الثلاثاء، 19 يناير، 2016

حب عمرى من اجمل القصص الرومانسية

لمتابعة القصص الجديدة يوميا اضغط اعجبني ( like )
حب عمرى من اجمل القصص الرومانسية



الحلقة الاولى

فى جنينة الفيلا .. قاعدين 2 اخوات بيشربوا عصير و بيتكلموا
ليلى : عارفة يا سلوى احلى حاجة ان احنا الاتنين رجعنا و عشنا مع بعض تانى
سلوى : اه و الله مين كان يقول ان دة يحصل .. اجوازتنا احنا الاتنين يموتوا مفيش بينهم سنةو نرجع تانى فى ببت العيلة
ليلى : الحمد لله على كل شئ
سلوى : واخدة بالك من سما و سيف قاعدين مع بعض ازاى ؟
ليلى : انتى ناسية ان هما تقريبا متربيين مع بعض
سلوى : ايوة بس ابنك مش بيعامل بنتى على انهم اخوات و متربين مع بعض و بس
ليلى : عارفة يا حبيبى و الله .. ربنا يخليعم لبعض ملهمش غير بعض بعدنا
سلوى : اه و الله عندك حق

سما و سيف قاعدين على تربيزة على البسين
سيف : سما انا.عايزك تشدى حيلك و تجبيلى مجموع حلو فى الثانوية و بلاش لعب ركزى شوية بقى .. الامتحانات مش فاضل عليها كتير
سما : يا سلام !!! اصلا المفروض تبقى عارف انى بذاكر كويس علشان اجيب مجموع و ادخل هندسة زيك
سيف : ماشى يا ستى اما نشوف و ليكى عندى هدية حلوة لو جبتى مجموع كبيييير
سما : ايه هى الهدية ؟
سيف : مش هقولك طبعا دى مفجاة
سما : طيب انت كمان ذاكر كويس علشان امتحاناتك و لا انت علشان فى الههامعة خلاص يعنى ؟
سيف : حاضر من عنيا انتى تؤمرى ... عارفة يا سما انا كل مجهودى دة و مذاكرتى و تفوقى .. علشانك
سما : علشانى انا ليه ؟
سيف : علشان اخلص بسرعة و اخطبك .. خطوبة ايه جواز على طول ... هانت كلها سنتين ان شاء الله
سما : حيلك حيلك ايه الثقة دى و انت مالك متأكد كدة انى موافقة عليك اصلا ؟
سيف : نعم !!! بتقولى حاجة
سما : انا!! لا ابدا خالص .. ايدة دة محمود
(ابن عمة سما) كمان جه اهو
سيف : و انتى مالك فرحانة كدة ليه ؟
سما : عادى يا سيف مش قصدى و الله
سيف : ماشى يا سما .. اسكتى دلوقتى
سما : ماشى يا سيف
محمود : ازيكوا
سما : الحمد لله
سيف : اهلا يا محمود
محمود : ايه كالك يا سما
سما : مفيش عادى
(سيف كانت عنيه عليها . مستنى يشوف ردها )
سيف : و انت عامل ايه يا محمود فى جامعتك
محمود و عنيه على سما : زى الفل تمام
(سما بصت لسيف لقت شكله هيفقد اعصابه
محمود : بقولك ايه يا سوسو .. ما تبجى نخرج بكرة عايزك فموضوع كدة
سما عنيها على سيف : لا يا محمود معلش اصل عندى مذاكرة بقى و كدة علشان الامتحانات قربت بقى انت عارف
محمود : هى ساعة واحدة مش هنتأخر
سما : معلش يا محمود خليها مرة تانية
محمود : ماشى اللى يريحك
سيف قام وقف
سما : رايح فين يا سيف
سيف : طالع اوضتى علشان محمود يعرف يتكلم براحته (و مشى من غير ما يسمع اى رد )
محمود : هو ماله دة
سما : يا ريت يا محمود تتكلم عليه باسلوب احسن من كدة
محمود : ماشى يا سما يلا سلام علشان ورايا مشوار كدة
سما : سلام.. سلم على عمتو
محمود : يوصل

سلوى و ليلى و سيف و سما
قاعدين حوالين ترابيزة السفرة بياكلوا
سما بتقوم : الحمد لله
سلوى : كملى اكلك يا بنتى
سما : لا مليش نفس خلاص شبعت
سلوى : على راحتك

خرجت سما الجنينة بالاسكتش بتاعها و قعدت ترسم منظر الورود اللى قدامها
سيف من وراها : تحفة
سما : شكرا
سيف : ايه شكرا دى .. مالك؟
سما : مفيش
سيف : لا فى و انا هاتوه.عنك
سما : خلاص يا سيف لو سمحت
سيف : محمود ضايقك
سما : لا
سيف : فى ايه يا سما ما تتكلمى
سما : انت سبتنا و قومت ليه ؟
سيف : علشان تاخدوا راحتكوا محبتش ابقى عزول بس
سما : سيف انت عارف انت بتقول ايه ؟ انت عارف ان محمود بالنسبة ليا مجرد اخ
سيف : .....
سما : سكت يعنى (قامت سما و الدموع فى عنيها)
قام سيف قطع طريقها و وقف قدامها : انا اسف حقك عليا
سما : عدينى يا سيف لو سمحت
سيف : علشان خاطرى بطلى عياط .. والله ما بقدر اشوف دموعك و بتكون اصعب عليا لما ابقى انا السبب فيها
سما : ماشى يا سيف
سيف : اضحكى بقى علشان خاطرى و حياتى
سما : خلاص يا سيف اهو بس متقررهاش تانى و تسيبنى معاه كدة و تقوم ولا كانى فارقة معاك
سيف : بحبك انا
سما :


الحلقة 2

عدت الايام .. و الكل مشغول فى مذاكرته
دلوقتى دخلنا فى الامتحانات

سيف بيوصل سما اخر امتحان : خدى بالك من نفسك و اول ما تخلصى تكلمينى
سما : حاضر يا سيف كل يوم تقولى كدة
سيف : لا اله الا الله
سما : سيدنا محمد رسول الله

دخلت سما الامتحان و حلت كويس اووووى
و خرجت كلمت سيف
سيف : ها عملتى ايه ؟
سما : الحمد لله هتيجى تاخودنى ولا اروح
سيف : مال صوتك انتى حليتى و حش ولا ايه
سما : لا عادى
سيف : طيب خليكى عندك انا 5 دقايق و اكون قدامك
سما : ماشى

سما : اول ما ركبت العربية : يااااااااااااااااااااااااه مش مصدقة انى خلاااص خلصت مدرسة
سيف : انتى متاكدة ان انتى سما اللى كلمتنى من شوية
سما : ههههههههه اييييون بس كنت بشتغلك
سيف : حرام عليكى يا شيخة وقعتى قلبى
سما : هاهاها سلامة قلبك يا قلبى .. يلا هتودينى فين
سيف : فصلتينى يا شيخة هو انتى متكمليش لحظة حلوة على بعضها ابدا ؟
سما : هههه لا يلا بقى
سيف : اولا احنا هنروح
سما : نعم ؟؟!!! ليه بقى ان شاء الله
سيف : كدة علشان نا المفروض ارجع الجامعة تانى
سما : لا بقى يا سيف ماليش دعوة انا عايزة اخرج
سيف : طيب
سما : .هو ايه اللى طيب
سيف : .........................
سما : سيف انا بكلمك
سيف : ...............................
سما : سيييييييييييييف
سيف بيركن العربية : انزلى
سما : انزل فين؟؟؟؟
سيف : انزلى بس

دخل سيف و سما مكان حلو اوووى و رومانسى جداااا
سما : الله يا سيف .. ايه المكان التحفة دة
سيف : اى خدمة .. تعالى نقعد ... ها هتكلى ايه ؟
سما : مش عارفة اى حاجة .. انت هتاكل ايه ؟
سيف : ممكن ميكس جريل
سما : خلاص ماشى و انا كمان
(بعد ما طلبوا الكل )
سيف : عجبك المكان
سما : اه يا سيف اوى .. ربنا يخليك ليا يا رب
سيف : و يخليكى ليا يا احلى حاجة فى حياتى
(سما وشها احمر و بقت مش عارفة تعمل ايه .. انقذها الجرسون اللى جه ينزل الاكل )
(سيف فى سره مش وقتك خااالص)
سيف : ها عجبك الاكل
سما : اه حلو اوى
سيف : انتى احلى .. انتى حلوة زيادة انهاردة ولا انا متهيألى
سما : احم حلو الشيش طاووك دة مش كدة
سيف : ههههه اه كدة
سما : على فكرة انت كنت واعدنى بمفاجاة بعد اللى امتحانات
سيف : ايوة طبعا بس هنخليها بعد انتيييجة
سما : يووووووه بقى لسة هستنى كل دة
(سما تليفونها بيرن )
سيف : مين ؟
سما بحذر : دااا محمود
سيف : استغفر الله العظسم .. عايز ايه سى زفت
سما : و انا ايش عرفنى شايفنى رديت عليه
سيف : طيب ردى و افتحى الاسبيكر اما شوف عايز ايه من حضرتك
سما : الو
محمود : الو يا سوسو عاملة ايه يا روحى
سما بصت لسيف .. سيف باين عليه العصبية
سما : ايه روحى دى يا محمود .. قولتلك مبحبش الاسلوب دة
محمود : ماشى يا سما علشان منى انا وحشة لكن لو من سى سيف تبقى حلوة مش كدة
(سيف عصبيته بتزيد )
سما : محمود لو سمحت قولتلك 100 مرة متكلمش عل سيف بالاسلوب دة
محمود : حاضر يا سما عملتى ايه فى الامتحان
سما : الحمد لله
محمود : طيب اظن انا اقدر اشوفك دلوقتى .. الامتحانات خلصت اهى
سما : ربنا يسهل
محمود : ماشى مستنى تليفونك
سما : سلام
سيف : الحيوان دة بيكلمك كدة ازاى ؟
سما : و انا مالى انت بتزعقلى انا ليه دلوقتى ؟؟
سيف : ....................
سما : ساكت ليه .. روحنى يا سيف
سيف باصصلها و مش بيتكلم
سما : عايزة اروح دلوقتى لو سمحت
سيف : ليه يا سما ؟
سما بعصبية : بطل تحسسنى ان انا مجنونة و ان انت بشخصيتين
سيف : طيب اهدى بس
سما : مش هاهدى يا سيف و روحنى .. انا هستناك عند العربية
سيف : استنى هنا اقعدى
سما : نعم !!!
سيف : اتضايقتى علشان زعقتلك ؟
سما : سيييييف انت شوفت انا رديت عيه ازاى .. و لما اتكلم عليك كلمة وقفته ... تقوم مزعقلى كدة؟؟ ؟ .
سيف : معلش يا سما و الله انا فقدت اعصابى بس لما سمعته .. معلش حقك عليا جت فيكى انتى
سما : ...................................
سيف : خلاص بقى .. مش انتى عارفة ان انا بحبك و بغير عليكى و بالذات من الحيوان محمود دة
سما : عارفة .. بس دة
سيف بيقاطعها : خلاص بقى انسى الحوار دة كله مش عايز ابوظ الخروجة .. اللحظات دى مش بتتقرر كتير
طول اليوم فى الفيلا خالتو و ماما قاعدينلنا زى الردار .. مش بعرف اقول كلمة
سما : smile رمز تعبيري
سيف : ايوة كدة اضحكى .. قومى يلا علشان عايز اجيبلك هدية حلوة كدة
سما : بمناسبة ايه ؟
سيف : ممممم بمناسبة انى بحبك و هفضل احبك طووول العمر
سما : بجد يا سيف ؟
سيف : بجد يا روح سيف
سما : يلا بينا


الحلقة 3

الاياك بتعدى عادى
و انهاردة نتيجة سما هتظهر .. طبعا البيت كله متوتر و اكتر واحدة فيهم سما
الفجر صحى سيف صلى و دخل بلكونة اوضتة.اللى بتبص على الجنينة لقى سما قاعدة .. استغرب اوى من قعدتها دى و خصوصا ان دة مش من طبعها .. غير سيف هدومة و نزلها

سيف : سما
سما اتخضت : خضتنى يا سيف
سيف : معلش يا حبيبتى مكنش قصدى .. انتى ايه اللى مقعدك كدة
سما : مفيش صليت الفجر و مداليش نوم .. قلقانة اوى يا سيف حايفة اوى من.النتيجة
سيف : متخافيش ان شاء الله خير .. انا واثق انك هتخحيبى مجموع حلو
سما : يا رب يا سيف يا رب
سيف : يلا قومى نامى شوية بقى
سما : ماشى هحاول .. انت هتعمل ايه
سيف : هطلع اوضتى و اخاول انام.انا كمان
سما : ماشى انا طالعة
سيف : ماشى .. خلى بالك من نفسك
سما : سيف على فكرة انا مشافة السلم هكون فى اوضتى
سيف : ما انا عارف بس بغلس شوية فى مانع
سما : لا يا بابا مفيش مانع براحتك
سيف : بابا !!! اطلعى يا سما اطلعى هو اليوم باين من اوله
سما : ههههههه ماشى

طلع النهار .. راح يوسف يشوف النتيجة .. لقى محمود هناك لنفس السبب
محمود : ايه دة سيف ازيك ؟
سيف مش طايقه : الحمد لله .. انت بتعمل ايه هنا ؟
محمود : بشوف نتيجة سما
سيف : ايشمعنا يعنى
محمود : عادى كنت معدى ب الصدفة ف قولت اطمن
سيف : ممم صدفة اه .. لا اطمن سما جابت مجموع كبير و هتدخل هندسة معاييييا ان شاء الله
محمود : طيب كويس قولها مبروك بقى لغاية ما ابقى اشوفها
سيف : ان شاء الله سلام

وصل سيف الفيلا .. الكل متوتر
اول ما سيف دخل
سما جريت عليه : ها يا سيف طمنى علشان خاطرى
سيف : احم احم مبروووووك يا سوسووو .. هتبقى معايا فهندسة ؛)
سما : لا لا بجد مش مصدقة .. يعنى انا و انت هنكون فى كليه واحدة (هيييييييييييييييه
سيف : احم احم ماما و خالتو وراكى .. بصى كدة
سما وشها احمر من الكسوف و من الموقف الفظيع اللى فيه
ليلى و سلوى باركوا لسما و حضنوها و باسوها
سيف : بعد اذنكوا انا هاخد سما مشوار كدة على السريع
سلوى و ليلى : ماشى
سيف : يلا يا سوسو اطلعى البسى
سما : حالا
بعد ما سما طلعت
سيف : انا ظبط كل حاجة من امبارح و كله تمام زى ما اتفقنا


الحلقة 4

سما و سيف قاعدين فى مكان شيك اوى .. سيف حاجزه ليهم لوحدهم مخصوص علشان سما

سما : المكان حلو اوى يا سيف انا مش مصدقة بجد كل دة علشانى
سيف : لا طبعا
سما : !!!!!
سيف : علشانى حبيبتى و روح قلبى
سما اتكسفت
سيف : بحبك و انتى مكسوفة اوى
سما : سيف
سيف : نعم يا قلب سيف
سما : هو انت هتفضل تحبنى كدة على طول ؟
سيف: اكييييييد لا
سما : كدة يا سيف
سيف : ايوة طبعا اكيد حبى ليكى هيزيد كل يوم
سما : حرام عليك و قعت قلبى
سيف : سلامة قلبك .. ممم غمضى عنيكى
سما : ليه ؟
سيف : غمضى بس ؟
سما غمضت .. طلع سيف من جيبه علبه و شاور لعازف الكمان
مسك سيف ايد سما و لبسها حاجة
فتحت سما عنيها
سما : ايه دة يا سيف .. دة بجد؟؟
سيف : هههه طبعا بجد مش هتلبسينى دبلتى انا كمان يا عروستى بقى و لا ايه ؟
سما بتضحك و فرحانة : طبعااااااا
و اتعشوا على ضوء الشمووووع و عزف الكمان

فى العربية
سيف : مبسوطة يا سما ؟
سما : انا حاسة انى طاااايرة من الفرحة و السعادة .. ربنا يخليك ليا ياااارب و ميحرمكش منى ابداا
سيف :ههههههه و يخليكى ليا

بتعدى الاياااااام
انهاردة اول يوم جامعة لسما

سيف : يلا يا سما هنتأخر
سما : حاضر يا سيف جاية اهوووو
سيف : ايه اللى انتى حطاه فوشك دة بقى ان شاء الله ؟؟
سما : ايه ماله ؟؟ (للعلم سما كانت حاطة ميك اب خفيييف اوى .. بس نعمل ايه بقى فسيف)
سيف : روحى يا سما خفيه شوية ولا اقولك امسحيه خااالص احسن
سما : يا سيف انا
سيف : يلااا من غير كلام مش عايز اتنرفز على الصبح
سما و هى راجعة الاوضة : يووووووه بقى بدانا
سيف : مااشى يا سما سمعتك على فكرة و حسابك معايا بعدين

فى الجامعة
سيف : خودى يا سما جدولك اهو
سما : شكرا
سيف : خلصى و استنينى فى الكافتيريا .. و مش هتاخر عليكى ان شاء الله
سما : حاضر
سيف : و افرضى وشك انتى مالك مكشرة ليه ؟
سما : حاضر.. مفيش حاجة
سيف : طيب بقولك ايه
سما : نعم
سيف : بحبك
سما ابتسمت : ماشى بس برضو زعلانة .. سلام
سيف : ههههههه و الله مجنونة



الحلقة 5

سما قاعدة فى المحاضرة .. سرحت فى الدبلة اللى فايديها و قعدت تلفها يمين و شمال
الدكتور : الانسة اللى سرحانة فدبلة حبيي القلب
سما اتكسفت : ايوة يا دكتور
دكتور : يا ريت تركزى معايا شوية و تسيبى الدبلة دلوقتى واضح ان حضرتك عروسة جديدة
(المدرج كله بيضحك )
سما بدموع فعنيها : حاضر

سما خلصت محاضرتها و راحت جابت نسكافيه و قعدت فى الكافتيريا تستنى سيف
افتكرت موقف الدكتور .. دموعها نزلت غصب عنها
... : لو سمحتى يا انسة
سما بتمسح دموعها : ايوة حضرتك
....: حضرتك فى سنة اولى صح
سما : اه
...: انا ادم زميل حضرتك
سما : اه اهلا ..خير فى حاجة
ادم : معلش ممكن لو معاكى الجدول انقله بس و هرجعه تانى لحضرتك ؟
سما : اه طبعا اتفضل
ادم : شكرا ...... اتفضلى متشكر اوى
سما : العفو
ادم : اسف لو كنت ازعجتك
سما : لا مفيش حاجة

سيف جه بعد ما ادم مشى
سيف : مين دة ؟؟!
سما : دة زميلى و كان عايز الجدول علشان ينقله
سيف : لا و الله وانتى اديتيهوله
سما : اه يا سيف اديتهوله و بعدسن انت بتزعق ليه .. هو انت شوفتنا قاعدين نحب فبعض ؟ .. دة حتى الولد نقله و هو واقف
سيف : وانتى كمان عايةاه يقعد ؟؟؟؟
سما : يلا يا سيف علشان انا تعبانة و مش قادرة اقف
سيف : ليه مالك ؟
سما : مفيش ممكن يلا
سيف : اتفضلى

فى العربية صمت تام
سيف كل شوية يخطف نظرة لسما يلاقيها سرحانة
سما حست بسخونية فوشها و دمعة سخنة نزلة على خدها .. مسحتها قبل ما سيف ياخد باله .. بس سيق فعلا كان اخد باله
سيف : سما
سما بصوت مخنوق و مش مسموع : نعم
سيف : مالك.. انتى بتعيطى ؟
سما بنفس النبرة : مفيش حاجة و مش بعيط لا
سيف ركن العربية على جنب .. و اتعدل و بص لسما ..
سيف : ممكن تبصيلى
سما باصة قدامها .. سيف لف وشها براحة نحيته .. سما اول ما بصت لسيف انهارت فى العياط بصوت عالى
سيف : ايه ده ايه ده ؟؟ ايه يا سما مالك؟؟ ايه اللى حصل ؟ انتى تعبانة طيب ؟
سما ساكتة و حطه ايديها على وشها و بتعيط
سيف : يا حبيبتى ابوس ايديكى اتكلمى
سما بنرفزة : متقوليش حبييتى دى
سيف مش مصدق : نعم؟؟! انتى بيتقولى ايه ؟؟
سما : انت مش بتحبنى يا سيف .. انت لو بتحبنى فعلا مش هتعمل فيا كدة .. اللى بيحب حد مش بيخنقه بحبه بالعكس .. كل حاجة بسمع كلامك فيها و مع ذلك يتعاملنى معامله مش فاهماها... اعملى دة و متعمليش دة و متكلميش دة و كلمى دة و..و.. و... خلاص تعبت .. الولد جه طلب منى الجدول .. ايه اللى حصل الدنيا اتهدت ؟؟ انا مش هعزل نفسى عن الناس و متقوليش انك بتعمل كدة علشان بتحبنى و بتغير عليا .. الموضوع وصل لعدم ثقة يا سيف
سيف : يااااه يا سما كل دة مخبياه جواكى .. للدرجادى يا سما مخنوقة منى ؟ .. و فعلا انا باعمل كل دة علشان بحبك و بخاف عليكى من اى حاجة و مش عدم ثقة زى ما قولتى و انتى متأكدة من كدة و عارفة انى باثق فيكى اكتر ما بثق فر نفسى
سما : سيف انا مخنوقة اوى بجد و مش قادرة اتحمل
سيف : سما انا عارفك كويس انتى مش مخنوقة منى فى حاجة حصلت انهاردة ضايقتك .. ايه هى بقى ؟؟
سما : ..............
سيف : ما تتكلمى ايه اللى حصل ؟
سما : الدكتور انهاردة احرجنى قدام الناس كلها
سيف : ليييييه بقى عملتى ايييه ؟ ماهو مش عبيط يعنى يا سما اكيد حصل حاجة
سما : كنت سرحانة و عمالة العب فى الدبلة .. قعد يقولى ركزى معايا و سيبى دبله حبيب القلب و حاجات كدة
سيف : هههههههه طيب ماهو عنده حق بصراحة .. دكتور مين دة؟
سما : اسمه مصطفى تقريبا
سيف : يا بنتى دكتور مصطفى دة حبيبى .. بكرة اخدك و نروحله و اعرفه انك حطيبتى و ان انا حبيب القلب ؛)
سما : طيب
سيف : لسه زعلانة منى ؟
سما : عادى يا سيف اتعودت
سيف : مفيش حلجة اسمها اتعودت .. انا اسف و صدقينى هحاول اققل موضوع التحكم دة شوية بس موضوع الغيرة دة مش بايدى ماشى ؟؟
سما : ماشى اما نشوف .. عايزة ايس كرييييم دلوقتى
سيف : بس كدة من عنيا ... احلى ايس كريم لحبيبتى و نور عينى كمان
سما : smile رمز تعبيري
سيف: ايوة كدة اضحكى يا ساتر لما بتكونى مكشرة بتبقى واحدة تانية ... بحبك على فكرة
سما : عارفة على فكرة و عادى انا كمان بحب نفسى
سيف : على فكرة انتى رخمة و مفيييش ايس كريم ماشى ؟
سما : لا لا لا خلاص معلش
سيف : قوليلى بحبك حالا
سما : لا
سيف : هلف و ارجع
سما : يوووه بحبك بقى خلاص ارتحت
سيف : اووى


الحلقة 6

ليلى و سلوى فى جنينة الفيلا
سما فى اوضتها
سيف ف اوضته قاعد على النت
سيف : ايه دة معقوول .. يعنى كل دة كان غلط و حرام .. استغفر الله العظيم يا رب .. استغفر الله العظيم

تانى يوم على الفطار
سيف : احم احم بقول ايه
ليلى : خييييييير
سيف : انا عايز اكتب كتابى على سما
(الكل ساكت و متنح )
سيف : ايه يا جماعة مالكوا ؟؟
سلوى : انت قولت ايه!!!
سيف : بقول عايز نكتب الكتاب
ليلى : طيب و.ايه اللى جاب الفكرة فى دماغك دلوقتى .. احنا مش كنا متفقين انه قدام شوية ؟
سيف : ماهو اصل انا قرأت على النت امبارح ان المخطوبين مينفعش يقعدوا لوحديهم ولا يمسكوا ايد بعض و لا يحبوا فى بعض كل دة حرام لازم يبقى الموضوع شرعى و ان الخطوبة دى مجرد ربط كلام و بصراحة الواحد مش ناقص ذنوب يعنى انا و سما الوقت كلع تقريبا مع بعض لوحدينا و اكيد مغرقها كلام حب (سما وشها احمر و اتكسفت ) و اكيد مش عسيبها فحتة لوحدها ولا هاعرف احط الحدود دى كلها .. ها قولتوا ايييه ؟
ليلى : و الله يا سيف اللى تشوفوه انا معنديش مانع
سيف : تمام .. وانتى يا خالتو
سلوى : و الله يا سيف انا مش عارفة بس لو دة الحل ماشى كدة كدة انتوا لبعض سواء دلوقتى او بعدين و الواحد مش ناقص ذنوب فعلا
سيف : تمام كدة
سما : و بالنسبة ان انا اللى هيتكتب كتابى ماليش راى فى القاعدة دى ؟؟؟
(الكل اتفاجا من رد فعل سما .. من المفترض انها تكون مبسوطة بس الواضح عكس كدة )
سيف : لا طبعا دة انتى الاساس .. رايك ايه ؟
سما بتقوم : انا اتأخرت ولازم امشى .. هتوصلنى ولا امشى انا
سيف بيبص لسلوى و ليلى باستغراب : لا طبعا جاى معاكى

فى العربية
سيف : سما
سما : نعم ؟
سيف : ساكتة ليه ؟
سما : مفيش عادى
سيف : عادى ؟؟ طيب انتى ايه رايك ؟
سما : قال يعنى همك راى قوى
سيف : فى ايه يا سما مالك هو انتى معترضة ؟
سما : ليه لا ؟
سيف : ؟؟؟؟؟ مش فاهم
سما : شوف يا سيف انا خايفة لما ناخود الخطوة دى نكون اتسرعنا و فنفس الوقت مش عايزة اكون بعمل حاجة غلط
سيف بعصبية : اتسرعنا ؟؟؟ هو احنا عارفين بعض امبارح يا سما ؟
سما : عرفت انا مترددة ليه ؟ شايف نرفزتك و عصبيتك .. و بعدين يا سيف انت حتة ماخدتش راى .. المفروض كنا نتكلم فى الموضوع دة احنا و بعدين نتكلم مع ماما و خالتو
سيف بيحاول يهدى : فى دى انت عندك حق .. بس موضوع هنتسرع دة عصبنى بصراحة .. قال هنتسرع قال
سما : ماشى اللى ربنا عاوزه هيكون
سيف : و نعم بالله

فى الجامعة
سما : هتيجى معايا عند دكتور مصطفى ؟
سيف : اه طبعا يلا

تك تك تك
.... : ادخل
سيف : السلام عليكم
مصطفى : اهلا اهلا ... ازيك يا سيف
سيف : تمام يا دكتور الحمد لله
(مصطفى اخد باله من سما اللى واقفة ساكتة خالص )
مصطفى : ايه دة يا سيف انت تعرف الانسة .. مش انتى اللى كنتى بتلعبى فى الدبلة هههههه
سيف : ايوة يا دوكتور سما تبقى خطيبتى و بنت خالتى
مصطفى : يعنى حضرتك بقى حبيب القلب صاحب الدبلة ههههه على العموم الف مبروك و الانسة سما فى عنينا
سيف : شكرا يا دوكتور .. سلام عليكو

سما : يا ساتر .. راجل مستفز
سيف : عندك حق بصراحة دة اتغير اوى عن زمان بقى اسخف.. سبحان الله
سما ابتسمت
سيف : ايوة كدة اضحكى
سما : طيب يلا شوف وراك ايه علشان عندى محاضرة دلوقتى
سيف : ماشى خلصى و استنينى فى الكافتريا
سما : اوك حاضر

بعد المحاضرة
سما خارجة من القاعة .. شخص جاى من قصادها
... : لو سمحتى يا انسة
سما : ايوة
... : تعالى معايا عايزك شوية
سما : اجى معاك فين .. سيب دراعى
...: يلا يا قطة علشان متهورش عليكى .. عايزك فموضوع كدة
سما بتعيط و بتحاول تخلص نفسها منه
لقت زميلها
( اللى اخد منها الجدول قبل كدة )
جاى عليها بيشد الولد التانى و بيضربه
سما واقفه بتعيط و الولدين بيضربوا بعض
الامن جه و اهدهم كلهم على مكتب المعييييد
سما : الو .. الحقنى يا سيف
سيف : بتعيطى ليه .. اهدى مش فاهم منك حاجة .. طيب طيب جايلك اهو

الجزء بتاع كتب الكتاب .. انا بس عايزة اوصل منه حاجة .. ان كش معنى ان فى خطوبة ان كل حاجة ممكن .. الخطوبة كش بتتساوى بكتب الكتاب خالص .. الخطوبى ليش الا ربط كلام بين العلتين و ان البنت متكلم عليها و محجوزة زى ما بيقولوا .. خدوا بالكوا يا مخطوبيييين من الحاجات دى .. الحاجات دى بتكون احلى فى الحلال



الحلقة 7

فى مكتب العميد
سما بتعيط .. ادم واقف ساكت .. الولد بيدافع عن نفسه
الولد : يا استاذ حضراك انا معملتش حاجة
(الباب بيخبط .. دخل سيف .. جريت عليه سما و هى بتعيط )
سيف : سلام عليكو.. اهدى و بطلى عياط ..هو فى ايه حضرتك ؟
المعيد : هو حضرتك مين اصلا
سيف : اه اسف معلش انا سيف خطيب سما و ابن خالتها
المعيد : اهلا اهلا تعالى شوف خطييبتك فرحانة بلمة الولاد حواليها و خناقهم عليها
سيف بنرفزة : فرحانة ايه حضرتك دى مش عارفة تاخد نفسها من كتر العياط .. و بعدين هو دة سبب المشكلة
المعيد : وطى صوتك و اتكلم عدل .. وانتى بطلى عياط و قولى ايه اللى حصل
سما : انا انا كنت خارجة من القاعة و لقيت الولد دة جاى و بيقولى تعالى معايا و عايزك و ماسكنى من دراعى و بعدين ادم جه و خلصنى منه
(سيف بيهجم على الولد و هيضربه )
المعيد : بيخبط على المكتب بايده : بس ايه اللى بيحصل دة .. سيف لو صدر منك اى حاجة تانى هطلعك برة ... و انت يا ابنى
الولد : نعم ؟
المعيد : انت طالب هنا معانا
الولد : لا
المعيد : اومال جاى تنيل ايه هنا
الولد : كنت جاى لواحد صاحبى و ملقتهوش
المعيد : طيب استنانى بقى علشان انت حسابك طوييل معايا .. وحضراتكوا تقدروا تتفضلوا

سيف و سما و ادم خرجوا
سيف : شكرا يا ادم
(سما مستغربه سيف جدا )
ادم : العفو انا معملتش حاجة .. كويس انها جت سليمة يا انسة سما
سما : الحمد لله و شكرا ليك
ادم : العفو .. عن اذنكوا

سيف : شكله محترم ادم دة
سما : اه هو انت سيف بجد ؟؟
سيف : هههه اه انا سيف بجد و مش هاكدب عليكى انا مش عارف انا ازاى هادى كدة بعد كل اللى حصل
سما : يا خوفى ليكون دة هدوء ما قبل العاصفة
سيف : لا متخافيش
سما : ربنا يستر يلا بقى علشان انا تعبانة اوى بجد و حاسة انى دايخة
سيف بخضة : ليه يا سما مالك فى ايه ؟ حاسة بايه طيب ايه اللى واجعك
سما : مفيش يا سيف متقلقش انا بس صدعت من كتر العياط
سيف : ماشى و كمان انتى مفترطيش تقريبا كويس
سما : ماشى يلا بقى

سما فى العربية .. سيف راح جابلاها عصير و شوكولاتة
سما : ايه دة
سيف : اشربى و كلى بلا بدل ما تقعى منى انا مش ناقص الله يخليكى
سما : حاضر
سيف : سما
سما : ايوة يا سيف
سيف : مقولتيليش ايه رايك فموضوع كتب الكتاب
سما : سيب الموضوع يا سيف يمشى زى ما ربنا عايز و اللى فى الخير يقدمه ربنا
سيف بعد تنهيدة طويييلة : ماشى يا سما حاضر


الحلقة 8

الايام بتعدى عادى جدا مفيش جديد
سما نجحت و فسنة تانية دلوقتى و سيف ف اخر سنة و بيتدرب مع عمه فى الشركة لغاية ما يخلص و يستلم شغله بجد
سما لسة موافقتش على موضوع كتب الكتاب و بالتالى معاملة سيف ليها متغيرة و بقت باردة جدا و شاكك ان سما بطلت تحبه و هى كمان شاكة فكدة ..

فى يوم بعد ما سما خلصت و مستنية سيف كالعادة ..
سيف : خلصتى
سما : ايوة
سيف : طيب يلا
سما : لا يا سيف معلش ثوانى
سيف : خير
سما : ممكن تقعد عايزاك ف حاجة
سيف قعد : نعم
سما : سيف هو انا مش فارقة معاك بجد (دموع بتتكون فى عيون سما )
سيف قلبه وجعه اوى على سما و اتضايق اكتر لما شاف دموعها
سيف : مش فارقة معايا ازاى يعنى مش فاهم ؟
سما دموعها بتنزل : لا فاهم يا سيف .. هو انا مبصعبش عليك خالص .. مبتفكرش فيا بكون عاملة ازاى من جوايا و انت بتعاملنى كدة ؟
سيف مش قادر يشوف سما فى الحالة دى .. مش هاين عليه ان هو السبب فى الحاله اللى سما فيها
سما : ساكت ليه يا سيف ؟؟ .. انت مبقتش تحبنى زى الاول مش كدة .. ؟؟
سيف : سما انا بعمل كدة علشان بحبك و بحافظ .. انا كنت عايز نكتب كتابنا علشان خايف عليكى .. كنت عايز حياتنا تكون صح مع بعض و مفيهاش حاجة حرام .. يبقى ازاى مش بحبك يا سما ؟؟
سما : ...........
سيف : سكتى ليه ؟
سما : هو انت لسة عايزنا نكتب الكتاب ولا غيرت رايك ؟
سيف : اكيد لسة عايز
سما : طيب انا موافقة بس بشرط
سيف حس ان روحه رجعتله : ايه هو ؟
سما : اى موضوع يخصنى انا و انت نتكلم فيه لوحدنا الاول و متلغيش شخصيتى و رايي و تمشى رايك على طول الخط .. هتناقش بهدوء و يقنعك يتقنعنى
سيف : اتفقنا .. حاجة تانى ؟
سما : ايوة تبطل عصبية على حاجات هايفة و تبطل عصبيتك عليا كمان
سيف : تمام هحاول على قد ما اقدر .. ايه تانى ؟
سما : لغاية دلوقتى مفيش
سيف : طيب يلا بينا علشان نروح نفرحهم فى البيت
سما : يلا (صوت الموبايل ) .. استنى اشوف مين .. دة محمود .. ايوة يا محمود
.. الحمد لله .. انتوا عاملين ايه .. دايما يا رب .. ايه دة بجد و الله .. الف مبروك .. ربنا يتمملكوا بخير يا رب .. اه طبعا هنيجى كلنا .. هى امتى ؟ ... خلاص ان شاء الله .. سلم على عمتو .. سلام
سيف : خير
سما : خطوبته بعد اسبوع
سيف : طيب الحمد لله .. اعملى حسابك ان احنا هنروح الخطوبة دى و احنا مكتوب كتابنا و متقوليليش ازاى
سما : ماشى ربنا يسهل .. يلا بقى

فى الفيلا
ليلى : الف مبروك يا ولاد
سلوى : مبروك يا حبايبى .. ربنا يتمملكوا على خير
سما : على فكرة يا ماما محمود كلمنى و قالى انه هيخطب
سلوى : اه يا حبيبتى ماهو كلمنى و قالى
سيف : الحمد لله اهو خلصنا منه
سما : بتقول حاجة يا سيف ؟
سيف : لا ابدا مفيش حاجة .. هنحجز القاعة امتى ؟
ليلى : ايه رايكوا لو عملناه هنا فى الجنينة
سلوى : و الله فكرة يا لولو .. ايه رايكوا يا ولاد ؟؟
سيف : ها يا سما ايه رايك ؟
سما : ماشى معنديش مانع
سيف : يبقى كتب الكتاب كمان يومين اتفقنا؟
سما : نعم ؟؟؟!! انت بتهزر يا سيف ؟
سيف : ايه المشكلة يعنى ؟
سما : مش هلحق احضر نفسى طبعا و الفستان .. لا لا مش هلحق طبعا
سيف : لا هنلحق .. هنروح كلنا دلوقتى .. هوصلكوا المول و هروح انا اتفق على حاجات كدة و اجيلكوا تانى تكونوا خلصتوا
ليلى : ماشى .. هنشوف يا سما مش هنخسر حاجة
سلوى : خلاص يا سما بقى ربنا هيدبرها متقلقيش
سما بتبص لسيف
سيف : كلهم موافقين ماعدا انتى
سما : امرى لله .. حاضر
سيف : تعالى يا سما عايزك .. وماما و خالتوا اطلعوا بقى اجهزوا يلا علشان منتأخرش

سما : ايوة يا سيف
سيف : طبعا الفستان هنجيبوا هادى كدة و مش زحمة ولا ضيق ولا حاجات من دى
سما : عارفة يا سيف من غير ماتقول و بعدين متنساش انى محجبة يعنى الفستان هيكون ملموم و انا اصلا مش بحب الحاجات الزحمة فهجيبوا رقيق كدة و حلو ان شاء الله
سيف : ان شاء الله

فى المول
ليلى : ها يا سما عاجبك حاجة ؟
سما : لا
سلوى : يا بنتى انا تعبت من الصبح و انا بلف و انتى مش عاجبك حاجة
سما : خلاص يا ماما اخر محل و لو ملقناش هنمشى

سما : مساء الخير .. لو سمحتى عايزة اشوف فساتين خطوبة
البنت : خطوبتك ولا هتحضرى بيه مناسبة ؟
سما : لا خطوبتى
البنت : طيب اتفضلى معايا
سما : الله حلو دة اوى ... ايه رايكوا ؟
سلوى : جميل فعلا
ليلى : حلو اوى و جميل عليكى ما شاء الله
سما : خلاص هاخده لو سمحتى
البنت : تحت امرك . والف مبروك

عدى اليومين
و فيوم كتب الكتاب .....


الحلقة 9

يوم كتب الكتاب
سما و ليلى و سلوى عند الكوافير و صاحبات سما كمان
سيف و ادم فى الفيلا عند سيف مع الناس اللى بيوضبوا الجنينة علشان الحفلة
(سيف و ادم بقوا صحاب اوى رغم اختلاف السن )

بقينا بالليل
سيف راح ياخد سما و سلوى و ليلى من عند الكوافير و ادم معاه

سيف واقف عند الكوافير
سما خارجة .. ليلى و سلوى مقضينها زغاريت
سيف مش مصدق ان دى سما .. هى سما طول عمرها حلوة .. بس مش كدة دى ملهاش حل انهاردة
ركبوا كلهم العربيات و اتعملت احلى زفة لغاية الفيلا
وصل المأذون و قال كلامه
و طبعا عم سما كان وكيلها (نسيت اقولكوا ان ليها عم و عنده بنت واحدة اد سما بس هما مش قريبين من عمهم اوى )
خلص المأذون كلامه ..
و مع كل كلمة كان قلب سما مش راضى يثبت فى مكانه من الفرحة و سيف كان بيتلخبط فى الكلام من كتر فرحته .. عيونهم كانت بتتكلم باللى فى قلوبهم...

المأذون و الكل بيردد : بارك الله لكما.. و بارك عليكما .. و جمع بينكم فى خير
الكل : لولولولولولولوليييى ..

سما و سيف واقفين جنب بعض بيسلموا على الناس .. سما لقت ايد بتمسك ايديها بكل حنية .. طبعا كان سيف .. مسكت ايده اوى و ضغطت عليها و بصوا لبعض و ابتسموا

الحفلة خلصت
سيف : انا هاخد سما بقى و هنروح نسهر
ليلى : ماشى يا حبيبى
سلوى : خلى بالك منها يا سيف
سيف : بتوصينى على مين يا خالتو بس ؟؟ على عمرى و قلبى و حياتى كلها
سما اتكسفت اوى و كان واحشها اوى سيف بتاع زمان و كلامه ..

سيف و سما فى العربية
سيف : مبروك يا قلبى
سما مشبكة ايديها فبعض و باصة عليهم و مكسوفة : الله يبارك فيك
سيف : سما انتى مكسوفة بجد ؟؟
سما : ايوة يا سيف بقى الله
سيف : مكسوفة منى ؟ دة انا سييييف مش بخوف يعنى متخافيش ..
سما : ما انا عارفة انك مش بتخوف .. انا عايزة اقولك حاجة
سيف : قولى يا حبيبتى
سما : انا بحبك اوى بجد .. مكنتش اعرف انى هكون مبسوطة كدة لما نكتب الكتاب
سيف :اييييييوة بقى هى دى سما اللى اعرفها
سما : smile رمز تعبيري
سيف : يا بنتى بطلى كسوف ابوس ايديك .. ويلا علشان وصلنا

سيف كان حاجز مكان فى باخرة فى النيل

سما : حلو اوى المكان دة
سيف : انتى احلى ... وحشتينى يا سما و وحشنى كلامى ليكى انا و الله مش عارف انا كنت عايش ازاى كدة
سما : و انت كمان يا سيف كنت واحشنى ... كان واحشنى سيف بتاعى مش سيف بتاع اخر كام شهر دول
سيف : و انا كان مالى بقى اخر كام شهر
سما : كنت رخم اوى بصراحة
سيف : ايييه يا مدام عيب تقولى لجوزك كنت رخم كدة عييييب
سما : ههههههه طيب اطلبنا حاجة نكلها علشان انا مكلتش من الصبح
سيف : من عنييييا
سما : تسلملى عنيييك يا رب
سيف : تسلميلى يا قلبى
سما : يا عم كفاية نحنحة و انجز
سيف : نحنحة ؟؟ انجز ؟؟ انت مش وش نعمة ... فصلتينى يا شيخة حرام عليكى
سما : ههههههه طيب يلا بقى بجد
(طلبوا اﻷكل ... الاكل وصل و بياكلوا )
سما : حلو الاكل
سيف : و الله ما فى احلى منك انهاردة .. ايه يا بت القمر دة
سما : احم احم .. على فكرة بقى انا طول عمرى حلوة
سيف : اه يا حبيبتى طيعا .. بس برضه سبحان الله الكوافيرة بتعمل شغل جامد
سما رافعة حاجب واحد : سيف اتلم
سيف : هههههه حاضر ههههه شكلك مسخرة وانتى رافعة حاجبك كدة ههههههههه
سما : سيييييييف
سيف : خلاص خلاص حاضر
سما : بص يا سيف الولد اللى قاعد هناك دة .. امور اوى .. ولا اللى جنبه يا خرابيييى
سيف : نتلم بقى شوية ولا انتى قاعدة مع كيس حرنكش مش فاهم
سما : حبيبى بيغير يا ناس
سيف : ايوة و بلاش تختبرى الموضوع دة بالذات عندى
سما : انا بموت فيك و انت غيييران كدة .. بيكون شكلك حلو اوى
سيف : ماشى ياختى .. استنى بقى هنا شوية
سما : رايح فين ؟
سيف : استنى ثوانى و هتعرفى
(سيف قام راح على الاستيج و اخد المايك من عمو اللى بيبقى واقف دة )
سيف : مساء الخيييير .. بصوا بقى انهاردة بجد احلى يوم ف حياتى كلهاااا .. انهاردة كان كتب كتابى على حب عمرى .. ربنا يخليهالى يا رب و ميحرمناش من بعض ابدا .. (سيف بيبص لسما ) انا وعدتك ان اليوم دة مش هيكون عادى ... عايز اقول لك حاجة واحدة بس ....
بحبييييييييييييييييك اوووى يا نور عينى .. بحبك يا ام عيالى بحبيييييييييك

سما طبعا مكسوفة جدا و وشها احممممر ... الناس كلها اللى بيسقف و اللى بيصفر
سما بتبص على سيف و بتحرك شفايفها : مجنووون
سيف فى المايك : مجنوووون بيكى و الله العظييييم



الحلقة 10

سما و سيف روحوا البيت متأخر طبعا

سما : اااه مش قادرة اقف خلاااص الكعب وجعلى رجلى اوى
سيف : لما انتوا مش قد الكعب بتلبسوه لييييه .. يا اوزعة (مطلع لسانه)
سما : انا مش اوزعة ولا حاجة انت اللى طوييييل اوى بصراحة و لازم طول ما انا معاك اكون لبسة كعب
سيف : ايوة ايوة اتحججى اتحججى
سما : سيييف انا مش قادرة .. انا هاطلع انام .. تصبح على خير
سيف : هههههه و انتى من اهله يا حبيبتى ..

فى اوضة سما
(الموبايل بيرن )
سما : دى رنة سيف و الله مجنون .. الو
سيف : وحشتينى
سما : يا سلام انا كنت معاك من خمس دقايق .. بس تعرف ؟؟
سيف : قولى
سما : انت كمان وحشتنى ... اصلا انت بتوحشنى و انت معايا
سيف : ........
سما : سيف سييييف انت نمت ؟
سيف : ممممممم سلام يا سما و نكمل كلام بكرة .. تصبحى على خير (و قفل سيف )
سما : لا حول ولا قوة الا بالله و الله مجنون

تانى يوم سما نازلة من على سلم الفيلا
لابسة فستان و مسيبة شعرها و.رافعاه من النص بتوكة
(سما شعرها بنى طويل وناعم مع لون عنيها العسلى .. شكلها بيكون امور )

سيف و ليلى و سلوى قاعدين بيفطروا
سيف اول ما شافها قام وقف (طبعا سيف اول مرة يشوفها من غييييير حجاب )
سيف : ايه القمر دة
سلوى : يا واد اتلم انت بتعاكسها قدامنا
سيف : يا جماعة دى مراتى .. انتوا نسيتوا
سما جت : صباح الخيييييير
سيف : صباح الفل على احلى واحدة فى مصر كلها ... ايه يا بت الجمال دة
سما : بس بقى يا سيف الله
سيف : يخواتى يا ناس على حبيبى و هو مكسووووووف
سما : يوووووه انا طالعة الجنينة
سيف: مش هتفطرى طيب ؟
سما : لا مش عايزة
ليلى : يا واد اهدى شوية كسفتها قدامنا .. دى وشها بقى عامل زى الطماطماية
سيف : ههههههههه انا رايحلها

سيف : بخ
سما اتخضت : اخس عليك يا سيف خضيتنى
سيف بيقلدها : اخس عليك يا سيف خضيتنى هههههههههه
سما : على فكرة انت رخم .. انا بعمل كدة؟
سيف : هههههه انتى حبيبتى .. انتى مال وشك احمر كدة ليه ؟
سما : يعنى مش عارف .. بلاش كلامك دة قدامهم علشان انا بجد بتكسف
سيف : من عنيا يا حبيبة قلبى انتى
سما : ربنا يخليك ليا .. انت روحت فين امبارح يا استاذ و انا بكلمك
سيف : احم احم نمت مكونتش قاااادر .. بقول ايه
سما : قول يا حبيبى
سيف : عايز نخرج انا و انتى انهاردة بما ان انهاردة اجازة يعنى
سما : تمام هتودينى فيييين ؟
سيف : المكان اللى تختاريه
سما : سينماااا و بعدين نخرج نتغدى و بعدين نروح ناكل ذرة على النيييل
سيف : احم سما انتى كان عندك مذاكرة تقريبا صح .. قومى يا حبيبتى ذاكرى
سما : كدة يا سيف .. انا زعلانة منك
سيف : المشكلة الكبرى انى مقدرش على زعلك .. يلا قومى اجهزى بسسرعة و انتى حلوة كدة .. حتى حلاوتك تموع النفس .. قومى قومى
سما : ههههههه ماشى نصاية و اكون جاهزه
سيف : نصاية اه ماشى يا قلبى انتى بتلبسى ف عشر ساعات اصلا
سما : بتنده يا سييييف
سيف : لا يا حبيبتى .. بقولك بسرعة بس علشان منتأخرش
سما : حاضر يا حبيبى

فى السينما
سما : سيف هنجيب فشار طبعا
سيف : اكييييد تعالى يلا
سما ؛ عايزاه بالكراميل
سيف : حااااضر والله حاسس انى معايا بنت اختى بفسحها مش مراتى
سما : طيب مانا طفلتك الاولى اصلا
سيف : تصدقى ثبتينى .. يلا علشان الفيلم هيبتدى
سما : ماشى يلا

الفيلم خلص و رايحين يتغدوا
فى المطعم
سيف بيتصفح المنيو : هتاكلى ايه يا سوسو
سما : مش عارفة انت هتاكل ايه
سيف : بفكر كباب او حمام ايه رايك
سما : خلاص خلينا حمام
سيف : اوك.ماشى
(طلبوا الاوردر )
سيف : مبسوطة يا سوسو ؟
سما : اه ربنا ربنا يخليك ليا
(جت بنت عليهم )
البنت : سيف ازيك عامل ايه ؟
سيف قام وقف يسلم و هو مراقب رد فعل سما
سيف : ازيك يا انجى عاملى ايه ؟
انجى : الحمد لله .. انت ايه اخبارك ؟ .. ايه دة دى خطبتك
(سما نفسها تقوم تلطشها قلم )
سما قبل سيف ما يرد : لا يا حبيبتى انا مراته مش تعرفنا يا سيف (ابتسامة صفرا )
سيف مش عارف يبعمل ايه و انجى وشها قلب لما عرفت ان سيف اتجوز
سيف : دى انجى كانت بتشتغل معايا ف شركة عمو من فترة
سما : اه اهلا وسهلا
انجى : اهلا .. مبروك يا سيف و مبروك يا
سما : سما (ابتسامة صفرا)
انجى : مبروك يا سما .. عن اذنكوا علشان معايا ناس
سيف : اتفضلى يا انجى و ابقى خلينا نشوفك
انجى : ان شاء الله
(انجى مشيت .. الاكل جه )
سما : ما تروح تقعد معاها احسن .. شكلها وحشاك
سيف : .........
سما : اومال لو كانت حلوة شوية كانت عملت ايه
سيف : ..........
سما : شكلها اتضايقت لما عرفت انى مراتك .. شكلها كانت معجبة بيك
سيف : خلاص ؟.. خلصتى ؟؟ .. كلى بقى علشان نشوف هنعمل ايه
سما قايمة
سيف : رايحة فين ؟
سما : التويليت و جاية
(دخلت سما التويلت .. بتقف قدام المراية و دموعها نزله و فى ميت سؤال فى دماغها .. يا ترى وراكى ايه يا انجى .. انا مش مستريحالك .. شكلك بتحبى سيف فعلا .. و هو ؟؟؟دة حتة معرفهاش عليا .. ربنا يستر )

خرجت سما لسيف

سيف : مال عنيكى ؟
سما : مفيش حاجة (و بصت فطبقها و بدأت تاكل )
سيف : سما
سيف : نعم
سيف : انتى غيرانة من انجى
سما : انا اغير من دى .. ماهو دة اللى ناقص و بعدين متجبش سرتها قدامى
سيف : لا واضح انك مش غيرانة خالص
سما : ايوة طبعا
سيف : هههه ماشى يا سما

فى العربية
سيف ركن على جنب و نزل .. ورجع بعد شوية و معاه بوكيه ورد كبييييير و فظيييع و احمممممر ... و كيس مليان شوكولاتات كتيييييييير و حاجات حلوة و مارشملو و الحاجات المستوردة الغريبة دى smile رمز تعبيري
سما : اييييه دة ؟
سيف : بحبك....ومقدرش على زعلك و اسف لو انجى دى ضايقتك
سما : ما بلاش انجى دى
سيف : يعنى كنتى غيرانة
سما : اييييوة طبعا بغيير عليك علشان بحبك اوووووى
سيف : انا بعشقك
سما : طب بلا بينا على النييييييل ناكل ذرة و نشرب مانجو
سيف : مااااشى انت تؤمرى
سما : حبيبى يا ناس ربنا يخليه ليييييييا
سيف : و ميحرمكيش منى ابدااا


الحلقة 11

الايام بتعدى عااااااااادى جداااااا
سما و سيف قاعدين بيذاكروا

سما : سيف
سيف : ايه يا روحى ؟
سما : على فكرة خطوبة محمود بعد بكرة و انا مجبتش اى حاجة لسة
سيف : اه صحييييح .. طيب هننزل انهاردة حاضر
سما : تمام

فى المول
سما : بص دة
سيف : لا مش حلو
سما : ليه بس
سيف : مش عارف مش مرتاحله
سما : يا سيف هو احنا هناسبه
سيف : طيب ادخلى قسيه كدة
سيف : ماشى
سما : ماشى

سما : ها ايه رايك ؟
سيف : لفى كدة
سما : اهو .. حلو يا سيف و الله
سيف : خلاص ماشى و مش ضيق كمان دى اهم حاجة
سما : يعنى خلاص هناخده
سيف : اه يا حبيبتى مش خلاص عاجبك يبقى خلاص يلا
سما : ربنا يخليك ليا يا رب
سيف : و يخليكى يلا بقى غيرى علشان نشوف اللى ورانا
سما : حاضر

سما : هو انت مش هتجيب حاجة ؟
سيف : لا ما انا عندى بدل كتير الموضوع دة مش بيفرق معانا
سما : طيب تعالى نجيبلك كرافتة نفس لون فستانى
سيف : لازم يعنى
سما : اه لازم يلا بقى علشان خاطرى
سيف : ماشى يلا بينا

عدوا اليومين و انهاردة الخطوبة
القاعة شيك جدا
محمود و نورهان قاعدين فى الكوشة
ليلى و سلوى داخلين و وراهم سيف مانجج سما
سما امورة اوى و و سيف فكامل شياكته و اناقته
دخلوا كلهم و سلموا على سمر (عمة سما ) و على عم سما و بنته كمان و قعدوا كلهم على نفس التربيزة
و عدى معظم الوقت ... سلوى و ليلى و سما و سيف قاموا سلموا على محمود و نورهان و اتصوروا معاهم
محمود كان مبهور بجمال سما و رقتها
سيف اخد باله مسك ايد سما و اتصورا كلهم مع بعض و رجعوا التربيزة تانى

سيف : ماما انا و سما برة شوية
ليلى : ماشى يا حبيبى

سما و سيف نزلوا فى الرسيبشن بتاع الفندق
سما : حلوة الخطوبة
سيف : ممممممم
سما : مالك يا حبيبى
سيف :لا مفيش
سما : عليا انا برضه ؟
سيف : انتى شوفتى محمود بصلك ازاى ؟
سما بتوتر : لا عادى سلمت و خلاص
سيف : ممم ماشى انا اصلا مكنتش عايز اجى
سما : سيف يا حبيبى انا مراتك انت و بس .. محمود يبص ميبصش ملناش فيه انا بتاعتك انت و بس
سيف مسك ايديها و باسها : ربنا يخليكى ليا يا رب و يرزقنى منك ببنات كتيييير شبهك
سما : و ولد شبهك
سيف : خلاص نجيب ستة و ستة
سما : دة على اساس ان انا ارنبة بقى مش كدة
سيف : مممم خلاص كل اللى يجيبه ربنا كويس
سما : سيف اصلا الكلام دة سابق لاوانه اوى مش وقته خااااااااااااااااالص
سيف : ماشى يا سوسو حاضر
سما : ماتيجى نطلع زمانهم فتحوا البفيه
سيف : هههههههههههه ماشى يلا

و عدى اليوم على خير الى حد ما

و تانى يوم
فى الجامعة
سما خلصت محاضراتها و مستنية سيف
بتبص لقت سيف واقف مع انجى
سما ( سنجى !!!!!! ايه اللى جابها هنا دى .. لا و واقفة عمالة تضحك اوى .. بس سيف شكله متضايق كدة ليه .. انا هافضل محتارة كدة كتير .. انا رايحالهوم )

سما : سلام عليكم
سيف اول ما شاف سما بس ان فى جردل مية ساقعة نزل عليه
سيف : و عليكم السلام
سما : ازيك يا انجى
انجى : اهلا عاملة ايه ؟ .. انا جيت كنت بشوف ورق كدة عايزاه فقولت اسلم
سما : و انا مسالتكيش على فكرة (ابتسامة صفرا ) ... سيف انا ماشية لما تخلص ابقى روح بقى انت .. سلام و سابته سما و مشيت
طبعا انجى شكلها وحش اووووووووووى و سيف مش عارف يعمل ايه
سيف : سما يا سما استنى بس
سما بتسرع ف خطواتها و بتعدى الشارع و فنفس الوقت باصة وراها على سيف اللى جاى يجرى
و فجاة !!!! عربية جاية بسرعة و على مفرملت كانت خبطت سما
الناس كلها اتلمت و سيف واقف مذهول مش مصدق اللى بيحصل و مش حاسس باللى حواليه شايف صورة من غير صوت و ناس بتتحرك بسرعة و هو واقف مذهوووول



الحلقة 12

سيف فاق من ذهوله لما شاف الناس بسحطوا سما فعربية الشاب اللى خبطها
جرى عليه سيف و شال سما و جرى بيهل على عربيته و هو بيزعق فالناس
يا جماعة دى مراتى مراااااتى

فى المستشفى
سما فاوضة العمليات .. سيف قاعد اودام الاوضة و دموعة نازله فصمت و بيدعى ربنا انه ينجى سما .. انجى جاية عليه و بكل برود
انجى : ها يا سيف سما عامله ايه ؟
سيف قام جرى عليها و مسكها من رقبتها : انتى عارفة لو سما حصلها حاجة و الله كا هيكفينى فيكى العمر كله .. انتى طلعتيلى منييين كنا عايشين كويس بس والله ما هسيبك يا انجى لو سما جرالها حاجة هموتك سامعة ؟؟ همووووتك
انجى بتحاول تخلص نفسها من سيف .. سيف شاف الدكتور خارج .. ساب انجى و جرى عليه
سيف : طمنى يا دكتور الله يخليك
الدكتور : انت قريبها ؟
سيف : انا جوزها يا دكتور .. طمنى الله يخليك
الدكتور : متقلقش هى حالتها مستقرة .. هى بس عندها شوية كدمات فجسمها مطرح الخابطة و كسر فى رجليها الشمال بس متقلقش هتبقى كويسة ان شاء الله
سيف : الحمد لله .. ممكن ادخل اشوفها
الدكتور : ماشى بس هى نايمة من البنج .. هما زمانهم نقلوها اوضة عادية
سيف : ماشى يا دكتور .. شكرا اوى

انجى جاية على سيف
انجى : ها يا سيف طمنى
سيف : غورى من وشى و مش عايز اشوف وشك تانى خاااالص (سابها سيف و مشى )

سيف كلم ليلى و سلوى و طبعا اصروا يجوا لما عرفوا و جم فعلا و اطمنوا على سما و المفروض حد واحد هيبات معاها

سلوى : لا طبعا انا لايمكن اسييب بنتى
سيف : طنط لو سمحتى .. محدش هيبات مع سما غيرى و حضرتك و ماما هنا من الصبح انا هروحكوا هارجع لسما تانى و هابقى اطمنك فى التليفون كل شوية

و بعد محاولات كثيييييير سلوى اقتنعت و فعلا روحهم سيف و رجع تانى لسما

سيف بيقفل المصحف و قام قعد على كرسى جنب سرير سما و مسك ايديها و سند وشه لتحت على ايديهم و عنيه بتنزل دموع .. سما حست بدموعه .. حركت ايديها و شدت على ايد سيف اوى
سما بصوت متعب و مقطع : سي سيف
سيف بفرحة : حمد الله على السلامة يا حبيبتى .. ثوانى هنادى الدكتور (وخحرى سيف على برة )



الحلقة 13

جه الدكتور
الدكتور : حمد الله على السلامة
سما بصوت واطى : الله يسلمك
الدكتور : حاسة بايه ؟
سما : جسمى واجعنى و مكسر
الدكتور : طبيعى من اثر الخبطة بس .. انا هسيبكوا دلوقتى عن اذنكوا و ياريت متتعبهاش فى الكلام
سيف : حاضر
سيف بيمسك ايد سما و بيبوسها
سيف : حمد الله على سلمتك يا روحى .. كدة تخضونى عليكى
سما افتكرت مشهد وقفته مع انجى .. سحبت ايديها منه و بصت الناحيى التانية
سيف لفلها : سما و الله انجى هى اللى جت و الله انا مكنتش اعرف اصلا انها جاية انا اتفاجات بيها
سما : ............
سيف : سما علشان خاطرى ردى عليا ... انتى يعنى ماخدتيش بالك انى كنت واقف معاها غصب عنى ؟؟
سما : سيف انا تعبانة و مش قادرة اتكلم
سيف : هتتعبى اكتر لو فضلتى سكتة .. عاتبينى .. زعقيلى .. اعملى فيا اى حاجة بس بلاش تسكتى ..علشان خاطرى
سما : سيف هو انا ايه دورى فحياتك ؟؟ .. مجرد مراتك وخلاص ؟؟ فاكر لما قابلتنا فى المطعم و انت حتى معرفتهاش عليا غير لما هى سالتك و اللى حصل فى الجامعة مكنتش عارف تقولها سما مستنيانى و مش عايز اتأخر عليها ؟؟؟ (و ابتدت دموع سما تاخد حريتها فى النزول )
سيف عنيه دمعت و نزل على ركبه جنب السرير و مسك ايد سما : انا اسف يا سما .. انتى عندك حق بس انا مكنتش قاصد ان ازعلك او الغيكى و الله و فعلا فى الجامعة انا كنت متضايق علشان اتأخرت عليكى .. معلش يا سما سامحينى و متزعليش علشان خاطرى و الله دموعك دى غاليه عليا اوى و بتكون صعبة لما اكون انا السبب فيها
سما : .............
سيف : طيب يا رب تدوس عليا دبابة سواءها اعمى و اموت لو مصالحتنيش
سما : بعد الشر
سيف : يعنى خلاص صافى يا لبن
سما : سيف انا مش بحب القشطة ولا اللبن اصلا
سيف : اه صحيييييح مممم نخليه ميكس شوكولاته
سما : :))
سيف : ايوة كدة اضحكى ( و قام سيف باس جبينها ) ربنا يخليكى و ميحرمنيش منك ابدا

عدت الايام و سما طبعا خرجت من المشتشفى و هتفك الجبس كمان اسبوع

فىالجامعة سما خلصت محاضرتها و مستنية سيف يجي ياخدها من المدرج
جه عليها ادم
ادم : ازيك يا سما
سيف : ازيك يا ادم عامل ايه
ادم : تمام الحمد لله ايه فين سيف
سما : مش عارفة و الله اتأخر ليه و بكلمه بيقفل عليا
ادم : اهو جه اهو ... ايه يا عم كنت فين
سيف : ازيك يا ادم كنت بجيب العربية قريب بس علشان سما
ادم : ماشى يا عم .. يلا همشى انا بقى عايزين حاجة
سما : لا شكرا
سيف : يلا يا عم روح شوف حالك
ادم : ماشى يا عم متزقش يلا سلام
سما : سيف
سيف : ايون
سما : انا عايزة
سيف : اييييوة اشجينى عايزة ايييييه
سما : عايزة هوت شوكلت من كوستا
سيف رافع حاجب واحد : ايشمعنى يعنى ؟؟
سما : نفسى فيييييييه
سيف : حاضر خلاص هو انا حارمك .. يلا تعالى ورايا (ومشى سيف خطوتين و بص وراه لقى سما قاعدة مكانها )
سيف : ايييه مستنية الاتوبيس ؟
سما : ايييه انت
سيف : اه صحيييح معلش نسيت انك مسكينة و عايزة مساعدة و كدة بقى
سما : لا و الله طيب كتر خيرك و الله ما تدينى فلوس فايدى احسن
سيف : لا يا اختى كفاية اللى هدفعه فكوستا قومى قومى
سما : ههههههه ماشى يلا

سيف : حلو مش كدة
سما : اه تحفة .. تاخد ؟
سيف : لا يا حبيبتى مش عايز .. انتى عايزة حاجة تانى
سما : اه عايزة ال..
سيف : بس اسكتى خالص .. ايييييه مفيش احمر خالص دة البتاع لسة فايدك مخلصش
سما : هههههههههههه شكلك مسخرة يا سيف ههههههه
سيف : ماشى اضحكى اضحكى اما اشوف اخرتها اييييه معاكى
سما : ههههه اخرتها فل ان شاء الله

و وصلوا الفيلا و اول ما دخلوا لقوا ......


الحلقة 14

ليلى جاية بتجرى على سيف
ليلى : الحقنى يا سيف سلوى فوق مش بترد عليا و كلمتكوا موبايلاتكوا مش بترد

سيف طلع جرى على اوضة سلوى و وراه ليلى و سما واقفة مش عارفة تتحرك من الجبس قعدت مكانها تعيط

سيف بيخبط على وش سلوى
سيف : خالتو خالتو ردى عليا خالتووو .. انا هاروح اكلم الدكتور
نزل سيف كلم الدكتور و بعد ما اقفل سمع صوت عياط افتكر سما و انها متجبسة جرى عليها
سيف : سما متخافيش يا حبيبتى
سما : سيف ماما مالها قولى علشان خاطرى
سيف : اهدى يا حبيبتى بس ... خالتو هتبقى كويسة ان شاء الله متخافيش
سما بتحاول تقوم : طيب طلعنى ليها
سيف : طيب استنى بس الدكتور وصل اهو هنطلع كلنا مع بعض

ليلى : ها يا دكتور طمنى
الدكتور : خير الحمد لله هى بس ضغطها على شويه فاغمى عليها و انا اديتها حقنة و هتبقى كويسة و هتفوق دلوقتى ان شاء الله
سلوى : شكرا اوى يا دكتور تعبناك .. سييييف وصل الدكتور
سما : خالتو انا هادخل اوضتى شوية و اول ما.ماما تفوق اندهيلى بالله عليكى
سلوى : ماشى يا حبيبتى ادخلى ريحى رجلك انتى شوية انتى واقفة عليها من الصبح

دخلت سما اوضتها و سيف طلع
سيف : ايه الاخبار
ليلى : الحمد لله
سيف : فين سما ؟؟
ليلى : دخلت تريح شوية
سيف : ماشى و انا كمان داخل اريح شوية
ليلى : ماشى يا حبيبى

سيف معدى قدام اوضة سما سمع صوت .. رجع خطوتين عند الباب سمع صوت عياط

تك تك
سما : اييييوة
سيف بيفتح الباب و بخضة : ايه يا سما فى ايه ؟؟؟ مالك ؟؟ (و بيروح يقعد جنبها على السرير )
سما بتتعدل فى اعدتها و بتمسح دموعها : لا مفيش حاجة انا كنت خايفة على ماما بس
سيف : لا طبعا مش مصدقك فى حاجة تانية و انا متأكد
سما : لا مفيش عادى يعنى
سيف : طيب عينى فعينك كدة
سما بعدت عنيها : الله بقى يا سيف خلاص طيب
سيف : سما هو احنا بنخبى حاجة على بعض ؟؟ طيب لو مش هتحكيلى انا هتحكى لمين ؟
سما : مفيش يا سيف انا بس مخنوقة كدة و مش عارفة قلبى مقبوض ليه كدة ربنا يستر
سيف : مفيش حاجة ان شاء الله خير متقلقيش اقولك تعالى نتمشى فالجنينة شوية
سما : لا مش قادرة
سيف ؛ انا عارف كل دة من الهوت شوكلت اللى انتى لسة ضارباه دة
سما بطريقة طفولية : يا سلاااام
سيف فضل باصص ليها و ساكت
سما : ايييييه روحت فين
سيف : على فكرة يا سما انا بحبك اوى
سما : لا لا متقولهاش فجاة كدة قلبى الصغير لا يحتمل
سيف : هههههه و الله انتى مصيبة ربنا يخليكى ليا يا رب و ميحرمنيبيش منك ابداا
سما : ربنا يخلينا لبعضينا احنا الاتنين و نفضل سوى سوى لاخر العمر
سيف : ان شاء الله يا حبيبتى

تعالوا نجرى بالزمن كدة شوية
سما فكت الجبس و خلص امتحانات .. سيف اتخرج بتقدير و اتثبت فى الشغل ..

سيف : سماااااااااااااا
سما : ايوة يا سيف فى ايه ؟
سيف : تعالى اقعدى عايزك
سما : خير فى ايه ؟
سما : انا عايز نتجوز .. قولتى ايه ؟

ها ايييييييه رايكوا ؟؟
سما هتوافق ولا ايييه ؟


الحلقة 15

سيف : انا عايز نتجوز .. قولتى ايه ؟
سما : نتجوز !!!!
سيف : ايه الغريب فكدة ؟؟
سما : مفيش غريب بس ليه الاستعجال دة ؟
سيف : استعجال ايه ؟؟؟ (سيف يعصبيه )
فى ايه يا سما مالك هو انتى شوية تقوليلى استعجال و ساعة كتب الكتاب تقوليلى خايفة نتسرع انا مش فهمك بصراحة
سما : ...........
سيف : افهم ايه من سكوتك دة
سما قامت وقفت و بدموع : انا فعلا اتسرعت لما وافقت على كتب كتابنا
(و سبته وسما و جريت على اوضتها )
الكلمة وقعت على سيف زى الصاعقة .. وجعته اوى .. مكنش متخيل ان مهما هيحصل بينهم ان سما ممكن تقول كدة

سما فى اوضتها عماله تعيط .. انا مش فاهمه ماله كل حاجة بياخدها بعصبية ليه كدة .. قولتله 100 مرة انا مبحبش العصبية فى الكلام .. يا رب ارحمنى برحمتك

تك تك تك
سما بصوت عالى : مش عايزة اشوف حد
سلوى : افتحى يا سما
سما : سيبينى يا ماما لو سمحتى دلوقتى

عدى اليوم كله و سما فاوضتها مش عايزة تكلم حد .. قامت سما الفجر بعد ما كان غلبها النوم من كتر العياط .. صلت و دعت ربها .. و نزلت الجنينة

سيف خلص صلاه و طلع بلكونة اوضته شاف سما قاعدة لوحدها بتاكل لانها كانت جعانة طبعا .. نزلها جرى

سيف : سما
سما شافته سابته و قامت من غير ولا كلمة
سيف مسكها من دراعها : انتى رايحة فين انا مش بكلمك ؟
سما : سيب دراعى يا سيف ولا هتضربنى كمان ماهو اصل دة اللى ناقص
سيف ساب دراعها : انا اسف
سما : على ايه ؟
سيف : ....
سما : عن اذنك و سبته و مشيت
سيف : مش هتكملى اكل طيب
سما وقفت و بصتله : مليش نفس و كملت طريقها على فوق

عدى 3 ايام و الحال هو نفس الحال
سما حابسة نفسها فاوضتها مش بتخرج خالص و مش بتروح الجامعة كمان

سيف عنده اكتئاب ان سما مش عايزة تتكلم معاه خالص و اخد اجازة من الشغل مفتوحة

سلوى و ليلى بيحاولوا مع سما بس مفيش فايدة خاااااالص

سما قايمة من على السرير .. داخت وقعت على الارض

سيف فاوضته بيكلم نفسه ( اقوم احاول اكلمها تانى ... ايوة قوم .. ما انا حاولت كتير و مفيش فايدة .. معلش جرب تانى .. ماشى بس مش دلوقتى )

سلوى : سما .. يا سما افتحى يا بنتى بقى سما .. (سلوى بتحاول تفتح الباب مش بيتفتح ) يا سما سما ردى عليا سما .. يا سييييييييف تعالى بسرعة
جه سيف جرى : فى ايه يا خلتو
سلوى : سما مش بترد عليا .. اكسرلى الباااب دة
سيف ضرب الباب بكتفه و دخلوا لقوا سما على الارض
سلوى : بنتى
سيف شال سما و حاطها على السرير .. بيحاول يفوقها مبتفوقش
سيف بزعيق : كلموا الدكتور بسرعة .. سما سما فوقى علشان خاطرى و الله ما هزعلك تانى .. بس علشان خاطرى فوقى و كلمينى .. سما
ليلى : الدكتور وصل

لازم ننقلها المستشفى .. لازم يتركبلها محاليل .. لانها عندها هبوط فى الدم واضح انها مكنتش بتاكل الفترة الاخيرة كويس

فى المستشفى
سما نايمة على السرير و متركبلها محاليل فى ايديها ..
سلوى و ليلى و سيف قاعدين حواليها

بعد فترة.. سما بتفوق
سما بصوت تعبان : ان.. انا في ..يين
سيف : سما حبيبتى حمد الله على السلامة .. حرام عليكى اللى انتى عاملاه فينا دة كدة يا سما تقلقينا عليكى كدة
سما : اب.. ابعد عنى يا سيف لو لو سسمحت
سيف : كدة يا سما هونت عليكى متكلمنيش كل دة يا سما
سما : ......... انا تعبانة و مش قادرة اتكلم لو سمحت
سيف : ماشى يا سما اللى يريحك
سلوى : حمد الله على السلامة يا حبيبتى
سما :

الدكتور دخل : عاملة ايه دلوقتى
سما : احسن الحمد لله .. هو انا هاخرج امتى
الدكتور : او ما المحاليل دى تخلص تقدرى تروحى
سما : ماشى

فى الفيلا رجعت سما
سلوى بتساعدها تقعد فسريرها
سيف و ليلى واقفين
سلوى : انا هانزل اعملك حاجة تاكليها
سما : ماشى
ليلى : خودينى معاكى يا سلوى
(خرجوا الاختين )

سيف : احم سما
سما بصاله و ساكته
سيف : انا اسف
سما : متتاسفش يا باشمهندس دى غلطتى انا
سيف : اللى هى ايه ؟
سما : سيف ممكن اطلب منك طلب
سيف :اتفضلى
سما بعدت وشها عنه : ........... طلقنى


الحلقه 16

سما : ....... طلقنى
سيف قام بعصبية : اطلقك ؟!! انتى اتجننتى يا سما ؟؟؟ ...انتى قدرتى تقوليها ازاى اصلا ... انتى خلاص مش طبيعية .. و من الواضح انى دلعتك كتيييير اووووى بس خلاص يا سما من هنا و رايح هتشوفى معاملة تانية خااااااالص غير بتاعة زمان و هتشوفى سيف تانى غير اللى تغرفيه يا سما و علشان تبقى عارفة نفيش مرواح الجامعة غير على الامتحانات و محاضراتك انا هاجيبها من ادهم ( و بنيرة اهدى )
و خليكى فكرة يا سما ان انتى اللى بداتى

و فتح الباب بعصبية و خرج من الاوضة و سلوى كانت جاية و معاها صنية الاكل لسما

سلوى : فى ايه يا سيف مالك؟
سيف : بنتك عايزة تطلق يا خالتو
سلوى سابت الصنية من ايديها و داخت و كانت هتقع
سلوى : الحقنى يا سيف
جرى عليها سيف بعد ما كان مشى خطوتين
و سندها لغاية اوضتها

سيف : احسن دلوقتى ؟
سلوى : اه الحمد لله .. اقفل يا سيف الباب و تعالى عايزاك
سيف : خير يا خالتو
سلوى : سيف هقولك حاجة بس اوعدنى محدش يعرف خالص
سيف : خير يا خالتو قلقتينى
سلوى : ........
سيف : يا خالتو اتكلمى ابوس ايدك انا مش ناقص
سلوى : بص يا سيف انا عندى مرض الدكاترة كلهم مش عارفينله علاج المرض دة بيظهر واحد فى المليون .. المرض دة بيفضل كدة لغاية ما المريض يموت
سيف 0.0 : بعد الشر عليكى يا خالتو طيب ما احنا ممكن نسافر برة اكيد هنلاقى علاج
سلوى : لا مش مهم انا راضية بقضاء ربنا الحمد لله بس اهم حاجة اوعدنى يا سيف ان مهما حصل بينكوا متسيبش سما ابدا و سيبك من كلامها دة دى مش فاهمة هى بتقول ايه
سيف بعد تنهيدة : متخافيش يا خالتو انا اصلا مقدرش استغنى عن سما و اذا كنت هشد عليها شوية فدة علشان تعرف ان مهما كان انا جوزها و ان كلمة الطلاق دى ماينفعش تبقى حل لاى خلاف ولا مشكلة بينى و بينها
سلوى : ربنا يخليكوا لبعض يا حبييى و يهدى سركوا يا رب
سيف : امين يا رب و برضو هنشوف موضوع علاجك دة و هيكون سر بينى و بينك
سلوى : ماشى يا حبيبى ربنا يسهل ... يلا انا قايمة لسما اشوف الجنان اللى هى فيه دة

سلوى عند سما فى الاوضة
سلوى : انتى بتعيطى ليه دلوقتى
سيف : انتى مشوفتيش كان بيزعقلى ازاى
سلوى : يعنى تقوليله طلقنى و عايزاه يطبطب عليكى يا سما و بعدين طلاق ايه دة اللى انتى عايزاه ايه الجنان دة
سما : حتى انتى يا ماما معاه
سلوى : انا مش مع حد بس هو عنده حق انتى بقيتى غريبة اوى بصراحة يا سما .. شوفى يا بنتى انا مش هدخل بينكوا وهسيبكوا تحلوا مشاكلكوا مع بعض بس كلمة طلاق دى مش عايزة اسمعها خالص انتى فاهمة ؟
سما : ............
سلوى : ردى عليا فاهمه ولا مش فاهمة سما : حاضر يا ماما حاضر


الحلقة 17

عدى اسبوع و الوضع على ما هو عليه
سما معظم الوقت فاوضتها
سيف و سما متجنبين بعض دايما
الكلام بينهم فى حدووود

تك تك تك
سما : ادخل
سيف دخل و بيحط ورق على المكتب : محاضراتك صورتهالك من ادم يا ريت تشدى حيلك شوية فى المذاكرة علشان امتحاناتك فاضل عليها اسبوع و لو مفهيمتيش حاجة ابقى تعاليلى اشرحهالك
سيف خارج من الاوضة و مستناش رد سما
سما : سيف
وقف سيف و بصلها من غير كلام .. شاف دموع فى عنيها .. عارف انه قلبه هيضعف لو وقف اكتر من كدة قدام دموعها .. سابها و خرج من غييير كلام

سما : ماما
سلوى : ايوة يا سما.. ايه ده انتى لابسة كدة و رايحة فين ؟
سما : هاروح اذاكر فى النادى شوية
سلوى : ايشمعنى يعنى
سما : زهقانه يا ماما و هاروح اغير جو شوية ممكن؟
سلوى : قولتى لجوزك ؟
سما : ............
سلوى : انا ماليش دعوة روحى قولى لسيف

تك تك تك
سيف : ايوة ادخل
سما بتفتح الباب براحة سيف بيبص على لبسها من فوق لتحت
سيف : انتى رايحة فين ؟
سما : جاية استأذنك اروح اذاكر فى النادى شوية علشان زهقانة
سيف : جاية تستأذنى بعد ما لبستى و جهزتتى
سما : .........
سيف : روحى غيرى مفيش خروج
سما : لو سمحت
سيف : قولت لا
سما : هو انا محبوسة
سيف : لا بس انا مليش مزاج انزل و اكيد مش هتنزلى لوحدك
سما : ........... و خرجت

سيف : مش هينفع معاكى غير كدة يا سما .. انا دلعتك كتييييير ولازم تتعدلى بقى

سما : هو بيعمل معايا كدة ليه ؟ ... كل دة علشان كنت عايزه اطلق ؟؟ اصلا انا كنت بقول كدة و خلاص .. اصلا سيف دة حب عمرى .. ازاى يصدق انى ممكن اتخلى عنه بالسهولة دى ... يا رب بقى خليك معايا

سيف بيدخل عند سما
سيف : بتعملى ايه
سما بتمسح دموعها : ولا حاجة
سيف : طيب قومى انزلى كلى معانا انتى مكلتيش من امبارح
سما : ماليش نفس
سيف : يلا يا سما مش هتحايل عليكى
سما : مش عايزة
سيف : انا مستنيكى تحت .. وخرج وقفل الباب
سما : اووووووف انا حاسة انى فسجن يل رب ارحمنى

على السفرة
سلوى و ليبى هلصوا اكل و قاموا
سما قاعدة بتلعب فى الطبق بالمعلقة و مش بتاكل
سيف : مبتاكليش ليه
سما و هى بتقوم : شبعت
سيف : اقعدى كلى مش ناقصين تقعى من طولك تانى وانتى داخلة على امتحانات
سما قعدت و بدات تاكل غصب عنها

تانى يوم
سما بتذاكر
اوف انا مش فاهمة حاجى فام المادة دى .. اروح لسيف .. هروحله و امرى لله

تك تك.تك
سيف: ادخل
سما : ممكن تشرحلى حاجة
سيف : تعالى اقعدى

اثناء المذاكرة
سما باصة لسيف و مش مركزة فكلامه خالص (يااااه يا سيف حتى فطريقة مذاكرتك ليا اتغيرت .. انا مشوفتش ابتسامتك من اول القاعدة .. ايه اللى انا عملته فنفسى دة بس يا ربى )
سيف بيرفع وشه من الكتاب عينه اتقابلت مع عيون سما (يااااه وحشتينى اوى و وحشتنى عنيكى .. ليه يا سما كدة ليه بس )
سيف : احم سرحتى منى طبعا
سما : ها لا لا معاك
سيف : طيب قولى اللى كنت بقوله يلا
سما : ..........
سيف : ركزى معايا شوية و متسرحيش تانى
سما حاضر


الحلقة 18

عدت الايام .. انهاردة اول يوم امتحانات لسما ...
سيف : هتخلصى على امتى ؟
سما : يعنى ساعتين كدة
سيف : ماشى هروح الشغل شوية و اجيلك اخدك
سما : ماشى ...
سيف : يلا انزلى مستنية ايه
سما بتفتح الباب : سلام
سيف : سلام

سما داخله الجامعة دموعها فعنيها
(هونت عليك يا سيف كل دة تعاملنى كدة .. عارفة انى غلط بس عقابك قاسى عليا اوى و مش قادرة استحمله خلاص تعبت ... كنت مستنياك تطمنى يا سيف علشان الامتحان .. كنت مستنية اسمع منك اى حاجة ... يا رب بقى عدى الايام دى على خير )

ادم جاى فوشها
ادم : ايه دة مالك فى ايه ؟؟!!!
سما : مفيش حاجة يا ادم
ادم : طيب خلاص مش عايز اعرف بس اهدى كدة علشان تعرفى تحلى كويس
سما : ماشى يلا علشان منتأخرش

سيف فى عربيته .. واقف فى اشارة .. شريط حياته مع سما بيمر قدام عنيه من و هما صغيريين .. فاق على صوت الكلكسات .. الاشارة فتحت
(كنت عارف يا سما انك مستنية منى اى كلام اطمنك بيه زى ما بعمل .. بس انا اسف .. و الله بعمل كدة علشنا مصلحتنا احنا الاتنين و علشان نفضل مع بعض .. عارف انى شديت عليكى كتير و عارف ان كفايه عليكى كدة بس هانت يا سما )

سما خلصت امتحان
ادم : ها ايه الاخبار
سما بحزن واضح : الحمد لله و انت ؟
ادم : تمام .. تعالى اوصلك
سما : لا ادم جايلى .. هروح استناه بره .
ادم : طيب يلا انا جاى معاكى بقالى كتير مشوفتوش
سما : ماشى يلا

سيف وصل .. نزل سلم على ادم و بعدين مشى هو و سما
الجو العام فى العربية صمت .. سيف قطعه
سيف : عملتى ايه؟
سما بصوت مخنوق : كويس
سما مش قادرة تمسك دموعها اكتر من كدة .. و فجاة انفجرت فى العياط .. سيف اتخض
سيف : ايه دة فى ايه ؟ .. بتعيطى ليه ؟
سما : عيييييييياط
سيف بعصبية و خضة : بقولك ردى عليا فى ايه مالك ؟ .. ايه اللى حصل؟؟
سما بزعيق و صوت عالى : حرام عليك بقى ارحمنى .. يعنى انت مش عارف فيه .. هو انا ايه مبصعبش عليك ابدا .. قلبك بقى قاسى كدة امتى و ازاى ؟؟؟ ازاى بتتعامل معايا ببرود كدة .... انا مش مصدقة ان انت سيف اللى اعرفه من يوم ما اتولدت .. حرام عليك انا تعبت تعبت .. تعبت من كل حاجة .. من معاملتك و اسلوبك ليا كانى ماعنيش ليك اى حاجة و من قسوة قلبك دى .. ارحمنى بقى ارحمنى دة انا لو بشتغل عندك مش هتعاملنى كدة يا سيف حرام عليك .. دموعى اللى مكنتش بتفارق عينى دى مكانتش بتوجعك ؟.. عارف انى مكنتش بنام و بتسنع صوت عياطى طول الليل ..كل دة كان عادى بالنسبة ليك ؟ .. عارفة انى اتنيلت غلط .. بس دة ربنا بيسامح انت مش قادر تسامحنى على غلطة مكونتش عارفة عواقبها و الله حرام عليك .. الله يسامحك على اللى انت عامله فيا كل الفترة دى بجد (عييييييييياط )

سيف عنيه دمعت مش قادر يشوف سما فى الحاله دى بسببه .. لاول مرة يحس بجد انه قسى اوى على سما الفترة اللى فاتت .. سما بنته قبا ما تكون حبيبته .. هو اللى مربيها تقريبا بعد وفاة باباها
سيف : ................. (مش عارف يقول ايه )
وصلوا الفيلا .. طلع كل واحد على الوضة بتاعته ..

سما فضلت تعيط لغاية ما نامت ...
سيف عمال يفكر المفروض يعمل ايه .. حاسس ان دماغه اتشلت و مش عارف يفكر ..قام راح اوضة سما .. لقاها نايمة اخد كرسى المكتب و قعد جنب السرير و فضل باصص لها .. عدى ساعة .. سما بتصحى .. بتفتح عنيها .. لقت سيف .. قامت اتعدلت فى قعدتها
سيف : .............
سما : ..............
سيف : سما انا ....
سما : متقولش حاجة يا سيف .... و اسفة على اللى حصل فى العربية كان غصب عنى بس دة كان نتيجة متوقعة انى انفجر كدة من كتر الضغط اللى عليا .. و اسفة كمان انى فى يوم من الايام طلبت منك الطلاق و اوعدك انها مش هتتكرر تانى .....
سيف : ماشى .. حصل خير الحمد لله .. انتى كويسة دلوقتى
سما : اه تمام .. سيف
سيف : ايوة
سما : اوعدنى انك متقساش عليا كدة تانى
سيف : حاضر يا سما .. اوعدك


الحلقة 19

عدت الايام و سيف و سما بداوا يرجعوا زى الاول .. سما خلصت امتحانات و نجحت .. سلوى بتزيد فى المرض و مش عايزة تتعالج ... و فى يوم

سلوى : سماااا
سما : ايوة يا ماما
سلوى : بتعملى ايه؟
سما : كنت هنام
سلوى : طيب تعالى نامى فحضنى انهاردة
سما : بس كدة من عنيا (ونطت جنبها فى السرير )

تانى يوم .. سما بتفوق على ضوء داخل من الشباك .. مستغربة ان مامتها لسة نايمة .. المفروض انها بتصحى دايما بدرى

سما : ماما .. ماما يلا اصحى بقى دة الظهر قرب يأذن .. ماما (سما بعدم تصديق لاللى حصل بتهز فمامتها جامد و بدموع ) ماما لا يا ماما فوقى علشان خاطرى متسيبينييييش (سما دموعها بتزيد و صوتها بيعلى و هزها فسلوى بيزيد)
مامااأ فوقى علشان خاطرى فوقى يا مامااااااا و الله ما هزعلك تانى و هسمع كلامك على طول .. قومى بقى لو بتحبينى قووووومى
(سيف و ليلى بيدخلوا مخضوضين على صوت سما )
سيف واقف مذهول .. فهم.ان سلوى ماتت من المرض .. سما عمالة تصرخ و تعيط .. ليلى بتحاول تهديها .. سيف غطه وش سلوى
ليلى بدموع : اهدى يا حبيبتى .. مينفعش كدة .. اللى انتى بتعمليه دة حرام .. ماما دلوقتى عند اللى احن منى و منك .. ادعيلها يا بنتى ادعيلها
سما : ماما سابتنى يا خالتو .. سابتنى لوحدى يا سيييف .. (عييييييياط و فجاة سما اغم عليها)
سيف بيفوق سما : سما سما فوقى الله يرضى عليكى انا مش ناقص .. سما علشان خاطرى فوقى
(شالها سيف و دخلها اوضتها على سريرها .. و بدا يفوقها بالبرفان .. سما بدات تفوق )

سما بصوت ضعيف و دموع : ماما ماتت يا سيف .. سابتنى و ماتت انا مش قادرة يا سيف .. يا رب خدنى يا رب علشان اكون معاها يا رب خدنى
شدها سيف فى حضنه : بس يا سما متقوليش كدة حرام عليكى متقوليش كدة علشان خاطرى .. خالتو دلوقتى بين ايدين ربنا .. هو احن عليها مننا كلنا و اكيد هتبقى مبسوطة عنده اكتر .. مفيش حاجة فى ايدينا غير اننا ندعيلها ان ربنا يرحمها و يغفر لها ..
(سيف بدا يقرا قرءان فسره و هو بيطبطب على سما .. سما راحت فى النوم بين ايديه .. سيف عدلها على سريرها و غطاها و خرج )

سيف : ها يا ماما هنعمل ايه ؟
ليلى : انا كلمت الست علشان تيجى تغسلها
سيف : ماشى .. انا هاروح اكلم عمى و عم سما علشان يكونوا موجودين معايا فى الدفن .. مش هاعرف اكون لوحدى
ليلى : ماشى و انا هنا بقرا قرءان لو عايز حاجة

عدى 3 ايام العزاء .. سما مخرجتش تعزى الناس و فضلت فى اوضتها .. بدات تستوعب الموقف و ان خلاص مامتها مش معاها ... سيف على طول مع سما مش بيسيبها خالص

سيف : حبيبتى عاملة ايه انهاردة ؟
سما بحزن : الحمد لله على كل شئ .. قدر الله و ما شاء فعل
سيف : و نعم بالله .. طيب ما تيجى نقعد فى الجنينة شوية
سما : لا يا سيف مش قادرة
سيف : علشان خاطرى يا سما
و بعد محايلات و توسلات سيف .. سما نزلت معاه

سيف : ايه رايك ؟
سما : ايه ده ؟
سيف : بقالك 3 ايام مكلتيش حاجة .. هناكل مع بعض و ممنوع الرفض
سما بحزن : ماشى

تعالوا بقى نجرى بالزمن شوية كدة
عدى سنتين على وفاة سلوى .. سما رجعت لحياتها الطبيعية .. خلصت امتحانات سنة تالتة و نجحت بتقدير عالى

سيف و سما قاعدين فى كافيه
سيف : بقولك ايه يا سوسو
سما : خيييييير مش بقلق انا غير من سوسو دى
سيف : لا لا متقلقيش .. احم انا بقول كفاية كدة ونتجوز بقى
سما : ....
سيف : فهمت انا ايه من الضحكة دى ؟
سما : تفهم انى موافقة
سيف بفرحة : ايه دة بجد ؟؟ اخييييييييرا بجد مش مصدق طيب احلفى كدة .. و اﻷه ما مصدق
سما : استنى بس
سيف : فى ايييييه
سما : هنعيش مع خالتو علشان مش هنسيبها لوحدها فى الفيلا
سيف : حبيبتى ربنا يخليكى ليا انا كنت هقولك كدة برضو
سما : حبيبى من غير ما تقول .. دى امى التانية ( وافتكرت سما مامتها و كانت هتعيط .. بس محبتش تضيع فرحة سيف )
سيف : ايه يا حبيبتى روحتى فييين ؟؟
سما : معاك يا حبيبى و هنفضل مع بعض طوووول العمر و مش هيفرقنا الا الموت
سيف : حبيبتى ربنا يخليكى ليا يا قلبى .. بحبك بحبك بحبييييك و بموووت فيكى كمان
سما : و انا كمان اوى بقى
سيف : انتى كمان ايييه ؟
سما : بحبك بحبك بحبيييييك و بموووت فيك كمان



الحلقة 20 و الاخييييرة

سما و سيف بلغوا ليلى بقرارهم و هى فرحتلهم اوى و موافقة طبعا و مبسوطة انهم هيقعدوا معاها ..

يوم الفرح
سما و ليلى وقرايبهم البنات فى الكوافير ..
سما خلصت و عملت الميك اب و كله تمام .. افتكرت مامتها
سما بدموع : كان نفسى ماما تكون معايا اوى يا خالتو
ليلى : حبييتى اكيد ماما فرحانة بيكى اوى دلوقتى .. متعيطيش بقى و تزعليها و كمان علشان الميك مش يبوظ
سما : حاضر يا خالتو .. خلاص اهو
ليلى : يلا بقى علشان سيف جه
سما : حاضر يلا

سما خارجة من الكوافير كان شكلها امور اوى و الميك اب بتاعها خفيف و لايق عليها .. سيف بيقرب منها .. بيبوس راسها و بيحط دراعها جوة دراعه و بيمشوا لغاية العربية ..
ركب سيف سما و لف وركب جنبها .. و سيف اللى كان سايق و سما جنبه

سيف : سما انهاردة اسعد يوم فى حياتى بجد .. انا مبسوط بيكى اوى
سما : وانا كمان يا سيف مبسوطة اوى اوى و مش مصدقة ان انهاردة فرحنا بجد
سيف : انا حاسس انى انا طااااير
سما : يا مجنون بص قدامك انت كدة هطيرنا على القصر العينى

وصلوا الفندق .. خلصت الزفة .. دخلوا القاعة .. بيرقصوا سلو على اغنية (سيبى روحك و ارقصى )

فى نص الاغنية .. سيف بيشد سما من وسطها اوى عليه ..

سيف : بحبك
سما : بموت فيييك
سيف : بعشقك
سما : انا اكتر
سيف : ربنا يخليكى ليا .. اوعدك انى عمرى ما هزعلك ابدا ابدا و هخليكى مبسوطة دايما يا سما
سما : وانا كمان .. ربنا يقدرنى على انى اسعدك طول حياتنا مع بعض

(خلصت الاغنية .. و بداوا الشباب يخدوا جنب و البنات كذلك و بداوا فى التهييص و الرقص ..)

خلص الفرح و.عند الفيلا .. الكل بيسلم على سما و سيف و بيباركولهم و اولهم محمود و خطيبته طبعا ؛) و ادم كمان .. وخلص اليوم .. و طلعوا سما و سيف اوضتهم و ليلى اوضتها

سيف : سما
سما مكسوفة : نعم
سيف : عايزين نتوضى و نصلى ركعتين لربنا علشان نبدا حياتنا على طاعته و رضاه
سما : حاضر

تانى يوم بقى .. سما لسة نايمة .. سيف داخل الاوضة و معاه صنيه الفطار
سيف : اصحى يا نايم .. صباحية مباركة يا عروسة
سما بتفوق على صوته : سييف
سيف : صباح الفل على احلى بنت فى مصر كلها
سما : صباح النور يا حبيبى .. ايه دة ؟
سيف : هذا فطارك يا اميرتى .. بس متخديش على كدة ها
سما : هههه ماشى ماشى و انت خارج من سبيس تون كدة .. هات يلا علشان جعانه
سيف : سبيس تون ؟؟ انسى خلاص هافطر لوحدى
سما : كدة
سيف : خلاص خلاص فكى بوزك دة و يلا ناكل سوا سوا
سما : تؤتؤ اكلنى
سيف : نعم يا روحى ؟
سما : ايه يا سيف اكلنى الله فيها ايه يعنى .. يعنى لو مدلعتش عليك هدلع على مين يعنى ؟؟
سيف : عليا يا حبيبتى ادلعى ولا يهمك .. ما انا خلاص اتدبست
سما : بتقول ايه ؟
سيف : مفيش يا قلبى .. بقولك افتحى بوءك

ليلى و سما و سيف قاعدين مع بعض
ليلى : هتسافروا امتى ؟
سيف : كمان يومين كدة .. ما تيجى معانا يا ماما بدل ما تقعدى لوحدك
سما : اه يا خالتو تعالى معانا
ليلى : لا يا حبايبى روحوا انتوا و اتبسطوا انا ماليش فى الحاجات دى
سيف : ماشى يا ماما اللى يريحك

عدى شهوووووووور
سيف داخل على سما الاوضة
سيف : سما انتى لسة نايمة ؟
سما : مش قادرة اقوم يا سيف كسلانة اوى بقالى كام يوم مش عارفة ايه دة
سيف : طيب معلش قومى بس كلى اى حاجة معايا يلا
سما : لا لا انا كل ما اشم ريحة اكل معدتى تتقلب شكلى واخدة برد
سيف : ممم طيب قومى تعالى ننزل الجنينة شوية
سما : ماشى هات ايدك بقى
سما بتقوم من على السرير .. داخت و قعدت على السرير تانى
سيف : ايه يا بنتى مالك ؟
سما : دايخة يا سيف مش قادرة
سيف : طيب ارتاحى كدة وانا هروح اكلم الدكتور .. الموضوع كدة مش طبيعى
سما : ماشى

الدكتور : متقلقوش يا جماعة .. دة طبيعى ..لان المدام حامل الف مبروك
سيف بفرحة : بجد يا دكتور
الدكتور : اه يا سيدى شوفت هتبقى اب
سيف : الحمد لله الحمد لله .. اتفضل يا دكتور اتفضل (سيف وصل الدكتور و رجع لسما و قعد جنبها)
سيف بييوس ايديها : مبروك يا حبيبتى
سما : الله يبارك فيك يا حبيبى .. انا مبسوطة اوى يا سيف بجد
ليلى : ربنا يسعدكوا يا رب و يرزقكوا الذرية الصالحة
سيف /سما : امييين

عدى 7 شهور .. سما بطنها بتكبر .. ادم خطب بنت عم سما .. محمود و نورهان كتبوا كتابهم

فى يوم سما بتصحى سيف الفجر
سما : سيف سيف (بتهزه جامد ) سيييييف
سيف قام فتح الاباجورة : ايه يا سما مالك ؟
سما بتصرخ : الحقنى يا سييف مش قادرة .. شكلى هولد فى السابع الحقنى يا سييييييف

فى المستشفى
الدكتور خارج من اوضة العمليات
سيف : طمنى يا دكتور الله يخليك
الدكتور : متقلقش هى حالتها مستقرة و جابتلك بنوتة زى القمر ربنا يخيليهالكوا
ليلى : و البيبى يا دكتور
الدكتور : كويسة و مش محتاجة حضانة و دى مش بتحصل كتير ان البيبى نموه يكمل قى السابع
سيف / ليلى : الحمد لله
سيف : ممكن اشوفها
الدكتور : اه اكيد هى هتتنقل غرفة عاديه دلوقتى .. عن اذنكوا
سيف : اتفضل

فى الغرفة
سيف : حمد الله على السلامة يا حبيبتى
سما بصوت ضعيف : الله يسلمك يا حبيبى شوفت البنت ؟
سيف : اه يا حبيبتى .. زى القمر طالعة لمامتها
سما : ربنا يخليك ليا

تك تك تك
ليلى بتدخل : البسى الطرحة علشان ادم و بسمة (خطيبته ) داخلين
(سما لبست الطرحة )
ادم : السلام عليكم
الكل : وعليكم السلام و رحمة الله و بركاته
ادم : حمد الله على السلامة يا سما
سما : ميرسى يا ادم الله يسلمك
بسمة : حمد الله على السلامة يا سوسو
سما : الله يسلمك يا حبيبتى .. عقبالك
سيف : انتوا هتتجوزوا امتى يا ابنى خلينا نخلص بقى
ادم : يا ابنى هو انا قاعد فوق دماغك .. على العموم قريب ان شاء الله
سما : ماما انا عايزة البنت انا مشوفتهاش لغاية دلوقتى
ليلى بتجيب البنت من السرير : اهى يا حبيبتى .. هتسموها ايه بقى ؟
سما : مش عارفة ايه رأيك يا سيف فى اسم نغم ؟؟
سيف : حلو يا حبيبتى .. الخيرة فيما اختاره الله
ادم : يلا يا سيف ضم كدة على سما و نغم علشان اصوركوا بالكاميرا البروفيشنال الجديدة بتاعتى .. انتوا اول صورة على فكرة اصورها بيها
سيف : ماشى يا سيدى كتر خيرك و الله مش عارفين نشكرك ازاى
ادم : يا عم انجز بقى و بطل رغى
سيف : ماشى يا سيدى اهو متزوقش بس

(وقعد سيف جنب سما و لف دراعه حوليها و سما ماسكة نغم بينهم هما الاتنين )

و توووتة توتة .. خلصت الحدوووتة .. حلوة ولا ملتوتة ؟؟

توضييييييييح (يا ريت متكسلوش تقراوووه )

قصة (حب عمرى ) انا مكنتش كاتباها مجرد قصة رومانسية و خلاص انا كنت عايزة اوصل حاجتين

اول حاجة :
ان فترة الخطوبة مش زى كتب الكتاب .. يعنى مينفعش يمسك ايدك .. مينفعش يحط ايده على كتفك علشان بيدفيكى .. مينفعش طول النهار و الليل عمالين تقولوا فى كلام حب و عشاق لبعض .. مينفعش تخرجكوا لوحدكوا لازم يبقى معاكوا محرم .. لان هو غريب عنك لغاية دلوقتى و لان كدة حرام شرعا طبعا .. الكلام دة كله بيكون بعد كتب الكتاب مش قبله .. و دة اللى انا بينته فى حياة سيف و سما قبل كتب الكتاب كانوا بيعملوا كل دة .. بس لما سيف عرف انه حرام حياتهم اتغيرت 180 درجة و لما كتبوا الكتاب عملوا و قالوا كل حاجة و كل اللى نفسهم فيه فى الحلاااااااال ..

تانى حاجة :
ان مينفعش كلمة الطلاق تكون لبانة فى الفم ( اسفة على التعبير ) مع كل مشكلة تكون هى سلاح الزوجة اللى بيطلع .. لان مش كل الازواج زى سيف و هيعرفوا يتعاملوا كدة مع الكلمة .. معظم الوقت الموضوع بيتم فعلا .. و عواقبه بتكون فظييييعة .. و بالذات لما يكون فى اطفال بينهم ...

يارب اكون عرفت اوضح وجه نظرة و تكونوا استفدتوا

اتمنى تكون القصه عجبتكوا .. و استفدتوا منها اى حاجة .. و ياريت متبخلوش عليا برايكوا فى القصة فى كومنت
‏‎

  • Blogger Comments
  • Facebook Comments

0 التعليقات:

إرسال تعليق

تعليقك يحمسنا على استمرار نشر القصص

Item Reviewed: حب عمرى من اجمل القصص الرومانسية Rating: 5 Reviewed By: AHMED Channel