تقولي موافقه.............
سكتت مروه وباصتله ودموعها نزلت وقالت:
مروه:انت كل ده كنت بتمثل عليه ؟ كنت بتخدعني ؟وكمان بابا شاركك في كده؟ ليه عملت كده؟ليه؟
ارجوك طلقني يا ادهم....................
ادهم:ارجوكي يا مروه انا حبيتك بجد وكنت عايز اكون جنبك عشان آخد بالي منك
مروه:بس كده انت كدبت عليه وانا مش موافقه اني يضحك عليه (وقامت دخلت اوضتها وقفلت الباب وقعدت عيط جامد)
ادهم وقف يخبط عليها ويطلب منها تفتح وهي مردتش عليه وسمعت باب الشقه اتقفل وخرجت لقيته مشي .. مشي وسابها لوحدها وقالت لنفسها مش ده اللي انت عايزاه تكملي حياتك لوحدك من غير حب ولا جواز ...............ولا ادهم وقعدت تعيط جامد اوي
.................
فضلت مروه قاعده في البيت ومراحتش الشغل وكانت طول الوقت بتعيط وتفكر في ادهم وحست انه وحشها اوي وفي يوم بالليل تليفونها رن:
مروه افتكرته ادهم فردت بسرعه:الو
بابا مروه:الو يا مروه يا حبيبتي عامله ايه؟
مروه قعدت تعيط:انا تعبانه يا بابا تعبانه اوي
بابا:انا عرفت كل حاجه
مروه:هو اتصل بيك؟
بابا مروه:ايوه يا مروه وحالته صعبه جدا, ليه كده يا حبيبتي ؟ ده بيحبك من اول يوم شافك فيه
مروه:ده كدب عليه
بابا مروه:كدب عشان انت عنيده ودماغك ناشفه
مروه:مش عارفه اعمل ايه يا بابا انا محتاجالك جنبي
بابا مروه:انتي مش محتاجاني انا انت محتاجه جوزك اللي بتحبيه
مروه:بحبه؟
بابا مروه :روحي شوفي صوركوا سوا وانتي هتتأكدي انك بتحبيه
مروه:طيب يا بابا
بابا مروه:انا مش هقولك تعملي ايه,اللي هيقولك عليه احساسك اعمليه وخلي بالك من نفسك
مروه:حاضر
بابا مروه:مع السلامه
مروه:مع السلامه
وقعدت مروه تفكر في كلام باباها وكلام ادهم وفضلت تعيط وبعدين راحت جابت اللاب توب بتاعها وفتحت الصور اللي اتصورتها معاه في كل الاماكن اللي راحوها سوا وحست ان كل الصور بيبصلها بحب وهي كمان لقيت عينيها بتلمع كل ما كانت بتبصله وقعدت تعيط وبعدين نامت على الكنبه وهي فاتحه اللاب توب على صوره لادهم وهو بيضحك.................
ادهم بقى كان مرتبط بمواعيد شغل كتير في فرع شركته في روما وفي يوم كان مشغول جدا ودخلت السكرتيره تقوله : السكرتيره:في واحده عايزه تقابله
ادهم:اسمها ايه؟
السكرتيره :بتقول موضوع شخصي
ادهم حس انها اكيد مروه فقالها :خليها تتفضل
ووقف وبص للشباك والباب وراه....................
مروه:صباح الخير
ادهم:صباح النور
مروه:مش عايز تبصلي ؟ تحب امشي؟
ادهم:لا ابدا اتفضلي استريحي (وبصلها وكانت عينيه مليانه كلام وعتاب وهي تحت عينيها كان اسود من العياط)
قعدت مروه وادهم قالها:
ادهم:تحبي تشربي ايه؟
مروه:مش عايزه حاجه
ادهم:انت فطرتي؟
مروه :لأ
ادهم:طب اتعشيتي امبارح؟
مروه:لأ
ادهم :طب قومي معايا
وخدها وراحوا كافيه بيقدم فطاير ومشروبات للفطار وبعد ما قعدوا طلب ادهم فطار لشخصين ومروه قالت:
مروه:بجد مش جعانه
ادهم:مش هنتكلم ولا هنقوم من هنا غير لما تخلصي اكلك كله
مروه:طيب ( وضحكت بس كانت ضحكه حزينه )
وجه الاكل وكلت مروه طبقها كله وادهم شرب قهوه وفضلوا ساكتين شويه وبعدين ادهم قال:
ادهم:ها قررتي نطلق امتى؟
مروه اول ما سمعت كده ابتدت تعيط جامد اوي وراح ادهم قام وقعد على الارض جنبها وحط وشها بين ايديه ومسح دموعها وقالها:
ادهم:بتعيطي ليه بس؟
مروه:عشان عايز تسيبني
ادهم خدها في حضنه وكانه مش عايزها تبعد عنه ولا لحظه وقالها :
ادهم:انا عمري ما هسيبك انا بس كنت عايز اعملك اللي انتي عايزاه, ها قوليلي دلوقتي عايزه ايه؟
مروه راحت بكل جرأه حضنته جامد وباسته قدام كل الناس اللي قعدوا يصقفوا ويصفروا جامد اوي وراح شالها بحنان وهي سألته:
مروه:على فين؟
ادهم:انا سايبك تتكلمي من يوم ما قابلتك صدفه سيبني انهارده اعمل اللي انا عايزه
راحت مروه لفت دراعها حوالين رقبته وسكتت وراح ركبها العربيه وطلعوا على افخم فندق في روما وطلب ادهم جناح العرايس وطلعوا فوق واول ما دخلوا الجناح قالها:
ادهم:اخيرا حسيتي بيه
مروه:حسيت بيك من زمان بس كنت بكدب نفسي
ادهم:يعني بتحبيني قد ما بحبك؟
مروه:اكتررررررر بكتييييييير
ادهم شالها ولف بيها في كل المكان لغاية ما وقعوا على السرير وبصوا لبعض و................................................. .................................................. .................................................. ...
وبعد ساعه قعد ادهم على السرير ومروه في حضنه وسألها :
ادهم:امتى اول مره حسيتي انك بتحبيني؟
مروه:عايز الحقيقه؟
ادهم:طبعاااااااااا
مروه:يوم ما كنت عندنا في البيت بتتمشى وانت ماسك موزه
ادهم:ههههههههه آه اليوم ده رحت لباباكي المكتب وحكيتله كل اللي حصل بينا وساعتها طلبت ايدك منه بجد مش كده وكده
مروه:خلاص بقى انا عرفت غلطتي , وانت امتى اول مره عرفت انك بتحبني؟
ادهم:بصي انا حبيتك من اول نظره بس احساسي بقى مختلف لما دخلت الاوضه في الدار عشان آخدك ونتصور حسيت اني طاير من الفرح انك هتكوني عروستي وحبيبتي طول العمرو كفايه اللي استحملته علشانك
مروه:ايه اللي استحملته علشاني؟؟؟؟؟
ادهم:كفايه كنت بتبقي نايمه جنبي وبخاف المسك لتخافي مني لأ وايه كنتي بتنامي بطريقه كأنك بتتخانقي وتفضلي تحطي رجلك في اي حته وانا بستحمل كل ده علشانك ههههههه
مروه:كنت بحط رجلي فين بالضبط؟؟؟؟؟؟؟؟؟؟؟؟
ادهم:الحاجات ده مبتتقلش تعالي اوريكي............................................ ........................

وفضل ادهم ومروه في الفندق اسبوع مخرجوش خالص بره الجناح وبعد كده مروه قالت:
مروه:مش هترجع شغلك بقى؟
ادهم:انتي زهقتي مني ولا ايه؟
مروه:عمري ما هزهق منك ابدا بس لازم ترجع شغلك
ادهم :بس على شرط
مروه:موافقه طبعا
ادهم:مش تسمعيه الاول
مروه:اوكيه قول
ادهم:تقدمي استقالتك من الشركه
مروه حست انها هيغمى عليها فادهم قال:
ادهم :متتخضيش كده انا عايز اقول انك هتشتغلي معايا وهنسافر كل الدنيا سوا مش بس ايطاليا
مروه راحت حضنته جامد وقالت:بحباااااااااااااااااااااااااااااااااك
ادهم:طب تعالي وريني قد ايه
.................................................. .................................................. .................................................. ..

وعشوا في تبات ونبات وخلفوا بنت شبه مروه وولد شبه ادهم وكان علطول لابس شـــــــــــــــــــــــــــــــــــــــــورت زي باباه بالضبط
........................

رايكم ف القصه يهمنى
  • Blogger Comments
  • Facebook Comments

0 التعليقات:

إرسال تعليق

تعليقك يحمسنا على استمرار نشر القصص

Item Reviewed: مطلوب عريس من اجمل قصص الرومانسية Rating: 5 Reviewed By: AHMED Channel